ਨਵੀਂ ਦਿੱਲੀ: ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀ ਮਾਰੂਤੀ ਸੁਜ਼ੂਕੀ ਇੰਡੀਆ ਨੇ ਆਪਣੇ ਡੀਲਰਾਂ ਦੇ ਲਈ ਨਵੇਂ ਮਾਨਕ ਇੰਜਣ ਵਾਲੇ ਨਿਯਮਾ (ਐੱਸਓਪੀ) ਜਾਰੀ ਕੀਤੇ ਹਨ। ਕੰਪਨੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਕੋਰੋਨਾ ਵਾਇਰਸ ਸੰਕਟ ਨੂੰ ਦੇਖਦੇ ਹੋਏ ਉਸ ਨੇ ਦੇਸ਼ ਭਰ ਦੇ ਡੀਲਰਾਂ ਦੇ ਲਈ ਇਹ ਵਿਆਪਕ ਐੱਸਓੀ ਤਿਆਰ ਕੀਤੀ ਹੈ।
ਕੰਪਨੀ ਨੇ ਕਿਹਾ ਕਿ ਨਵੇਂ ਐੱਸਓਪੀ ਵਿੱਚ ਗਾਹਕਾਂ ਅਤੇ ਕਰਮਚਾਰੀਆਂ ਦੀ ਸੁਰੱਖਿਆ ਦੇ ਲਈ ਸਾਰੇ ਸ਼ੋਰੂਮਾਂ ਵਿੱਚ ਉੱਚਤਮ ਪੱਧਰ ਦੀ ਸਾਫ਼-ਸਫ਼ਾਈ ਅਤੇ ਸਵੱਛਤਾ ਨਿਸ਼ਚਿਤ ਕਰਨ ਉੱਤੇ ਜ਼ੋਰ ਦਿੱਤਾ ਗਿਆ ਹੈ। ਇੰਨ੍ਹਾਂ ਨਿਯਮਾਂ ਨੂੰ ਗਾਹਕਾਂ ਦੇ ਨਾਲ ਕੀਤੀ ਜਾਣ ਵਾਲੀ ਹਰ ਤਰ੍ਹਾਂ ਦੀ ਗੱਲਾਬਤ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤਾ ਗਿਆ ਹੈ।
ਬਿਆਨ ਮੁਤਾਬਕ ਗ੍ਰਾਹਕ ਦੇ ਸ਼ੋਰੂਮ ਵਿੱਚ ਜਾਣ ਨੂੰ ਲੈ ਕੇ ਉਸੇ ਵਾਹਨ ਦੀ ਡਲਿਵਰੀ ਤੱਕ ਦੇ ਸਾਰੇ ਪੱਖਾਂ ਦਾ ਧਿਆਨ ਰੱਖਦੇ ਹੋਏ ਇਹ ਨਿਯਮ ਬਣਾਏ ਗਏ ਹਨ। ਇਹ ਸਾਰੀਆਂ ਮਾਨਕ ਪ੍ਰਕਿਰਿਆਵਾਂ ਵਿਗਿਆਨਕ ਜਾਂਚ ਉੱਤੇ ਆਧਾਰਿਤ ਹਨ।
ਕੰਪਨੀ ਨੇ ਕਿਹਾ ਕਿ ਇਨ੍ਹਾਂ ਐੱਸਓਪੀ ਨੂੰ ਲਾਗੂ ਕਰ ਕੇ ਅਤੇ ਸਥਾਨਕ ਸੂਬਾ ਸਰਕਾਰਾਂ ਤੋਂ ਮਨਜ਼ੂਰੀ ਲੈਣ ਤੋਂ ਬਾਅਦ ਕੰਪਨੀ ਨੇ ਆਪਣੇ ਡੀਲਰ ਸ਼ੋਰੂਮ ਖੋਲ੍ਹਣੇ ਸ਼ੁਰੂ ਕਰ ਦਿੱਤੇ ਹਨ। ਨਾਲ ਹੀ ਗਾਹਕਾਂ ਨੂੰ ਕਾਰਾਂ ਦੀ ਪੂਰਤੀ ਵੀ ਸ਼ੁਰੂ ਕਰ ਦਿੱਤੀ ਹੈ।
ਕੰਪਨੀ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਕੇਨਿਚੀ ਆਯੂਕਾਵਾ ਨੇ ਕਿਹਾ ਕਿ ਉਨ੍ਹਾਂ ਦੇ ਸਾਰੇ ਡੀਲਰ ਜ਼ਿਆਦਾ ਸੰਪਰਕ ਵਿੱਚ ਆਉਣ ਵਾਲੇ ਸਾਰੇ ਪਰਤਾਂ ਸਮੇਤ ਹੋਰ ਸਥਾਨਾਂ ਦੀ ਉੱਚ ਪੱਧਰੀ ਸਾਫ਼-ਸਫ਼ਾਈ ਅਤੇ ਉਨ੍ਹਾਂ ਕੀਟਾਣੂਮੁਕਤ ਬਣਾਉਣ ਨਿਸ਼ਚਿਤ ਕਰ ਰਹੇ ਹਨ। ਕੰਪਨੀ ਦੇ ਦੇਸ਼ ਭਰ ਦੇ 1,960 ਸ਼ਹਿਰਾਂ ਅਤੇ ਕਸਬਿਆਂ ਵਿੱਚ 3,080 ਡੀਲਰ ਸ਼ੋਰੂਮ ਹਨ।
