ਫਰਵਰੀ ਦਾ ਮਹੀਨਾ ਪ੍ਰੇਮੀਆਂ ਲਈ ਖਾਸ ਮੰਨਿਆ ਜਾਂਦਾ ਹੈ। ਵੈਲੇਨਟਾਈਨ ਹਫ਼ਤਾ 7 ਫਰਵਰੀ ਨੂੰ ਸ਼ੁਰੂ ਹੁੰਦਾ ਹੈ। ਅੱਜ ਪਿਆਰ ਦੇ ਇਸ ਹਫ਼ਤੇ ਦਾ 6ਵਾਂ ਦਿਨ ਚੱਲ ਰਿਹਾ ਹੈ। ਇਸ ਦਿਨ 'Hug Day' ਮਨਾਇਆ ਜਾਂਦਾ ਹੈ। ਜਦੋਂ ਸਾਡੇ ਸ਼ਬਦ ਅਤੇ ਬੁੱਲ੍ਹ ਭਾਵਨਾਵਾਂ ਨੂੰ ਪ੍ਰਗਟ ਕਰਨ ਵਿੱਚ ਅਸਫਲ ਹੁੰਦੇ ਹਨ ਤਾਂ ਸਰੀਰਕ ਛੋਹ ਦੀ ਭਾਸ਼ਾ ਕੰਮ ਕਰਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜੱਫੀ ਤੁਹਾਡੇ ਅਜ਼ੀਜ਼ਾਂ ਨੂੰ ਇਹ ਜਾਣਨ ਵਿੱਚ ਮਦਦ ਕਰ ਸਕਦੀ ਹੈ ਕਿ ਤੁਸੀਂ ਉਨ੍ਹਾਂ ਲਈ ਮੌਜੂਦ ਹੋ, ਕਿਸੇ ਵੀ ਸਮੱਸਿਆ ਨੂੰ ਹੱਲ ਕਰਨ ਲਈ ਤਿਆਰ ਹੋ ਅਤੇ ਮੁਸ਼ਕਲ ਸਮੇਂ ਵਿੱਚ ਤੁਸੀਂ ਉਨ੍ਹਾਂ ਦੇ ਨਾਲ ਹੋ। ਇਸ ਲਈ ਪ੍ਰੇਮੀਆਂ ਲਈ 'Hug Day' ਬਹੁਤ ਮਹੱਤਵ ਰੱਖਦਾ ਹੈ।
ਜੱਫੀ ਪਾਉਣਾ ਕਿਸੇ ਲਈ ਆਪਣਾ ਪਿਆਰ ਅਤੇ ਕਦਰਦਾਨੀ ਦਿਖਾਉਣ ਦਾ ਇੱਕ ਵਧੀਆ ਤਰੀਕਾ ਹੈ। ਇਸ ਲਈ ਜੇਕਰ ਤੁਸੀਂ ਆਪਣੇ ਅਜ਼ੀਜ਼ ਨੂੰ ਖਾਸ ਮਹਿਸੂਸ ਕਰਵਾਉਣਾ ਚਾਹੁੰਦੇ ਹੋ, ਤਾਂ ਹੱਗ ਡੇ 'ਤੇ ਉਨ੍ਹਾਂ ਨੂੰ ਜੱਫੀ ਪਾਓ ਅਤੇ ਦੱਸੋ ਕਿ ਉਹ ਤੁਹਾਡੇ ਲਈ ਕਿੰਨੇ ਮਾਇਨੇ ਰੱਖਦੇ ਹਨ ਅਤੇ ਤੁਹਾਡੇ ਲਈ ਕਿੰਨੇ ਖਾਸ ਹਨ। ਇਸ ਦਿਨ ਜੋੜੇ ਆਪਣੀਆਂ ਸ਼ਿਕਾਇਤਾਂ ਭੁੱਲ ਜਾਂਦੇ ਹਨ ਅਤੇ ਇੱਕ ਦੂਜੇ ਨੂੰ ਗਲੇ ਲਗਾ ਕੇ ਪਾਰਟਨਰ ਪ੍ਰਤੀ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੇ ਹਨ।
'Hug Day' ਦਾ ਮਹੱਤਵ
