ਹਿਮਾਚਲ ਪ੍ਰਦੇਸ਼: ਅਕਸਰ ਖਾਣ-ਪੀਣ ਦੀਆਂ ਚੀਜ਼ਾਂ ਘਰ ਦੇ ਅੰਦਰ ਹੀ ਰੱਖੀਆਂ ਜਾਂਦੀਆਂ ਹਨ। ਇਸ ਤੋਂ ਇਲਾਵਾ, ਇਸ ਆਧੁਨਿਕ ਯੁੱਗ ਵਿੱਚ, ਅਨਾਜ ਅਤੇ ਖਾਣ ਦੀਆਂ ਚੀਜ਼ਾਂ ਨੂੰ ਖਰਾਬ ਹੋਣ ਤੋਂ ਬਚਾਉਣ ਲਈ ਵੱਡੇ ਉੱਚ ਤਕਨੀਕ ਦੇ ਗੋਦਾਮਾਂ ਜਾਂ ਫਰਿੱਜਾਂ ਵਿਚ ਰੱਖੀਆਂ ਜਾਂਦਾ ਹੈ। ਖਾਣੇ ਨੂੰ ਮਹੀਨਿਆਂ ਤੱਕ ਸੁਰੱਖਿਅਤ ਰੱਖਣ ਲਈ ਪ੍ਰੀਜ਼ਰਵੇਟਿਵ ਅਤੇ ਰਸਾਇਣਾਂ ਦੀ ਵਰਤੋਂ ਵੀ ਕੀਤੀ ਜਾਂਦੀ ਹੈ, ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਏਗੀ ਕਿ ਹਿਮਾਚਲ ਪ੍ਰਦੇਸ਼ ਦੇ ਕਿੰਨੌਰ ਵਿੱਚ ਲੋਕ ਸਾਲਾਂ ਤੋਂ ਘਰ ਦੇ ਬਾਹਰ ਰਾਸ਼ਨ ਸਟੋਰ ਕਰ ਰਹੇ ਹਨ। ਕਿੰਨੌਰ ਵਿੱਚ ਲੋਕ ਸਾਲਾਂ ਤੋਂ ਉਰਸ ਵਿੱਚ ਰਾਸ਼ਨ ਜਮ੍ਹਾ ਕਰ ਰਹੇ ਹਨ। ਇਸ ਨੂੰ ਸਥਾਨਕ ਲੋਕ ਕੁਠਾਰ ਵੀ ਕਹਿੰਦੇ ਹਨ। ਉਰਸ ਭਾਵ ਕੁਠਾਰ, ਇੱਕ ਛੋਟਾ ਜਿਹਾ ਗੋਦਾਮ ਜੋ ਇੱਕ ਕਿਸਮ ਦੀ ਲੱਕੜ ਦਾ ਬਣਿਆ ਹੁੰਦਾ ਹੈ। ਕਿੰਨੌਰ ਵਿੱਚ ਲੋਕ ਇਸ ਦੀ ਵਰਤੋਂ ਰਾਸ਼ਨ ਇਕੱਠਾ ਕਰਨ ਲਈ ਕਰਦੇ ਹਨ। ਇਹ ਅਨਾਜ ਲਈ ਬਣਾਈ ਗਈ ਇੱਕ ਕਿਸਮ ਦੀ ਸੁਰੱਖਿਆ ਢਾਲ ਹੈ।
2 ਤੋਂ 3 ਸਾਲਾਂ ਤੱਕ ਖਰਾਬ ਨਹੀਂ ਹੁੰਦਾ ਭੋਜਨ
ਉਰਸ ਵਿੱਚ ਭੋਜਨ ਰੱਖਣ ਤੋਂ ਬਾਅਦ, ਲੋਕ ਬੇਫਿਕਰੇ ਹੋ ਜਾਂਦੇ ਹਨ ਕਿ ਹੁਣ ਉਨ੍ਹਾਂ ਨੂੰ ਕਈ ਮਹੀਨਿਆਂ ਤੱਕ ਖਾਣ ਪੀਣ ਦੀ ਚਿੰਤਾ ਨਹੀਂ ਕਰਨੀ ਪਵੇਗੀ। ਉਰਸ ਲੱਕੜ ਤੋਂ ਬਣਾਇਆ ਜਾਂਦਾ ਹੈ। ਉਰਸ ਦੀਆਂ ਕੰਧਾਂ ਸੀਡਰ-ਅਖਰੋਟ ਦੀ ਲੱਕੜ ਦੀਆਂ ਬਣੀਆਂ ਹਨ। ਇਸ ਦੇ ਅੰਦਰ 8 ਤੋਂ 10 ਛੋਟੇ ਸੰਦੂਕ-ਆਕਾਰ ਦੇ ਕੰਪਾਰਟਮੈਂਟਸ ਹਨ। ਇਨ੍ਹਾਂ ਡੱਬਿਆਂ ਦੇ ਅੰਦਰ, ਚਾਵਲ, ਆਟਾ, ਦਾਲਾਂ, ਖੰਡ ਦੇ ਨਾਲ-ਨਾਲ ਹੋਰ ਕਈ ਸਾਰੀਆਂ ਚੀਜ਼ਾਂ ਰੱਖੀਆਂ ਜਾਂਦੀਆਂ ਹਨ, ਜੋ ਕਿ ਰਸੋਈ ਵਿੱਚ ਸਾਰਾ ਸਾਲ ਵਰਤੀਆਂ ਜਾਂਦੀਆਂ ਹਨ। ਇਸ ਤੋਂ ਇਲਾਵਾ ਇਸ ਵਿੱਚ ਸੇਬ, ਸੁੱਕੇ ਅੰਗੂਰ, ਅਖਰੋਟ, ਚਿਲਗੋਜ਼ਾ, ਮੇਵੇ ਰੱਖੇ ਜਾਂਦੇ ਹਨ। ਉਰਸ ਅੰਦਰ ਦੀਆਂ ਚੀਜ਼ਾਂ 2 ਤੋਂ 3 ਸਾਲਾਂ ਤੱਕ ਨਹੀਂ ਖਰਾਬ ਹੁੰਦੀਆਂ ਤੇ ਇਸ ਦੇ ਅੰਦਰ ਰੱਖੇ ਅਨਾਜ ਵਿੱਚ ਨਮੀ ਅਤੇ ਕੀੜੇ-ਮਕੌੜੇ ਵੀ ਨਹੀਂ ਪੈਂਦੀ।
ਬਰਫ਼ਬਾਰੀ ਕਾਰਨ 6 ਮਹੀਨੇ ਦੁਨੀਆ ਤੋਂ ਅੱਡ ਹੋ ਜਾਂਦਾ ਹੈ ਕਿੰਨੌਰ
ਕਿੰਨੌਰ ਇੱਕ ਵਿਪਰੀਤ ਭੂਗੋਲਿਕ ਸਥਿਤੀਆਂ ਵਾਲਾ ਦੂਰ ਦੁਰਾਡੇ ਦਾ ਖੇਤਰ ਹੈ। ਸਰਦੀਆਂ ਵਿੱਚ ਬਰਫਬਾਰੀ ਹੋਣ ਕਾਰਨ ਪੂਰਾ ਇਲਾਕਾ ਛੇ ਮਹੀਨਿਆਂ ਤੋਂ ਦੁਨੀਆਂ ਤੋਂ ਵੱਖ ਹੋ ਜਾਂਦਾ ਹੈ। ਇਸ ਸਮੇਂ ਦੌਰਾਨ ਘਰੋਂ ਬਾਹਰ ਨਿਕਲਣਾ ਮੁਸ਼ਕਲ ਹੁੰਦਾ ਹੈ। ਇਸ ਲਈ ਲੋਕ ਇਕੱਠੇ ਮਹੀਨਿਆਂ ਦਾ ਰਾਸ਼ਨ ਖਰੀਦ ਲੈਂਦੇ ਸਨ ਅਤੇ ਇਸ ਨੂੰ ਉਰਸ ਵਿੱਚ ਸਟੋਰ ਕਰਦੇ ਸਨ। ਕਿਉਂਕਿ ਭਾਰੀ ਬਰਫਬਾਰੀ ਅਤੇ ਮੀਂਹ ਵਿੱਚ ਵੀ ਇਸ ਦੇ ਅੰਦਰ ਰੱਖਿਆ ਸਮਾਨ ਕਦੇ ਖਰਾਬ ਨਹੀਂ ਹੁੰਦਾ। ਇਸ ਤੋਂ ਇਲਾਵਾ, ਇੱਥੇ ਸੜਕਾਂ ਅਤੇ ਆਵਾਜਾਈ ਦੇ ਸਾਧਨ ਇੰਨੇ ਮਜ਼ਬੂਤ ਨਹੀਂ ਸਨ। ਲੋਕ ਪਿੱਛੋਂ 100 ਕਿਲੋਮੀਟਰ ਦੂਰ ਰਾਮਪੁਰ ਤੋਂ ਖਾਣਾ-ਪੀਣਾ ਪਿੱਠ 'ਤੇ ਢੋਅ ਕੇ ਲਿਆਉਂਦੇ ਸਨ। ਵਾਰ-ਵਾਰ ਬਾਜ਼ਾਰ ਨਾ ਜਾਣਾ ਪਵੇ, ਇਸ ਲਈ ਲੋਕਾਂ ਇੱਕ ਵਾਰ ਵਿੱਚ ਛੇ ਮਹੀਨੇ ਦਾ ਰਾਸ਼ਨ ਖਰੀਦਦੇ ਸਨ ਅਤੇ ਇਸ ਨੂੰ ਉਰਸ ਵਿੱਚ ਰੱਖਦੇ ਸਨ। ਅਜਿਹੀ ਸਥਿਤੀ ਵਿੱਚ, ਲੋਕ ਨੂੰ ਵਾਰ-ਵਾਰ ਬਾਜ਼ਾਰ ਜਾਣ ਤੋਂ ਛੁਟਕਾਰਾ ਮਿਲਦਾ ਸੀ।
ਉਰਸ ਦੀਆਂ ਵਿਸ਼ੇਸ਼ਤਾਵਾਂ
ਉਰਸ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਸ ਦੇ ਦਰਵਾਜ਼ੇ 'ਤੇ ਲੱਗਣ ਵਾਲਾ ਵੱਡਾ ਤਾਲਾ ਹੈ। ਪਹਿਲਾਂ ਇਹ ਤਾਲੇ ਤਿੱਬਤ ਤੋਂ ਬਣਕੇ ਆਉਂਦੇ ਸਨ। ਇਨ੍ਹਾਂ ਦਾ ਭਾਰ ਡੇਢ ਤੋਂ ਦੋ ਕਿੱਲੋ ਤੱਕ ਹੁੰਦਾ ਸੀ। ਚਾਬੀ ਬਗੈਰ ਇਸ ਨੂੰ ਖੋਲ੍ਹਣਾ ਅਸੰਭਵ ਸੀ। ਬਦਲਦੇ ਸਮੇਂ ਦੇ ਨਾਲ, ਇਹ ਉਰਸ ਹੁਣ ਸਿਰਫ ਕੁੱਝ ਪੇਂਡੂ ਖੇਤਰਾਂ ਵਿੱਚ ਦਿਖਾਈ ਦਿੰਦੇ ਹਨ। ਕਿਉਂਕਿ ਹੁਣ ਲੋਕਾਂ ਤੱਕ ਪਹੁੰਚਣ ਦੇ ਸਾਧਨ ਉਪਲਬਧ ਹਨ। ਇਸ ਨਾਲ ਹੁਣ ਪਿੰਡਾਂ ਵਿੱਚ ਦੁਕਾਨਾਂ ਖੁੱਲ੍ਹ ਗਈਆਂ ਹਨ ਅਤੇ ਲੋਕ ਹੁਣ ਉਰਸ ਵਿੱਚ ਰਾਸ਼ਨ ਜਮਾ ਕਰਨਾ ਛੱਡ ਰਹੇ ਹਨ, ਪਰ ਫਿਰ ਵੀ ਕੁੱਝ ਲੋਕ ਉਰਸ ਵਿਚ ਰਾਸ਼ਨ ਜਮ੍ਹਾ ਕਰਦੇ ਹਨ। ਉਹ ਮੰਨਦੇ ਹਨ ਕਿ ਅਕਾਲ, ਯੁੱਧ ਅਤੇ ਹੋਰਨਾਂ ਹਾਲਤਾਂ ਵਿੱਚ ਉਰਸ ਦੇ ਅੰਦਰ ਰੱਖਿਆ ਰਾਸ਼ਨ ਲੋਕਾਂ ਨੂੰ ਭੁੱਖਮਰੀ ਤੋਂ ਬਚਾ ਸਕਦਾ ਹੈ। ਇਸ ਨਾਲ ਵਾਰ-ਵਾਰ ਬਾਜ਼ਾਰ ਜਾਣ ਦੀ ਪਰੇਸ਼ਾਨੀ ਖਤਮ ਹੋ ਗਈ।
