ਬੈਂਗਲੁਰੂ: ਭਾਰਤ ਦੇ ਮੰਗਲਯਾਨ ਵਿੱਚ ਸੁਰੱਖਿਅਤ ਸੀਮਾ ਤੋਂ ਜ਼ਿਆਦਾ ਸਮੇਂ ਤੱਕ ਚੱਲਣ ਤੋਂ ਬਾਅਦ ਪ੍ਰੋਪੇਲੈਂਟ ਅਤੇ ਇਸ ਦੀ ਬੈਟਰੀ ਖਤਮ ਹੋ (end of mangalyaan mission) ਗਈ ਹੈ, ਜਿਸ ਨਾਲ ਉਨ੍ਹਾਂ ਅਟਕਲਾਂ ਨੂੰ ਹੋਰ ਤੇਜ਼ ਕਰ ਦਿੱਤਾ ਗਿਆ ਹੈ ਕਿ ਦੇਸ਼ ਦੇ ਪਹਿਲੇ ਅੰਤਰ-ਗ੍ਰਹਿ ਮਿਸ਼ਨ ਨੇ ਆਖਰਕਾਰ ਆਪਣੀ ਲੰਬੀ ਪਾਰੀ ਪੂਰੀ ਕਰ ਲਈ ਹੈ। ਸਾਢੇ ਚਾਰ ਸੌ ਕਰੋੜ ਦੀ ਲਾਗਤ ਵਾਲਾ ‘ਮਾਰਸ ਆਰਬਿਟਰ ਮਿਸ਼ਨ’ (ਐੱਮ.ਐੱਮ.ਐੱਮ.) 5 ਨਵੰਬਰ, 2013 ਨੂੰ ਪੀਐੱਸਐੱਲਵੀ-ਸੀ25 ਤੋਂ ਲਾਂਚ ਕੀਤਾ ਗਿਆ ਸੀ ਅਤੇ ਵਿਗਿਆਨੀਆਂ ਨੇ ਇਸ ਪੁਲਾੜ ਯਾਨ ਨੂੰ ਪਹਿਲੀ ਹੀ ਕੋਸ਼ਿਸ਼ ਵਿੱਚ 24 ਸਤੰਬਰ, 2014 ਨੂੰ ਸਫਲਤਾਪੂਰਵਕ ਮੰਗਲ ਗ੍ਰਹਿ ਦੇ ਪੰਧ ਵਿੱਚ ਪਾ (end of mangalyaan mission) ਦਿੱਤਾ ਸੀ।
ਇਹ ਵੀ ਪੜੋ: ਮੁਆਫੀ ਮੰਗਣ ਆਏ ਗਾਇਕ ਜੀ ਖਾਨ ਤਾਂ ਹੋ ਗਿਆ ਇਹ ਕਾਰਾ ! ਦੇਖੋ ਵੀਡੀਓ
ਇੰਡੀਅਨ ਸਪੇਸ ਰਿਸਰਚ ਆਰਗੇਨਾਈਜੇਸ਼ਨ (ਇਸਰੋ) ਦੇ ਸੂਤਰਾਂ ਨੇ ਕਿਹਾ ਕਿ ਹੁਣ, ਕੋਈ ਈਂਧਨ ਨਹੀਂ ਬਚਿਆ ਹੈ। ਸੈਟੇਲਾਈਟ ਦੀ ਬੈਟਰੀ ਖਤਮ ਹੋ ਗਈ ਹੈ, ਸੰਪਰਕ ਟੁੱਟ ਗਿਆ ਹੈ। ਹਾਲਾਂਕਿ ਇਸਰੋ ਵੱਲੋਂ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ। ਇਸਰੋ ਪਹਿਲਾਂ ਗ੍ਰਹਿਣ ਤੋਂ ਬਚਣ ਲਈ ਵਾਹਨ ਨੂੰ ਨਵੇਂ ਆਰਬਿਟ ਵਿੱਚ ਲਿਜਾਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਅਧਿਕਾਰੀਆਂ ਨੇ ਨਾਮ ਨਾ ਛਾਪਣ ਦੀ ਸ਼ਰਤ 'ਤੇ ਦੱਸਿਆ, ਪਰ ਹਾਲ ਹੀ ਵਿੱਚ ਇੱਕ ਤੋਂ ਬਾਅਦ ਇੱਕ ਗ੍ਰਹਿਣ ਲੱਗਿਆ, ਜਿਸ ਵਿੱਚੋਂ ਇੱਕ ਸਾਢੇ ਸੱਤ ਘੰਟੇ ਤੱਕ ਚੱਲਿਆ।
ਇਸ ਦੇ ਨਾਲ ਹੀ ਇਕ ਹੋਰ ਅਧਿਕਾਰੀ ਨੇ ਕਿਹਾ, ਕਿਉਂਕਿ ਸੈਟੇਲਾਈਟ ਦੀ ਬੈਟਰੀ ਸਿਰਫ ਇਕ ਘੰਟਾ 40 ਮਿੰਟ ਦੇ ਗ੍ਰਹਿਣ ਦੀ ਮਿਆਦ ਦੇ ਲਈ ਤਿਆਰ ਕੀਤੀ ਗਈ ਸੀ, ਇਸ ਲਈ ਲੰਬੇ ਗ੍ਰਹਿਣ ਕਾਰਨ ਬੈਟਰੀ ਲਗਭਗ ਖਤਮ ਹੋ ਗਈ ਸੀ। ਇਸਰੋ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਮਾਰਸ ਆਰਬਿਟਰ ਵਾਹਨ ਨੇ ਲਗਭਗ ਅੱਠ ਸਾਲ ਕੰਮ ਕੀਤਾ, ਜਦੋਂ ਕਿ ਇਸ ਨੂੰ ਛੇ ਮਹੀਨਿਆਂ ਦੀ ਸਮਰੱਥਾ ਦਾ ਬਣਾਇਆ ਗਿਆ ਸੀ। ਉਸਨੇ ਕਿਹਾ ਕਿ ਇਸ ਨੇ ਆਪਣਾ ਕੰਮ (ਸ਼ਾਨਦਾਰ ਢੰਗ ਨਾਲ) ਕੀਤਾ ਅਤੇ ਮਹੱਤਵਪੂਰਨ ਵਿਗਿਆਨਕ ਨਤੀਜੇ ਦਿੱਤੇ।
ਇਹ ਵੀ ਪੜੋ: Love Horoscope: ਅੱਜ ਮਿਲੇਗਾ ਪਿਆਰ ਜਾਂ ਪਿਆਰ 'ਚ ਨਿਰਾਸ਼ਾ, ਜਾਣੋ ਅੱਜ ਦਾ ਲਵ ਰਾਸ਼ੀਫਲ
