ਹੈਦਰਾਬਾਦ (ਤੇਲੰਗਾਨਾ): ਦੁਨੀਆਂ ਦੀ ਸਭ ਤੋਂ ਵੱਡੀ ਰਾਮੋਜੀ ਫ਼ਿਲਮ ਸਿਟੀ ਇੱਕ ਵਾਰ ਫਿਰ ਸੈਲਾਨੀਆਂ ਦੇ ਸਵਾਗਤ ਲਈ ਤਿਆਰ ਹੈ। ਰਾਮੋਜੀ ਫ਼ਿਲਮ ਸਿਟੀ 8 ਅਕਤੂਬਰ ਤੋਂ ਦੁਬਾਰਾ ਖੁੱਲਣ ਜਾ ਰਹੀ ਹੈ। ਖੂਬਸੂਰਤ ਬਗੀਚੇ, ਮਨਮੋਹਕ ਝਰਨੇ ਅਤੇ ਸਿਰਜਣਾਤਮਕ ਮਨੋਰੰਜਨ ਤੁਹਾਨੂੰ 2,000 ਏਕੜ ਵਿੱਚ ਫੈਲੀ ਇਸ ਵਿਸ਼ਾਲ ਫ਼ਿਲਮ ਸਿਟੀ ਦੀ ਇੱਕ ਵੱਖਰੀ ਦੁਨੀਆਂ ਵਿੱਚ ਲੈ ਜਾਣਗੇ। ਸੈਲਾਨੀਆਂ ਲਈ, ਕੋਵਿਡ -19 ਸੁਰੱਖਿਆ-ਸਾਵਧਾਨੀਆਂ ਨੂੰ ਧਿਆਨ ਵਿੱਚ ਰੱਖ ਤਿਆਰੀਆਂ ਕੀਤੀਆਂ ਗਈਆਂ ਹਨ।
ਦੁਨੀਆਂ ਦੀ ਸਭ ਤੋਂ ਵੱਡੀ ਫ਼ਿਲਮ ਸਿਟੀ
ਗਿੰਨੀਜ਼ ਵਰਲਡ ਰਿਕਾਰਡਜ਼ ਨੇ ਰਾਮੋਜੀ ਫ਼ਿਲਮ ਸਿਟੀ ਨੂੰ ਦੁਨੀਆਂ ਦੀ ਸਭ ਤੋਂ ਵੱਡੀ ਫ਼ਿਲਮ ਸਿਟੀ ਵਜੋਂ ਦਰਜਾ ਦਿੱਤਾ ਹੈ। ਇਹ ਦੇਸ਼ ਭਰ ਵਿੱਚ ਇੱਕ ਵਿਲੱਖਣ ਜਗ੍ਹਾ ਹੈ ਜਿੱਥੇ ਲੱਖਾਂ ਲੋਕਾਂ ਦੇ ਸੁਪਨੇ ਸਾਕਾਰ ਹੁੰਦੇ ਹਨ। ਇਸ ਦੀਆਂ ਸਹੂਲਤਾਂ ਦੀ ਵਿਸ਼ਾਲ ਸ਼੍ਰੇਣੀ ਤਕਨੀਕੀ, ਆਰਕੀਟੈਕਚਰਲ ਅਤੇ ਲੈਂਡਸਕੇਪ ਡਿਜ਼ਾਈਨਿੰਗ ਦੇ ਖੇਤਰ ਵਿੱਚ ਅੰਤਰਰਾਸ਼ਟਰੀ ਮਾਹਰਾਂ ਦੁਆਰਾ ਤਿਆਰ ਅਤੇ ਵਿਕਸਤ ਕੀਤਾ ਗਿਆ ਹੈ।
ਸਿਨੇਮੈਟਿਕ ਆਕਰਸ਼ਣ ਦਾ ਅਨੋਖਾ ਸਥਾਨ
