ਵਾਸ਼ਿੰਗਟਨ : ਅਰਬਪਤੀ ਐਲੋਨ ਮਸਕ ਟਵਿਟਰ ਦੇ ਸੀਈਓ ਬਣਨ ਤੋਂ ਬਾਅਦ ਹੁਣ ਤਕ ਆਪਣੇ ਫੈਸਲੇ ਨਾਲ ਗਾਹਕਾਂ ਨੂੰ ਹੈਰਾਨ ਕਰਦੇ ਆ ਰਹੇ ਹਨ। ਅੱਜ ਇਕ ਵਾਰ ਫਿਰ ਉਨ੍ਹਾਂ ਨੇ ਵੱਡਾ ਐਲਾਨ ਕੀਤਾ ਹੈ। ਐਲੋਨ ਮਸਕ ਨੇ ਟਵਿਟਰ ਦੇ ਸੀਈਓ ਦੇ ਅਹੁਦੇ ਤੋਂ ਅਸਤੀਫਾ ਦੇਣ ਦਾ ਫੈਸਲਾ ਕੀਤਾ ਹੈ। ਉਨ੍ਹਾਂ ਨੇ ਹੁਣ ਸੀਈਓ ਵਜੋਂ ਸੇਵਾ ਨਾ ਕਰਨ ਦਾ ਫੈਸਲਾ ਕੀਤਾ ਹੈ। ਚਰਚਾ ਹੈ ਕਿ ਐਲੋਨ ਮਸਕ ਦੁਨੀਆ ਦੀ ਸਭ ਤੋਂ ਵੱਡੀ ਇਲੈਕਟ੍ਰਿਕ ਵਾਹਨ ਨਿਰਮਾਤਾ ਕੰਪਨੀ ਟੇਸਲਾ 'ਤੇ ਧਿਆਨ ਨਹੀਂ ਦੇ ਪਾ ਰਿਹਾ ਸੀ, ਜਿਸ ਕਾਰਨ ਉਨ੍ਹਾਂ ਦੇ ਨਿਵੇਸ਼ਕ ਕਾਫੀ ਚਿੰਤਤ ਸਨ। ਟਵਿੱਟਰ ਦੇ ਸੀਈਓ ਬਣਨ ਤੋਂ ਬਾਅਦ, ਐਲੋਨ ਮਸਕ ਇਸ ਲਈ ਵਧੇਰੇ ਵਿਅਸਤ ਰਹਿਣ ਲੱਗੇ। ਇਸ ਕਾਰਨ ਆਟੋ ਕੰਪਨੀ ਵੱਲ ਜ਼ਿਆਦਾ ਧਿਆਨ ਨਹੀਂ ਦੇ ਪਾ ਰਹੇ ਸਨ।
ਟਵੀਟ ਰਾਹੀਂ ਕੀਤਾ ਅਸਤੀਫ਼ਾ ਦੇਣ ਤੇ ਨਵੇਂ ਸੀਈਓ ਦਾ ਐਲਾਨ : ਮਸਕ ਨੇ ਸ਼ੁੱਕਰਵਾਰ ਨੂੰ ਇੱਕ ਟਵੀਟ ਸਾਂਝਾ ਕੀਤਾ ਅਤੇ ਕਿਹਾ, 'ਇਹ ਐਲਾਨ ਕਰਦੇ ਹੋਏ ਉਤਸ਼ਾਹਿਤ ਹਾਂ ਕਿ ਮੈਂ ਟਵਿਟਰ ਲਈ ਇੱਕ ਨਵਾਂ ਸੀਈਓ ਨਿਯੁਕਤ ਕੀਤਾ ਹੈ। ਉਹ 6 ਹਫ਼ਤਿਆਂ ਵਿੱਚ ਕੰਮ ਸ਼ੁਰੂ ਕਰ ਦੇਵੇਗੀ। ਉਨ੍ਹਾਂ ਨੇ ਇਹ ਅਹੁਦਾ ਇਕ ਔਰਤ ਨੂੰ ਦੇਣ ਦਾ ਫੈਸਲਾ ਕੀਤਾ ਹੈ। ਹਾਲਾਂਕਿ ਉਸ ਔਰਤ ਦੇ ਨਾਂ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ, ਮਸਕ ਕਾਰਜਕਾਰੀ ਚੇਅਰਮੈਨ ਅਤੇ ਸੀਟੀਓ ਵਜੋਂ ਕੰਮ ਦੀ ਦੇਖਭਾਲ ਕਰਨਗੇ।
