ਮੁੰਬਈ : ਕੋਰੋਨਾ ਵਾਇਰਸ ਦੇ ਕਹਿਰ ਤੋਂ ਬਾਅਦ ਯੈੱਸ ਬੈਂਕ ਵਾਲੇ ਸੰਕਟ ਦੇ ਕਾਰਨ ਸ਼ੇਅਰ ਬਾਜ਼ਾਰ 1100 ਤੋਂ ਜ਼ਿਆਦਾ ਅੰਕਾਂ ਦੀ ਗਿਰਾਵਟ ਦੇ ਨਾਲ ਖੁੱਲ੍ਹਿਆ ਹੈ। ਸੈਂਸੈਕਸ 1131.15 ਅੰਕ ਡਿੱਗ ਕੇ 36,445.47 ਉੱਤੇ ਪਹੁੰਚ ਗਿਆ ਹੈ। ਉੱਥੇ ਹੀ ਨਿਫ਼ਟੀ 332.40 ਅੰਕ ਡਿੱਗ ਕੇ 10,657.05 ਉੱਤੇ ਪਹੁੰਚਿਆ।
ਹਾਲਾਂਕਿ ਯੈੱਸ ਬੈਂਕ ਦੇ ਲਈ ਰਾਹਤ ਵਾਲੀ ਖ਼ਬਰ ਹੈ। ਬੈਂਕ ਦੇ ਸ਼ੇਅਰ ਮਜ਼ਬੂਤੀ ਦੇ ਨਾਲ ਖੁੱਲ੍ਹੇ ਅਤੇ 20 ਫ਼ੀਸਦੀ ਤੱਕ ਉੱਛਲਿਆ। ਸਟੇਟ ਬੈਂਕ ਆਫ਼ ਇੰਡੀਆ ਦੇ ਯੈੱਸ ਬੈਂਕ ਨੂੰ ਸੰਕਟ ਤੋਂ ਕੱਢਣ ਦੇ ਲਈ ਨਿਵੇਸ਼ ਕਰਨ ਦੀ ਸੰਭਾਵਨਾ ਹੈ।
ਇਹ ਵੀ ਪੜ੍ਹੋ : ਅਦਾਲਤ ਨੇ ਰਾਣਾ ਕਪੂਰ ਨੂੰ 11 ਮਾਰਚ ਤੱਕ ਈਡੀ ਦੀ ਹਿਰਾਸਤ ਵਿੱਚ ਭੇਜਿਆ
ਦੇਸ਼ ਵਿੱਚ ਕੋਰੋਨਾ ਵਾਇਰਸ ਦੇ ਮਾਮਲੇ ਪਾਏ ਜਾਣ ਅਤੇ ਯੈੱਸ ਬੈਂਕ ਵਿੱਚ ਤਰਲਤਾ ਦਾ ਸੰਕਟ ਮੰਡਰਾਉਣ ਕਾਰਨ ਦਲਾਲ ਸਟ੍ਰੀਟ ਉੱਤੇ ਮਾਯੂਸੀ ਦਾ ਆਲਮ ਛਾਇਆ ਹੋਇਆ ਹੈ।
ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਵੀ ਬਾਜ਼ਾਰ ਵਿੱਚ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ ਸੀ। ਸੈਂਸੈਕਸ 1400 ਅੰਕਾਂ ਦੀ ਗਿਰਾਵਟ ਦੇ ਨਾਲ ਖੁੱਲ੍ਹਿਆ ਸੀ ਅਤੇ 37,000 ਉੱਤੇ ਪਹੁੰਚ ਗਿਆ ਸੀ।
ਯੈੱਸ ਬੈਂਕ ਦੇ ਸ਼ੇਅਰ ਵੀ 50 ਫ਼ੀਸਦੀ ਤੋਂ ਜ਼ਿਆਦਾ ਡਿੱਗ ਗਏ ਸਨ।