ਰਾਮੋਜੀ ਫ਼ਿਲਮ ਸਿਟੀ ਸਥਾਈ ਸਿਨੇਮੈਟਿਕ ਸੁਹਜ ਦੇ ਨਾਲ ਬਹੁਤ ਸਾਰੀਆਂ ਫ਼ਿਲਮਾਂ ਲਈ ਆਦਰਸ਼ ਪਿੱਠਭੂਮੀ ਰਹੀ ਹੈ। ਫ਼ਿਲਮ ਨਿਰਮਾਣ ਦੀਆਂ ਸਾਰੀਆਂ ਪੇਸ਼ੇਵਰ ਸੇਵਾਵਾਂ ਇੱਥੇ ਉਪਲਬਧ ਹਨ, ਜਿਸਦੇ ਕਾਰਨ ਕਿਸੇ ਨੂੰ ਇੱਥੇ ਬਿਨਾਂ ਕਿਸੇ ਮੁਸ਼ਕਲ ਦੇ ਫ਼ਿਲਮ ਨਿਰਮਾਣ ਦਾ ਉੱਤਮ ਤਜਰਬਾ ਪ੍ਰਾਪਤ ਹੁੰਦਾ ਹੈ। ਦੁਨੀਆਂ ਦੇ ਸਭ ਤੋਂ ਵੱਡੀ ਫ਼ਿਲਮ ਸਿਟੀ ਦੀਆਂ ਸਹੂਲਤਾਂ ਦੇ ਕਰਕੇ ਹੀ ਇੱਥੇ ਬਹੁਤ ਸਾਰੀਆਂ ਫ਼ਿਲਮਾਂ ਦੀ ਸ਼ੂਟਿੰਗ ਇੱਕੋ ਸਮੇਂ ਕੀਤੀ ਜਾ ਸਕਦੀ ਹੈ। ਰਾਮੋਜੀ ਫ਼ਿਲਮ ਸਿਟੀ ਦੇ ਫ਼ਿਲਮ ਸੈੱਟ ਲੋਕਾਂ ਦੀ ਖਿੱਚ ਦਾ ਕੇਂਦਰ ਹਨ, ਜਿਨ੍ਹਾਂ ਨੂੰ ਦੇਖਣ ਹਰ ਸਾਲ ਲਗਭਗ 15 ਲੱਖ ਸੈਲਾਨੀ ਆਉਂਦੇ ਹਨ। ਰਾਮੋਜੀ ਫ਼ਿਲਮ ਸਿਟੀ ਆਪਣੇ ਵਿਸ਼ਾਲ ਮਨੋਰੰਜਨ ਖੇਤਰ ਅਤੇ ਥੀਮ-ਅਧਾਰਤ ਇੰਟਰੈਕਟਿਵ ਮਨੋਰੰਜਨ ਲਈ ਮਸ਼ਹੂਰ ਹੈ। ਇਸ ਦੇ ਕੁਝ ਮਹੱਤਵਪੂਰਨ ਆਕਰਸ਼ਣ ਹੇਠ ਲਿਖੇ ਅਨੁਸਾਰ ਹਨ।
ਸ਼ਾਹੀ ਕਿਲ੍ਹਿਆਂ ਦੀ ਤਰਜ਼ 'ਤੇ ਬਣਿਆ ਯੂਰੇਕਾ
ਯੂਰੇਕਾ ਇੱਕ ਇਮਾਰਤ ਹੈ ਜੋ ਮੱਧਯੁਗੀ ਸ਼ਾਹੀ ਕਿਲ੍ਹਿਆਂ ਦੇ ਅਨੁਸਾਰੀ ਬਣੀ ਹੋਈ ਹੈ। ਇਸਦੀ ਵਿਸ਼ਾਲ ਇਮਾਰਤ ਮਹਿਮਾਨਾਂ ਦਾ ਡਾਂਸ ਅਤੇ ਗੀਤ ਸਮਾਰੋਹ, ਬੱਚਿਆਂ ਦੇ ਖੇਡ ਮੇਲਿਆਂ ਅਤੇ ਥੀਮ ਰੈਸਟੋਰੈਂਟਾਂ ਨਾਲ ਸਵਾਗਤ ਕਰਦੀ ਹੈ। ਯੂਰੇਕਾ 'ਚ ਯਾਦਗਾਰੀ ਥੀਮ ਲੋਕਾਂ ਦਾ ਨਿੱਘਾ ਸਵਾਗਤ ਕਰਦੇ ਹਨ।
ਫੰਡੁਸਤਾਨ ਅਤੇ ਬੋਰਸੁਰਾ
