ਨਵੀਂ ਦਿੱਲੀ/ਗਾਜ਼ੀਆਬਾਦ : ਮਾਨਤਾਵਾਂ ਦੇ ਮੁਤਾਬਕ, ਨਰਾਤਿਆਂ ਵਿੱਚ ਨੌਂ ਦਿਨ ਵਰਤ ਰੱਖਣ ਨਾਲ ਮਨ, ਸਰੀਰ ਅਤੇ ਆਤਮਾ ਸ਼ੁੱਧ ਹੁੰਦੇ ਹਨ। ਇਨ੍ਹਾਂ ਦਿਨਾਂ ਵਿੱਚ ਵਰਤ ਰੱਖ ਕੇ ਦੇਵੀ ਦੁਰਗਾ ਦੇ ਵੱਖੋ -ਵੱਖਰੇ ਰੂਪਾਂ ਦੀ ਪੂਜਾ ਕਰਨ ਨਾਲ ਵਿਸ਼ੇਸ਼ ਫਲ ਮਿਲਦੇ ਹਨ, ਪਰ ਨੌਂ ਦਿਨ ਵਰਤ ਰੱਖਣ ਨਾਲ ਕਮਜ਼ੋਰੀ ਵੀ ਹੋ ਸਕਦੀ ਹੈ। ਤੁਸੀਂ ਬਿਮਾਰ ਵੀ ਹੋ ਸਕਦੇ ਹੋ ਜਾਂ ਤੁਸੀਂ ਜਾਣਬੁੱਝ ਕੇ ਜਾਂ ਅਣਜਾਣੇ ਵਿੱਚ ਅਜਿਹੀਆਂ ਚੀਜ਼ਾਂ ਦਾ ਸੇਵਨ ਕਰ ਸਕਦੇ ਹੋ, ਜਿਸ ਕਾਰਨ ਵਰਤ ਨਿਸ਼ਫਲ ਹੋ ਜਾਂਦਾ ਹੈ। ਇਸ ਲਈ ਇਹ ਬਹੁਤ ਮਹੱਤਵਪੂਰਨ ਹੈ ਕਿ ਵਰਤ ਰੱਖਣ ਵਾਲਿਆਂ ਨੂੰ ਖਾਣ -ਪੀਣ ਦਾ ਖ਼ਾਸ ਧਿਆਨ ਰੱਖਣਾ ਚਾਹੀਦਾ ਹੈ।
ਸ਼ਾਸਤਰੀ ਨਗਰ, ਗਾਜ਼ੀਆਬਾਦ ਵਿੱਚ ਸਥਿਤ ਸ਼੍ਰੀ ਵੇਦ ਵਿਆਸ ਵੇਦ ਵਿਦਿਆਪੀਠ ਦੇ ਪ੍ਰਿੰਸੀਪਲ ਆਚਾਰੀਆ ਯੋਗੇਸ਼ ਦੱਤ ਗੌਰ ਦੇ ਮੁਤਾਬਕ, ਵਰਤ ਰੱਖਣ ਦਾ ਮਤਲਬ ਹੈ ਸੰਕਲਪ ਜਾਂ ਪ੍ਰਣ ਲੈਣਾ। ਨਰਾਤਿਆਂ ਦੇ ਨੌਂ ਦਿਨਾਂ ਦੌਰਾਨ ਸਰੀਰ ਨੂੰ ਸਾਫ਼ ਰੱਖਣਾ ਚਾਹੀਦਾ ਹੈ। ਵਰਤ ਰੱਖਣ ਨਾਲ, ਮਨੁੱਖੀ ਸਰੀਰ ਸ਼ੁੱਧ ਹੁੰਦਾ ਹੈ ਅਤੇ ਸਰੀਰ ਊਰਜਾਵਾਨ ਬਣਦਾ ਹੈ। ਵਰਤ ਰੱਖਣ ਨਾਲ ਸਰੀਰ ਵਿੱਚ ਸਕਾਰਾਤਮਕ ਊਰਜਾ ਆਉਂਦੀ ਹੈ।
ਇਹ ਵੀ ਪੜ੍ਹੋ :
ਸੇਂਧਾ ਨਮਕ (rock salt) ਦੀ ਕਰੋ ਵਰਤੋਂ
ਵਰਤ ਦੇ ਦੌਰਾਨ ਲਾਲ ਮਿਰਚ, ਲਸਣ ਅਤੇ ਪਿਆਜ਼ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ ਹੈ। ਆਇਓਡੀਨ ਵਾਲੇ ਨਮਕ ਦੀ ਵਰਤੋਂ ਤੋਂ ਵੀ ਪਰਹੇਜ਼ ਕਰਨਾ ਚਾਹੀਦਾ ਹੈ। ਵਰਤ ਦੇ ਦੌਰਾਨ ਸੇਂਧਾ ਨਮਕ (rock salt) ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।ਸੇਂਧਾ ਨਮਕ ਆਇਓਡੀਨ ਵਾਲੇ ਨਮਕ ਨਾਲੋਂ ਬਹੁਤ ਸ਼ੁੱਧ ਹੁੰਦਾ ਹੈ।
ਦੇਸੀ ਘਿਓ ਅਤੇ ਮੂੰਗਫਲੀ ਦੇ ਤੇਲ ਨਾਲ ਭੋਜਨ ਤਿਆਰ ਕਰੋ
ਵਰਤ ਦੇ ਦੌਰਾਨ ਸਰ੍ਹੋਂ ਅਤੇ ਤਿਲ ਦੇ ਤੇਲ ਦੀ ਵਰਤੋਂ ਵੀ ਨਹੀਂ ਕਰਨੀ ਚਾਹੀਦੀ। ਇਸ ਦੀ ਬਜਾਏ, ਮੂੰਗਫਲੀ ਦੇ ਤੇਲ ਅਤੇ ਦੇਸੀ ਘਿਓ ਨਾਲ ਵਰਤ ਵਾਲੇ ਭੋਜਨ ਤਿਆਰ ਕਰੋ।
