New Parliament Building: ਇਤਿਹਾਸਿਕ ਪਲ ! ਨਵੇਂ ਸੰਸਦ ਭਵਨ ਦਾ ਉਦਘਾਟਨ

ਅੱਜ ਦਾ ਦਿਨ ਇਤਿਹਾਸ ਦੇ ਪੰਨਿਆਂ ਵਿੱਚ ਦਰਜ ਹੋਣ ਵਾਲਾ ਹੈ। ਦੇਸ਼ ਨੂੰ ਨਵੀਂ ਸੰਸਦ ਦੀ ਇਮਾਰਤ ਮਿਲ ਰਹੀ ਹੈ। ਨਵੇਂ ਸੰਸਦ ਭਵਨ ਦਾ ਉਦਘਾਟਨ ਸਮਾਰੋਹ ਸਵੇਰੇ ਹਵਨ ਅਤੇ ਸਰਵਧਰਮ ਪ੍ਰਾਰਥਨਾ ਨਾਲ ਸ਼ੁਰੂ ਹੋਇਆ ਹੈ। ਇਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਰਸਮੀ ਤੌਰ 'ਤੇ ਉਦਘਾਟਨ ਕਰਨਗੇ। ਜਾਣੋ, ਕੀ ਹਨ ਤਿਆਰੀਆਂ ਅਤੇ ਕੀ ਹੈ ਸਮਾਗਮ ਦਾ ਪੂਰਾ ਪ੍ਰੋਗਰਾਮ।

ਨਵੀਂ ਦਿੱਲੀ: ਦੇਸ਼ ਲਈ ਇੱਕ ਮਹੱਤਵਪੂਰਨ ਪਲ, ਜੋ ਭਾਰਤੀ ਸਿਆਸੀ ਇਤਿਹਾਸ ਵਿੱਚ ਦਰਜ ਹੋਣ ਜਾ ਰਿਹਾ ਹੈ। ਕਈ ਵਿਰੋਧੀ ਪਾਰਟੀਆਂ ਦੇ ਬਾਈਕਾਟ ਦਰਮਿਆਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਨਵੀਂ ਸੰਸਦ ਭਵਨ ਦਾ ਉਦਘਾਟਨ ਕਰਨਗੇ। ਵਿਰੋਧੀ ਧਿਰ ਇਸ ਗੱਲ ਉੱਤੇ ਜ਼ੋਰ ਦੇ ਰਹੀ ਹੈ ਕਿ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੂੰ ਇਸ ਦਾ ਉਦਘਾਟਨ ਕਰਨਾ ਚਾਹੀਦਾ ਹੈ।

ਨਵੇਂ ਸੰਸਦ ਭਵਨ ਦਾ ਉਦਘਾਟਨ ਸਮਾਰੋਹ ਸਵੇਰੇ ਹਵਨ ਅਤੇ ਬਹੁ-ਪ੍ਰਾਰਥਨਾ ਨਾਲ ਸ਼ੁਰੂ ਹੋਵੇਗਾ, ਜਿਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਰਸਮੀ ਤੌਰ 'ਤੇ ਉਦਘਾਟਨ ਕਰਨਗੇ। 25 ਪਾਰਟੀਆਂ ਦੇ ਨੁਮਾਇੰਦਿਆਂ ਅਤੇ ਮੁੱਖ ਮੰਤਰੀਆਂ ਅਤੇ ਮੰਤਰੀਆਂ ਸਮੇਤ ਕਈ ਪਤਵੰਤਿਆਂ ਦੇ ਉਦਘਾਟਨ ਸਮਾਰੋਹ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਹੈ।

ਨਵੇਂ ਸੰਸਦ ਭਵਨ ਦੇ ਤਿੰਨ ਦਰਵਾਜ਼ੇ: ਅਧਿਕਾਰੀਆਂ ਨੇ ਦੱਸਿਆ ਕਿ ਨਵੀਂ ਇਮਾਰਤ ਦੇ ਬਾਹਰ ਸਵੇਰੇ 7 ਵਜੇ ਹਵਨ ਕਰਵਾਇਆ ਜਾਵੇਗਾ ਅਤੇ ਸ਼ਾਇਵ ਸੰਪਰਦਾ ਦੇ ਮੁੱਖ ਪੁਜਾਰੀ ਮੋਦੀ ਨੂੰ ਰਸਮੀ ਰਾਜਦੰਡ ਸੌਂਪਣਗੇ। ਨਵੀਂ ਸੰਸਦ ਭਵਨ ਵਿੱਚ ਸਪੀਕਰ ਦੀ ਕੁਰਸੀ ਦੇ ਨੇੜੇ ਸੇਂਗੋਲ ਲਗਾਇਆ ਜਾਵੇਗਾ। ਨਵੇਂ ਕੰਪਲੈਕਸ ਦੇ ਰਸਮੀ ਉਦਘਾਟਨ ਮੌਕੇ ਸਾਬਕਾ ਉਪ ਰਾਸ਼ਟਰਪਤੀ ਐਮ ਵੈਂਕਈਆ ਨਾਇਡੂ, ਲੋਕ ਸਭਾ ਸਪੀਕਰ ਓਮ ਬਿਰਲਾ, ਸਾਬਕਾ ਪ੍ਰਧਾਨ ਮੰਤਰੀ ਐਚਡੀ ਦੇਵਗੌੜਾ ਅਤੇ ਰਾਜ ਸਭਾ ਦੇ ਡਿਪਟੀ ਚੇਅਰਮੈਨ ਹਰੀਵੰਸ਼ ਸਮੇਤ ਹੋਰਾਂ ਦੇ ਮੌਜੂਦ ਰਹਿਣ ਦੀ ਉਮੀਦ ਹੈ। ਤਿਕੋਣੀ ਆਕਾਰ ਦਾ ਚਾਰ ਮੰਜ਼ਿਲਾ ਸੰਸਦ ਭਵਨ 64,500 ਵਰਗ ਮੀਟਰ ਵਿੱਚ ਬਣਾਇਆ ਗਿਆ ਹੈ। ਇਮਾਰਤ ਦੇ ਤਿੰਨ ਮੁੱਖ ਦਰਵਾਜ਼ੇ ਹਨ- ਗਿਆਨ ਦੁਆਰ, ਸ਼ਕਤੀ ਦੁਆਰ ਅਤੇ ਕਰਮ ਦੁਆਰ।

ਲੁਟੀਅਨਜ਼ ਦਿੱਲੀ ਵਿੱਚ ਸੁਰੱਖਿਆ ਵਧਾ ਦਿੱਤੀ ਗਈ: ਨਵੇਂ ਸੰਸਦ ਭਵਨ ਦੇ ਉਦਘਾਟਨ ਤੋਂ ਪਹਿਲਾਂ ਲੁਟੀਅਨਜ਼ ਦਿੱਲੀ ਵਿੱਚ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਪੁਲਿਸ ਨੇ ਪਹਿਲਾਂ ਹੀ ਟ੍ਰੈਫਿਕ ਐਡਵਾਈਜ਼ਰੀ ਜਾਰੀ ਕਰ ਦਿੱਤੀ ਹੈ ਕਿ ਨਵੀਂ ਦਿੱਲੀ ਨੂੰ ਇਸ ਸਮੇਂ ਲਈ ਨਿਯੰਤਰਿਤ ਖੇਤਰ ਮੰਨਿਆ ਜਾਵੇਗਾ ਅਤੇ ਵਾਹਨਾਂ ਦੇ ਦਾਖਲੇ 'ਤੇ ਪਾਬੰਦੀ ਹੋਵੇਗੀ। ਸੰਸਦ ਭਵਨ ਉੱਚ ਸੁਰੱਖਿਆ ਵਾਲੇ ਖੇਤਰ ਵਿੱਚ ਸਥਿਤ ਹੈ। ਪੁਲਿਸ ਨੇ ਦੱਸਿਆ ਕਿ ਵਾਧੂ ਤਾਇਨਾਤੀ ਤੋਂ ਇਲਾਵਾ ਸੀਸੀਟੀਵੀ ਕੈਮਰਿਆਂ ਨਾਲ ਲਗਾਤਾਰ ਨਿਗਰਾਨੀ ਰੱਖੀ ਜਾ ਰਹੀ ਹੈ।