ਫੰਡੁਸਤਾਨ ਖਾਸ ਤੌਰ ਤੇ ਬੱਚਿਆਂ ਲਈ ਤਿਆਰ ਕੀਤਾ ਗਿਆ ਹੈ। ਜਿੱਥੇ ਪਹੁੰਚ ਕੇ ਉਹ ਦਿਲਚਸਪ ਸਵਾਰੀਆਂ ਅਤੇ ਕਈ ਤਰ੍ਹਾਂ ਦੀਆਂ ਖੇਡਾਂ ਦਾ ਅਨੰਦ ਲੈ ਸਕਦੇ ਹਨ। ਇਸ ਤੋਂ ਇਲਾਵਾ ਬੋਰਸੁਰਾ ਬੱਚਿਆਂ ਦੇ ਲਈ ਇੱਕ ਜਾਦੂਗਰ ਦੀ ਵਰਕਸ਼ਾਪ ਵੀ ਹੈ, ਜੋ ਬੱਚਿਆਂ ਨੂੰ ਆਕਰਸ਼ਤ ਕਰੇਗੀ। ਇੱਥੇ ਮੌਜੂਦ ਹਨੇਰੇ ਵਿਚਲੇ ਡਰਾਉਣੇ ਤਜ਼ਰਬੇ ਬੱਚਿਆਂ ਨੂੰ ਹੈਰਾਨ ਕਰਨ ਵਾਲੇ ਹਨ।
ਰਾਮੋਜੀ ਮੂਵੀ ਮੈਜਿਕ
ਰਾਮੋਜੀ ਮੂਵੀ ਮੈਜਿਕ ਦੀ ਕਲਪਨਾ ਫ਼ਿਲਮ ਅਤੇ ਕਲਪਨਾ ਦੀ ਵਿਲੱਖਣਤਾ ਲਿਆਉਣ ਲਈ ਕੀਤੀ ਗਈ ਹੈ। ਇਹ ਐਕਸ਼ਨ ਸੈਲਾਨੀਆਂ ਨੂੰ ਫ਼ਿਲਮ ਨਿਰਮਾਣ ਦੀਆਂ ਜਟਿਲਤਾਵਾਂ ਅਤੇ ਵਿਸ਼ੇਸ਼ ਪ੍ਰਭਾਵਾਂ, ਸੰਪਾਦਨ ਅਤੇ ਡੱਬਿੰਗ ਦੀ ਮਨਮੋਹਕ ਦੁਨੀਆਂ ਨਾਲ ਜਾਣੂ ਕਰਵਾਉਂਦਾ ਹੈ। ਫ਼ਿਲਮ ਜਗਤ ਕਲਪਨਾ ਦੀ ਦੁਨੀਆਂ ਵਿੱਚ ਇੱਕ ਦਿਲਚਸਪ ਹਨੇਰੇ ਦੀ ਸਵਾਰੀ ਬਹੁਤ ਮਜ਼ੇਦਾਰ ਹੈ। ਰਾਮੋਜੀ ਪੁਲਾੜ ਯਾਤਰਾ, ਪੁਲਾੜ ਵਿੱਚ ਇੱਕ ਵਰਚੁਅਲ ਯਾਤਰਾ ਦੀ ਭਾਵਨਾ ਪ੍ਰਦਾਨ ਕਰਦੀ ਹੈ।
ਰੋਜ਼ਾਨਾ ਲਾਈਵ ਸ਼ੋਅ
ਰਾਮੋਜੀ ਫ਼ਿਲਮ ਸਿਟੀ ਦਾ ਅਸਲ ਜਾਦੂ ਇੱਥੇ ਰੋਜ਼ਾਨਾ ਲਾਈਵ ਸ਼ੋਅ ਹੈ। ਇਹ ਜਾਣਨ ਲਈ, ਕੋਈ ਦਿਲਚਸਪ ਸ਼ੋਅ 'ਸਪਿਰਿਟ ਆਫ਼ ਰਾਮੋਜੀ' ਦੇਖ ਸਕਦਾ ਹੈ ਜੋ ਦੇਸ਼ ਦੇ ਅਮੀਰ ਸਭਿਆਚਾਰ ਨੂੰ ਪ੍ਰਦਰਸ਼ਿਤ ਕਰਦਾ ਹੈ। 