'Hug Day' ਦੇ ਨਾਮ ਤੋਂ ਹੀ ਪਤਾ ਲੱਗਦਾ ਹੈ ਕਿ ਇਹ ਜੱਫੀ ਪਾਉਣ ਦਾ ਦਿਨ ਹੈ। ਇਹ ਪਿਆਰ ਅਤੇ ਸਨੇਹ ਨਾਲ ਭਰਿਆ ਦਿਨ ਹੈ ਅਤੇ ਇਸ ਦਿਨ ਨੂੰ ਲੋਕ ਸਰੀਰਕ ਸੰਪਰਕ ਰਾਹੀਂ ਇੱਕ ਦੂਜੇ ਪ੍ਰਤੀ ਆਪਣੀਆਂ ਭਾਵਨਾਵਾਂ ਪ੍ਰਗਟ ਕਰਨ ਦੇ ਮੌਕੇ ਵਜੋਂ ਦੇਖਦੇ ਹਨ। ਇਸਨੂੰ ਸਰੀਰਕ ਪਿਆਰ ਨੂੰ ਉਤਸ਼ਾਹਿਤ ਕਰਨ ਅਤੇ ਰਿਸ਼ਤਿਆਂ ਵਿੱਚ ਸਰੀਰਕ ਛੋਹ ਦੀ ਮਹੱਤਤਾ 'ਤੇ ਜ਼ੋਰ ਦੇਣ ਦੇ ਤਰੀਕੇ ਵਜੋਂ ਮਨਾਇਆ ਜਾਂਦਾ ਹੈ।
'Hug Day' ਵੈਲੇਨਟਾਈਨ ਵੀਕ ਦਾ ਇੱਕ ਮਹੱਤਵਪੂਰਨ ਦਿਨ ਹੈ, ਕਿਉਂਕਿ ਇਹ ਲੋਕਾਂ ਨੂੰ ਆਪਣੇ ਪਿਆਰ ਨੂੰ ਇੱਕ ਸਰਲ ਪਰ ਅਰਥਪੂਰਨ ਤਰੀਕੇ ਨਾਲ ਪ੍ਰਗਟ ਕਰਨ ਦਾ ਮੌਕਾ ਦਿੰਦਾ ਹੈ। ਇੱਕ ਦੂਜੇ ਨੂੰ ਜੱਫੀ ਪਾ ਕੇ ਅਸੀਂ ਮਜ਼ਬੂਤ ਰਿਸ਼ਤੇ ਬਣਾ ਸਕਦੇ ਹਾਂ ਅਤੇ ਤਣਾਅ ਘਟਾ ਸਕਦੇ ਹਾਂ। ਲੋਕ ਆਪਣੇ ਅਜ਼ੀਜ਼ਾਂ ਨੂੰ ਜੱਫੀ ਪਾ ਕੇ, ਟੈਕਸਟ ਮੈਸੇਜਾਂ, ਫ਼ੋਨ ਕਾਲਾਂ ਜਾਂ ਸੋਸ਼ਲ ਮੀਡੀਆ ਰਾਹੀਂ ਜੱਫੀ ਭੇਜ ਕੇ ਅਤੇ ਆਪਣੇ ਤਰੀਕੇ ਨਾਲ ਪਿਆਰ ਅਤੇ ਸਕਾਰਾਤਮਕਤਾ ਫੈਲਾ ਕੇ 'Hug Day' ਮਨਾਉਂਦੇ ਹਨ। ਕੁਝ ਲੋਕ ਆਪਣੇ ਅਜ਼ੀਜ਼ਾਂ ਨੂੰ ਤੋਹਫ਼ੇ ਵੀ ਦੇ ਸਕਦੇ ਹਨ।
ਜੱਫੀ ਦੀਆਂ ਕਿਸਮਾਂ
ਕੱਸ ਕੇ ਜੱਫੀ ਪਾਉਣਾ: ਇਹ ਜੱਫੀ ਬਹੁਤ ਹੀ ਨਜ਼ਦੀਕੀ ਹੁੰਦਾ ਹੈ ਅਤੇ ਆਮ ਤੌਰ 'ਤੇ ਪਿਆਰ ਅਤੇ ਭਾਵਨਾਵਾਂ ਨਾਲ ਭਰਪੂਰ ਹੁੰਦੀ ਹੈ। ਇਹ ਖਾਸ ਤੌਰ 'ਤੇ ਨਜ਼ਦੀਕੀ ਲੋਕਾਂ ਲਈ ਹੁੰਦੀ ਹੈ ਅਤੇ ਖੁਸ਼ੀ ਨੂੰ ਦਰਸਾਉਂਦੀ ਹੈ ਜਿਵੇਂ ਕਿ ਜਦੋਂ ਤੁਸੀਂ ਲੰਬੇ ਸਮੇਂ ਬਾਅਦ ਕਿਸੇ ਨੂੰ ਦੇਖਦੇ ਜਾਂ ਮਿਲਦੇ ਹੋ, ਤਾਂ ਉਸਨੂੰ ਕੱਸ ਕੇ ਜੱਫੀ ਪਾਉਦੇ ਹੋ ਜਾਂ ਜਦੋਂ ਤੁਸੀਂ ਕਿਸੇ ਨੂੰ ਅਲਵਿਦਾ ਕਹਿ ਰਹੇ ਹੁੰਦੇ ਹੋ ਤਾਂ ਇਹ ਦੁੱਖ ਪ੍ਰਗਟ ਕਰਨ ਦਾ ਇੱਕ ਤਰੀਕਾ ਵੀ ਹੋ ਸਕਦਾ ਹੈ।