ਕਰੀਬ 20 ਪਾਰਟੀਆਂ ਨੇ ਇਸ ਸਮਾਰੋਹ ਦਾ ਬਾਈਕਾਟ ਕਰਨ ਦਾ ਐਲਾਨ ਕੀਤਾ ਹੈ। ਭਾਰਤੀ ਕੁਸ਼ਤੀ ਫੈਡਰੇਸ਼ਨ ਦੇ ਪ੍ਰਧਾਨ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਨੂੰ ਸੱਤ ਮਹਿਲਾ ਪਹਿਲਵਾਨਾਂ ਦੇ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕਰਨ ਦੀ ਮੰਗ ਨੂੰ ਲੈ ਕੇ ਅੰਦੋਲਨਕਾਰੀ ਪਹਿਲਵਾਨਾਂ ਨੇ ਐਤਵਾਰ ਨੂੰ ਨਵੀਂ ਸੰਸਦ ਭਵਨ ਦੇ ਸਾਹਮਣੇ ਧਰਨਾ ਦੇਣ ਦੀ ਧਮਕੀ ਦਿੱਤੀ ਹੈ।

ਹਾਲਾਂਕਿ, ਇਕ ਅਧਿਕਾਰੀ ਨੇ ਕਿਹਾ ਕਿ ਸੰਸਦ ਕੰਪਲੈਕਸ ਤੋਂ ਲਗਭਗ ਤਿੰਨ ਕਿਲੋਮੀਟਰ ਦੂਰ ਜੰਤਰ-ਮੰਤਰ 'ਤੇ ਧਰਨਾ ਦੇਣ ਵਾਲੇ ਪਹਿਲਵਾਨਾਂ ਨੂੰ 'ਮਹਿਲਾ ਮਹਾਪੰਚਾਇਤ' ਲਈ ਕੋਈ ਇਜਾਜ਼ਤ ਨਹੀਂ ਦਿੱਤੀ ਗਈ ਹੈ। ਇਕ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਸੰਸਦ ਭਵਨ ਨੇੜੇ ਢੁੱਕਵੇਂ ਸੁਰੱਖਿਆ ਕਰਮਚਾਰੀ ਤਾਇਨਾਤ ਕੀਤੇ ਗਏ ਹਨ, ਪਰ ਵੇਰਵੇ ਦੇਣ ਤੋਂ ਇਨਕਾਰ ਕਰ ਦਿੱਤਾ।

ਅਧਿਕਾਰੀ ਨੇ ਦੱਸਿਆ ਕਿ ਕੇਂਦਰੀ ਦਿੱਲੀ ਵਿੱਚ ਪੁਲਿਸ ਪਿਕਟਸ ਸਥਾਪਤ ਕੀਤੇ ਗਏ ਹਨ ਅਤੇ ਕਾਨੂੰਨ ਵਿਵਸਥਾ ਬਣਾਈ ਰੱਖਣ ਲਈ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ। ਨਾਲ ਹੀ, ਰਾਜਧਾਨੀ ਨਾਲ ਲੱਗਦੇ ਐਂਟਰੀ ਪੁਆਇੰਟਾਂ 'ਤੇ ਸੁਰੱਖਿਆ ਵਧਾ ਦਿੱਤੀ ਗਈ ਹੈ।

