ਸ਼੍ਰੀਨਗਰ: ਸ਼੍ਰੀਨਗਰ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਸ਼ਨੀਵਾਰ ਸਵੇਰੇ ਸੀਆਰਪੀਐੱਫ ਦੇ ਜਵਾਨ ਦੇ ਸਮਾਨ 'ਚੋਂ ਗੋਲੀਆਂ ਅਤੇ ਅੱਥਰੂ ਗੈਸ ਦੇ ਗੋਲੇ ਬਰਾਮਦ ਹੋਏ। ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਨੂੰ ਵੀ ਇਸੇ ਹਵਾਈ ਅੱਡੇ 'ਤੇ ਦੋ ਜਵਾਨਾਂ ਕੋਲੋਂ ਇੰਸਾਸ ਬੰਦੂਕ ਦੀਆਂ ਦੋ ਗੋਲੀਆਂ ਅਤੇ ਇਕ ਬੰਦੂਕ ਦੇ ਕਾਰਤੂਸ ਬਰਾਮਦ ਹੋਏ ਸਨ।
ਇੱਕ ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਈਟੀਵੀ ਭਾਰਤ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਹਵਾਈ ਅੱਡੇ 'ਤੇ ਸਮਾਨ ਦੀ ਜਾਂਚ ਦੌਰਾਨ ਕਾਂਸਟੇਬਲ ਰਾਣਾ ਪ੍ਰਤਾਪ ਦੇ ਸਾਮਾਨ 'ਚੋਂ ਦੋ ਏ.ਕੇ.-47 ਰਾਈਫਲਾਂ (7.62 ਮਿ.ਮੀ.), ਇਕ ਇਨਸਾਸ ਗੋਲੀ (5.56 ਮਿ.ਮੀ.) ਅਤੇ ਇਕ ਅੱਥਰੂ ਗੈਸ ਦਾ ਗੋਲਾ ਬਰਾਮਦ ਕੀਤਾ ਗਿਆ। ਉਹ ਸੀਆਰਪੀਐਫ ਦੀ 161 ਬਟਾਲੀਅਨ ਦਾ ਜਵਾਨ ਹੈ।
ਅਧਿਕਾਰੀ ਨੇ ਕਿਹਾ, "ਸ਼੍ਰੀਨਗਰ ਦੇ ਡਾਲਗੇਟ ਖੇਤਰ ਵਿੱਚ ਤਾਇਨਾਤ ਪ੍ਰਤਾਪ ਇੰਡੀਗੋ ਏਅਰਲਾਈਨਜ਼ ਰਾਹੀਂ ਸ੍ਰੀਨਗਰ ਤੋਂ ਝਾਰਖੰਡ ਦੀ ਰਾਜਧਾਨੀ ਰਾਂਚੀ ਜਾਣ ਵਾਲਾ ਸੀ। ਹਾਲਾਂਕਿ, ਹੁਣ ਉਸ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ ਅਤੇ ਉਸ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।"ਦਿਲਚਸਪ ਗੱਲ ਇਹ ਹੈ ਕਿ ਅਸਾਮ ਰਾਈਫਲਜ਼ ਦੇ ਜਵਾਨ ਵਿਜੇ ਪਾਲ ਕੋਲੋਂ ਇੰਸਾਸ ਬੰਦੂਕ ਦੀਆਂ ਦੋ ਗੋਲੀਆਂ
ਬਰਾਮਦ ਹੋਈਆਂ ਹਨ, ਜਦਕਿ ਰਾਸ਼ਟਰੀ ਰਾਈਫਲਜ਼ ਦੇ ਜਵਾਨ ਬਿਬਿਨ ਕੁਮਾਰ ਕੋਲੋਂ ਏ.ਕੇ.-47 ਬੰਦੂਕ ਦਾ ਇਕ ਕਾਰਤੂਸ ਬਰਾਮਦ ਹੋਇਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਤਿੰਨਾਂ ਮਾਮਲਿਆਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ:- ਵੀਸੀ ਨਾਲ ਬਦਸਲੂਕੀ ਦਾ ਮਾਮਲਾ ਭਖਿਆ: ਹੁਣ ਡਾ. ਰਾਜੀਵ ਦੇਵਗਨ ਅਤੇ ਡਾ. ਕੇ.ਡੀ ਸਿੰਘ ਨੇ ਦਿੱਤਾ ਅਸਤੀਫਾ
