ਨਵੀਂ ਦਿੱਲੀ: ਕਰਵਾ ਚੌਥ ਦਾ ਤਿਉਹਾਰ ਇਸ ਵਾਰ ਦੇਸ਼ 'ਚ 1 ਨਵੰਬਰ ਨੂੰ ਮਨਾਇਆ ਜਾਵੇਗਾ। ਇਸ ਦੀਆਂ ਤਿਆਰੀਆਂ ਨੂੰ ਲੈ ਕੇ ਬਾਜ਼ਾਰ 'ਚ ਕਾਫੀ ਉਤਸ਼ਾਹ ਹੈ। ਕੱਪੜੇ, ਗਹਿਣੇ, ਕਾਸਮੈਟਿਕਸ, ਤੋਹਫ਼ੇ ਦੀਆਂ ਵਸਤੂਆਂ ਅਤੇ ਪੂਜਾ ਦੀਆਂ ਵਸਤੂਆਂ ਤੋਂ ਲੈ ਕੇ ਹਰ ਚੀਜ਼ ਦੀ ਵੱਡੇ ਪੱਧਰ 'ਤੇ ਖ਼ਰੀਦਦਾਰੀ ਕੀਤੀ ਜਾ ਰਹੀ ਹੈ। ਤਿਉਹਾਰ ਮਨਾਉਣ ਦਾ ਤਰੀਕਾ ਪਹਿਲਾਂ ਨਾਲੋਂ ਵਧੇਰੇ ਗਲੈਮਰਾਈਜ਼ ਹੁੰਦਾ ਜਾ ਰਿਹਾ ਹੈ। ਅਜਿਹੇ 'ਚ ਕਰਵਾ ਚੌਥ ਨੇ ਵੀ ਬਾਜ਼ਾਰ 'ਚ ਇਕ ਵੱਖ ਤਰ੍ਹਾਂ ਦਾ ਕ੍ਰੇਜ਼ ਬਣਾਇਆ (Karva Chauth Vrat) ਹੋਇਆ ਹੈ।
ਇੰਨ੍ਹਾਂ ਚੀਜ਼ਾਂ ਦੀ ਸ਼ਾਪਿੰਗ: ਇਸ ਦਿਨ ਪਤੀ ਆਪਣੀਆਂ ਪਤਨੀਆਂ ਨੂੰ ਸੋਨਾ, ਹੀਰਾ, ਗਹਿਣੇ, ਇਲੈਕਟ੍ਰਾਨਿਕ ਯੰਤਰ ਅਤੇ ਹੋਰ ਬਹੁਤ ਸਾਰੇ ਤੋਹਫ਼ੇ ਦਿੰਦੇ ਹਨ। ਇਸ ਦੇ ਨਾਲ ਹੀ, ਔਰਤਾਂ ਸੁੰਦਰ ਦਿਖਣ ਲਈ ਕੱਪੜਿਆਂ, ਗਹਿਣਿਆਂ ਅਤੇ ਪਾਰਲਰ 'ਤੇ ਬਹੁਤ ਖ਼ਰਚ ਕਰਦੀਆਂ ਹਨ। ਸਮੇਂ ਦੇ ਬੀਤਣ ਨਾਲ ਤੋਹਫ਼ੇ ਦੇਣ ਦਾ ਢੰਗ ਵੀ ਬਦਲ ਗਿਆ ਹੈ। ਗਿਫਟ ਲਿਸਟ 'ਚ ਇਲੈਕਟ੍ਰਾਨਿਕ ਗੈਜੇਟਸ ਨੂੰ ਸ਼ਾਮਲ ਕੀਤਾ ਗਿਆ ਹੈ ਜਿਸ ਕਾਰਨ ਬਾਜ਼ਾਰ 'ਚ ਇਸ ਦੀ ਮੰਗ ਵਧ ਗਈ ਹੈ।
