ਦੇਹਰਾਦੂਨ (ਉੱਤਰਾਖੰਡ) : ਸੂਬੇ 'ਚ ਚਾਰਧਾਮ ਯਾਤਰਾ ਪੂਰੇ ਜ਼ੋਰਾਂ 'ਤੇ ਚੱਲ ਰਹੀ ਹੈ। ਜਿਸ ਵਿੱਚ ਵੱਡੀ ਗਿਣਤੀ ਵਿੱਚ ਸੰਗਤਾਂ ਪਹੁੰਚ ਰਹੀਆਂ ਹਨ। ਇਸੇ ਕੜੀ ਵਿੱਚ ਹੁਣ ਹੇਮਕੁੰਟ ਸਾਹਿਬ ਦੀ ਯਾਤਰਾ ਵੀ ਸ਼ੁਰੂ ਹੋਣ ਜਾ ਰਹੀ ਹੈ। ਅੱਜ ਮੁੱਖ ਮੰਤਰੀ ਪੁਸ਼ਕਰ ਸਿੰਘ ਧਾਮੀ ਨੇ ਰਿਸ਼ੀਕੇਸ਼ ਵਿੱਚ ਸ਼੍ਰੀ ਹੇਮਕੁੰਟ ਸਾਹਿਬ ਯਾਤਰਾ 2023 ਲਈ ਸ਼ਰਧਾਲੂਆਂ ਦੇ ਪਹਿਲੇ ਜਥੇ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ।
-
#WATCH | Uttarakhand CM Pushkar Singh Dhami flags off the first batch of pilgrims for the Shri Hemkunt Sahib Yatra 2023 at Rishikesh pic.twitter.com/uUsiEY1k4g
— ANI UP/Uttarakhand (@ANINewsUP) May 17, 2023 " class="align-text-top noRightClick twitterSection" data="
">#WATCH | Uttarakhand CM Pushkar Singh Dhami flags off the first batch of pilgrims for the Shri Hemkunt Sahib Yatra 2023 at Rishikesh pic.twitter.com/uUsiEY1k4g
— ANI UP/Uttarakhand (@ANINewsUP) May 17, 2023#WATCH | Uttarakhand CM Pushkar Singh Dhami flags off the first batch of pilgrims for the Shri Hemkunt Sahib Yatra 2023 at Rishikesh pic.twitter.com/uUsiEY1k4g
— ANI UP/Uttarakhand (@ANINewsUP) May 17, 2023
