ਨਵੀਂ ਦਿੱਲੀ: ਮੰਨਿਆ ਜਾ ਰਿਹਾ ਹੈ ਕਿ ਹਿੰਡਨਬਰਗ ਦੇ ਅਡਾਨੀ ਗਰੁੱਪ 'ਤੇ ਨਕਾਰਾਤਮਕ ਰਿਪੋਰਟ ਜਾਰੀ ਕਰਨ ਤੋਂ ਬਾਅਦ ਇਕ ਹੋਰ ਸੰਸਥਾ ਦੇਸ਼ ਦੇ ਕੁਝ ਹੋਰ ਕਾਰਪੋਰੇਟ ਘਰਾਣਿਆਂ ਬਾਰੇ ਖੁਲਾਸਾ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਸੂਤਰਾਂ ਮੁਤਾਬਕ ਆਰਗੇਨਾਈਜ਼ਡ ਕ੍ਰਾਈਮ ਐਂਡ ਕਰੱਪਸ਼ਨ ਰਿਪੋਰਟਿੰਗ ਪ੍ਰੋਜੈਕਟ ਦੇਸ਼ ਦੇ ਉਦਯੋਗਿਕ ਘਰਾਣਿਆਂ ਬਾਰੇ ‘ਕੁੱਝ ਖੁਲਾਸੇ’ ਕਰ ਸਕਦਾ ਹੈ। ਇਸ ਸੰਸਥਾ ਨੂੰ ਜਾਰਜ ਸੋਰੋਸ ਅਤੇ ਰੌਕਫੈਲਰ ਬ੍ਰਦਰਜ਼ ਵਰਗੀਆਂ ਸੰਸਥਾਵਾਂ ਦੁਆਰਾ ਫੰਡਿੰਗ ਕੀਤੀ ਜਾਂਦੀ ਹੈ।
ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਤਿੰਨ ਸੂਤਰਾਂ ਨੇ ਕਿਹਾ ਕਿ ਓਸੀਸੀਆਰਪੀ, ਜੋ ਆਪਣੇ ਆਪ ਨੂੰ ਇੱਕ ਜਾਂਚ ਰਿਪੋਰਟਿੰਗ ਪਲੇਟਫਾਰਮ ਕਹਿੰਦਾ ਹੈ। ਉਦਯੋਗਿਕ ਘਰਾਣੇ ਬਾਰੇ ਇੱਕ ਰਿਪੋਰਟ ਜਾਂ ਲੇਖਾਂ ਦੀ ਲੜੀ ਪ੍ਰਕਾਸ਼ਿਤ ਕਰ ਸਕਦਾ ਹੈ। ਇਹ ਯੂਰਪ, ਅਫਰੀਕਾ, ਏਸ਼ੀਆ ਅਤੇ ਲਾਤੀਨੀ ਅਮਰੀਕਾ ਵਿੱਚ ਫੈਲੇ 24 ਗੈਰ-ਮੁਨਾਫ਼ਾ ਖੋਜ ਕੇਂਦਰਾਂ ਦੁਆਰਾ ਬਣਾਈ ਗਈ ਹੈ। ਸੰਸਥਾ ਨੂੰ ਈ-ਮੇਲ ਭੇਜ ਕੇ ਸਵਾਲ ਪੁੱਛੇ ਗਏ ਸਨ ਪਰ ਫਿਲਹਾਲ ਉਨ੍ਹਾਂ ਵੱਲੋਂ ਕੋਈ ਜਵਾਬ ਨਹੀਂ ਆਇਆ।
ਜੋਰਜ ਸੋਰਸ ਦਾ ਫਾਊਂਡੇਂਸ਼ਨ ਕਰਦਾ ਹੈ ਫੰਡਿੰਗ: ਸਾਲ 2006 ਵਿੱਚ ਸਥਾਪਿਤ, OCCRP ਸੰਗਠਿਤ ਅਪਰਾਧ 'ਤੇ ਰਿਪੋਰਟਿੰਗ ਵਿੱਚ ਮੁਹਾਰਤ ਦਾ ਦਾਅਵਾ ਕਰਦਾ ਹੈ। ਇਹ ਮੀਡੀਆ ਹਾਊਸਾਂ ਨਾਲ ਸਾਂਝੇਦਾਰੀ ਰਾਹੀਂ ਰਿਪੋਰਟਾਂ, ਲੇਖ ਪ੍ਰਕਾਸ਼ਿਤ ਕਰਦਾ ਹੈ। ਸੰਸਥਾ ਦੀ ਵੈੱਬਸਾਈਟ ਦੇ ਅਨੁਸਾਰ, ਇਹ ਜਾਰਜ ਸੋਰੋਸ ਦੀ ਇਕਾਈ…ਓਪਨ ਸੋਸਾਇਟੀ ਫਾਊਂਡੇਸ਼ਨ ਦੁਆਰਾ ਫੰਡ ਕੀਤਾ ਜਾਂਦਾ ਹੈ। ਸੋਰੋਸ ਦੁਨੀਆਂ ਭਰ ਵਿੱਚ ਪਰਿਵਰਤਨਸ਼ੀਲ ਵਿਚਾਰਾਂ ਨੂੰ ਅੱਗੇ ਵਧਾਉਣ ਲਈ ਵਿੱਤ ਪ੍ਰਦਾਨ ਕਰਨ ਵਿੱਚ ਸਭ ਤੋਂ ਅੱਗੇ ਰਿਹਾ ਹੈ। ਹੋਰ ਸੰਸਥਾਵਾਂ ਜਿਨ੍ਹਾਂ ਤੋਂ ਇਹ ਗ੍ਰਾਂਟਾਂ ਪ੍ਰਾਪਤ ਕਰਦੀਆਂ ਹਨ ਉਹਨਾਂ ਵਿੱਚ ਫੋਰਡ ਫਾਊਂਡੇਸ਼ਨ, ਰੌਕਫੈਲਰ ਬ੍ਰਦਰਜ਼ ਫੰਡ ਅਤੇ ਓਕ ਫਾਊਂਡੇਸ਼ਨ ਸ਼ਾਮਲ ਹਨ। ਸੂਤਰਾਂ ਨੇ ਦੱਸਿਆ ਕਿ ਇਸ ਖੁਲਾਸੇ ਵਿੱਚ ਸਬੰਧਤ ਕਾਰਪੋਰੇਟ ਘਰਾਣੇ ਦੇ ਸ਼ੇਅਰਾਂ ਵਿੱਚ ਨਿਵੇਸ਼ ਕਰਨ ਵਿੱਚ ਵਿਦੇਸ਼ੀ ਫੰਡ ਸ਼ਾਮਲ ਹੋਣ ਦੀ ਗੱਲ ਹੋ ਸਕਦੀ ਹੈ। ਕਾਰਪੋਰੇਟ ਘਰਾਣੇ ਦੀ ਪਛਾਣ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ ਪਰ ਕਿਹਾ ਜਾ ਰਿਹਾ ਹੈ ਕਿ ਏਜੰਸੀਆਂ ਪੂੰਜੀ ਬਾਜ਼ਾਰ 'ਤੇ ਤਿੱਖੀ ਨਜ਼ਰ ਰੱਖ ਰਹੀਆਂ ਹਨ।
- Vegetable Prices: ਸਬਜ਼ੀਆਂ ਦੀ ਮਹਿੰਗਾਈ 'ਤੇ RBI ਗਵਰਨਰ ਦਾ ਬਿਆਨ, ਦੱਸਿਆ ਕਦੋਂ ਮਿਲੇਗੀ ਮਹਿੰਗਾਈ ਤੋਂ ਰਾਹਤ
- Share Market : ਚੰਦਰਯਾਨ-3 ਦੀ ਸਫਲਤਾ ਕਾਰਨ ਇਨ੍ਹਾਂ ਸ਼ੇਅਰ ਸੈਕਟਰਾਂ ਵਿੱਚ ਦਿਖੀ ਤੇਜ਼ੀ
- Adani BHEL : ਅਡਾਨੀ ਗਰੁੱਪ ਨੇ BHEL ਨੂੰ ਦਿੱਤਾ ਵੱਡਾ ਆਰਡਰ, ਅਡਾਨੀ ਗ੍ਰੀਨ ਐਨਰਜੀ 'ਤੇ ਕੀਤੀ ਵੱਡੀ ਕਾਰਵਾਈ
ਹਿੰਡਨਬਰਗ ਅਡਾਨੀ ਸਮੂਹ 'ਤੇ ਰਿਪੋਰਟ ਕਰਨਾ ਜਾਰੀ: ਅਮਰੀਕੀ ਸ਼ਾਰਟ ਸੇਲਰ ਹਿੰਡਨਬਰਗ ਰਿਸਰਚ ਨੇ ਇਸ ਸਾਲ 24 ਜਨਵਰੀ ਨੂੰ ਅਡਾਨੀ ਸਮੂਹ 'ਤੇ ਇੱਕ ਰਿਪੋਰਟ ਜਾਰੀ ਕੀਤੀ ਸੀ। ਜਿਸ 'ਚ ਗਰੁੱਪ 'ਤੇ ਆਡਿਟ 'ਚ ਧੋਖਾਧੜੀ, ਸ਼ੇਅਰਾਂ ਦੀ ਕੀਮਤ 'ਚ ਹੇਰਾਫੇਰੀ ਅਤੇ ਟੈਕਸ ਦੀ ਗਲਤ ਵਰਤੋਂ ਵਰਗੇ 86 ਗੰਭੀਰ ਇਲਜ਼ਾਮ ਲਗਾਏ ਗਏ ਸਨ। ਇਸ ਕਾਰਨ ਸਮੂਹ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ। ਹਾਲਾਂਕਿ ਅਡਾਨੀ ਸਮੂਹ ਨੇ ਸਾਰੇ ਇਲਜ਼ਮਾਂ ਨੂੰ ਬੇਬੁਨਿਆਦ ਦੱਸਦਿਆਂ ਖਾਰਜ ਕਰ ਦਿੱਤਾ ਹੈ।