ਫਲਾਂ ਦਾ ਸੇਵਨ
ਨਰਾਤੇ ਦੇ ਵਰਤ ਦੌਰਾਨ ਫਲਾਂ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਫਲਾਂ ਦਾ ਸੇਵਨ ਕਰਨ ਨਾਲ ਸਰੀਰ ਵਿੱਚ ਊਰਜਾ ਬਣੀ ਰਹਿੰਦੀ ਹੈ ਤੇ ਪਾਚਨ ਕ੍ਰੀਰਿਆ ਵਿੱਚ ਵੀ ਸੁਧਾਰ ਆਉਂਦਾ ਹੈ। ਕੇਲਾ, ਅੰਗੂਰ,ਪਪੀਤਾ, ਖਰਬੂਜਾ ਆਦਿ ਤੁਸੀਂ ਹਰ ਤਰ੍ਹਾਂ ਦੇ ਫਲ ਖਾ ਸਕਦੇ ਹੋ।
ਮੀਟ, ਅੰਡੇ ਆਦਿ ਦਾ ਸੇਵਨ ਨਾ ਕਰੋ
ਵਰਤ ਦੇ ਦੌਰਾਨ ਤਾਮਸੀ ਪ੍ਰਵਿਰਤੀਆਂ ਦੇ ਖਾਨਪਾਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਵਰਤ ਦੇ ਦੌਰਾਨ ਮੀਟ, ਅੰਡੇ, ਗਰਮ ਮਸਾਲੇ ਆਦਿ ਦੀ ਵਰਤੋਂ ਨਹੀਂ ਕੀਤੀ ਜਾਣੀ ਚਾਹੀਦੀ। ਇਸ ਦੌਰਾਨ ਪਿਆਜ਼ ਅਤੇ ਲਸਣ ਖਾਣ ਦੀ ਵੀ ਮਨਾਹੀ ਹੈ। ਵਰਤ ਦੇ ਦੌਰਾਨ ਤਾਮਸੀ ਪ੍ਰਵਿਰਤੀਆਂ ਦੇ ਖਾਨਪਾਣ ਨਾਲ ਧਿਆਨ ਭਟਕ ਜਾਂਦਾ ਹੈ।
ਆਚਾਰੀਆ ਯੋਗੇਸ਼ ਦੱਤ ਗੌੜ ਦੱਸਦੇ ਹਨ ਕਿ ਜੇਕਰ ਵਰਤ ਦੇ ਦੌਰਾਨ ਭੋਜਨ ਦਾ ਖਾਸ ਖਿਆਲ ਨਾਂ ਰੱਖਿਆ ਗਿਆ, ਤਾਂ ਵਰਤ ਨਿਸ਼ਫਲ ਹੋ ਸਕਦਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਪੁਰਾਣਾਂ ਵਿੱਚ ਇੱਕ ਕਥਾ ਹੈ, ਜਿਸ ਵਿੱਚ ਵਿਸ਼ਵਾਮਿੱਤਰ ਨੇ 1000 ਸਾਲ ਤਪੱਸਿਆ ਕੀਤੀ ਸੀ। ਜਿਵੇਂ ਹੀ ਵਿਸ਼ਵਾਮਿੱਤਰ ਤਪੱਸਿਆ ਕਰਨ ਤੋਂ ਬਾਅਦ ਉਠੇ ਤਾਂ ਉਨ੍ਹਾਂ ਨੂੰ ਬਹੁਤ ਵਧੀਆ ਸ਼ਕਤੀਆਂ ਪ੍ਰਾਪਤ ਹੋਈਆਂ, ਪਰ ਉਸ ਨੂੰ ਕਿਸੇ ਚੀਜ਼ ਨੂੰ ਲੈ ਕੇ ਗੁੱਸਾ ਆ ਗਿਆ। ਗੁੱਸੇ ਦੇ ਕਾਰਨ, ਉਨ੍ਹਾਂ ਵੱਲੋਂ ਕੀਤੀ ਗਈ ਹਜ਼ਾਰਾਂ ਸਾਲਾਂ ਦੀ ਤਪੱਸਿਆ ਅਸਫਲ ਹੋ ਗਈ। ਇਸੇ ਲਈ ਵਰਤ ਦੇ ਦੌਰਾਨ, ਕਿਸੇ ਨੂੰ ਤਾਮਸੀ ਭੋਜਨ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ।
ਆਚਾਰੀਆ ਕਹਿੰਦੇ ਹਨ, ਜਦੋਂ ਸ਼ੁੱਧ ਭੋਜਨ ਸਰੀਰ ਤੱਕ ਪਹੁੰਚਦਾ ਹੈ, ਤਾਂ ਮਨ ਵਰਤ ਦੇ ਦੌਰਾਨ ਪੂਜਾ ਵਿੱਚ ਰੁੱਝਿਆ ਰਹੇਗਾ। ਸ਼ਰਧਾਲੂ ਸ਼ਰਧਾ ਵਿੱਚ ਲੀਨ ਹੋ ਸਕਣਗੇ। ਮਨੁੱਖ ਚੰਗੇ ਕੰਮ ਕਰਨ, ਰੱਬ ਅੱਗੇ ਅਰਦਾਸ ਕਰਨ, ਭਜਨ, ਪੂਜਾ ਕਰਨ ਆਦਿ ਲਈ ਸੰਸਾਰ ਵਿੱਚ ਜਨਮ ਲੈਂਦਾ ਹੈ।
ਇਹ ਵੀ ਪੜ੍ਹੋ :