'ਦਿ ਵਾਈਲਡ ਵੈਸਟ ਸਟੰਟ ਸ਼ੋਅ' ਰਾਮੋਜੀ ਫ਼ਿਲਮ ਸਿਟੀ ਦੇ ਹਸਤਾਖਰ ਸ਼ੋਅ ਵਿੱਚੋਂ ਇੱਕ ਹੈ, ਜੋ ਕਿ 60 ਦੇ ਦਹਾਕੇ ਵਿੱਚ ਹਾਲੀਵੁੱਡ ਦੀਆਂ ਕਾਉਬੌਇ ਫ਼ਿਲਮਾਂ ਵਰਗਾ ਹੈ। ਜਦੋਂ ਕਿ ਬੈਕਲਾਈਟ ਸ਼ੋਅ ਵਿੱਚ ਪ੍ਰਤਿਭਾਸ਼ਾਲੀ ਅਦਾਕਾਰ ਬੈਕਲਿਟ ਥੀਏਟਰ ਦੇ ਸਿਧਾਂਤਾਂ ਅਤੇ ਵਿਸ਼ੇਸ਼ ਐਨੀਮੇਸ਼ਨ ਦੀ ਵਰਤੋਂ ਕਰਦਿਆਂ ਸ਼ਾਨਦਾਰ ਤਰੀਕੇ ਨਾਲ ਰੋਜ਼ਾਨਾ ਦੀਆਂ ਕਹਾਣੀਆਂ ਨੂੰ ਦਰਸਾਉਂਦੇ ਹਨ।
ਗਾਈਡਡ ਟੂਰ
ਸੈਲਾਨੀ ਵਿਸ਼ੇਸ਼ ਤੌਰ 'ਤੇ ਤਿਆਰ ਕੀਤੇ ਗਏ ਕੋਚ ਨਾਲ ਪੂਰੀ ਰਾਮੋਜੀ ਫ਼ਿਲਮ ਸਿਟੀ ਦੀ ਯਾਤਰਾ ਕਰ ਸਕਦੇ ਹਨ। ਇਸ ਸ਼ਾਨਦਾਰ ਸੰਸਾਰ ਦਾ ਅਨੰਦ ਲੈਣ ਲਈ ਘੱਟੋ ਘੱਟ ਇੱਕ ਦਿਨ ਦਾ ਸਮਾਂ ਹੋਣਾ ਚਾਹੀਦਾ ਹੈ। ਸਿਨੇਮੈਟਿਕ ਸੁਹਜ, ਫ਼ਿਲਮ ਸੈੱਟ, ਖ਼ੂਬਸੂਰਤ ਬਗੀਚੇ ਅਤੇ ਮਾਰਗ ਇਸ ਨੂੰ ਬਹੁਤ ਹੀ ਆਕਰਸ਼ਕ ਬਣਾਉਂਦੇ ਹਨ। ਇਹ ਸਾਡੀ ਕੁਦਰਤ ਅਧਾਰਤ ਖਿੱਚ ਦਾ ਸ਼ਾਨਦਾਰ ਅਨੁਭਵ ਹੈ। ਸੈਲਾਨੀ ਇੱਥੇ ਬੋਨਸਾਈ ਦੇ ਬਾਗਾਂ ਵਿੱਚ ਵਿਦੇਸ਼ੀ ਤਿਤਲੀਆਂ ਦੇਖ ਸਕਦੇ ਹਨ। ਬਟਰਫਲਾਈ ਪਾਰਕ ਦਾ ਦੌਰਾ ਕਰਨਾ ਚਾਹੀਦਾ ਹੈ। ਇੱਥੇ ਬੌਣੀਆਂ ਝਾੜੀਆਂ ਦੇ ਵਿਚਕਾਰ ਤਿਤਲੀਆਂ ਦੇ ਖੰਭਾਂ ਦਾ ਮਨਮੋਹਕ ਦ੍ਰਿਸ਼ ਵੀ ਹੈ। ਬੋਨਸਾਈ ਗਾਰਡਨ ਅਤੇ ਬਰਡ ਪਾਰਕ ਦਾ ਤਜਰਬਾ ਸ਼ਾਨਦਾਰ ਹੈ।
ਵਿੰਗਸ-ਬਰਡ ਪਾਰਕ
