ਸਾਈਬਰ ਠੱਗਾਂ ਹੱਥ ਲੱਗ ਗਿਆ ਨਿੱਜੀ ਡਾਟਾ ? ਘਬਰਾਓ ਨਾ ਬੱਸ ਕਰੋ ਇਹ ਕੰਮ...

ਆਪਣੇ ਨਿੱਜੀ ਸੰਵੇਦਨਸ਼ੀਲ ਡਾਟਾ ਨੂੰ ਸੁਰੱਖਿਅਤ ਰੱਖਣ ਲਈ ਸੁਚੇਤ ਰਹੋ, ਪਰ ਜਦੋਂ ਸਾਈਬਰ ਠੱਗ ਤੁਹਾਡੇ ਸਕਿਉਰਿਟੀ ਕੋਡਸ ਦੇ ਬਾਵਜੂਦ ਤੁਹਾਡਾ ਡਾਟਾ ਚੋਰੀ ਕਰਦੇ ਹਨ ਤਾਂ ਤੁਰੰਤ ਕਾਰਵਾਈ ਕਰੋ। ਪਹਿਲਾਂ, ਆਪਣੇ ਨਜ਼ਦੀਕੀ ਪੁਲਿਸ ਸਟੇਸ਼ਨ ਵਿੱਚ ਐਫਆਈਆਰ ਦਰਜ ਕਰਵਾਓ ਫਿਰ ਮਾਮਲੇ ਦੀ ਰਿਪੋਰਟ ਕਰੈਡਿਟ ਬਿਊਰੋ ਅਤੇ ਸਬੰਧਤ ਬੈਂਕਾਂ ਨੂੰ ਕਰੋ।

ਹੈਦਰਾਬਾਦ: ਇਨ੍ਹੀਂ ਦਿਨੀਂ ਸਾਈਬਰ ਠੱਗਾਂ ਦਾ ਖਤਰਾ ਹਰ ਪਾਸੇ ਤੋਂ ਮੰਡਰਾ ਰਿਹਾ ਹੈ। ਪਿਛਲੇ ਸਮੇਂ ਵਿੱਚ ਦਸਤਖਤ ਜਾਅਲੀ ਹੁੰਦੇ ਸਨ। ਹੁਣ ਆਧੁਨਿਕ ਤਕਨਾਲੋਜੀ ਦੇ ਯੁੱਗ ਵਿੱਚ ਚੋਰ ਚੁਸਤ ਹੋ ਗਏ ਹਨ। ਉਹ ਸਾਡੀ ਪਛਾਣ ਦੀ ਤਸਦੀਕ ਚੋਰੀ ਕਰ ਰਹੇ ਹਨ ਅਤੇ ਸਾਡੇ ਖਾਤਿਆਂ ਵਿੱਚੋਂ ਪੈਸੇ ਇੱਕ-ਇੱਕ ਸਕਿੰਟ ਵਿੱਚ ਲੁੱਟ ਰਹੇ ਹਨ। ਉਹ ਵੀ ਬਿਨਾਂ ਸਾਡੀ ਜਾਣਕਾਰੀ ਤੋਂ ਸਾਡੇ ਨਾਂ 'ਤੇ ਕਰਜ਼ਾ ਲੈ ਰਹੇ ਹਨ। ਇਸ ਲਈ ਸਾਨੂੰ ਹਰ ਸਮੇਂ ਸੁਚੇਤ ਰਹਿਣ ਦੀ ਲੋੜ ਹੈ। ਆਪਣੇ ਪੈਨ, ਆਧਾਰ, ਬੈਂਕ ਖਾਤੇ, ਡੈਬਿਟ ਅਤੇ ਕ੍ਰੈਡਿਟ ਕਾਰਡ ਦੇ ਵੇਰਵੇ ਕਿਸੇ ਵੀ ਸਥਿਤੀ ਵਿੱਚ ਕਿਸੇ ਨਾਲ ਵੀ ਸਾਂਝੇ ਨਾ ਕਰੋ। ਕਿਸੇ ਵੀ ਵਿਅਕਤੀ 'ਤੇ ਭਰੋਸਾ ਨਾ ਕਰੋ, ਜੋ ਤੁਹਾਨੂੰ ਫ਼ੋਨ 'ਤੇ ਸੰਪਰਕ ਕਰਦਾ ਹੈ, ਖਾਸ ਕਰਕੇ ਆਨਲਾਈਨ।

