ਮੁੰਬਈ: ਮਾਇਆਨਗਰੀ ਦੇ ਗੇਟਵੇ ਆਫ ਇੰਡੀਆ 'ਤੇ ਵੀਰਵਾਰ ਦੇਰ ਰਾਤ ਕ੍ਰਿਸ਼ਚੀਅਨ ਡਾਇਰ ਫਾਲ 2023 ਫੈਸ਼ਨ ਸ਼ੋਅ ਦਾ ਆਯੋਜਨ ਕੀਤਾ ਗਿਆ, ਜਿਸ 'ਚ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਆਪਣੇ ਪਤੀ-ਭਾਰਤੀ ਟੀਮ ਦੇ ਮਜ਼ਬੂਤ ਬੱਲੇਬਾਜ਼ ਵਿਰਾਟ ਕੋਹਲੀ ਨਾਲ ਪਹੁੰਚੀ। ਇਸ ਦੌਰਾਨ ਪਾਵਰਪੈਕ ਜੋੜੇ ਨੂੰ ਰੈੱਡ ਕਾਰਪੇਟ 'ਤੇ ਪਾਪਰਾਜ਼ੀ ਲਈ ਪੋਜ਼ ਦਿੰਦੇ ਹੋਏ ਦੇਖਿਆ ਗਿਆ। ਇਸ ਦੇ ਨਾਲ ਹੀ ਸ਼ੋਅ 'ਚ ਹਿੱਸਾ ਲੈਣ ਤੋਂ ਪਹਿਲਾਂ ਇਸ ਜੋੜੇ ਨੇ ਇਕ ਫੋਟੋਸ਼ੂਟ ਕਰਵਾਇਆ, ਜਿਸ ਨੂੰ ਅਨੁਸ਼ਕਾ ਸ਼ਰਮਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤਾ।
ਅਨੁਸ਼ਕਾ ਸ਼ਰਮਾ ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ 'ਤੇ ਵਿਰਾਟ ਨਾਲ ਪੋਜ਼ ਦਿੰਦੀਆਂ ਕਈ ਤਸਵੀਰਾਂ ਪੋਸਟ ਕੀਤੀਆਂ ਹਨ, ਜਿਨ੍ਹਾਂ ਦਾ ਕੈਪਸ਼ਨ ਲਿਖਿਆ, 'ਆਪ' (ਯੂ) ਹੈ। ਵਿਰਾਟ ਕੋਹਲੀ ਨੇ ਆਪਣੀ ਖੂਬਸੂਰਤ ਪਤਨੀ ਦੀ ਇਸ ਪੋਸਟ 'ਤੇ ਕਮੈਂਟ ਕੀਤਾ ਹੈ। ਵਿਰਾਟ ਨੇ ਕਮੈਂਟ ਬਾਕਸ 'ਚ ਦਿਲ ਦਾ ਇਮੋਜੀ ਛੱਡਿਆ ਹੈ। ਇਸ ਦੇ ਨਾਲ ਹੀ ਪ੍ਰਸ਼ੰਸਕ ਨੇ ਲਿਖਿਆ 'ਇਹ ਰੱਬ ਨੇ ਬਨਾ ਦੀ ਜੋੜੀ ਦੀ ਪਰਫੈਕਟ ਉਦਾਹਰਨ ਹੈ।' ਇਕ ਹੋਰ ਯੂਜ਼ਰ ਨੇ ਲਿਖਿਆ 'ਕਿੰਨਾ ਵਧੀਆ ਜੋੜਾ।'
ਤਸਵੀਰਾਂ 'ਚ ਅਨੁਸ਼ਕਾ ਅਤੇ ਵਿਰਾਟ ਦੇ ਆਊਟਫਿਟਸ ਦੀ ਗੱਲ ਕਰੀਏ ਤਾਂ ਅਨੁਸ਼ਕਾ ਨੇ ਸ਼ੋਅ ਲਈ ਲੈਮਨ ਯੈਲੋ ਕਲਰ ਦੀ ਚੋਣ ਕੀਤੀ ਸੀ, ਜਿਸ 'ਚ ਉਹ ਕਾਫੀ ਸਟਨਿੰਗ ਲੱਗ ਰਹੀ ਸੀ। ਇਸ ਪਹਿਰਾਵੇ 'ਤੇ ਆਪਣੀ ਦਿੱਖ ਨੂੰ ਸਾਧਾਰਨ ਰੱਖਦੇ ਹੋਏ, ਉਸਨੇ ਸਿਲਵਰ ਈਅਰਰਿੰਗਸ ਅਤੇ ਨਿਊਡ ਲਿਪਸਟਿਕ ਨਾਲ ਆਪਣੀ ਲੁੱਕ ਨੂੰ ਪੂਰਾ ਕੀਤਾ। ਉਹ ਲੇਡੀ ਡਾਇਰ ਮਿੰਨੀ ਬੈਗ ਦੇ ਨਾਲ ਪੀਲੇ ਰੰਗ ਦੀ ਡਰੈੱਸ 'ਚ ਨਜ਼ਰ ਆਈ। ਜਦੋਂ ਕਿ, ਵਿਰਾਟ ਨੇ ਖਾਕੀ ਸੂਟ, ਚਿੱਟੀ ਕਮੀਜ਼ ਪਹਿਨੀ ਸੀ, ਜਿਸ ਨੂੰ ਉਸਨੇ ਸਨੀਕਰਸ ਨਾਲ ਜੋੜਿਆ ਸੀ।
- " class="align-text-top noRightClick twitterSection" data="
">
ਤੁਹਾਨੂੰ ਦੱਸ ਦਈਏ ਕਿ ਜੋੜੇ ਨੇ ਇਸ ਤੋਂ ਪਹਿਲਾਂ ਵੀ ਕਾਫ਼ੀ ਖੂਬਸੂਰਤ ਫੋਟੋਸ਼ੂਟ ਕਰਵਾਇਆ ਸੀ, ਜਿਸ ਨੂੰ ਬਹੁਤ ਸਾਰੇ ਲੋਕਾਂ ਨੇ ਪਸੰਦ ਕੀਤਾ ਸੀ, ਇਹ ਤਸਵੀਰਾਂ ਕੁੱਝ ਹੀ ਸਮੇਂ ਵਿੱਚ ਵਾਇਰਲ ਹੋ ਗਈਆਂ ਸਨ। ਤੁਹਾਨੂੰ ਦੱਸ ਦਈਏ ਕਿ ਅਨੁਸ਼ਕਾ ਸ਼ਰਮਾ ਨੇ ਕੁਝ ਸਾਲ ਡੇਟ ਕਰਨ ਤੋਂ ਬਾਅਦ 2017 'ਚ 34 ਸਾਲ ਦੇ ਵਿਰਾਟ ਕੋਹਲੀ ਨਾਲ ਵਿਆਹ ਕੀਤਾ ਸੀ। ਇਸ ਤੋਂ ਬਾਅਦ ਜੋੜੇ ਦੀ ਬੇਟੀ ਵਾਮਿਕਾ ਨੇ ਜਨਮ ਲਿਆ। ਵਾਮਿਕਾ ਦਾ ਜਨਮ ਜਨਵਰੀ 2021 ਵਿੱਚ ਹੋਇਆ ਸੀ। ਅਦਾਕਾਰਾ ਨੇ ਅਜੇ ਤੱਕ ਵਾਮਿਕਾ ਦੀ ਕੋਈ ਫੋਟੋ ਸਾਂਝੀ ਨਹੀਂ ਕੀਤੀ ਹੈ।
ਅਨੁਸ਼ਕਾ ਸ਼ਰਮਾ ਦਾ ਵਰਕ ਫਰੰਟ: 4 ਸਾਲ ਬਾਅਦ ਅਨੁਸ਼ਕਾ ਸ਼ਰਮਾ ਕ੍ਰਿਕਟਰ ਝੂਲਨ ਗੋਸਵਾਮੀ ਦੇ ਜੀਵਨ 'ਤੇ ਆਧਾਰਿਤ ਸਪੋਰਟਸ ਡਰਾਮਾ 'ਚੱਕਦਾ ਐਕਸਪ੍ਰੈਸ' ਨਾਲ ਵਾਪਸੀ ਕਰੇਗੀ। ਫਿਲਮ ਦਾ ਪ੍ਰੀਮੀਅਰ ਨੈੱਟਫਲਿਕਸ 'ਤੇ ਹੋਵੇਗਾ।
ਇਹ ਵੀ ਪੜ੍ਹੋ:Satish Kaushik Film: ਰਾਜ ਬੱਬਰ ਨਾਲ ਇਸ ਫਿਲਮ 'ਚ ਦੇਖਣ ਨੂੰ ਮਿਲੇਗੀ ਮਰਹੂਮ ਅਦਾਕਾਰ ਸਤੀਸ਼ ਕੌਸ਼ਿਕ ਦੀ ਝਲਕ
