ਮੁੰਬਈ: ਕਾਮੇਡੀਅਨ ਕਪਿਲ ਸ਼ਰਮਾ ਨੇ ਆਪਣੇ ਮਸ਼ਹੂਰ ਚੈਟ ਸ਼ੋਅ 'ਦਿ ਕਪਿਲ ਸ਼ਰਮਾ ਸ਼ੋਅ' ਦੇ ਬੰਦ ਹੋਣ ਦੀ ਅਫਵਾਹ 'ਤੇ ਚੁੱਪੀ ਤੋੜੀ ਹੈ। ਹਾਲ ਹੀ ਵਿੱਚ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ 'TKSS' ਦਾ ਆਖਰੀ ਐਪੀਸੋਡ ਜੂਨ ਮਹੀਨੇ ਵਿੱਚ ਪ੍ਰਸਾਰਿਤ ਹੋਵੇਗਾ। ਹਾਲਾਂਕਿ ਅਜੇ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋਈ ਹੈ ਕਿ 'ਦਿ ਕਪਿਲ ਸ਼ਰਮਾ ਸ਼ੋਅ' ਬ੍ਰੇਕ ਤੋਂ ਬਾਅਦ ਟੀਵੀ 'ਤੇ ਵਾਪਸੀ ਕਰੇਗਾ ਜਾਂ ਨਹੀਂ। ਇਨ੍ਹਾਂ ਅਫਵਾਹਾਂ 'ਤੇ ਬਿਆਨ ਦਿੰਦੇ ਹੋਏ ਕਪਿਲ ਨੇ ਕਿ ਅਜੇ ਕੁਝ ਵੀ ਸਪੱਸ਼ਟ ਨਹੀਂ ਹੈ ਅਤੇ ਕੁਝ ਸਮੇਂ 'ਚ ਕਾਮੇਡੀ ਸੀਰੀਜ਼ ਬਾਰੇ ਅੰਤਿਮ ਫੈਸਲਾ ਲਿਆ ਜਾਵੇਗਾ।
ਮਸ਼ਹੂਰ ਕਾਮੇਡੀਅਨ ਐਕਟਰ ਅਤੇ ਸ਼ੋਅ ਦੇ ਹੋਸਟ ਕਪਿਲ ਸ਼ਰਮਾ ਨੇ ਸਾਰੀਆਂ ਅਫਵਾਹਾਂ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਕਪਿਲ ਸ਼ਰਮਾ ਦਾ ਕਹਿਣਾ ਹੈ ਕਿ ਅਜੇ ਕੁਝ ਵੀ ਸਪੱਸ਼ਟ ਨਹੀਂ ਹੈ। ਸੀਜ਼ਨ ਦੀ ਅੰਤਿਮ ਪ੍ਰਸਾਰਣ ਮਿਤੀ ਨਿਰਧਾਰਤ ਕਰਨ ਲਈ ਫਿਲਹਾਲ ਕੋਈ ਸਮਾਂ ਸੀਮਾ ਨਹੀਂ ਹੈ। ਕਪਿਲ ਨੇ ਦੱਸਿਆ 'ਅਸੀਂ ਜੁਲਾਈ 'ਚ ਆਪਣੇ ਲਾਈਵ ਟੂਰ ਲਈ ਅਮਰੀਕਾ ਟੂਰ 'ਤੇ ਜਾਣਾ ਹੈ ਅਤੇ ਅਸੀਂ ਦੇਖਾਂਗੇ ਕਿ ਉਸ ਸਮੇਂ ਕੀ ਕਰਨਾ ਹੈ। ਹੁਣ ਇਸ ਵਿੱਚ ਸਮਾਂ ਹੈ। 