ਚੰਡੀਗੜ੍ਹ: ਪੰਜਾਬੀ ਦੀ ਖੂਬਸੂਰਤ ਅਦਾਕਾਰਾ ਨੀਰੂ ਬਾਜਵਾ ਇੰਨੀਂ ਦਿਨੀਂ ਫਿਲਮ 'ਕਲੀ ਜੋਟਾ' ਦੀ ਸਫ਼ਲਤਾ ਦਾ ਆਨੰਦ ਮਾਣ ਰਹੀ ਹੈ ਅਤੇ ਹੁਣ ਅਦਾਕਾਰਾ ਨੇ ਪ੍ਰਸ਼ੰਸਕਾਂ ਨੂੰ ਇੱਕ ਹੋਰ ਤੋਹਫ਼ਾ ਦਿੱਤਾ ਹੈ, ਜੀ ਹਾਂ...ਪਾਲੀਵੁੱਡ ਦੇ ਨਾਲ-ਨਾਲ ਹੁਣ ਅਦਾਕਾਰਾ ਹਾਲੀਵੁੱਡ ਵਿੱਚ ਵੀ ਝੰਡੇ ਗੱਡਣ ਲਈ ਤਿਆਰ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਹੁਣ ਨੀਰੂ ਬਾਜਵਾ ਦੀ ਪਹਿਲੀ ਹਾਲੀਵੁੱਡ ਫੀਚਰ ਫਿਲਮ 'ਵੌਟ ਲਾਈਵਜ਼ ਇਨਸਾਈਡ' ਇਸ ਸਾਲ ਦੇ ਅੰਤ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ।
- " class="align-text-top noRightClick twitterSection" data="
">
ਆਪਣੀ ਹਾਲੀਵੁੱਡ ਫਿਲਮਾਂ ਬਾਰੇ ਬੋਲਦੇ ਹੋਏ ਨੀਰੂ ਬਾਜਵਾ ਨੇ ਕਿਹਾ ਕਿ ਕਿਵੇਂ ਉਸਨੇ ਹਮੇਸ਼ਾ ਇਹ ਚਾਹਿਆ ਹੈ ਕਿ ਉਹ ਇੱਕ ਹਾਲੀਵੁੱਡ ਫ਼ਿਲਮ ਕਰੇ ਅਤੇ ਕਿਸ ਤਰ੍ਹਾਂ ਉਹ ਵੈਨਕੂਵਰ ਦੀ ਸਭ ਤੋਂ ਵੱਡੀ ਏਜੰਸੀ ਨਾਲ ਜੁੜੇ। ਆਪਣੀ ਪਹਿਲੀ ਹਾਲੀਵੁੱਡ ਫਿਲਮ ਦਾ ਜ਼ਿਕਰ ਕਰਦੇ ਹੋਏ ਨੀਰੂ ਕਿਹਾ ਕਿ 'What Lives Inside' ਮੇਰੀ ਪਹਿਲੀ ਫੀਚਰ ਫਿਲਮ ਹੈ। ਫਿਲਮ ਨੂੰ ਨਿਓਨ ਦੁਆਰਾ ਪੇਸ਼ ਕੀਤਾ ਜਾਵੇਗਾ ਅਤੇ ਭੀਸ਼ਾਲ ਦੱਤਾ ਦੁਆਰਾ ਨਿਰਦੇਸ਼ਨ ਕੀਤੀ ਜਾ ਰਹੀ ਇਸ ਫਿਲਮ ਨੂੰ ਲੈ ਕੇ ਮੈਂ ਬਹੁਤ ਜੋਸ਼ ਵਿੱਚ ਹਾਂ”
ਖੇਤਰੀ ਫਿਲਮਾਂ ਬਾਰੇ ਨੀਰੂ ਬਾਜਵਾ: ਇਸ ਦੇ ਨਾਲ ਹੀ ਖੇਤਰੀ ਫਿਲਮਾਂ ਬਾਰੇ ਬੋਲਦੇ ਹੋਏ ਨੀਰੂ ਨੇ ਕਿਹਾ ਕਿ ' ਮੈਨੂੰ ਪਤਾ ਹੈ ਕਿ ਆਸਕਰ ਲਈ ਨਾਮਜ਼ਦਗੀ ਦੀ ਪ੍ਰਕਿਰਿਆ ਕੀ ਹੈ। ਹਾਲਾਂਕਿ ਮੈਂ ਇੱਕ ਅਦਾਕਾਰਾ ਅਤੇ ਇੱਕ ਫਿਲਮ ਨਿਰਮਾਤਾ ਦੋਵੇਂ ਹਾਂ ਅਤੇ ਮੇਰੇ ਲਈ ਫਿਲਮ ਦੀ ਸਮੱਗਰੀ, ਸੰਦੇਸ਼ ਅਤੇ ਇਸ ਨੂੰ ਪੇਸ਼ ਕਰਨ ਦਾ ਤਰੀਕਾ ਬਹੁਤ ਮਹੱਤਵ ਰੱਖਦਾ ਹੈ। ਇਸ ਅਰਥ ਵਿਚ ਮੇਰਾ ਮੰਨਣਾ ਹੈ ਕਿ ਪੰਜਾਬ, ਦੱਖਣ, ਬੰਗਾਲ ਅਤੇ ਹੋਰ ਬਹੁਤ ਸਾਰੀਆਂ ਖੇਤਰੀ ਫਿਲਮਾਂ ਹਨ ਜੋ ਨਿਸ਼ਚਤ ਤੌਰ 'ਤੇ ਅਵਾਰਡਾਂ ਦੇ ਮੌਕੇ ਦੀਆਂ ਹੱਕਦਾਰ ਹਨ।
