ਗੁਰਜੀਤ ਔਜਲਾ ਸਣੇ ਮੁਅੱਤਲ 7 ਕਾਂਗਰਸੀ ਸੰਸਦ ਮੈਂਬਰ ਸਪੀਕਰ ਨੇ ਕੀਤੇ ਬਹਾਲ

ਕਾਂਗਰਸ ਦੇ 7 ਲੋਕ ਸਭਾ ਮੈਂਬਰਾਂ ਦੀ ਮੁਅੱਤਲੀ ਵਾਪਸ ਲੈ ਲਈ ਗਈ ਹੈ। ਸਦਨ 'ਚ ਬਦਸਲੂਕੀ ਦੇ ਦੋਸ਼ ਹੇਠ 7 ਕਾਂਗਰਸ ਸੰਸਦ ਮੈਂਬਰਾਂ ਨੂੰ ਮੌਜੂਦਾ ਸੈਸ਼ਨ ਤੋਂ ਮੁਅੱਤਲ ਕੀਤਾ ਗਿਆ ਸੀ।

ਨਵੀਂ ਦਿੱਲੀ: ਲੋਕ ਸਭਾ ਸਪੀਕਰ ਓਮ ਬਿਰਲਾ ਨੇ ਕਾਂਗਰਸ ਦੇ 7 ਲੋਕ ਸਭਾ ਮੈਂਬਰਾਂ ਦੀ ਮੁਅੱਤਲੀ ਵਾਪਸ ਲੈ ਲਈ ਹੈ। ਬੀਤੇ ਹਫ਼ਤੇ ਸਦਨ 'ਚ ਬਦਸਲੂਕੀ ਦੇ ਦੋਸ਼ ਹੇਠ 7 ਕਾਂਗਰਸ ਸੰਸਦ ਮੈਂਬਰਾਂ ਨੂੰ ਮੌਜੂਦਾ ਸੈਸ਼ਨ ਤੋਂ ਮੁਅੱਤਲ ਕਰ ਦਿੱਤਾ ਗਿਆ ਸੀ। ਸੰਸਦ ਮੈਂਬਰਾਂ ਦੀ ਮੁਅੱਤਲੀ ਦਾ ਵਿਰੋਧੀ ਪਾਰਟੀਆਂ ਨੇ ਜੰਮ ਕੇ ਵਿਰੋਧ ਕੀਤਾ ਸੀ।

ਬੁੱਧਵਾਰ ਨੂੰ ਵੀ ਸੈਸ਼ਨ ਦੌਰਾਨ ਕਾਂਗਰਸ ਅਤੇ ਡੀਐਮਕੇ ਦੇ ਮੈਂਬਰਾਂ ਨੇ ਮੁਅੱਤਲੀ ਵਾਪਸ ਲੈਣ ਦੀ ਮੰਗ ਨੂੰ ਲੈ ਕੇ ਹੰਗਾਮਾ ਕੀਤਾ, ਜਿਸ ਤੋਂ ਬਾਅਦ ਸਪੀਕਰ ਓਮ ਬਿਰਲਾ ਨੇ ਮੁਅੱਤਲ ਵਾਪਸ ਲੈਣ ਦਾ ਫ਼ੈਸਲਾ ਦਿੱਤਾ।

• Sources: Suspension of seven Congress Lok Sabha MPs has been revoked by Speaker Om Birla. They had been suspended on charges of gross misconduct in the House. pic.twitter.com/lmQNt8WLcN

  — ANI (@ANI) March 11, 2020 " class="align-text-top noRightClick twitterSection" data="

  Sources: Suspension of seven Congress Lok Sabha MPs has been revoked by Speaker Om Birla. They had been suspended on charges of gross misconduct in the House. pic.twitter.com/lmQNt8WLcN

  — ANI (@ANI) March 11, 2020

  ">

  Sources: Suspension of seven Congress Lok Sabha MPs has been revoked by Speaker Om Birla. They had been suspended on charges of gross misconduct in the House. pic.twitter.com/lmQNt8WLcN

  — ANI (@ANI) March 11, 2020

ਕਾਂਗਰਸ ਦੇ 7 ਲੋਕ ਸਭਾ ਮੈਂਬਰਾਂ ਗੁਰਜੀਤ ਸਿੰਘ ਔਜਲਾ, ਗੌਰਵ ਗੋਗੋਈ, ਟੀ.ਐਨ. ਪ੍ਰਤਾਪਨ, ਡੀਨ ਕੁਰੀਆਕੋਸ, ਰਾਜਮੋਹਨ ਉਨੀਥਨ, ਬੈਨੀ ਬਹਿਨਾਨ ਅਤੇ ਮਣੀਕਮ ਟੈਗੋਰ ਨੂੰ ਸਦਨ ਦੀ ਮਰਿਆਦਾ ਭੰਗ ਕਰਨ, ਬੇਇੱਜ਼ਤੀ ਅਤੇ ਬਦਸਲੂਕੀ ਦੇ ਮਾਮਲੇ 'ਚ ਬੀਤੀ 5 ਮਾਰਚ ਨੂੰ ਮੌਜੂਦਾ ਸੰਸਦ ਸੈਸ਼ਨ ਦੇ ਬਾਕੀ ਸਮੇਂ ਲਈ ਮੁਅੱਤਲ ਕਰ ਦਿੱਤਾ ਗਿਆ ਸੀ। ਵਿਰੋਧੀ ਧਿਰ ਦੇ ਹੰਗਾਮਾ ਕਰਨ 'ਤੇ ਸ਼ੁੱਕਰਵਾਰ ਨੂੰ ਲੋਕ ਸਭਾ ਸਪੀਕਰ ਨੇ ਮਾਮਲੇ ਦੀ ਜਾਂਚ ਲਈ ਕਮੇਟੀ ਬਣਾਉਣ ਦਾ ਐਲਾਨ ਕੀਤਾ ਸੀ, ਜਿਸ ਨੂੰ ਮਾਮਲੇ ਦੀ ਰਿਪੋਰਟ ਦੇਣੀ ਸੀ।