ਰਾਂਚੀ : ਭਾਰਤ ਨੇ ਆਪਣੀ ਦੂਸਰੀ ਪਾਰੀ 9 ਵਿਕਟਾਂ ਦੇ ਨੁਕਸਾਨ ਉੱਤੇ 497 ਦੌੜਾਂ ਉੱਤੇ ਐਲਾਨ ਦਿੱਤੀ ਸੀ। ਇਸ ਤੋਂ ਬਾਅਦ ਦੱਖਣੀ ਅਫ਼ਰੀਕਾ ਨੂੰ ਪਹਿਲੀ ਪਾਰੀ 162 ਦੌੜਾਂ ਉੱਤੇ ਆਉਟ ਕਰ ਕੇ ਉਸ ਨੂੰ ਫ਼ਾਲੋਆ ਦਿੱਤਾ ਸੀ। ਦੂਸਰੀ ਪਾਰੀ ਵਿੱਚ ਦੱਖਣੀ ਅਫ਼ਰੀਕਾ ਸੰਭਾਲ ਨਹੀਂ ਸਕੀ ਅਤੇ ਲਗਾਤਾਰ ਵਿਕਟਾਂ ਗੁਆਂਦੀ ਰਹੀ।
ਦੱਖਣੀ ਅਫ਼ਰੀਕਾ ਭਾਰਤ ਤੋਂ 203 ਦੌੜਾਂ ਪਿੱਛੇ ਹੈ, ਜਦਕਿ ਭਾਰਤ ਨੂੰ ਜਿੱਤ ਲਈ ਸਿਰਫ਼ 2 ਵਿਕਟਾਂ ਦੀ ਲੋੜ ਹੈ।
ਥਿਉਨਿਸ ਡੀ ਬਰੂਇਨ 30 ਦੌੜਾਂ ਬਣਾ ਕੇ ਖੇਡ ਰਹੇ
ਤੀਸਰੇ ਦਿਨ ਦਾ ਖੇਡ ਖ਼ਤਮ ਹੋਣ ਤੱਕ ਥਿਉਨਿਸ ਡੀ ਬਰੂਇਨ 30 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਬਰੂਇਨ ਇਸ ਮੈਚ ਵਿੱਚ ਆਖ਼ਰੀ 11 ਵਿੱਚ ਨਹੀ ਸਨ, ਪਰ ਸਲਾਮੀ ਬੱਲੇਬਾਜ਼ ਡੀਨ ਐਲਗਰ ਦੇ ਜ਼ਖ਼ਮੀ ਹੋਣ ਤੋਂ ਬਾਅਦ ਉਹ ਕਨਸੈਸ਼ਨ ਖ਼ਿਡਾਰੀ ਦੇ ਤੌਰ ਉੱਤੇ ਮੈਦਾਨ ਵਿੱਚ ਆਏ। ਉਨ੍ਹਾਂ ਤੋਂ ਇਲਾਵਾ ਜਾਰਜ ਲਿੰਡੇ ਨੇ 27, ਡੀਨ ਪੀਟ ਨੇ 23 ਦੌੜਾਂ ਬਣਾਈਆਂ ਹਨ। ਭਾਰਤ ਲਈ ਮੁਹੰਮਦ ਸ਼ੱਮੀ ਨੇ ਤਿੰਨ, ਉਮੇਸ਼ ਯਾਦਵ ਨੇ ਦੋ, ਰਵਿੰਦਰ ਜੁੜੇਜਾ ਅਤੇ ਅਸ਼ਵਿਨ ਨੇ 1-1 ਵਿਕਟਾਂ ਲਈਆਂ ਹਨ।
ਚੌਥੇ ਵਿਕਟ ਲਈ 91 ਦੌੜਾਂ ਦੀ ਸਾਂਝਦਾਰੀ
ਇਸ ਤੋਂ ਪਹਿਲਾਂ, ਦੱਖਣੀ ਅਫ਼ਰੀਕਾ ਨੇ ਦਿਨ ਦੀ ਸ਼ੁਰੂਆਤ 2 ਵਿਕਟਾਂ ਦੇ ਨੁਕਸਾਨ ਉੱਤੇ 9 ਦੌੜਾਂ ਦੇ ਨਾਲ ਕੀਤੀ ਸੀ। ਇਸ ਦੇ ਜ਼ਿਆਦਾਤਰ ਬੱਲੇਬਾਜ਼ ਸੰਘਰਸ਼ ਕਰਦੇ ਰਹੇ। ਜੁਬੇਰ ਹਮਜਾ ਨੇ ਟੀਮ ਲਈ ਸਭ ਤੋਂ ਜ਼ਿਆਦਾ 62 ਦੌੜਾਂ ਬਣਾਈਆਂ ਹਨ। ਉਨ੍ਹਾਂ ਨੇ ਟੇਮਬਾ ਬਾਵੁਮਾ ਦੇ ਨਾਲ ਮਿਲ ਕੇ ਚੌਥੇ ਵਿਕਟ ਲਈ 91 ਦੌੜਾਂ ਦੀ ਸਾਂਝਦਾਰੀ ਕੀਤੀ।
ਦੂਸਰੀ ਸਭ ਤੋਂ ਵੱਡੀ ਸਾਂਝਦਾਰੀ
ਇਸ ਸਾਂਝਦਾਰੀ ਤੋਂ ਇਲਾਵਾ ਲਿੰਡੇ (37)ਅਤੇ ਐਨਰਿਕ ਨੋਟਰਜੇ (4) 8ਵੇਂ ਵਿਕਟ ਲੀ 32 ਦੌੜਾਂ ਹੀ ਜੋੜ ਸਕੇ। ਇਸ ਪਾਰੀ ਵਿੱਚ ਦੱਖਣੀ ਅਫ਼ਰੀਕਾ ਲਈ ਦੂਸਰੀ ਸਭ ਤੋਂ ਵੱਡੀ ਸਾਂਝਦਾਰੀ ਹੈ। ਤਿੰਨ ਬੱਲੇਬਾਜ਼ਾਂ ਤੋਂ ਇਲਾਵਾ ਕੋਈ ਹੋਰ ਬੱਲੇਬਾਜ਼ ਦਹਾਈ ਦੇ ਅੰਕੜੇ ਤੱਕ ਨਹੀਂ ਪਹੁੰਚ ਸਕਿਆ।
ਭਾਰਤ ਲਈ ਉਮੇਸ਼ ਯਾਦਵ ਨੇ 3 ਵਿਕਟਾਂ, ਮੁਹੰਮਦ ਸ਼ਮੀ, ਸ਼ਹਿਬਾਜ਼ ਨਦੀਮ, ਰਵਿੰਦਰ ਜੁੜੇਜਾ ਨੇ ਹਿੱਸੇ 2-2 ਵਿਕਟਾਂ ਆਈਆਂ।