ਉਦਘਾਟਨੀ ਸਮਾਰੋਹ ਦਾ ਅਸਥਾਈ ਕਾਰਜਕ੍ਰਮ

• ਸਵੇਰੇ 7:30 ਵਜੇ - ਮਹਾਤਮਾ ਗਾਂਧੀ ਦੀ ਮੂਰਤੀ ਦੇ ਨੇੜੇ ਪੰਡਾਲ ਵਿੱਚ ਪੂਜਾ ਅਤੇ ਹਵਨ ਨਾਲ ਉਦਘਾਟਨ ਸਮਾਰੋਹ ਦੀ ਸ਼ੁਰੂਆਤ ਹੋਵੇਗੀ। ਪੂਜਾ ਕਰੀਬ ਇੱਕ ਘੰਟੇ ਤੱਕ ਚੱਲਣ ਦੀ ਸੰਭਾਵਨਾ ਹੈ।
• ਸਵੇਰੇ 8:30 ਵਜੇ - ਸੰਸਦ ਭਵਨ ਦੇ ਨਵੇਂ ਲੋਕ ਸਭਾ ਚੈਂਬਰ ਵਿੱਚ ਸੇਂਗੋਲ ਜਾਂ ਰਾਜਦੰਡ ਰੱਖਿਆ ਜਾਵੇਗਾ। ਲੋਕ ਸਭਾ ਦੇ ਸਪੀਕਰ ਦੀ ਕੁਰਸੀ ਨੇੜੇ ਲਗਾਇਆ ਜਾਵੇਗਾ।
• ਸਵੇਰੇ 9:30 ਵਜੇ - ਸੰਸਦ ਦੀ ਲਾਬੀ ਵਿੱਚ ਸਰਬ ਧਰਮ ਪ੍ਰਾਰਥਨਾ ਸਮਾਰੋਹ ਦਾ ਆਯੋਜਨ ਕੀਤਾ ਜਾਵੇਗਾ। ਇਸ ਵਿੱਚ ਧਾਰਮਿਕ ਵਿਦਵਾਨ ਅਤੇ ਪੁਜਾਰੀ ਸ਼ਾਮਲ ਹੋਣਗੇ।
• ਦੁਪਹਿਰ 12 ਵਜੇ - ਮੁੱਖ ਸਮਾਗਮ ਸ਼ੁਰੂ ਹੋਵੇਗਾ। ਸੰਸਦ 'ਤੇ ਦੋ ਲਘੂ ਫਿਲਮਾਂ ਦਿਖਾਈਆਂ ਜਾਣਗੀਆਂ ਅਤੇ ਪਤਵੰਤੇ ਭਾਸ਼ਣ ਦੇਣਗੇ।
• ਦੁਪਹਿਰ 1 ਵਜੇ - ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਵੀਂ ਇਮਾਰਤ ਦੇ ਉਦਘਾਟਨ ਮੌਕੇ 75 ਰੁਪਏ ਦਾ ਇੱਕ ਵਿਸ਼ੇਸ਼ ਸਿੱਕਾ ਅਤੇ ਡਾਕ ਟਿਕਟ ਜਾਰੀ ਕਰਨਗੇ।
• ਦੁਪਹਿਰ 1:10 ਵਜੇ - ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਪਣਾ ਸੰਬੋਧਨ ਕਰਨਗੇ।

ਉਦਘਾਟਨ ਸਮਾਰੋਹ ਵਿੱਚ ਹਿੱਸਾ ਲੈਣ ਵਾਲੀਆਂ ਪਾਰਟੀਆਂ:

• ਰਾਸ਼ਟਰੀ ਜਮਹੂਰੀ ਗਠਜੋੜ (ਐਨਡੀਏ)
• ਭਾਰਤੀ ਜਨਤਾ ਪਾਰਟੀ (394 ਸਾਂਸਦ)
• ਸ਼ਿਵ ਸੈਨਾ (ਏਕਨਾਥ ਸ਼ਿੰਦੇ ਧੜੇ) (15 ਸਾਂਸਦ)
• ਨੈਸ਼ਨਲ ਪੀਪਲਜ਼ ਪਾਰਟੀ, ਮੇਘਾਲਿਆ (2 ਸਾਂਸਦ)
• ਨੈਸ਼ਨਲਿਸਟ ਡੈਮੋਕਰੇਟਿਕ ਪ੍ਰੋਗਰੈਸਿਵ ਪਾਰਟੀ (1 ਸਾਂਸਦ)
• ਸਿੱਕਮ ਕ੍ਰਾਂਤੀਕਾਰੀ ਮੋਰਚਾ (1 ਸਾਂਸਦ)
• ਜਨਨਾਇਕ ਜਨਤਾ ਪਾਰਟੀ
• AIADMK (5 MP)
• IMKMK
• AJSU (ਇੱਕ MP)
• RPI (ਅਠਾਵਲੇ) (ਇੱਕ MP)
• ਮਿਜ਼ੋ ਨੈਸ਼ਨਲ ਫਰੰਟ (ਦੋ MP)
• ਤਾਮਿਲ ਮਨੀਲਾ ਕਾਂਗਰਸ (ਇੱਕ MP)
• ITFT (ਤ੍ਰਿਪੁਰਾ)
• ਬੋਡੋ ਪੀਪਲਜ਼ ਪਾਰਟੀ
• ਪੱਟਲੀ ਮੱਕਲ ਕਾਚੀ (ਇੱਕ MP)
• ਮਹਾਰਾਸ਼ਟਰਵਾਦੀ ਗੋਮੰਤਕ ਪਾਰਟੀ
• ਅਪਨਾ ਦਲ (ਦੋ ਸੰਸਦ ਮੈਂਬਰ)
• ਅਸਮ ਗਣ ਪ੍ਰੀਸ਼ਦ (ਇਕ ਸੰਸਦ ਮੈਂਬਰ)
• ਗੈਰ-ਰਾਸ਼ਟਰੀ ਜਮਹੂਰੀ ਗਠਜੋੜ (NDA) ਪਾਰਟੀ
• ਲੋਕ ਜਨਸ਼ਕਤੀ ਪਾਰਟੀ (ਰਾਮ ਵਿਲਾਸ) (1 ਸੰਸਦ ਮੈਂਬਰ)
• ਬੀਜੂ ਜਨਤਾ ਦਲ (21 ਸੰਸਦ ਮੈਂਬਰ)
• ਬਹੁਜਨ ਸਮਾਜ ਪਾਰਟੀ (10 ਸੰਸਦ ਮੈਂਬਰ)
• ਤੇਲਗੂ ਦੇਸ਼ਮ ਪਾਰਟੀ (4 ਸੰਸਦ ਮੈਂਬਰ)
• ਵਾਈਐਸਆਰਸੀਪੀ (31 ਸੰਸਦ ਮੈਂਬਰ)