ਦੁਨੀਆਂ ਭਰ ਦੇ ਪੰਛੀ ਇਸ ਪਾਰਕ ਵਿੱਚ ਮੌਜੂਦ ਹਨ ਜਿੱਥੇ ਉਨ੍ਹਾਂ ਨੂੰ ਕੁਦਰਤੀ ਵਾਤਾਵਰਣ ਵਿੱਚ ਪਿੰਜਰੇ ਵਿੱਚ ਰੱਖਿਆ ਗਿਆ ਹੈ। ਬਰਡ ਪਾਰਕ ਦੇ ਚਾਰ ਜ਼ੋਨ ਹਨ ਜਿਵੇਂ ਕਿ ਵਾਟਰ ਬਰਡਸ ਅਰੇਨਾ, ਕੈਜਡ ਬਰਡਸ ਗਰਾਉਂਡ, ਫ੍ਰੀ-ਰੇਂਜਰ ਬਰਡ ਜ਼ੋਨ ਅਤੇ ਸ਼ੁਤਰਮੁਰਗ ਜ਼ੋਨ।
ਹਿੰਮਤ - ਰਾਮੋਜੀ ਐਡਵੈਂਚਰ ਲੈਂਡ
ਰਾਮੋਜੀ ਫ਼ਿਲਮ ਸਿਟੀ ਵਿੱਚ 'ਐਡਵੈਂਚਰ ਲੈਂਡ ਆਫ਼ ਏਸ਼ੀਆ' ਹਰ ਉਮਰ ਸਮੂਹ ਦੇ ਲੋਕਾਂ ਨੂੰ ਇੱਕ ਥਾਂ ਤੇ ਕਈ ਤਰ੍ਹਾਂ ਦੀਆਂ ਰੋਮਾਂਚਕ ਗਤੀਵਿਧੀਆਂ ਦੀ ਪੇਸ਼ਕਸ਼ ਕਰਦਾ ਹੈ। ਇਹ ਐਡਵੈਂਚਰ ਗੇਮਜ਼ ਤੋਂ ਇਲਾਵਾ ਮਨੋਰੰਜਨ ਅਤੇ ਸਾਹਸ ਦੀ ਜਗ੍ਹਾ ਹੈ ਜੋ ਸਾਹਸੀਆਂ ਨੂੰ ਆਕਰਸ਼ਤ ਕਰਦੀ ਹੈ। ਸ਼ੈਲਾਨੀ ਇਥੇ ਉੱਚ ਰੋਪ ਕੋਰਸ, ਨੈੱਟ ਕੋਰਸ, ਏਟੀਵੀ ਰਾਈਡਜ਼, ਮਾਉਂਟੇਨ ਬਾਈਕ, ਪੇਂਟਬਾਲ, ਟਾਰਗੇਟ-ਸ਼ੂਟਿੰਗ, ਤੀਰਅੰਦਾਜ਼ੀ, ਸ਼ੂਟਿੰਗ, ਇਨਫਲੇਟੇਬਲਸ, ਜੋਰਬਿੰਗ ਅਤੇ ਬੰਗੀ ਵਰਗੀਆਂ ਦਿਲਚਸਪ ਖੇਡਾਂ ਦਾ ਅਨੰਦ ਵੀ ਲੈ ਸਕਦੇ ਹਨ। ਇਹ ਅੰਤਰਰਾਸ਼ਟਰੀ ਪੇਸ਼ੇਵਰਾਂ ਦੁਆਰਾ ਤਿਆਰ ਕੀਤੀਆਂ ਗਈਆਂ ਹਨ ਅਤੇ ਇਨ੍ਹਾਂ ਗਤੀਵਿਧੀਆਂ ਦੌਰਾਨ ਸੁਰੱਖਿਆ ਦੇ ਸਾਰੇ ਮਾਪਦੰਡ ਯਕੀਨੀ ਬਣਾਏ ਜਾਂਦੇ ਹਨ।
ਹਰ ਬਜਟ ਲਈ ਹੋਟਲ ਪੈਕੇਜ
