ਚੰਡੀਗੜ੍ਹ: ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਕਿਸਾਨੀ ਅੰਦੋਲਨ ਨੂੰ ਲੈ ਕੇ 8 ਦਸੰਬਰ ਨੂੰ ਹੋਣ ਵਾਲੀਆਂ ਪ੍ਰੀਖਿਆਵਾਂ ਨੂੰ ਰੱਦ ਕਰ ਦਿੱਤਾ ਸੀ ਅਤੇ ਇਮਤਿਹਾਨਾਂ ਦੀਆਂ ਮਿਤੀਆਂ ਵਿੱਚ ਤਬਦੀਲੀਆਂ ਵੀ ਕੀਤੀਆਂ ਹਨ।
ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਸੈਕੰਡਰੀ) ਹਰਿੰਦਰਪਾਲ ਸਿੰਘ ਅਤੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਐਲੀਮੈਂਟਰੀ) ਰਾਮਪਾਲ ਨੇ ਦੱਸਿਆ ਕਿ 19 ਦਸੰਬਰ ਨੂੰ ਹੋਣ ਵਾਲੇ ਚੌਥੀ ਅਤੇ ਪੰਜਵੀਂ ਜਮਾਤ ਦੇ ਹਿੰਦੀ ਵਿਸ਼ੇ ਦਾ ਪੇਪਰ 21 ਦਸੰਬਰ ਨੂੰ ਲਿਆ ਜਾਵੇਗਾ, ਜਦੋਂ ਕਿ ਛੇਵੀਂ ਜਮਾਤ ਦਾ ਕੰਪਿਊਟਰ ਦਾ ਪੇਪਰ 18 ਨੂੰ ਹੋਵੇਗਾ।
ਬਾਕੀ ਵੇਰਵਾ ਇਸ ਪ੍ਰਕਾਰ ਹੈ;
- 7ਵੀਂ ਦਾ 8 ਦਸੰਬਰ ਨੂੰ ਲਿਆ ਜਾਣ ਵਾਲਾ ਸਰੀਰਕ ਸਿੱਖਿਆ ਦਾ ਟੈਸਟ ਹੁਣ 18 ਦਸੰਬਰ ਨੂੰ ਲਿਆ ਜਾਵੇਗਾ।
- 9ਵੀਂ ਜਮਾਤ ਦਾ 14 ਦਸੰਬਰ ਨੂੰ ਪੰਜਾਬੀ-ਏ, 15 ਦਸੰਬਰ ਨੂੰ ਪੰਜਾਬੀ ਬੀ, 8 ਦਸੰਬਰ ਨੂੰ ਹੋਣ ਵਾਲੇ ਸਮਾਜਿਕ ਸਿੱਖਿਆ ਦਾ ਪੇਪਰ 17 ਦਸੰਬਰ ਨੂੰ ਹੋਵੇਗਾ।
- 10ਵੀਂ ਦਾ ਪੰਜਾਬੀ ਏ ਵਿਸ਼ੇ ਦਾ ਪੇਪਰ 16 ਦਸੰਬਰ ਨੂੰ, ਸਮਾਜਿਕ ਸਿੱਖਿਆ ਦਾ ਪੇਪਰ 19 ਦਸੰਬਰ ਦਾ ਪੇਪਰ ਹੁਣ 18 ਦਸੰਬਰ ਨੂੰ ਹੋਵੇਗਾ। ਪੰਜਾਬੀ-ਬੀ ਦਾ ਪੇਪਰ 23 ਦਸੰਬਰ ਨੂੰ ਹੋਵੇਗਾ।
- 11ਵੀਂ ਦਾ ਭੂਗੋਲ ਦਾ ਪੇਪਰ 24 ਦਸੰਬਰ ਦੀ ਥਾਂ ਹੁਣ 17 ਦਸੰਬਰ ਨੂੰ ਲਿਆ ਜਾਵੇਗਾ। ਇਸੇ ਤਰ੍ਹਾਂ ਅਰਥ-ਸ਼ਾਸਤਰ ਦਾ ਪੇਪਰ 21 ਨੂੰ ਅਤੇ 8 ਦਸਬੰਰ ਨੂੰ ਹੋਣ ਵਾਵਾ ਪੇਪਰ ਪੰਜਾਬੀ ਜਨਰਲ ਵਿਸ਼ੇ ਦਾ ਪੇਪਰ 24 ਦਸੰਬਰ ਨੂੰ ਲਿਆ ਜਾਵੇਗਾ।
- 12ਵੀਂ ਦਾ 19 ਦਸੰਬਰ ਨੂੰ ਬਿਜਨਸ ਸਟੱਡੀਜ਼, ਭੌਤਿਕ ਵਿਗਿਆਨ ਦਾ ਇੱਕ ਪੇਪਰ ਸੀ, ਜੋ ਕਿ ਹੁਣ 21 ਦਸੰਬਰ ਨੂੰ ਹੋਵੇਗਾ।