'ਦਿ ਕਪਿਲ ਸ਼ਰਮਾ ਸ਼ੋਅ' ਸਾਲ 2016 'ਚ ਸ਼ੁਰੂ ਹੋਇਆ ਸੀ। ਸ਼ੋਅ ਦਾ ਚੌਥਾ ਸੀਜ਼ਨ ਪਿਛਲੇ ਸਾਲ ਸਤੰਬਰ ਵਿੱਚ ਸ਼ੁਰੂ ਹੋਇਆ ਸੀ, ਜਿਸ ਵਿੱਚ ਅਰਚਨਾ ਪੂਰਨ ਸਿੰਘ ਨੇ ਇੱਕ ਗੈਸਟ ਜੱਜ ਵਜੋਂ ਆਪਣੀ ਭੂਮਿਕਾ ਨੂੰ ਨਿਭਾਇਆ ਸੀ।
- " class="align-text-top noRightClick twitterSection" data="
">
ਇਸ ਤੋਂ ਪਹਿਲਾਂ ਸਾਲ 2021 ਅਤੇ 2022 ਵਿੱਚ ਵੀ ਕਪਿਲ ਸ਼ਰਮਾ ਨੇ ਲੰਬਾ ਬ੍ਰੇਕ ਲਿਆ ਸੀ, ਕਰੀਬ 6 ਮਹੀਨੇ ਬਾਅਦ ਨਵੇਂ ਕਾਸਟ ਮੈਂਬਰਾਂ ਨਾਲ ਕਪਿਲ ਆਪਣੇ ਸ਼ੋਅ ਵਿੱਚ ਵਾਪਿਸ ਆਏ ਸੀ, ਪਰ ਅੰਤਿਮਵਾਰ ਜਦੋਂ ਕਪਿਲ ਸ਼ਰਮਾ ਨੇ ਵਾਪਿਸੀ ਕੀਤੀ ਤਾਂ ਉਸਦੇ ਨਾਲ ਕ੍ਰਿਸ਼ਨਾ ਅਭਿਸ਼ੇਕ ਅਤੇ ਚੰਦਨ ਪ੍ਰਭਾਕਰ ਨਹੀਂ ਆਏ ਸਨ।
ਤੁਹਾਨੂੰ ਦੱਸ ਦਈਏ ਕਿ ਕਪਿਲ ਨੂੰ ਹਾਲ ਹੀ 'ਚ ਫਿਲਮ 'ਜ਼ਵਿਗਾਟੋ' 'ਚ ਵੱਡੇ ਪਰਦੇ 'ਤੇ ਦੇਖਿਆ ਗਿਆ ਸੀ, ਜਿਸ 'ਚ ਉਨ੍ਹਾਂ ਦੀ ਭੂਮਿਕਾ ਅਤੇ ਅਦਾਕਾਰੀ ਦੀ ਕਾਫੀ ਤਾਰੀਫ਼ ਹੋਈ ਸੀ। ਕਾਮੇਡੀਅਨ ਨੇ ਅਦਾਕਾਰਾ ਨੰਦਿਤਾ ਦਾਸ ਦੁਆਰਾ ਨਿਰਦੇਸ਼ਤ ਫਿਲਮ ਵਿੱਚ ਫੂਡ ਡਿਲੀਵਰੀ ਰਾਈਡਰ ਦੀ ਭੂਮਿਕਾ ਨਿਭਾਈ ਸੀ। ਫਿਲਮ ਫੂਡ ਡਿਲਿਵਰੀ ਕਾਰਜਕਾਰੀ ਅਫਸਰਾਂ ਦੇ ਜੀਵਨ ਦੀ ਦੁਰਦਸ਼ਾ ਅਤੇ ਕਿਵੇਂ ਉਹ ਚੌਵੀ ਘੰਟੇ ਕੰਮ ਕਰਦੇ ਹਨ 'ਤੇ ਕੇਂਦਰਿਤ ਹੈ।
ਇਹ ਵੀ ਪੜ੍ਹੋ: Raghav Juyal: ਸ਼ਹਿਨਾਜ਼ ਗਿੱਲ ਨੂੰ ਡੇਟ ਕਰਨ ਦੀਆਂ ਖ਼ਬਰਾਂ 'ਤੇ ਰਾਘਵ ਜੁਆਲ ਨੇ ਤੋੜੀ ਚੁੱਪੀ, ਜਾਣੋ ਕੀ ਬੋਲੇ ਅਦਾਕਾਰ