ਰਾਮੋਜੀ ਫ਼ਿਲਮ ਸਿਟੀ ਦੇ ਪੂਰਨ ਦੌਰੇ ਲਈ ਇੱਕ ਦਿਨ ਦਾ ਸਮਾਂ ਕਾਫ਼ੀ ਨਹੀਂ ਹੈ, ਇਸ ਲਈ ਤੁਹਾਡੇ ਬਜਟ ਦੇ ਅਨੁਸਾਰ, ਇੱਥੇ ਰਹਿਣ ਲਈ ਇੱਕ ਉਚਿਤ ਸਹੂਲਤਾਂ ਵੀ ਹਨ। ਹਰ ਬਜਟ ਲਈ ਆਕਰਸ਼ਕ ਪੈਕੇਜ ਇੱਥੇ ਦਿੱਤੇ ਗਏ ਹਨ। ਰਾਮੋਜੀ ਫ਼ਿਲਮ ਸਿਟੀ ਦੇ ਹੋਟਲਾਂ ਵਿੱਚ ਲਗਜ਼ਰੀ ਹੋਟਲ ਸਿਤਾਰਾ, ਸੁਵਿਧਾਜਨਕ ਹੋਟਲ ਤਾਰਾ, ਵਸੁੰਧਰਾ ਵਿਲਾ ਵਿੱਚ ਫ਼ਾਰਮ ਹਾਊਸ ਰਿਹਾਇਸ਼, ਸ਼ਾਂਤੀਨਿਕੇਤਨ ਵਿੱਚ ਬਜਟ ਸਟੇਅ, ਸਹਾਰਾ ਅਤੇ ਗ੍ਰੀਨਜ਼ ਇਨ ਵਿੱਚ ਸੁਪਰ ਇਕਾਨਮੀ ਡੌਰਮਿਟਰੀ ਰਿਹਾਇਸ਼ ਸ਼ਾਮਲ ਹਨ, ਜੋ ਵਿਅਕਤੀਗਤ ਪਸੰਦਾਂ ਨਾਲ ਮੇਲ ਕਰਨ ਲਈ ਕਈ ਵਿਕਲਪ ਪੇਸ਼ ਕਰਦੀਆਂ ਹਨ।
ਕੋਵਿਡ -19: ਸਾਵਧਾਨੀ ਨਾਲ ਸੁਰੱਖਿਆ
ਮਨੋਰੰਜਨ ਦੇ ਖੇਤਰਾਂ ਵਿੱਚ ਪਹਿਲ ਦੇ ਅਧਾਰ ਤੇ ਸਫ਼ਾਈ ਅਤੇ ਸੁਰੱਖਿਆ ਪ੍ਰੋਟੋਕੋਲ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ। ਸੈਲਾਨੀਆਂ ਲਈ ਸਮਾਜਿਕ ਦੂਰੀ ਯਕੀਨੀ ਬਣਾਈ ਗਈ ਹੈ। ਉੱਚ ਸੰਪਰਕ ਵਾਲੀਆਂ ਥਾਵਾਂ ਨੂੰ ਨਿਯਮਿਤ ਤੌਰ 'ਤੇ ਰੋਗਾਣੂ ਮੁਕਤ ਕੀਤਾ ਜਾ ਰਿਹਾ ਹੈ। ਸੁਰੱਖਿਆ ਪ੍ਰਕਿਰਿਆਵਾਂ ਦੇ ਸਿਖਲਾਈ ਪ੍ਰਾਪਤ ਕਰਮਚਾਰੀ ਵੀ ਸੈਲਾਨੀਆਂ ਦੀ ਸਹਾਇਤਾ ਲਈ ਮੌਜੂਦ ਹਨ।
ਵਧੇਰੇ ਜਾਣਕਾਰੀ ਲਈ ramojifilmcity.com ਤੇ ਲੌਗਇਨ ਕਰੋ ਜਾਂ ਟੋਲ ਫਰੀ 1800 120 2999 ਤੇ ਸੰਪਰਕ ਕਰੋ
ਇਹ ਵੀ ਪੜ੍ਹੋ:- ਫਲੋਰ ਟੈਸਟ ਕਰਵਾਉਣ ਦਾ ਫੈਸਲਾ ਸਪੀਕਰ ਦਾ-ਕੈਪਟਨ