'ਕਲੀ ਜੋਟਾ' ਫੇਮ ਨੇ ਅੱਗੇ ਬੋਲਦਿਆ ਕਿਹਾ ਕਿ 'ਮੇਰਾ ਅੰਦਾਜ਼ਾ ਹੈ ਕਿ ਜਿਸ ਦਿਨ ਅਸੀਂ ਹਿੰਦੀ ਫਿਲਮਾਂ ਨੂੰ ਭਾਰਤੀ ਸਿਨੇਮਾ ਅਤੇ ਹੋਰ ਖੇਤਰੀ ਫਿਲਮਾਂ ਨੂੰ ਪੰਜਾਬੀ ਜਾਂ ਤਾਮਿਲ ਫਿਲਮਾਂ ਕਹਿਣਾ ਬੰਦ ਕਰ ਦੇਵਾਂਗੇ, ਉਸ ਦਿਨ ਤੋਂ ਅਸੀਂ ਅਸਲ ਵਿੱਚ ਇੱਕ ਸੱਚੇ ਭਾਰਤੀ ਨਿਰਮਾਣ ਬਾਰੇ ਗੱਲ ਕਰ ਸਕਾਂਗੇ।' ਫਿਲਮ ਦੇ ਵਿਸ਼ੇ ਬਾਰੇ ਬੋਲਦੇ ਨੀਰੂ ਨੇ ਕਿਹਾ ਕਿ ' ਮੇਰੇ ਲਈ ਇੱਕ ਫਿਲਮ ਜੋ ਦਰਸ਼ਕਾਂ ਨਾਲ ਗੱਲ ਕਰਦੀ ਹੈ, ਇੱਕ ਫਿਲਮ ਜੋ ਤੁਹਾਡੇ ਥੀਏਟਰ ਛੱਡਣ ਦੇ ਘੰਟੇ ਬਾਅਦ ਵੀ ਤੁਹਾਡੇ ਨਾਲ ਰਹਿੰਦੀ ਹੈ, ਇੱਕ ਫਿਲਮ ਜੋ ਤੁਹਾਨੂੰ ਸਿਨੇਮਾ ਨੂੰ ਵੇਖਣ ਦੇ ਤਰੀਕੇ ਬਾਰੇ ਮੁੜ ਵਿਚਾਰ ਕਰਨ ਲਈ ਮਜਬੂਰ ਕਰਦੀ ਹੈ, ਅਜਿਹੀ ਫਿਲਮ ਨੂੰ ਆਸਕਰ ਲਈ ਚੁਣਿਆ ਜਾਣਾ ਚਾਹੀਦਾ ਹੈ।"
ਨੀਰੂ ਬਾਜਵਾ ਦਾ ਵਰਕਫੰਟ: ਨੀਰੂ ਬਾਜਵਾ ਦੀ ਹਾਲ ਹੀ ਵਿੱਚ ਫਿਲਮ 'ਕਾਲੀ ਜੋਟਾ' ਰਿਲੀਜ਼ ਹੋਈ ਹੈ। ਮਾਨਸਿਕ ਪਰੇਸ਼ਾਨੀ ਦੇ ਮੁੱਦੇ 'ਤੇ ਗੱਲ ਕਰਨ ਵਾਲੀ ਇਸ ਫਿਲਮ ਵਿੱਚ ਸਤਿੰਦਰ ਸਰਤਾਜ ਅਤੇ ਵਾਮਿਕਾ ਗੱਬੀ ਵੀ ਅਹਿਮ ਭੂਮਿਕਾ ਨਿਭਾਉਂਦੇ ਨਜ਼ਰ ਆਏ। ਫਿਲਮ ਨੂੰ ਆਲੋਚਕਾਂ ਦੇ ਨਾਲ-ਨਾਲ ਦਰਸ਼ਕਾਂ ਨੇ ਵੀ ਪਸੰਦ ਕੀਤਾ ਹੈ। ਇਸ ਤੋਂ ਬਾਅਦ ਨੀਰੂ ਬਾਜਵਾ 'ਏਸ ਜਹਾਨੋਂ ਦੂਰ ਕਿਤੇ ਚੱਲ ਜਿੰਦੀਏ' 'ਚ ਨਜ਼ਰ ਆਵੇਗੀ। ਇਹ ਫਿਲਮ 24 ਮਾਰਚ 2023 ਨੂੰ ਰਿਲੀਜ਼ ਹੋਣ ਵਾਲੀ ਹੈ, ਫਿਲਮ ਵਿੱਚ ਕੁਲਵਿੰਦਰ ਬਿੱਲਾ, ਗੁਰਪ੍ਰੀਤ ਘੁੱਗੀ, ਅਦਿਤੀ ਸ਼ਰਮਾ, ਰੁਪਿੰਦਰ ਰੂਪੀ ਅਤੇ ਹੋਰ ਕਈ ਦਿੱਗਜ ਅਦਾਕਾਰ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ।
ਇਹ ਵੀ ਪੜ੍ਹੋ: Parmish Verma: OMG!...ਗਾਇਕ ਪਰਮੀਸ਼ ਵਰਮਾ ਨੇ ਖਰੀਦੀ ਇੰਨੀ ਮਹਿੰਗੀ ਲਗਜ਼ਰੀ ਕਾਰ, ਦੇਖੋ ਵੀਡੀਓ