ਸਾਲ ਵਿੱਚ ਇੱਕ ਵਾਰ ਕ੍ਰੈਡਿਟ ਰਿਪੋਰਟਾਂ ਦੀ ਕਰੋ ਚੈੱਕ : ਜੇਕਰ ਤੁਸੀਂ ਇਹ ਜਾਣਨਾ ਚਾਹੁੰਦੇ ਹੋ ਕਿ ਤੁਹਾਡੇ ਸਿਰ ਕਿੰਨਾ ਕਰਜ਼ੇ ਹੈ ਤੁਹਾਡੇ ਕੋਲ ਕਿੰਨੇ ਕ੍ਰੈਡਿਟ ਕਾਰਡ ਹਨ, ਤਾਂ ਕ੍ਰੈਡਿਟ ਰਿਪੋਰਟਾਂ ਮਦਦ ਕਰਦੀਆਂ ਹਨ। ਸਾਡੇ ਦੇਸ਼ ਵਿੱਚ ਮੁੱਖ ਤੌਰ 'ਤੇ ਤਿੰਨ ਕਰੈਡਿਟ ਬਿਊਰੋ ਹਨ। ਉਹ ਸਿਬਿਲ, ਐਕਸਪੀਰੀਅਨ ਅਤੇ ਇਕੁਇਫੈਕਸ ਹਨ। ਸਾਲ ਵਿੱਚ ਇੱਕ ਵਾਰ ਹਰੇਕ ਕ੍ਰੈਡਿਟ ਬਿਊਰੋ ਤੋਂ ਆਪਣੀਆਂ ਕ੍ਰੈਡਿਟ ਰਿਪੋਰਟਾਂ ਪ੍ਰਾਪਤ ਕਰੋ। ਜੇਕਰ ਤੁਹਾਨੂੰ ਕੋਈ ਅਣਅਧਿਕਾਰਤ ਖਾਤੇ ਮਿਲਦੇ ਹਨ, ਤਾਂ ਉਹਨਾਂ ਦੀ ਤੁਰੰਤ ਕ੍ਰੈਡਿਟ ਬਿਊਰੋ ਨੂੰ ਰਿਪੋਰਟ ਕਰੋ। ਉਹਨਾਂ ਅਣਅਧਿਕਾਰਤ ਆਈਟਮਾਂ ਨੂੰ ਆਪਣੀਆਂ ਰਿਪੋਰਟਾਂ ਤੋਂ ਹਟਾਓ।

