ਚਮੋਲੀ: ਜੋਸ਼ੀਮਠ ਵਿੱਚ ਬਚਾਅ ਕਾਰਜਾਂ ਵਿੱਚ ਸ਼ਾਮਲ ਏਜੰਸੀਆਂ ਦੁਆਰਾ ਹੁਣ ਤੱਕ 36 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਇਸ ਸਮੇਂ ਦੌਰਾਨ 10 ਲਾਸ਼ਾਂ ਦੀ ਵੀ ਪਛਾਣ ਵੀ ਹੋ ਚੁੱਕੀ ਹੈ।ਏਜੰਸੀਆਂ ਹੋਰ ਲਾਸ਼ਾਂ ਦੀ ਪਛਾਣ ਵਿੱਚ ਲੱਗੀ ਹੋਈ ਹੈ। ਉੱਥੇ, ਤਪੋਵਨ ਸੁਰੰਗ ਵਿੱਚ ਰਾਹਤ ਕਾਰਜ ਨਿਰੰਤਰ ਜਾਰੀ ਹੈ। ਇਸ ਤਬਾਹੀ ਵਿੱਚ ਹੁਣ ਤੱਕ 204 ਦੇ ਲਾਪਤਾ ਹੋਣ ਦੀ ਖ਼ਬਰ ਹੈ।
ਫਿਲਹਾਲ ਤਪੋਵਨ ਸੁਰੰਗ 'ਚ ਬਚਾਅ ਕਾਰਜ ਜਾਰੀ ਹੈ। ਬੀਤੇ ਰੋਜ਼ ਸੁਰੰਗ ਵਿੱਚ ਕੁੱਝ ਸਮੇਂ ਲਈ ਅਚਾਨਕ ਪਾਣੀ ਆਉਣ ਨਾਲ ਬਚਾਅ ਕਾਰਜ ਪ੍ਰਭਾਵਿਤ ਹੋਇਆ ਸੀ, ਪਰ ਬਚਾਅ ਕਾਰਜ ਦੁਬਾਰਾ ਸ਼ੁਰੂ ਕੀਤਾ ਗਿਆ ਹੈ। ਉਤਰਾਖੰਡ ਦੇ ਡੀਜੀਪੀ ਅਸ਼ੋਕ ਕੁਮਾਰ ਦਾ ਕਹਿਣਾ ਹੈ ਕਿ ਸਾਡੀ ਪ੍ਰਾਥਮਿਕਤਾ ਜ਼ਿੰਦਾ ਲੋਕਾਂ ਨੂੰ ਬਚਾਉਣਾ ਹੈ। ਇਸ ਲਈ ਬਚਾਅ ਉਦੋਂ ਤਕ ਜਾਰੀ ਰਹੇਗਾ ਜਦੋਂ ਤੱਕ ਸੁਰੰਗ ਪੂਰੀ ਤਰ੍ਹਾਂ ਸਾਫ ਨਹੀਂ ਹੋ ਜਾਂਦੀ।
ਤੁਹਾਨੂੰ ਦੱਸ ਦਈਏ ਕਿ 7 ਫਰਵਰੀ ਦੇ ਦਿਨ ਗਲੇਸ਼ੀਅਰ ਟੁੱਟਣ ਕਾਰਨ ਹੋਈ ਤਬਾਹੀ ਵਿੱਚ, ਰਿਸ਼ੀਗੰਗਾ ਬਿਜਲੀ ਪ੍ਰਾਜੈਕਟ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ ਸੀ। 600 ਤੋਂ ਵੱਧ ਜਵਾਨ ਇਸ ਪਾਣੀ ਦੀ ਡੁੱਬਣ 'ਤੇ ਬਚਾਅ ਕਾਰਜ ਕਰ ਰਹੇ ਹਨ। ਜਿਸ ਵਿੱਚ ਆਈਟੀਬੀਪੀ, ਐਸਡੀਆਰਐਫ, ਐਨਡੀਆਰਐਫ ਅਤੇ ਉਤਰਾਖੰਡ ਪੁਲਿਸ ਦੇ ਕਰਮਚਾਰੀ ਸ਼ਾਮਲ ਹਨ। ਜੋਸ਼ੀਮਠ ਵਿੱਚ ਬਚਾਅ ਦੇ ਦੌਰਾਨ, ਰਾਹਤ ਬਚਾਅ ਟੀਮ ਨੂੰ 2 ਵਿਅਕਤੀਆਂ ਜ਼ਿੰਦਾ ਮਿਲੇ ਹਨ।
ਉਤਰਾਖੰਡ ਪੁਲਿਸ ਦੇ ਮੁਤਾਬਕ, ਚਮੋਲੀ ਤਬਾਹੀ ਵਿੱਚ 204 ਲੋਕ ਅਜੇ ਵੀ ਲਾਪਤਾ ਹਨ। ਉਤਰਾਖੰਡ ਪੁਲਿਸ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਗੁੰਮ ਹੋਏ ਲੋਕਾਂ ਦੀ ਸੂਚੀ ਜਾਰੀ ਕੀਤੀ ਹੈ।
ਚਮੋਲੀ ਜ਼ਿਲ੍ਹਾ ਪੁਲਿਸ ਨੇ ਚਮੋਲੀ ਤਬਾਹੀ ਵਿੱਚ ਬਚਾਅ ਕਾਰਜ ਦੌਰਾਨ ਬਰਾਮਦ ਹੋਈਆਂ ਲਾਸ਼ਾਂ ਦਾ ਸਸਕਾਰ ਕੀਤਾ। ਇਸ ਵਿੱਚ 7 ਸਰੀਰ ਅਤੇ 7 ਮਨੁੱਖੀ ਅੰਗ ਸ਼ਾਮਲ ਸਨ।
ਐਨਡੀਆਰਐਫ ਦੇ ਕਮਾਂਡ ਨੇ ਦੱਸਿਆ ਕਿ ਬਚਾਓ ਅਭਿਆਨ ਚਮੌਲੀ ਦੇ ਤਪੋਵਨ ਵਿਖੇ ਚੱਲ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਸੁਰੰਗ ਵਿੱਚ ਬਚਾਅ ਲਈ ਨਵੀਆਂ ਮਸ਼ੀਨਾਂ ਦੀ ਵਰਤੋਂ ਕੀਤੀ ਜਾ ਰਹੀ ਹੈ ਤਾਂ ਜੋ ਲਾਸ਼ਾਂ ਨੂੰ ਬਾਹਰ ਕੱਢਿਆ ਜਾ ਸਕੇ।
