ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਆਪਣਾ ਦੂਜਾ ਕਾਰਜਕਾਲ ਮਈ 2019 ਵਿੱਚ 57 ਮੰਤਰੀਆਂ ਨਾਲ ਸ਼ੁਰੂ ਕਰਨ ਤੋਂ ਬਾਅਦ ਬੁੱਧਵਾਰ ਨੂੰ ਪਹਿਲੀ ਵਾਰ ਕੇਂਦਰੀ ਮੰਤਰੀ ਪ੍ਰੀਸ਼ਦ ਵਿੱਚ ਫੇਰਬਦਲ ਕਰ ਸਕਦੇ ਹਨ, ਅਤੇ ਇਸ ਦਾ ਵਿਸਥਾਰ ਕਰ ਸਕਦੇ ਹਨ। ਜੇ ਸੂਤਰਾਂ ਦੀ ਮੰਨੀਏ, ਤਾਂ ਇਹ ਸਾਰੇ ਨਵੇਂ ਚਿਹਰੇ 48 ਘੰਟਿਆਂ ਦੇ ਅੰਦਰ-ਅੰਦਰ ਮੋਦੀ ਮੰਤਰੀ ਮੰਡਲ ਵਿੱਚ ਸ਼ਾਮਲ ਹੋ ਜਾਣਗੇ, ਅਤੇ ਹਾਈਕਮਾਨ ਦਾ ਸੱਦਾ ਇਨ੍ਹਾਂ ਸਾਰੇ ਨੇਤਾਵਾਂ ਨੂੰ ਮਿਲ ਗਿਆ ਹੈ। ਇਸ ਤਰਤੀਬ ਵਿੱਚ, ਗੱਠਜੋੜ ਦੇ ਆਗੂ ਵੀ ਮੰਗਲਵਾਰ ਨੂੰ ਦਿੱਲੀ ਪਹੁੰਚੇ। ਬੁੱਧਵਾਰ ਸ਼ਾਮ ਨੂੰ ਨਵੇਂ ਮੰਤਰੀਆਂ ਦੀ ਸਹੁੰ ਚੁਕਾਈ ਜਾਂ ਸਕਦੀ ਹੈ।
2024 ਲੋਕ ਸਭਾ ਅਤੇ 2022 ਦੀਆਂ ਵਿਧਾਨ ਸਭਾ ਚੋਣਾਂ ਨੂੰ ਧਿਆਨ ਵਿੱਚ ਰੱਖਿਆ ਜਾਵੇਗਾ
ਕਿਹਾ ਜਾਂ ਰਿਹਾ ਹੈ, ਕਿ ਮੋਦੀ ਮੰਤਰੀ ਮੰਡਲ ਵਿੱਚ ਸ਼ਾਮਲ ਕੀਤੇ ਜਾਣ ਵਾਲੇ ਨਵੇਂ ਚਿਹਰਿਆਂ ਦੇ ਨਾਮਾਂ ਦਾ ਲਗਭਗ ਫੈਸਲਾ ਹੋ ਚੁੱਕਾ ਹੈ। ਇਸ ਸਬੰਧ ਵਿੱਚ, ਪਾਰਟੀ ਨੇ ਕਈ ਪੜਾਅਵਾਰ ਮੀਟਿੰਗਾਂ ਕਰਨ ਦੇ ਨਾਲ, 2024 ਵਿੱਚ ਹੋਣ ਵਾਲੀਆਂ ਲੋਕ ਸਭਾ ਅਤੇ 2022 ਦੇ ਮਹੱਤਵਪੂਰਨ ਰਾਜਾਂ ਵਿਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਨੂੰ ਵੀ ਧਿਆਨ ਵਿੱਚ ਰੱਖਿਆ ਹੈ।
ਮੰਤਰੀ ਮੰਡਲ ਵਿੱਚ ਸ਼ਾਮਲ ਹੋਣ ਲਈ ਮੰਤਰੀ ਦਿੱਲੀ ਪਹੁੰਚਣੇ ਸ਼ੁਰੂ ਹੋ ਗਏ ਹਨ
ਸੂਤਰਾਂ ਮੁਤਾਬਕ ਆਈ.ਬੀ ਨੇ ਸਰਕਾਰ ਨੂੰ ਤਕਰੀਬਨ 25 ਨੇਤਾਵਾਂ ਦੇ ਨਾਵਾਂ ਦੀ ਮਨਜੂਰੀ ਸੂਚੀ ਦੇ ਦਿੱਤੀ ਹੈ।