ਸੋਨੇ ਦੀ ਮੰਗ ਵਿੱਚ ਕਮੀ : ਹਾਲ ਹੀ ਵਿੱਚ, ਵਿਸ਼ਵ ਗੋਲਡ ਕਾਉਂਸਿਲ (WGC) ਨੇ ਆਪਣੀ ਰਿਪੋਰਟ ਵਿੱਚ ਕਿਹਾ ਹੈ ਕਿ 2023 ਦੀ ਤੀਜੀ ਤਿਮਾਹੀ ਵਿੱਚ ਵਿਸ਼ਵ ਪੱਧਰੀ ਸੋਨੇ ਦੀ ਮੰਗ ਵਿੱਚ ਛੇ ਪ੍ਰਤੀਸ਼ਤ ਦੀ ਕਮੀ ਆਈ ਹੈ। ਇਸ ਦੇ ਨਾਲ ਹੀ, ਦੁਨੀਆ ਦੇ ਦੂਜੇ ਸਭ ਤੋਂ ਵੱਡੇ ਸੋਨੇ ਦੀ ਖ਼ਪਤ ਕਰਨ ਵਾਲੇ ਦੇਸ਼ ਭਾਰਤ 'ਚ ਸੋਨੇ ਦੀ ਮੰਗ ਇਕ ਸਾਲ ਪਹਿਲਾਂ 191.7 ਟਨ ਦੇ ਮੁਕਾਬਲੇ 10 ਫੀਸਦੀ ਵਧ ਕੇ 210.2 ਟਨ ਹੋ ਗਈ। ਮੰਗ ਵਧਣ ਦਾ ਸਭ ਤੋਂ ਵੱਡਾ ਕਾਰਨ ਭਾਰਤ 'ਚ ਸ਼ੁਰੂ ਹੋ ਰਿਹਾ ਤਿਉਹਾਰੀ ਸੀਜ਼ਨ ਹੈ।
15 ਹਜ਼ਾਰ ਕਰੋੜ ਰੁਪਏ ਤੋਂ ਵੱਧ ਕਾਰੋਬਾਰ ਹੋਣ ਦਾ ਅਨੁਮਾਨ: ਕਰਵਾ ਚੌਥ ਦੇ ਕਾਰਨ ਬਾਜ਼ਾਰ ਵਿੱਚ ਸ਼ਿੰਗਾਰ ਦੀਆਂ ਵਸਤੂਆਂ, ਕੱਪੜੇ, ਲਾਲ ਚੁੰਨੀ, ਸਿੰਦੂਰ, ਛਾਨਣੀ, ਪੂਜਾ ਸਮੱਗਰੀ, ਗੰਗਾ ਜਲ, ਫਲ, ਸਜਾਵਟੀ ਵਸਤੂਆਂ, ਪੈਰਾਂ ਦੀਆਂ ਬਿੱਛੂਆਂ ਤੋਂ ਲੈ ਕੇ ਅਤੇ ਹੋਰ ਚੀਜ਼ਾਂ ਦੀ ਮੰਗ ਵਧ ਗਈ ਹੈ। ਇਸ ਦੇ ਨਾਲ ਹੀ, ਕਨਫੈਡਰੇਸ਼ਨ ਆਫ ਆਲ ਇੰਡੀਆ ਟਰੇਡਰਜ਼ ਨੇ ਕਰਵਾ ਚੌਥ 'ਤੇ ਹੋਣ ਵਾਲੀ ਖਰੀਦਦਾਰੀ ਨੂੰ ਲੈ ਕੇ ਵੀ ਭਵਿੱਖਬਾਣੀ ਕੀਤੀ ਹੈ। ਕੈਟ ਦਾ ਕਹਿਣਾ ਹੈ ਕਿ ਇਸ ਵਾਰ ਕਰਵਾ ਚੌਥ 'ਤੇ ਦੇਸ਼ ਭਰ 'ਚ 15 ਹਜ਼ਾਰ ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਕਾਰੋਬਾਰ ਹੋਵੇਗਾ।