- Adani Hindenburg Case: ਮਾਹਿਰ ਪੈਨਲ ਨੇ SC 'ਚ ਅਡਾਨੀ-ਹਿੰਡਨਬਰਗ ਮਾਮਲੇ 'ਚ ਰਿਪੋਰਟ ਸੌਂਪੀ, ਦੂਜੀ ਕਮੇਟੀ ਨੇ ਮੰਗਿਆ ਸਮਾਂ
- Flat Assets or Liability: ਕੀ ਤੁਸੀਂ ਕਰਜ਼ਾ ਲੈ ਕੇ ਖਰੀਦਣ ਜਾ ਰਹੇ ਹੋ ਫਲੈਟ ? ਪਹਿਲਾ ਪੜ੍ਹੋ ਇਹ ਖ਼ਬਰ, ਤੇ ਬਣੋ ਕਰੋੜਾਂ ਦੇ ਮਾਲਕ
- GST Collection: ਭਾਰਤੀ ਅਰਥਵਿਵਸਥਾ ਲਈ ਚੰਗੀ ਖਬਰ, ਅਪ੍ਰੈਲ 2023 'ਚ GST ਕੁਲੈਕਸ਼ਨ ਨੇ 1.87 ਲੱਖ ਕਰੋੜ ਰੁਪਏ ਨਾਲ ਤੋੜੇ ਰਿਕਾਰਡ
ਮਸਕ ਨੇ ਐਲਾਨ ਕੀਤਾ ਕਿ ਉਹ ਭਵਿੱਖ ਵਿੱਚ ਉਤਪਾਦਾਂ, ਸੌਫਟਵੇਅਰ, ਅਤੇ ਆਈਟੀ ਸੰਚਾਲਨ ਅਤੇ ਪ੍ਰਸ਼ਾਸਨ (ਸਾਈਸੋਪਸ) ਦੀ ਨਿਗਰਾਨੀ ਕਨਗੇ। ਇਸ ਤੋਂ ਬਾਅਦ ਇਹ ਖਬਰ ਆਈ ਸੀ ਕਿ ਪ੍ਰਮਾਣਿਤ ਉਪਭੋਗਤਾਵਾਂ ਨੂੰ ਐਨਕ੍ਰਿਪਟਡ ਮੈਸੇਜਿੰਗ ਸੇਵਾ ਤੱਕ ਜਲਦੀ ਪਹੁੰਚ ਦੀ ਇਜਾਜ਼ਤ ਦਿੱਤੀ ਗਈ ਸੀ। ਅੱਪਡੇਟ ਵਰਤਮਾਨ ਵਿੱਚ ਸਿਰਫ ਪ੍ਰਮਾਣਿਤ ਉਪਭੋਗਤਾਵਾਂ ਲਈ ਉਪਲਬਧ ਹੈ। ਇਸ ਤੋਂ ਪਹਿਲਾਂ ਬਿਜ਼ਨਸ ਟਾਈਕੂਨ ਨੇ ਐਲਾਨ ਕੀਤਾ ਸੀ ਕਿ ਸਬਸਕ੍ਰਾਈਬਰ ਇਮੋਜੀ ਦੇ ਨਾਲ ਇੱਕ ਥ੍ਰੈਡ ਵਿੱਚ ਕਿਸੇ ਵੀ ਸੰਦੇਸ਼ ਦਾ ਸਿੱਧਾ ਜਵਾਬ ਦੇ ਸਕਦੇ ਹਨ। ਨਾਲ ਹੀ, ਆਉਣ ਵਾਲੇ ਦਿਨਾਂ ਵਿੱਚ ਟਵਿੱਟਰ 'ਤੇ ਵਾਇਸ ਅਤੇ ਵੀਡੀਓ ਚੈਟ ਸ਼ੁਰੂ ਕਰਨ ਦੀ ਯੋਜਨਾ ਹੈ।