ਇਨ੍ਹਾਂ ਸਾਰੇ ਨੇਤਾਵਾਂ ਦੇ ਪਿਛੋਕੜ ਦੀ ਭਾਲ ਕਰਨ ਤੋਂ ਬਾਅਦ ਇਹ ਸੂਚੀ ਦਿੱਤੀ ਗਈ ਹੈ। ਜੋਤੀਰਾਦਿੱਤਿਆ ਸਿੰਧੀਆ, ਸਰਬੰਦ ਸੋਨੋਵਾਲ, ਅਨੁਪ੍ਰਿਯਾ ਪਟੇਲ, ਸੁਸ਼ੀਲ ਮੋਦੀ, ਸ਼ਾਂਤਨੂ ਠਾਕੁਰ, ਪ੍ਰਮਣਿਕ, ਨਾਰਾਇਣ ਰਾਣੇ, ਅਸ਼ਵਨੀ ਵੈਸ਼ਨਵ, ਰਾਹੁਲ ਕਾਸਵਾਨ, ਆਰਸੀਪੀ ਸਿੰਘ, ਲੱਲਨ ਸਿੰਘ, ਉਤਰਾਖੰਡ ਦੇ ਸਾਬਕਾ ਮੁੱਖ ਮੰਤਰੀ ਤੀਰਥ ਸਿੰਘ ਰਾਵਤ, ਮਹਾਰਾਸ਼ਟਰ ਦੇ ਨੰਦੂਰਬਾਰ ਤੋਂ ਸੰਸਦ ਮੈਂਬਰ ਹਿਨਾ ਗਾਵਿਤ, ਭਾਜਪਾ ਜਨਰਲ ਸੱਕਤਰ ਅਤੇ ਰਾਜ ਸਭਾ ਮੈਂਬਰ ਭੁਪਿੰਦਰ ਯਾਦਵ, ਓਡੀਸ਼ਾ ਤੋਂ ਰਾਜ ਸਭਾ ਮੈਂਬਰ ਅਸ਼ਵਨੀ ਵੈਸ਼ਨਵ ਆਦਿ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ ਬਹੁਤ ਸਾਰੇ ਨੇਤਾ ਮੰਗਲਵਾਰ ਨੂੰ ਵੀ ਦਿੱਲੀ ਪਹੁੰਚੇ। ਜੇ ਸੂਤਰਾਂ ਦੀ ਮੰਨੀਏ ਤਾਂ ਇਨ੍ਹਾਂ ਵਿੱਚੋਂ ਬਹੁਤੇ ਨੇਤਾਵਾਂ ਨੂੰ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਦਿੱਲੀ ਪਹੁੰਚਣ ਦਾ ਫੋਨ ਆਇਆ ਹੈ।
ਮੰਤਰੀ ਮੰਡਲ ਵਿੱਚ 5 ਸਾਲ ਤੋਂ 50 ਸਾਲ ਤੱਕ ਉਮਰ ਵਾਲੇ ਸ਼ਾਮਲ ਹੋਣਗੇ
ਇਸ ਵਿੱਚ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ, ਕਿ ਵਿਸਥਾਰ ਵਿੱਚ ਸ਼ਾਮਲ ਚਿਹਰਿਆਂ ਵਿੱਚੋਂ, ਤਕਰੀਬਨ 5 ਨਾਮ ਹਨ, ਜੋ 50 ਸਾਲ ਤੋਂ ਘੱਟ ਉਮਰ ਦੇ ਹਨ, ਜੋ ਸਪੱਸ਼ਟ ਕਰਦੇ ਹਨ, ਕਿ ਮੋਦੀ ਸਰਕਾਰ ਇਸ ਵਿਸਥਾਰ ਵਿੱਚ ਨੌਜਵਾਨ ਮੰਤਰੀਆਂ ਨੂੰ ਪ੍ਰਮੁੱਖਤਾ ਦੇ ਰਹੀ ਹੈ।ਪਾਰਟੀ ਸੂਤਰਾਂ ਅਨੁਸਾਰ ਪਾਰਟੀ ਅਜਿਹੇ ਨੇਤਾਵਾਂ ਨੂੰ ਤਿਆਰ ਕਰਨਾ ਚਾਹੁੰਦੀ ਹੈ, ਜੋ ਆਉਣ ਵਾਲੇ 5 ਤੋਂ 10 ਸਾਲਾਂ ਲਈ ਪਾਰਟੀ ਦਾ ਚਿਹਰਾ ਬਣ ਸਕਦੇ ਹਨ, ਇਸ ਤੋਂ ਇਲਾਵਾਂ ਇਸ ਵਿਸਥਾਰ ਵਿੱਚ 10 ਪ੍ਰਤੀਨਿਧੀ ਹਨ, ਜਿਨ੍ਹਾਂ ਦੀ ਉਮਰ 60 ਸਾਲ ਤੋਂ ਵੱਧ ਹੈ।
ਇਹ ਵੀ ਪੜ੍ਹੋ:-ਜਦੋਂ ਸਿੰਗਾਪੁਰ ਦੇ ਪ੍ਰਧਾਨ ਮੰਤਰੀ ਨੇ ਗੁਰਦੁਆਰਾ ਪਹੁੰਚ ਕੇ ਲਾਇਆ ਜੈਕਾਰਾ: ਦੇਖੋ ਖ਼ਬਰ