ਆਨਲਾਈਨ ਖਾਤਿਆਂ ਲਈ ਰੱਖੋ ਮਜ਼ਬੂਤ ਪਾਸਵਰਡ : ਤਿੰਨਾਂ ਕ੍ਰੈਡਿਟ ਬਿਊਰੋਜ਼ 'ਤੇ ਧੋਖਾਧੜੀ ਦੀ ਚਿਤਾਵਨੀ ਦਿੱਤੀ ਜਾ ਸਕਦੀ ਹੈ। ਜੇਕਰ ਕੋਈ ਲੋਨ ਐਪਲੀਕੇਸ਼ਨ ਤੁਹਾਡੇ ਨਾਮ 'ਤੇ ਆਉਂਦੀ ਹੈ ਜਾਂ ਕੋਈ ਤੁਹਾਡੀ ਆਈਡੀ ਦੀ ਵਰਤੋਂ ਕਰ ਕੇ ਖਾਤਾ ਖੋਲ੍ਹਣ ਦੀ ਕੋਸ਼ਿਸ਼ ਕਰਦਾ ਹੈ, ਤਾਂ ਤੁਹਾਨੂੰ ਇੱਕ ਸੁਨੇਹਾ ਮਿਲੇਗਾ, ਇਹ ਧੋਖਾਧੜੀ ਤੋਂ ਬਚਾਉਂਦਾ ਹੈ। ਤੁਹਾਡੀ ਆਈਡੀ ਚੋਰੀ ਕਰਨ ਵਾਲੇ ਸਾਈਬਰ ਅਪਰਾਧੀ ਆਮ ਤੌਰ 'ਤੇ ਤੁਰੰਤ ਤੁਹਾਡੀ ਜਾਣਕਾਰੀ ਦੀ ਵਰਤੋਂ ਨਹੀਂ ਕਰਦੇ । ਉਹ ਕਈ ਦਿਨ ਅਤੇ ਮਹੀਨਿਆਂ ਦੀ ਉਡੀਕ ਕਰਦੇ ਹਨ। ਉਸ ਤੋਂ ਬਾਅਦ ਹੀ ਉਹ ਤੁਹਾਨੂੰ ਨਿਸ਼ਾਨਾ ਬਣਾਉਂਦੇ ਹਨ। ਇਸ ਲਈ, ਸਮੇਂ-ਸਮੇਂ 'ਤੇ ਤੁਹਾਡੀਆਂ ਕ੍ਰੈਡਿਟ ਰਿਪੋਰਟਾਂ ਦੀ ਜਾਂਚ ਕਰਨਾ ਜ਼ਰੂਰੀ ਹੈ। ਆਨਲਾਈਨ ਅਤੇ ਸੋਸ਼ਲ ਪਲੇਟਫਾਰਮਾਂ ਰਾਹੀਂ ਪੈਨ ਅਤੇ ਆਧਾਰ ਭੇਜਣਾ ਬਹੁਤ ਆਮ ਗੱਲ ਹੈ। ਇਸ ਨੂੰ ਰੋਕਿਆ ਜਾਣਾ ਚਾਹੀਦਾ ਹੈ। ਜਦੋਂ ਬਹੁਤ ਜ਼ਰੂਰੀ ਹੋਵੇ, ਤਾਂ ਇਹ ਵੇਰਵੇ ਸਿਰਫ਼ ਜਾਣ-ਪਛਾਣ ਦੇ ਵਿਅਕਤੀਆਂ ਨੂੰ ਹੀ ਭੇਜੇ ਜਾਣੇ ਚਾਹੀਦੇ ਹਨ। ਆਨਲਾਈਨ ਬੈਂਕ ਖਾਤਿਆਂ ਲਈ ਨੰਬਰਾਂ ਅਤੇ ਸਪੈਸ਼ਲ ਐਲਫਾਬੈਟਸ ਵਾਲੇ ਮਜ਼ਬੂਤ ਪਾਸਵਰਡ ਦੀ ਵਰਤੋਂ ਕਰੋ।

ਆਈਡੀ ਦੀ ਦੁਰਵਤੋਂ ਹੋਣ ਉਤੇ ਕਰੋ ਇਹ ਜ਼ਰੂਰੀ ਕੰਮ : ਜੇਕਰ ਸਾਰੀਆਂ ਸਾਵਧਾਨੀਆਂ ਵਰਤਣ ਦੇ ਬਾਵਜੂਦ ਤੁਹਾਡੀ ਆਈਡੀ ਚੋਰਾਂ ਦੇ ਹੱਥ ਲੱਗ ਜਾਂਦੀ ਹੈ, ਤਾਂ ਆਪਣੇ ਨਜ਼ਦੀਕੀ ਪੁਲਿਸ ਸਟੇਸ਼ਨ 'ਤੇ ਜਾਓ ਅਤੇ ਐਫਆਈਆਰ ਦਰਜ ਕਰਵਾਓ। ਤਿੰਨ ਪ੍ਰਮੁੱਖ ਕ੍ਰੈਡਿਟ ਬਿਊਰੋਜ਼ ਨਾਲ ਸੰਪਰਕ ਕਰ ਕੇ ਕ੍ਰੈਡਿਟ ਰਿਪੋਰਟ ਨੂੰ ਫ੍ਰੀਜ਼ ਕੀਤਾ ਜਾ ਸਕਦਾ ਹੈ। ਇਹ ਕਿਸੇ ਨੂੰ ਵੀ ਤੁਹਾਡੀ ਇਜਾਜ਼ਤ ਤੋਂ ਬਿਨਾਂ ਤੁਹਾਡੀ ਕ੍ਰੈਡਿਟ ਰਿਪੋਰਟ ਦੇਖਣ ਤੋਂ ਰੋਕਦਾ ਹੈ। ਇਹ ਚੋਰਾਂ ਨੂੰ ਤੁਹਾਡੇ ਨਾਮ 'ਤੇ ਖਾਤਾ ਖੋਲ੍ਹਣ ਤੋਂ ਰੋਕੇਗਾ। ਆਈਡੀ ਦੀ ਚੋਰੀ ਬਾਰੇ ਬੈਂਕਾਂ ਨੂੰ ਸੂਚਿਤ ਕਰੋ ਜਿੱਥੇ ਤੁਹਾਡਾ ਖਾਤਾ ਹੈ।