ਚੰਡੀਗੜ੍ਹ: ਅਕਸਰ ਇਹ ਕਿਹਾ ਜਾਂਦਾ ਹੈ ਕਿ ਆਈ.ਏ.ਐਸ ਅਧਿਕਾਰੀ ਸਖ਼ਤ ਮਿਜ਼ਾਜ ਦੇ ਹੁੰਦੇ ਹਨ ਪਰ ਆਪਣੇ ਕੰਮ 'ਚ ਰੁਝੇਵੇਆਂ ਦੇ ਚੱਲਦਿਆਂ ਉਹ ਆਪਣੇ ਸ਼ੌਂਕ ਨੂੰ ਪੂਰਾ ਨਹੀਂ ਕਰ ਪਾਉਂਦੇ। ਇਸ ਦੇ ਨਾਲ ਹੀ ਕਈ ਅੀਜਹੇ ਅਫ਼ਸਰ ਵੀ ਹਨ ਜੋ ਆਪਣੇ ਸ਼ੌਂਕ ਨੂੰ ਵੀ ਆਪਣੇ ਕੰਮ ਦੀ ਤਰ੍ਹਾਂ ਮਹੱਤਵ ਦਿੰਦੇ ਹਨ,ਅਤੇ ਉਸ ਨੂੰ ਨਾਲ-ਨਾਲ ਲੈ ਚੱਲਦੇ ਹਨ। ਅਜਿਹੀ ਹੀ ਇੱਕ ਪੰਜਾਬ ਕਾਡਰ ਦੀ ਮਹਿਲਾ ਆਈ.ਏ.ਐਸ ਅਫ਼ਸਰ ਰਾਖੀ ਗੁਪਤਾ ਹੈ। ਜਿਨਾਂ ਆਪਣੇ ਗਾਇਕੀ ਦੇ ਸ਼ੌਂਕ ਨੂੰ ਖ਼ਤਮ ਨਹੀਂ ਹੋਣ ਦਿੱਤਾ।
ਇਸ ਸਬੰਧੀ ਗੱਲਬਾਤ ਕਰਦਿਆਂ ਰਾਖੀ ਗੁਪਤਾ ਨੇ ਦੱਸਿਆ ਕਿ ਆਪਣੇ ਸ਼ੌਂਕ ਨੂੰ ਉਹ ਆਪਣੇ ਪਰਿਵਾਰ ਦੀ ਮਦਦ ਨਾਲ ਪੂਰਾ ਕਰ ਸਕੇ ਹਨ। ਉਨ੍ਹਾਂ ਦੱਸਿਆ ਕਿ ਕ੍ਰਿਸ਼ਨ ਅਤੇ ਰਾਧਾ ਦੀ ਇਕੱਠਿਆਂ ਪੂਜਾ ਕੀਤੀ ਜਾਂਦੀ ਹੈ। ਉਨ੍ਹਾਂ ਦੱਸਿਆ ਕਿ ਆਪਣਾ ਪਹਿਲਾ ਗੀਤ ਉਨ੍ਹਾਂ ਰਾਧਾ ਨੂੰ ਲੈਕੇ ਰਿਲੀਜ ਕੀਤਾ ਸੀ ਅਤੇ ਹੁਣ ਉਹ ਭਗਵਾਨ ਕ੍ਰਿਸ਼ਨ ਨਾਲ ਸਬੰਧਿਤ ਗੀਤ ਲੈਕੇ ਆਏ ਹਨ।
ਇਸ ਦੇ ਨਾਲ ਹੀ ਉਨ੍ਹਾਂ ਦੱਸਿਆ ਕਿ ਆਪਣੇ ਪਰਿਵਾਰ ਦੀ ਮਦਦ ਨਾਲ ਹੀ ਉਹ ਸ਼ੌਂਕ ਨੂੰ ਪੂਰਾ ਕਰ ਸਕੇ ਹਨ। ਉਨ੍ਹਾਂ ਦੱਸਿਆ ਕਿ ਗਾਉਣ ਦਾ ਸ਼ੌਂਕ ਲੰਬੇ ਸਮੇਂ ਤੋਂ ਸੀ, ਪਰ ਕੰਮ ਅਤੇ ਘਰ ਦੀ ਜਿੰਮੇਵਾਰੀ ਕਾਰਨ ਗਾਇਕੀ ਨੂੰ ਕਦੇ ਵੀ ਸਮਾਂ ਨਹੀਂ ਦੇ ਸਕੇ। ਉਨ੍ਹਾਂ ਦੱਸਿਆ ਕਿ ਪਰਿਵਾਰ 'ਚ ਉਨ੍ਹਾਂ ਦੀ ਮਾਤਾ ਜੀ ਗੀਤ ਗਾਉਂਦੇ ਸੀ, ਪਰ ਉਨ੍ਹਾਂ ਕਦੇ ਨਹੀਂ ਸੋਚਿਆ ਸੀ ਕਿ ਆਪਣੇ ਸ਼ੌਂਕ ਨੂੰ ਪੂਰਾ ਕਰਦਿਆਂ ਗੀਤ ਰਿਲੀਜ ਕਰ ਸਕਣਗੇ। ਉਨ੍ਹਾਂ ਦੱਸਿਆ ਕਿ ਪਤੀ ਅਤੇ ਬੱਚਿਆਂ ਦੀ ਹੌਂਸਲਾਅਫ਼ਜਾਈ ਕਾਰਨ ਹੀ ਉਹ ਸ਼ੌਂਕ ਨੂੰ ਮੁੜ ਜੀਅ ਰਹੇ ਹਨ।
ਇਹ ਵੀ ਪੜ੍ਹੋ:'ਆਪ', ਕਾਂਗਰਸ ਅਤੇ ਅਕਾਲੀ ਦਲ 'ਚ 2022 ਲਈ ਕੌਣ ਹੋਵੇਗਾ ਮੁੱਖ ਮੰਤਰੀ ਚਿਹਰਾ ?
