ਲੁਧਿਆਣਾ ਕੋਰਟ ਬਲਾਸਟ ਦੇ ਮੁਲਜ਼ਮ ਦੀ ਪਹਿਚਾਣ !

ਸੂਤਰਾਂ ਦੇ ਹਵਾਲੇ ਤੋ ਵੱਡੀ ਖ਼ਬਰ ਲੁਧਿਆਣਾ ਚ ਬੰਬ ਬਲਾਸਟ ਕਰਨ ਵਾਲੇ ਮੁਲਜ਼ਮ ਦੀ ਸ਼ਨਾਖਤ ਗੋ ਗਈ ਹੈ। ਮੁਲਜ਼ਮ ਦਾ ਨਾਂ ਗਗਨਦੀਪ ਸਿੰਘ ਪੁੱਤਰ ਅਮਰਜੀਤ ਸਿੰਘ ਵਾਸੀ ਜੀਟੀਬੀ ਨਗਰ ਖੰਨਾ ਦੱਸਿਆ ਜਾ ਰਿਹਾ ਹੈ। ਮੁਲਜ਼ਮ ਸਾਬਕਾ ਪੁਲੀਸ ਮੁਲਾਜ਼ਮ ਹੈ ਅਤੇ ਖੰਨਾ ਪੁਲੀਸ ਸਟੇਸ਼ਨ ਸਦਰ 'ਚ ਬਤੌਰ ਮੁਨਸ਼ੀ ਰਹਿ ਚੁੱਕਿਆ ਹੈ। 11 ਅਗਸਤ 2019 ਦੇ ਵਿੱਚ ਉਸ ਨੂੰ ਐਨਡੀਪੀਐਸ ਐਕਟ ਤਹਿਤ ਐਫ.ਆਈ.ਆਰ ਨੰਬਰ 75 'ਚ ਐੱਸਟੀਐੱਫ ਮੋਹਾਲੀ ਵੱਲੋਂ ਕੇਸ ਦਰਜ ਕਰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਮੁਲਜ਼ਮ ਨੂੰ ਇਸ ਮਾਮਲੇ ਚ ਦੋ ਸਾਲ ਦੀ ਸਜ਼ਾ ਹੋਈ ਸੀ। ਸਤੰਬਰ ਚ ਹੀ ਜੇਲ੍ਹ ਤੋਂ ਬਾਹਰ ਆਇਆ ਸੀ। ਹਾਲਾਂਕਿ ਪੁਲੀਸ ਨੇ ਇਸ ਦੀ ਅਧਿਕਾਰਿਕ ਤੌਰ 'ਤੇ ਪੁਸ਼ਟੀ ਨਹੀਂ ਕੀਤੀ ਪਰ ਦਿੱਲੀ ਦੇ ਵਿੱਚ ਐੱਨਆਈਏ ਅਤੇ ਐੱਨਐੱਸਜੀ ਅਤੇ ਹੋਰ ਖੁਫੀਆ ਏਜੰਸੀਆਂ ਦੀ ਹੋਈ ਅਹਿਮ ਮੀਟਿੰਗ ਦੇ ਵਿਚ ਮੁਲਜ਼ਮ ਬਾਰੇ ਖੁਲਾਸਾ ਹੋਇਆ ਹੈ।