ਨਵੀਂ ਦਿੱਲੀ: ਇੰਗਲੈਂਡ ਕ੍ਰਿਕਟ ਟੀਮ ਨੇ ਭਾਰਤ ਖਿਲਾਫ ਨਾਗਪੁਰ 'ਚ ਖੇਡੇ ਜਾਣ ਵਾਲੇ ਪਹਿਲੇ ਵਨਡੇ ਮੈਚ ਲਈ ਆਪਣੀ ਪਲੇਇੰਗ-11 ਦਾ ਐਲਾਨ ਕਰ ਦਿੱਤਾ ਹੈ। ਇੰਗਲੈਂਡ ਕ੍ਰਿਕਟ ਨੇ ਐਕਸ ਤੋਂ ਪੋਸਟ ਕਰਕੇ ਟੀਮ ਦਾ ਐਲਾਨ ਕੀਤਾ ਹੈ। ਜੋ ਰੂਟ 14 ਮਹੀਨਿਆਂ ਬਾਅਦ ਇੰਗਲੈਂਡ ਲਈ ਵਨਡੇ ਕ੍ਰਿਕਟ ਟੀਮ ਵਿੱਚ ਵਾਪਸੀ ਕਰਨ ਜਾ ਰਿਹਾ ਹੈ। ਇਸ ਮੈਚ ਵਿੱਚ ਟੀਮ ਦੀ ਕਮਾਨ ਜੋਸ ਬਟਲਰ ਦੇ ਹੱਥ ਵਿੱਚ ਹੋਣ ਵਾਲੀ ਹੈ।
For the first time since 2023... Joe Root is back in ODI colours 😍
— England Cricket (@englandcricket) February 5, 2025
Your England team to face India tomorrow 🔜 pic.twitter.com/M7AEPCPpxk
ਇੰਗਲੈਂਡ ਨੇ ਪਲੇਇੰਗ-11 'ਚ ਇਨ੍ਹਾਂ ਖਿਡਾਰੀਆਂ ਨੂੰ ਦਿੱਤੀ ਜਗ੍ਹਾ:
ਇੰਗਲੈਂਡ ਲਈ ਪਲੇਇੰਗ-11 'ਚ ਬੇਨ ਡਕੇਟ ਅਤੇ ਫਿਲ ਸਾਲਟ ਸਲਾਮੀ ਬੱਲੇਬਾਜ਼ ਦੇ ਰੂਪ 'ਚ ਨਜ਼ਰ ਆਉਣ ਵਾਲੇ ਹਨ। ਜੋਅ ਰੂਟ, ਹੈਰੀ ਬਰੂਕ ਅਤੇ ਜੋਸ ਬਟਲਰ ਮੱਧਕ੍ਰਮ ਵਿੱਚ ਨਜ਼ਰ ਆਉਣਗੇ। ਲਿਆਮ ਲਿਵਿੰਗਸਟੋਨ, ਜੈਕਬ ਬੈਥਲ ਅਤੇ ਬ੍ਰੇਡਨ ਕਾਰਸ ਨੂੰ ਹਰਫ਼ਨਮੌਲਾ ਵਜੋਂ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਟੀਮ ਵਿਚ ਇਕਲੌਤਾ ਸਪਿਨਰ ਆਦਿਲ ਰਾਸ਼ਿਦ ਹੈ। ਤੇਜ਼ ਗੇਂਦਬਾਜ਼ਾਂ 'ਚ ਜੋਫਰਾ ਆਰਚਰ ਅਤੇ ਪਾਕਿਸਤਾਨੀ ਮੂਲ ਦੇ ਤੇਜ਼ ਗੇਂਦਬਾਜ਼ ਸਾਕਿਬ ਮਹਿਮੂਦ ਨੂੰ ਜਗ੍ਹਾ ਦਿੱਤੀ ਗਈ ਹੈ।
ਰੂਟ ਦੀ 14 ਮਹੀਨਿਆਂ ਬਾਅਦ ਵਨਡੇ 'ਚ ਵਾਪਸੀ :
ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਵੀਰਵਾਰ, 6 ਫਰਵਰੀ ਨੂੰ ਨਾਗਪੁਰ ਦੇ ਵਿਦਰਭ ਕ੍ਰਿਕਟ ਸਟੇਡੀਅਮ 'ਚ ਖੇਡਿਆ ਜਾਵੇਗਾ। ਇਸ ਮੈਚ ਨਾਲ ਜੋ ਰੂਟ ਲਗਭਗ 14 ਮਹੀਨਿਆਂ ਬਾਅਦ ਵਨਡੇ ਕ੍ਰਿਕਟ 'ਚ ਵਾਪਸੀ ਕਰ ਰਹੇ ਹਨ। ਉਸ ਨੇ ਆਪਣਾ ਆਖਰੀ ਵਨਡੇ ਮੈਚ 11 ਨਵੰਬਰ 2023 ਨੂੰ ਆਈਸੀਸੀ ਇੱਕ ਰੋਜ਼ਾ ਵਿਸ਼ਵ ਕੱਪ 2023 ਵਿੱਚ ਈਡਨ ਗਾਰਡਨ ਵਿੱਚ ਪਾਕਿਸਤਾਨ ਵਿਰੁੱਧ ਖੇਡਿਆ।
ਰੂਟ ਤੋਂ ਇਲਾਵਾ ਚੌਥੇ ਟੀ-20 ਵਿੱਚ ਇੱਕ ਓਵਰ ਵਿੱਚ ਤਿੰਨ ਵਿਕਟਾਂ ਲੈਣ ਵਾਲੇ ਤੇਜ਼ ਗੇਂਦਬਾਜ਼ ਸਾਕਿਬ ਮਹਿਮੂਦ ਨੂੰ ਵੀ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇੰਗਲੈਂਡ ਨੇ ਆਪਣੀ ਟੀਮ 'ਚ ਅਹਿਮ ਸਪਿਨਰ ਆਦਿਲ ਰਾਸ਼ਿਦ ਨੂੰ ਸ਼ਾਮਲ ਕੀਤਾ ਹੈ, ਜਦਕਿ ਲਿਆਮ ਲਿਵਿੰਗਸਟੋਨ ਦੂਜੇ ਸਪਿਨਰ ਵਜੋਂ ਖੇਡਣਗੇ। ਅਜਿਹੇ 'ਚ ਇੰਗਲੈਂਡ ਲਈ ਨਾਗਪੁਰ ਦੀ ਪਿੱਚ 'ਤੇ ਭਾਰਤੀ ਟੀਮ ਨੂੰ ਪਛਾੜਨਾ ਥੋੜ੍ਹਾ ਮੁਸ਼ਕਿਲ ਹੋ ਸਕਦਾ ਹੈ।
ਇੰਗਲੈਂਡ ਦੀ ਪਲੇਇੰਗ-11: ਬੇਨ ਡਕੇਟ, ਫਿਲ ਸਾਲਟ, ਜੋ ਰੂਟ, ਹੈਰੀ ਬਰੂਕ, ਜੋਸ ਬਟਲਰ, ਲਿਆਮ ਲਿਵਿੰਗਸਟੋਨ, ਜੈਕਬ ਬੈਟਲੇ, ਬ੍ਰਾਈਡਨ ਕਾਰਸੇ, ਆਦਿਲ ਰਸ਼ੀਦ, ਜੋਫਰਾ ਆਰਚਰ ਅਤੇ ਸਾਕਿਬ ਮਹਿਮੂਦ।