ਸਾਈਡ ਜੱਫੀ: ਸਾਈਡ ਜੱਫੀ ਕੱਸ ਕੇ ਪਾਈ ਗਈ ਜੱਫੀ ਨਾਲੋਂ ਘੱਟ ਨਜ਼ਦੀਕੀ ਵਾਲੀ ਹੁੰਦੇ ਹਨ। ਇਹ ਜ਼ਿਆਦਾਤਰ ਸਹਿਕਰਮੀਆਂ ਵਿਚਕਾਰ ਆਮ ਹੁੰਦੀ ਹੈ ਜਾਂ ਜੇਕਰ ਤੁਸੀਂ ਕਿਸੇ ਨੂੰ ਜਾਣਦੇ ਹੋ।
ਰੋਮਾਂਟਿਕ ਜੱਫੀ: ਇਸ ਕਿਸਮ ਦੀ ਜੱਫੀ ਵਿੱਚ ਦੋਵਾਂ ਸਾਥੀਆਂ ਦੀਆਂ ਬਾਹਾਂ ਇੱਕ ਦੂਜੇ ਦੀ ਕਮਰ ਦੁਆਲੇ ਲਪੇਟੀਆਂ ਹੁੰਦੀਆਂ ਹਨ। ਇਹ ਤੁਹਾਡੇ ਸਾਥੀ ਲਈ ਪਿਆਰ ਦਿਖਾਉਣ ਲਈ ਇੱਕ ਰੋਮਾਂਟਿਕ ਜੱਫੀ ਹੈ।
ਪਿੱਠ ਨਾਲ ਜੱਫੀ ਪਾਉਣਾ: ਪਿੱਠ ਨਾਲ ਜੱਫੀ ਪਾਉਣਾ ਬਹੁਤ ਹੀ ਨਜ਼ਦੀਕੀ ਹੁੰਦਾ ਹੈ ਅਤੇ ਦੋ ਲੋਕਾਂ ਵਿਚਕਾਰ ਡੂੰਘੇ ਸਬੰਧ ਨੂੰ ਦਰਸਾਉਂਦਾ ਹੈ। ਇਹ ਇੱਕ ਭਰੋਸੇਮੰਦ ਰਿਸ਼ਤੇ ਦਾ ਪ੍ਰਤੀਕ ਹੈ ਜਿੱਥੇ ਦੋ ਲੋਕ ਇੱਕ ਦੂਜੇ ਪ੍ਰਤੀ ਬਹੁਤ ਪਿਆਰ ਕਰਦੇ ਹਨ।
ਰਿਸ਼ਤੇ ਵਿੱਚ ਜੱਫੀ ਪਾਉਣਾ ਕਿਉਂ ਜ਼ਰੂਰੀ ਹੈ?
ਕਈ ਵਾਰ ਭਾਵਨਾਵਾਂ ਸ਼ਬਦਾਂ ਨਾਲੋਂ ਜ਼ਿਆਦਾ ਬੋਲਦੀਆਂ ਹਨ ਅਤੇ ਜੱਫੀ ਇੱਕ ਅਜਿਹਾ ਹੀ ਇਸ਼ਾਰਾ ਹੈ। ਇਹ ਤੁਹਾਡੇ ਅਜ਼ੀਜ਼ਾਂ ਨੂੰ ਦਰਸਾਉਂਦਾ ਹੈ ਕਿ ਤੁਸੀਂ ਉਨ੍ਹਾਂ ਲਈ ਹਮੇਸ਼ਾਂ ਮੌਜ਼ੂਦ ਹੋ। ਇਹ ਭਰੋਸੇ ਦੀ ਭਾਵਨਾ ਪ੍ਰਦਾਨ ਕਰਦਾ ਹੈ ਅਤੇ ਵਿਅਕਤੀ ਨੂੰ ਵਿਸ਼ੇਸ਼ ਮਹਿਸੂਸ ਕਰਵਾਉਂਦਾ ਹੈ। ਜੱਫੀ ਪਾਉਣਾ ਸਮਰਥਨ ਨੂੰ ਦਰਸਾਉਂਦਾ ਹੈ। ਕਿਸੇ ਵੀ ਰਿਸ਼ਤੇ ਵਿੱਚ ਆਪਣੇ ਸਾਥੀ ਦਾ ਸਮਰਥਨ ਹੋਣਾ ਬਹੁਤ ਜ਼ਰੂਰੀ ਹੈ। ਇਸ ਲਈ ਜਦੋਂ ਸ਼ਬਦਾਂ ਦੀ ਕਮੀ ਹੁੰਦੀ ਹੈ ਤਾਂ ਇੱਕ ਜੱਫੀ ਕੰਮ ਕਰ ਸਕਦੀ ਹੈ। ਇਹ ਤਣਾਅ ਦੇ ਪੱਧਰ ਨੂੰ ਘਟਾਉਣ ਵਿੱਚ ਮਦਦ ਕਰਦੀ ਹੈ ਅਤੇ ਤੁਹਾਨੂੰ ਪਿਆਰ ਦਾ ਅਹਿਸਾਸ ਕਰਵਾਉਂਦੀ ਹੈ।
ਇਹ ਵੀ ਪੜ੍ਹੋ:-
