ਪ੍ਰਯਾਗਰਾਜ: ਅਤੀਕ ਅਹਿਮਦ ਅਤੇ ਉਸ ਦੇ ਭਰਾ ਖਾਲਿਦ ਅਜ਼ੀਮ ਉਰਫ਼ ਅਸ਼ਰਫ਼ ਨੂੰ ਲੈ ਕੇ ਪੁਲਿਸ ਦੀ ਟੀਮ ਰਵਾਨਾ ਹੋ ਗਈ ਹੈ। ਧੂਮਨਗੰਜ ਥਾਣੇ ਤੋਂ ਪੁਲਿਸ ਟੀਮ ਕੌਸ਼ਾਂਬੀ ਫਤਿਹਪੁਰ ਰੋਡ ਲਈ ਰਵਾਨਾ ਹੋਈ। ਪੁਲਿਸ ਦੋਵਾਂ ਨੂੰ ਕੌਸ਼ਾਂਬੀ ਜਾਂ ਫਤਿਹਪੁਰ ਲੈ ਜਾ ਸਕਦੀ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਅਤੀਕ ਅਤੇ ਅਸ਼ਰਫ ਦੇ ਇਸ਼ਾਰੇ 'ਤੇ ਹਥਿਆਰ ਬਰਾਮਦ ਕੀਤੇ ਜਾ ਸਕਦੇ ਹਨ।
ਅਤੀਕ ਦੇ ਟਿਕਾਣੇ ਉਤੇ ਜਾ ਕੇ ਭਾਲ ਕਰੇਗੀ ਪੁਲਿਸ : ਦੱਸਿਆ ਜਾ ਰਿਹਾ ਹੈ ਕਿ ਰਮਾਂਡ ਦੌਰਾਨ ਪੁਲਿਸ ਨੂੰ ਅਤੀਕ ਅਹਿਮਦ ਅਤੇ ਅਸ਼ਰਫ਼ ਕੋਲੋਂ ਹਥਿਆਰਾਂ ਸਮੇਤ ਹੋਰ ਸ਼ੱਕੀ ਵਸਤੂਆਂ ਦੀ ਸੂਚਨਾ ਮਿਲੀ ਹੈ। ਇਸ ਨੂੰ ਬਰਾਮਦ ਕਰਨ ਲਈ ਪੁਲਿਸ ਟੀਮ ਅਤੀਕ ਅਤੇ ਅਸ਼ਰਫ਼ ਦੇ ਨਾਲ ਪ੍ਰਯਾਗਰਾਜ ਤੋਂ ਰਵਾਨਾ ਹੋ ਗਈ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਪੁਲਿਸ ਅਤੀਕ ਅਤੇ ਅਸ਼ਰਫ ਨੂੰ ਲੈ ਕੇ ਕੌਸ਼ਾਂਬੀ ਅਤੇ ਫਤਿਹਪੁਰ ਜਾ ਸਕਦੀ ਹੈ। ਜਿੱਥੇ ਪੁਲਿਸ ਟੀਮ ਅਤੀਕ ਅਹਿਮਦ ਦੇ ਟਿਕਾਣੇ 'ਤੇ ਜਾਵੇਗੀ ਅਤੇ ਉਸ ਦੀ ਮੌਕੇ 'ਤੇ ਹੀ ਬਰਾਮਦਗੀ ਕਰਨ ਦੀ ਕੋਸ਼ਿਸ਼ ਕਰੇਗੀ। ਜਿਸ ਤਰ੍ਹਾਂ ਅਤੀਕ ਅਤੇ ਅਸ਼ਰਫ ਨੂੰ ਸੁਰੱਖਿਆ ਪ੍ਰਬੰਧਾਂ ਵਿਚਕਾਰ ਨੈਨੀ ਕੇਂਦਰੀ ਜੇਲ੍ਹ ਤੋਂ ਧੂਮਨਗੰਜ ਥਾਣੇ ਲਿਆਂਦਾ ਗਿਆ। ਮਾਫੀਆ ਭਰਾਵਾਂ ਨੂੰ ਇਸੇ ਤਰ੍ਹਾਂ ਦੇ ਸੁਰੱਖਿਆ ਪ੍ਰਬੰਧਾਂ ਵਿਚਕਾਰ ਪ੍ਰਯਾਗਰਾਜ ਤੋਂ ਕੌਸ਼ਾਂਬੀ ਲਿਜਾਇਆ ਜਾ ਰਿਹਾ ਹੈ।
