ਵਾਰਾਣਸੀ: ਜਿਸ ਨੂੰ ਸੰਤ ਦੀ ਬਖਸ਼ਿਸ਼ ਹੁੰਦੀ ਹੈ, ਉਹ ਜੀਵਨ ਦੀਆਂ ਸਾਰੀਆਂ ਔਕੜਾਂ ਅਤੇ ਮੁਸੀਬਤਾਂ ਤੋਂ ਉੱਪਰ ਉੱਠ ਕੇ ਜੀਵਨ ਜਿਊਣ ਦੀ ਕਲਾ ਸਿੱਖਦਾ ਹੈ। ਸ਼ਾਇਦ ਇਹੀ ਕਾਰਨ ਹੈ ਕਿ ਅੱਜ ਮਹਾਨ ਸੰਤ ਸ਼੍ਰੋਮਣੀ ਰਵਿਦਾਸ ਮਹਾਰਾਜ ਦੀ ਜਯੰਤੀ ਦੇ ਮੌਕੇ 'ਤੇ ਕਾਸ਼ੀ ਯਾਨੀ ਬਨਾਰਸ ਸਥਿਤ ਉਨ੍ਹਾਂ ਦੇ ਜਨਮ ਸਥਾਨ ਸ਼੍ਰੀ ਗੋਵਰਧਨ 'ਤੇ ਸ਼ਰਧਾਲੂਆਂ ਦੀ ਭੀੜ ਇਕੱਠੀ ਹੋ ਰਹੀ ਹੈ। ਸ਼ਰਧਾਲੂਆਂ ਦੀ ਭੀੜ ਵਿਚਕਾਰ ਵੀ.ਆਈ.ਪੀਜ਼ ਵੀ ਸੰਤਾਂ ਦੇ ਦਰ ‘ਤੇ ਮੱਥਾ ਟੇਕਣ ਲਈ ਪਹੁੰਚ ਰਹੇ ਹਨ। ਇਸ ਦੇ ਨਾਲ ਹੀ ਕਾਸ਼ੀ ਦਾ ਇਹ ਸੰਤ ਸ਼੍ਰੋਮਣੀ ਮੰਦਿਰ ਪੰਜਾਬ ਦੀ ਸਿਆਸਤ ਲਈ ਅਹਿਮ ਮੰਨਿਆ ਜਾਂਦਾ ਹੈ ਅਤੇ ਜਦੋਂ ਪੰਜਾਬ ਵਿੱਚ ਚੋਣਾਂ ਹੋਣੀਆਂ ਹਨ ਤਾਂ ਰਵਿਦਾਸ ਮੰਦਰ ਵਿੱਚ ਸਿਆਸੀ ਇਕੱਠ ਹੋਣਾ ਨਿਸ਼ਚਿਤ ਤੌਰ ’ਤੇ ਲਾਜ਼ਮੀ ਹੈ ਅਤੇ ਇਸ ਦੀ ਸ਼ੁਰੂਆਤ ਅੱਜ ਸਵੇਰੇ ਉਸ ਸਮੇਂ ਹੋਈ ਜਦੋਂ ਪੰਜਾਬ ਦੇ ਮੁੱਖ ਮੰਤਰੀ ਸ. ਚਰਨਜੀਤ ਸਿੰਘ ਚੰਨੀ ਮੱਥਾ ਟੇਕਣ ਲਈ ਕਾਸ਼ੀ ਦੇ ਰਵਿਦਾਸ ਮੰਦਰ ਪਹੁੰਚੇ।
ਸ਼ਰਧਾ ਦੇ ਜਜ਼ਬੇ ਵਿੱਚ ਲੀਨ ਹੋਏ ਚੰਨੀ ਨੇ ਇੱਥੇ ਨਾ ਸਿਰਫ਼ ਦਰਸ਼ਨ ਕੀਤੇ। ਸਗੋਂ ਧਰਮ ਅਤੇ ਆਸਥਾ ਦੇ ਨਾਲ ਪੰਜਾਬ ਦੇ ਲਗਭਗ 70% ਦਲਿਤ ਵੋਟ ਬੈਂਕ ਨੂੰ ਵੀ ਸਾਧਨ ਦਾ ਕੰਮ ਕੀਤਾ। ਦਰਅਸਲ, ਬਨਾਰਸ ਨੂੰ ਧਰਮ ਅਤੇ ਆਸਥਾ ਦਾ ਸਭ ਤੋਂ ਮਹੱਤਵਪੂਰਨ ਕੇਂਦਰ ਮੰਨਿਆ ਜਾਂਦਾ ਹੈ। ਕਬੀਰ, ਤੁਲਸੀ ਅਤੇ ਰਵਿਦਾਸ ਦੀ ਇਸ ਪਵਿੱਤਰ ਧਰਤੀ ਤੋਂ ਸੰਤਾਂ ਦਾ ਆਸ਼ੀਰਵਾਦ ਲੈਣਾ ਕੋਈ ਨਵੀਂ ਗੱਲ ਨਹੀਂ ਹੈ ਪਰ ਰਾਜਸੀ ਲੜਾਈ ਵਿੱਚ ਸੰਤਾਂ ਨੂੰ ਯਾਦ ਕਰਨਾ ਇਸ ਪਵਿੱਤਰ ਅਸਥਾਨ ਦੀ ਮਹੱਤਤਾ ਨੂੰ ਹੋਰ ਵੀ ਵਧਾ ਦਿੰਦਾ ਹੈ।
ਸ਼ਾਇਦ ਇਹੀ ਕਾਰਨ ਹੈ ਕਿ ਦਿੱਲੀ ਵਿਚ ਬੈਠੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 2016 ਅਤੇ 2019 ਵਿਚ ਆਪਣੀ ਬਨਾਰਸ ਫੇਰੀ ਦੌਰਾਨ ਸੰਤ ਰਵਿਦਾਸ ਮੰਦਿਰ ਦੀਆਂ ਯਾਦਾਂ ਨੂੰ ਸੋਸ਼ਲ ਮੀਡੀਆ ਰਾਹੀਂ ਸਾਂਝਾ ਕਰਕੇ ਪੰਜਾਬ ਦੇ ਸਿਆਸੀ ਸਮੀਕਰਨਾਂ ਨੂੰ ਠੀਕ ਕਰਨ ਲਈ ਦਲਿਤ ਵੋਟਰਾਂ ਨੂੰ ਸਾਧਨ ਦੀ ਕੋਸ਼ਿਸ਼ ਕੀਤੀ | ਉੱਥੇ ਹੀ ਸੂਰਜ ਨਿਕਲਨ ਤੋ ਪਹਿਲਾਂ ਹੀ ਪੰਜਾਬ ਦੇ ਮੁੱਖ ਮੰਤਰੀ ਚੰਨੀ ਨੇ ਪੰਜਾਬ ਚੋਣਾਂ ਵਿੱਚ ਵਿਆਸਤ ਹੋਣ ਦੇ ਬਾਵਜੂਦ ਵੀ ਕਾਂਸੀ ਪਹੁੰਚ ਕੇ ਇਹ ਸਾਫ ਕਰ ਦਿੱਤਾ ਹੈ ਕਿ ਪੰਜਾਬ ਦੀ ਸਿਆਸਤ ਦਾ ਮਹੱਤਵਪੂਰਨ ਸਬੰਧ ਸੰਤ ਮੰਦਿਰ ਦੇ ਨਾਲ ਹੈ।
ਦੱਸ ਦੇਈਏ ਕਿ ਸੰਤ ਸ਼੍ਰੋਮਣੀ ਰਵਿਦਾਸ ਮੰਦਰ 2004 ਤੋਂ ਚਰਚਾ ਵਿੱਚ ਆਉਣਾ ਸ਼ੁਰੂ ਹੋ ਗਿਆ ਸੀ। ਉੱਤਰ ਪ੍ਰਦੇਸ਼ ਵਿੱਚ ਬਹੁਜਨ ਸਮਾਜ ਪਾਰਟੀ ਦੀ ਸਰਕਾਰ ਬਣਨ ਤੋਂ ਬਾਅਦ ਮਾਇਆਵਤੀ ਨੇ ਰਵਿਦਾਸ ਮੰਦਰ ਦੇ ਕਾਇਆ ਕਲਪ ਦਾ ਕੰਮ ਸ਼ੁਰੂ ਕੀਤਾ। ਪਹਿਲੇ ਮੰਦਰ ਦੀ ਮੁਰੰਮਤ ਕੀਤੀ ਗਈ ਸੀ। ਉਸ ਤੋਂ ਬਾਅਦ ਇਥੇ ਲੰਗਰ ਹਾਲ ਅਤੇ ਹੋਰ ਸਹੂਲਤਾਂ ਵਿਚ ਵਾਧਾ ਕੀਤਾ ਜਾਣ ਲੱਗਾ। ਮਾਇਆਵਤੀ ਨੇ ਖੁਦ ਸੰਤ ਰਵਿਦਾਸ ਦੇ ਚਰਨਾਂ 'ਚ ਸੋਨੇ ਦੀ ਪਾਲਕੀ ਅਤੇ ਸੋਨੇ ਦਾ ਸਿੰਘਾਸਨ ਭੇਟ ਕਰਕੇ ਬਸਪਾ ਦੇ ਦਲਿਤ ਪ੍ਰੇਮ ਨੂੰ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਹਾਲਾਤ ਬਦਲਣੇ ਸ਼ੁਰੂ ਹੋ ਗਏ ਅਤੇ ਰਾਜਨੀਤੀ 'ਚ ਜਾਤੀ ਸਮੀਕਰਨ ਬਦਲਣ ਤੋਂ ਬਾਅਦ ਦਲਿਤ-ਬ੍ਰਾਹਮਣ ਗਠਜੋੜ ਨੇ ਮਾਇਆਵਤੀ ਪਹਿਲਾਂ ਅੱਗੇ ਅਤੇ ਫਿਰ ਪਿੱਛੇ ਧੱਕਿਆ।
ਪਰ ਇਨ੍ਹਾਂ ਸਿਆਸੀ ਸਮੀਕਰਨਾਂ ਦਰਮਿਆਨ ਯੂਪੀ ਵਿੱਚ ਦਲਿਤ ਵੋਟਰ ਤੋਂ ਬਾਅਦ ਪੰਜਾਬ ਦੀ ਸਿਆਸਤ ਵਿੱਚ ਵੋਟਰ ਵਜੋਂ ਮੌਜੂਦ ਲਗਭਗ 70 ਫੀਸਦੀ ਹਿੰਦੂ ਦਲਿਤ ਵੋਟਰਾਂ ਨੂੰ ਲੁਭਾਉਣ ਲਈ ਹਰ ਸਿਆਸੀ ਪਾਰਟੀ ਇਸ ਧਾਰਮਿਕ ਸਥਾਨ ਦੀ ਜ਼ੋਰਦਾਰ ਵਰਤੋਂ ਕਰ ਰਹੀ ਹੈ। ਸ਼ਾਇਦ ਇਹੀ ਕਾਰਨ ਹੈ ਕਿ ਪਿਛਲੀ ਵਾਰ ਪੰਜਾਬ ਚੋਣਾਂ ਦੌਰਾਨ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਕਾਂਗਰਸ ਦੀ ਕੌਮੀ ਜਨਰਲ ਸਕੱਤਰ ਪ੍ਰਿਅੰਕਾ ਗਾਂਧੀ ਵਾਡਰਾ, ਰਾਹੁਲ ਗਾਂਧੀ ਅਤੇ ਯੂਪੀ ਚੋਣਾਂ ਦੌਰਾਨ ਅਖਿਲੇਸ਼ ਯਾਦਵ, ਯੋਗੀ ਆਦਿੱਤਿਆਨਾਥ ਦੇ ਨਾਲ-ਨਾਲ ਹੋਰ ਕਈ ਵੱਡੀਆਂ ਹਸਤੀਆਂ ਨੇ ਇੱਥੇ ਮੱਥਾ ਟੇਕਿਆ।