ਉਦਘਾਟਨੀ ਸਮਾਰੋਹ ਦਾ ਬਾਈਕਾਟ ਕਰਨ ਵਾਲੀਆਂ ਪਾਰਟੀਆਂ

• ਕਾਂਗਰਸ (81 ਸਾਂਸਦ)
• ਡੀ.ਐਮ.ਕੇ (34 ਸਾਂਸਦ)
• ਸ਼ਿਵ ਸੈਨਾ-ਯੂਬੀਟੀ (7 ਸਾਂਸਦ)
• ਆਮ ਆਦਮੀ ਪਾਰਟੀ (11 ਸਾਂਸਦ)
• ਸਮਾਜਵਾਦੀ ਪਾਰਟੀ (6 ਸਾਂਸਦ)
• ਸੀਪੀਆਈ (4 ਸਾਂਸਦ)
• ਜੇਐਮਐਮ (2 ਸਾਂਸਦ)
• ਕੇਰਲ ਕਾਂਗਰਸ -ਮਨੀ (2 ਸਾਂਸਦ),
• ਵਿਦੁਥਲਾਈ ਚਿਰੂਥੈਗਲ ਕਾਚੀ (ਇਕ ਸਾਂਸਦ)
• ਰਾਸ਼ਟਰੀ ਲੋਕ ਦਲ (ਇਕ ਸਾਂਸਦ)
• ਤ੍ਰਿਣਮੂਲ ਕਾਂਗਰਸ (35 ਸਾਂਸਦ)
• ਜਨਤਾ ਦਲ (ਯੂਨਾਈਟਿਡ) (21 ਸਾਂਸਦ)
• ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਨੌਂ ਸਾਂਸਦ)
• ਸੀ.ਪੀ.ਆਈ.- ਐਮ (ਅੱਠ ਸੰਸਦ ਮੈਂਬਰ)
• ਆਰਜੇਡੀ (ਛੇ ਸੰਸਦ ਮੈਂਬਰ)
• ਆਈਯੂਐਮਐਲ (ਚਾਰ ਸੰਸਦ ਮੈਂਬਰ)
• ਨੈਸ਼ਨਲ ਕਾਨਫਰੰਸ (3 ਸੰਸਦ ਮੈਂਬਰ)
• ਆਰਐਸਪੀ (1 ਸੰਸਦ ਮੈਂਬਰ)
• ਐਮਡੀਐਮਕੇ (1 ਸੰਸਦ ਮੈਂਬਰ)
• ਏਆਈਐਮਆਈਐਮ (2 ਸੰਸਦ ਮੈਂਬਰ)