ਪੁਣੇ: ਮਹਾਰਾਸ਼ਟਰ ਦੇ ਪੁਣੇ 'ਚ ਚਾਰ ਮਹੀਨੇ ਦੀ ਬਿੱਲੀ ਦੀ ਮੌਤ ਦੇ ਮਾਮਲੇ 'ਚ ਇਕ ਔਰਤ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ। ਦਰਅਸਲ ਚਾਰ ਮਹੀਨੇ ਦੀ ਬਿੱਲੀ ਦੀ ਅਚਾਨਕ ਮੌਤ ਹੋ ਗਈ। ਇਹ ਬਿੱਲੀ ਜਿਸ ਵਿਅਕਤੀ ਨਾਲ ਰਹਿੰਦੀ ਸੀ, ਉਸ ਵਿਅਕਤੀ ਨੇ ਬਿੱਲੀ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ। ਪੋਸਟਮਾਰਟਮ ਰਿਪੋਰਟ 'ਚ ਹੈਰਾਨ ਕਰਨ ਵਾਲੀ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਬਿੱਲੀ ਦੇ ਸਿਰ 'ਤੇ ਕਿਸੇ ਭਾਰੀ ਚੀਜ਼ ਨਾਲ ਵਾਰ ਕੀਤਾ ਗਿਆ ਸੀ। ਇਸ ਕਾਰਨ ਬਿੱਲੀ ਦੀ ਮੌਤ ਹੋਈ ਹੈ।
ਪੋਸਟਮਾਰਟਮ ਦੀ ਰਿਪੋਰਟ ਆਉਣ ਤੋਂ ਬਾਅਦ 2 ਅਪ੍ਰੈਲ 2022 ਨੂੰ ਪੁਣੇ ਦੇ ਗੋਖਲੇ ਨਗਰ ਇਲਾਕੇ ਦੇ ਰਹਿਣ ਵਾਲੇ ਪ੍ਰਸ਼ਾਂਤ ਦੱਤਾਤ੍ਰੇਯ ਗਾਥੇ (53) ਨੇ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਸੀ। ਜਿਸ ਤੋਂ ਬਾਅਦ ਗੁਆਂਢੀ ਔਰਤ ਸ਼ਿਲਪਾ ਨੀਲਕੰਠ ਸ਼ਿਰਕੇ ਦੇ ਖਿਲਾਫ ਚਤੁਰਸ਼ਰੰਗੀ ਥਾਣੇ 'ਚ ਪਸ਼ੂ ਬੇਰਹਿਮੀ ਐਕਟ ਤਹਿਤ ਮਾਮਲਾ (Case registered under animal cruelty act) ਦਰਜ ਕਰ ਲਿਆ ਗਿਆ ਹੈ।
ਜਾਣਕਾਰੀ ਅਨੁਸਾਰ ਸ਼ਿਕਾਇਤਕਰਤਾ ਦੇ ਘਰ ਕਰੀਬ ਚਾਰ ਮਹੀਨਿਆਂ ਦਾ ਇੱਕ ਬਿੱਲੀ ਦਾ ਬੱਚਾ ਸੀ। ਗੁੜੀਪੜਵਾ ਵਾਲੇ ਦਿਨ ਮੁਦਈ ਦੀ ਪਤਨੀ ਘਰ ਦੇ ਬਾਹਰ ਰੰਗੋਲੀ ਬਣਾ ਰਹੀ ਸੀ ਤਾਂ ਦਰਵਾਜ਼ਾ ਖੁੱਲ੍ਹਾ ਸੀ। ਬਿੱਲੀ ਦਾ ਬੱਚਾ ਖੁੱਲ੍ਹੇ ਦਰਵਾਜ਼ੇ ਰਾਹੀਂ ਘਰੋਂ ਬਾਹਰ ਆਇਆ ਅਤੇ ਸਿੱਧਾ ਗੁਆਂਢੀ ਦੇ ਘਰ ਚਲਾ ਗਿਆ।
ਇਸ ਤੋਂ ਬਾਅਦ ਮੁਦਈ ਨੇ ਦੇਖਿਆ ਕਿ ਬਿੱਲੀ ਦਾ ਬੱਚਾ ਡਿੱਗ ਪਿਆ ਸੀ ਅਤੇ ਕੁਝ ਦੇਰ ਬਾਅਦ ਹੀ ਉਸ ਦੀ ਮੌਤ ਹੋ ਗਈ। ਇਸ ਦੌਰਾਨ ਸ਼ਿਕਾਇਤਕਰਤਾ ਵੱਲੋਂ ਉਕਤ ਸਾਰੀ ਘਟਨਾ ਤੋਂ ਬਾਅਦ ਬਿੱਲੀ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਵਾਇਆ ਗਿਆ। ਪੋਸਟਮਾਰਟਮ ਤੋਂ ਪਤਾ ਲੱਗਾ ਹੈ ਕਿ ਬਿੱਲੀ ਦੀ ਮੌਤ ਸਿਰ 'ਤੇ ਸੱਟ ਲੱਗਣ ਕਾਰਨ ਹੋਈ ਹੈ। ਹੱਥ ਵਿੱਚ ਡੰਡੇ ਨਾਲ ਬਿੱਲੀ ਦੇ ਸਿਰ ’ਤੇ ਵਾਰ ਕਰਨ ਦੇ ਦੋਸ਼ ਵਿੱਚ ਗੁਆਂਢੀ ਔਰਤ ਖ਼ਿਲਾਫ਼ ਚਤੁਰਸ਼ਰੰਗੀ ਥਾਣੇ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ: ਭਾਜਪਾ ਨੇਤਾ ਨੂੰ ਗ੍ਰਿਫਤਾਰ ਕਰਨ ਦਿੱਲੀ ਪੁੱਜੀ ਪੰਜਾਬ ਪੁਲਿਸ