ਦਲਿਤ ਵੋਟਰਾਂ ਨੂੰ ਸਾਧਣ ਦਾ ਕੰਮ ਤਾਂ ਭਾਜਪਾ ਨੇ ਪਹਿਲਾ ਹੀ ਸ਼ੁਰੂ ਕਰ ਦਿੱਤਾ ਸੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਖੁਦ ਦੋ ਵਾਰ ਉੱਥੇ ਜਾ ਚੁੱਕੇ ਹਨ ਅਤੇ ਕੇਂਦਰ ਸਰਕਾਰ ਦੀ ਵੱਲੋਂ ਸੰਤ ਰਵਿਦਾਸ ਮੰਦਿਰ ਦੀ ਮੁਰੰਮਤ ਅਤੇ ਕਾਇਆ ਕਲਪ ਦਾ ਕੰਮ ਵੀ ਤੇਜ਼ੀ ਨਾਲ ਚੱਲ ਰਿਹਾ ਹੈ। ਇਸ ਸਮੇਂ ਰਵਿਦਾਸ ਧਰਮਸਥਲ ਵਿਖੇ 15 ਕਰੋੜ ਤੋਂ ਵੱਧ ਦੇ ਪ੍ਰੋਜੈਕਟ ਚੱਲ ਰਹੇ ਹਨ। ਜਿਸ ਵਿੱਚ ਹਾਲ ਹੀ ਵਿੱਚ ਸਤਿਸੰਗ ਭਵਨ ਅਤੇ ਲੰਗਰ ਹਾਲ ਦਾ ਨਿਰਮਾਣ ਕੀਤਾ ਗਿਆ ਹੈ। ਜਿਸ ਨੂੰ ਰਵਿਦਾਸ ਟਰੱਸਟ ਨੂੰ ਵੀ ਸੌਂਪ ਦਿੱਤਾ ਗਿਆ ਹੈ।
ਇਸ ਤੋਂ ਇਲਾਵਾ ਇਸ ਸਥਾਨ ’ਤੇ ਰਵਿਦਾਸ ਪਾਰਕ ਦੀ ਉਸਾਰੀ ਦਾ ਕੰਮ ਜ਼ੋਰਾਂ ’ਤੇ ਚੱਲ ਰਿਹਾ ਹੈ। ਜਿੱਥੇ ਡੇਢ ਕਰੋੜ ਰੁਪਏ ਦੀ ਲਾਗਤ ਨਾਲ ਰਵਿਦਾਸ ਮਹਾਰਾਜ ਦਾ ਕਾਂਸੀ ਦਾ ਬੁੱਤ ਲਗਾਇਆ ਜਾਣਾ ਹੈ। ਇਸ ਸੜਕ ਨੂੰ ਕੌਮੀ ਮਾਰਗ ਨਾਲ ਜੋੜਨ ਤੋਂ ਇਲਾਵਾ ਕਰੋੜਾਂ ਰੁਪਏ ਦੀ ਲਾਗਤ ਨਾਲ ਸੜਕ ਦੇ ਸੁੰਦਰੀਕਰਨ ਦਾ ਕੰਮ ਵੀ ਕੀਤਾ ਜਾ ਰਿਹਾ ਹੈ। ਕੁੱਲ ਮਿਲਾ ਕੇ ਪੰਜਾਬ ਦੇ ਸਿਆਸੀ ਰੁੱਤ ਵਿੱਚ ਰਵਿਦਾਸ ਤੀਰਥ ਦੀ ਮੁੜ ਸੁਰਜੀਤੀ ਦੇ ਨਾਲ ਹੀ ਭਾਜਪਾ ਕਾਸ਼ੀ ਤੋਂ ਪੰਜਾਬ ਤੱਕ ਪਹੁੰਚਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ।
ਇਹ ਵੀ ਪੜ੍ਹੋ:- CM ਚੰਨੀ ਨੇ ਸੰਤ ਰਵਿਦਾਸ ਦੇ ਦਰ 'ਤੇ ਕੀਤੀ ਅਰਦਾਸ, ਰਾਹੁਲ-ਪ੍ਰਿਅੰਕਾ ਵੀ ਪਹੁੰਚਣਗੇ ਰਵਿਦਾਸ ਧਾਮ