8 ਫੁੱਟ ਦੇ ਕਰੀਬ ਬਰਫ: ਦੱਸ ਦੇਈਏ ਕਿ ਇਸ ਸਾਲ ਹੇਮਕੁੰਟ ਸਾਹਿਬ ਦੇ ਦਰਵਾਜ਼ੇ 20 ਮਈ ਨੂੰ ਖੁੱਲ੍ਹਣ ਜਾ ਰਹੇ ਹਨ। ਫਿਲਹਾਲ ਹੇਮਕੁੰਟ ਸਾਹਿਬ 'ਚ 8 ਫੁੱਟ ਦੇ ਕਰੀਬ ਬਰਫ ਪਈ ਹੈ। ਇੱਥੇ ਲਕਸ਼ਮਣ ਮੰਦਿਰ ਅਤੇ ਹੇਮਕੁੰਟ ਸਰੋਵਰ ਵੀ ਪੂਰੀ ਤਰ੍ਹਾਂ ਬਰਫ਼ ਨਾਲ ਢੱਕੇ ਹੋਏ ਹਨ। ਕੁਝ ਦਿਨ ਪਹਿਲਾਂ ਹੀ ਚਮੋਲੀ ਦੇ ਜ਼ਿਲ੍ਹਾ ਮੈਜਿਸਟਰੇਟ ਹਿਮਾਂਸ਼ੂ ਖੁਰਾਣਾ 18 ਕਿਲੋਮੀਟਰ ਪੈਦਲ ਚੱਲ ਕੇ ਹੇਮਕੁੰਟ ਸਾਹਿਬ ਪੁੱਜੇ ਸਨ। ਇੱਥੇ ਉਨ੍ਹਾਂ ਸ੍ਰੀ ਹੇਮਕੁੰਟ ਸਾਹਿਬ ਯਾਤਰਾ ਦੀਆਂ ਤਿਆਰੀਆਂ ਦੇ ਨਾਲ-ਨਾਲ ਪ੍ਰਬੰਧਾਂ ਦਾ ਮੌਕੇ ’ਤੇ ਜਾ ਕੇ ਨਿਰੀਖਣ ਕੀਤਾ।
ਆਵਾਜਾਈ ਨੂੰ ਸੁਚਾਰੂ ਬਣਾਇਆ ਗਿਆ: ਦੱਸ ਦਈਏ ਕਿ ਇਸ ਵਾਰ ਹੇਮਕੁੰਟ ਸਾਹਿਬ ਯਾਤਰਾ ਦੇ ਰੂਟ 'ਤੇ ਰੇਲਿੰਗ, ਪਾਰਕਿੰਗ, ਮੋੜ ਸੁਧਾਰ, ਅਪ੍ਰੋਚ ਰੋਡ, ਪੁਲ, ਘੋੜ ਸਵਾਰੀ, ਰੇਨ ਸ਼ੈਲਟਰ, ਯਾਤਰੀ ਸ਼ੈੱਡ, ਬੈਂਚ, ਬਚਾਅ ਹੈਲੀਪੈਡ ਸਮੇਤ ਬਿਜਲੀ, ਪਾਣੀ, ਟਾਇਲਟ, ਸਫਾਈ, ਸਿਹਤ ਅਤੇ ਯਾਤਰਾ ਨਾਲ ਸਬੰਧਤ ਹੋਰ ਸਾਰੇ ਪ੍ਰਬੰਧਾਂ ਨੂੰ ਸੁਧਾਰਿਆ ਗਿਆ ਹੈ। ਯਾਤਰਾ ਦੇ ਰੂਟ 'ਤੇ ਕਿਲੋਮੀਟਰ, ਹੈਕਟੋਮੀਟਰ ਪੱਥਰ ਅਤੇ ਚਿੰਨ੍ਹ ਲਗਾਏ ਗਏ ਹਨ। ਹੇਮਕੁੰਟ ਸਾਹਿਬ ਯਾਤਰਾ ਰੂਟ 'ਤੇ 84 ਖ਼ਤਰੇ ਵਾਲੇ ਮੋੜਾਂ 'ਚੋਂ 54 ਦੇ ਸੁਧਾਰ ਦਾ ਕੰਮ ਮੁਕੰਮਲ ਕਰ ਲਿਆ ਗਿਆ ਹੈ। ਬਾਕੀ ਕੰਮ ਚੱਲ ਰਿਹਾ ਹੈ। ਫ਼ੌਜ ਦੇ ਜਵਾਨਾਂ ਵੱਲੋਂ ਬਰਫ਼ ਹਟਾ ਕੇ ਸ੍ਰੀ ਹੇਮਕੁੰਟ ਸਾਹਿਬ ਸੜਕ ’ਤੇ ਆਵਾਜਾਈ ਨੂੰ ਸੁਚਾਰੂ ਬਣਾਇਆ ਗਿਆ ਹੈ। ਮੁੰਦਰ ਪਿੰਡ ਵਿੱਚ 165 ਮੀਟਰ ਲੰਬਾ ਪੁਲ ਬਣ ਚੁੱਕਾ ਹੈ। ਦੋਵੇਂ ਪਾਸੇ ਅਪਰੋਚ ਰੋਡ ਵੀ ਤਿਆਰ ਕਰ ਲਈ ਗਈ ਹੈ। ਸਾਰੀਆਂ ਤਿਆਰੀਆਂ ਦੇ ਵਿਚਕਾਰ, ਅੱਜ ਮੁੱਖ ਮੰਤਰੀ ਧਾਮੀ ਨੇ ਰਿਸ਼ੀਕੇਸ਼ ਵਿੱਚ ਸ੍ਰੀ ਹੇਮਕੁੰਟ ਸਾਹਿਬ ਯਾਤਰਾ 2023 ਲਈ ਸ਼ਰਧਾਲੂਆਂ ਦੇ ਪਹਿਲੇ ਜੱਥੇ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸ ਦੌਰਾਨ ਰਾਜਪਾਲ ਗੁਰਮੀਤ ਸਿੰਘ ਵੀ ਮੌਜੂਦ ਸਨ।