ਉਮੇਸ਼ ਪਾਲ ਸਮੇਤ ਕਈ ਮਾਮਲਿਆਂ ਸਬੰਧੀ ਸਖ਼ਤੀ ਨਾਲ ਪੁੱਛਗਿੱਛ : ਦੱਸ ਦੇਈਏ ਕਿ ਵੀਰਵਾਰ ਨੂੰ ਬਾਹੂਬਲੀ ਅਤੀਕ ਅਹਿਮਦ ਅਤੇ ਉਸ ਦੇ ਛੋਟੇ ਭਰਾ ਖਾਲਿਦ ਅਜ਼ੀਮ ਉਰਫ ਅਸ਼ਰਫ ਨੂੰ ਪੁਲਸ ਨੇ ਹਿਰਾਸਤ 'ਚ ਲੈ ਲਿਆ ਸੀ। ਪੁਲਸ ਦੋਵਾਂ ਨੂੰ ਲੈ ਕੇ ਧੂਮਨਗੰਜ ਥਾਣੇ ਪਹੁੰਚੀ ਸੀ। ਅਤੀਕ ਅਤੇ ਅਸ਼ਰਫ ਨੂੰ ਰਾਤ ਨੂੰ ਧੂਮਨਗੰਜ ਥਾਣੇ 'ਚ ਰੱਖ ਕੇ ਪੁਲਸ ਨੇ ਕਈ ਸਵਾਲ ਪੁੱਛੇ। ਪੁਲਿਸ ਨੇ ਉਮੇਸ਼ ਪਾਲ ਸਮੇਤ ਪਾਕਿਸਤਾਨ ਕਨੈਕਸ਼ਨ ਨਾਲ ਜੁੜੇ ਕਈ ਸਵਾਲ ਪੁੱਛੇ ਸਨ। ਇਸ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਵੀ ਪੁਲਸ ਨੇ ਅਤੀਕ ਅਹਿਮਦ ਅਤੇ ਅਸ਼ਰਫ ਤੋਂ ਪੁੱਛਗਿੱਛ ਜਾਰੀ ਰੱਖੀ। ਦੋਵਾਂ ਤੋਂ ਪੁਲਿਸ ਵੱਲੋਂ ਉਮੇਸ਼ ਪਾਲ ਸਮੇਤ ਕਈ ਮਾਮਲਿਆਂ ਸਬੰਧੀ ਸਖ਼ਤੀ ਨਾਲ ਪੁੱਛਗਿੱਛ ਕੀਤੀ ਗਈ।
ਇਹ ਵੀ ਪੜ੍ਹੋ : Delhi Free Electricity: ਦਿੱਲੀ ਵਾਸੀਆਂ ਨੂੰ ਮਿਲਦੀ ਰਹੇਗੀ ਮੁਫ਼ਤ ਬਿਜਲੀ, ਫਾਈਲ 'ਤੇ LG ਨੇ ਕੀਤੇ ਦਸਤਖਤ, ਬਿਜਲੀ ਮੰਤਰੀ 'ਤੇ ਭੜਕੇ
ਸੂਤਰਾਂ ਦੀ ਮੰਨੀਏ ਤਾਂ ਸ਼ੁੱਕਰਵਾਰ ਸ਼ਾਮ ਪੁਲਸ ਟੀਮ ਬਾਹੂਬਲੀ ਮਾਫੀਆ ਅਤੀਕ ਅਹਿਮਦ ਅਤੇ ਉਸ ਦੇ ਭਰਾ ਖਾਲਿਦ ਅਜ਼ੀਮ ਉਰਫ ਅਸ਼ਰਫ ਦੇ ਨਾਲ ਪ੍ਰਯਾਗਰਾਜ ਤੋਂ ਰਵਾਨਾ ਹੋਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਧੂਮਨਗੰਜ ਥਾਣੇ ਤੋਂ ਪੁਲਸ ਟੀਮ ਕੌਸ਼ਾਂਬੀ ਫਤਿਹਪੁਰ ਰੋਡ ਲਈ ਰਵਾਨਾ ਹੋਈ ਹੈ। ਸੂਤਰਾਂ ਦੀ ਮੰਨੀਏ ਤਾਂ ਅਤੀਕ ਅਤੇ ਅਸ਼ਰਫ ਦੇ ਇਸ਼ਾਰੇ 'ਤੇ ਹਥਿਆਰ ਬਰਾਮਦ ਕੀਤੇ ਜਾ ਸਕਦੇ ਹਨ। ਦੋਵਾਂ ਦੇ ਨਾਲ ਭਾਰੀ ਪੁਲਿਸ ਫੋਰਸ ਚੱਲ ਰਹੀ ਹੈ।
