ਨਵੀਂ ਦਿੱਲੀ: ਕੇਂਦਰੀ ਕਾਬੁਲ ਦੇ ਸ਼ੋਰਬਾਜ਼ਾਰ ਖੇਤਰ ਵਿੱਚ ਬੁੱਧਵਾਰ ਨੂੰ ਧਰਮਸ਼ਾਲਾ ਗੁਰਦੁਆਰੇ ਦੇ ਅੰਦਰ ਖੁਦ ਨੂੰ ਉਡਾਉਣ ਵਾਲਾ ਸ਼ੱਕੀ ਇਸਲਾਮਿਕ ਸਟੇਟ ਆਫ਼ ਖੋਰਸਾਨ (ਆਈਐਸਕੇ) ਦਾ ਸ਼ੱਕੀ ਆਤਮਘਾਤੀ ਹਮਲਾਵਰ ਇੱਕ ਭਾਰਤੀ ਸੀ, ਜੋ ਕੇਰਲਾ ਦੇ ਕਾਸਰਗੋਡ ਦਾ ਰਹਿਣ ਵਾਲਾ ਸੀ।
ਇਕ ਆਈਐਸਕੇ ਪੋਸਟ ਨੇ ਆਤਮਘਾਤੀ ਹਮਲਾਵਰ ਦੀ ਪਛਾਣ ਅਬੂ ਖਾਲਿਦ ਅਲ-ਹਿੰਦੀ ਵਜੋਂ ਕੀਤੀ, ਨੇ ਦਾਅਵਾ ਕੀਤਾ ਕਿ ਇਹ ਹਮਲਾ ਕਸ਼ਮੀਰ ਦੇ ਮੁਸਲਮਾਨਾਂ ਦੀ ਦੁਰਦਸ਼ਾ ਦਾ ਬਦਲਾ ਲੈਣ ਲਈ ਕੀਤਾ ਗਿਆ।
ਇੱਕ ਸਰਕਾਰੀ ਸੁਰੱਖਿਆ ਸਰੋਤ ਦੇ ਅਨੁਸਾਰ, ਅਬੂ ਖਾਲਿਦ ਅਲ-ਹਿੰਦੀ ਕੋਈ ਹੋਰ ਨਹੀਂ, ਬਲਕਿ ਮੁਹੰਮਦ ਸਾਜਿਦ ਕੁਤੀਰੂਮਲ ਹੈ, ਜਿਸ ਨੂੰ ਸਾਜੀ ਅਤੇ ਸਾਜਿਦ ਵਜੋਂ ਜਾਣਿਆ ਜਾਂਦਾ ਹੈ। ਉਸ ਨੇ 31 ਮਾਰਚ, 2015 ਨੂੰ ਮੁੰਬਈ ਤੋਂ ਦੁਬਈ ਲਈ ਉਡਾਣ ਭਰੀ ਤੇ ਇਸਲਾਮਿਕ ਸਟੇਟ ਵਿੱਚ ਸ਼ਾਮਲ ਹੋ ਗਿਆ।
ਭਾਰਤ ਸਰਕਾਰ ਦਾ ਮੰਨਣਾ ਹੈ ਕਿ ਕਾਸਾਰਗੋਡ ਤੋਂ ਕੁਝ ਕੁ ਲੋਕ ਇਸਲਾਮਿਕ ਸਟੇਟ ਵਿੱਚ ਸ਼ਾਮਲ ਹੋਣ ਲਈ ਅਫ਼ਗਾਨਿਸਤਾਨ ਲਈ ਰਵਾਨਾ ਹੋਏ ਸਨ, ਜਿੱਥੇ ‘ਇੱਕ ਖਲੀਫ਼ਾ ਦੇ ਅਧੀਨ ਰਹਿਣ ਲਈ ਇਸਲਾਮੀ ਕਾਨੂੰਨ ਪ੍ਰਚਲਿਤ ਹੈ।
ਕਾਬੁਲ ਗੁਰਦੁਆਰੇ ਦੇ ਹਮਲੇ ਵਿੱਚ 28 ਲੋਕਾਂ ਦੀ ਮੌਤ ਹੋ ਗਈ ਜਿਸ ਲਈ ਆਈਐਸਕੇ ਨੇ ਜ਼ਿੰਮੇਵਾਰੀ ਲਈ ਹੈ। ਹਾਲਾਂਕਿ ਅਫ਼ਗਾਨਿਸਤਾਨ ਸਰਕਾਰ ਦੇ ਸੂਤਰਾਂ ਨੇ ਕਿਹਾ ਕਿ ਇਹ ਹਮਲੇ ਪਿੱਛੇ ਪਾਕਿਸਤਾਨ ਵਲੋਂ ਸਪਾਂਸਰਡ ਹੱਕਾਨੀ ਅੱਤਵਾਦੀ ਸੰਗਠਨ ਦਾ ਹੱਥ ਸੀ।
ਵੀਰਵਾਰ ਨੂੰ, ਇੱਕ ਮੈਗੇਨੇਟਿਕ ਬੰਬ ਵੀ ਅੰਤਮ ਸੰਸਕਾਰ ਵਾਲੀ ਥਾਂ ਤੋਂ 50 ਮੀਟਰ ਦੀ ਦੂਰੀ 'ਤੇ ਫੱਟਿਆ, ਜਿੱਥੇ ਸਿੱਖਾਂ ਦਾ ਅੰਤਿਮ ਸੰਸਕਾਰ ਕੀਤਾ ਜਾਣਾ ਸੀ।
ਗੁਰੂਦਵਾਰਾ ਸਿੱਖਾਂ ਦਾ ਧਾਰਮਿਕ ਸਥਾਨ ਹੈ। ਜਦੋਂ ਸਵੇਰੇ 7:45 ਵਜੇ ਹਮਲਾ ਸ਼ੁਰੂ ਹੋਇਆ ਤਾਂ ਗੁਰੂਘਰ ਦੇ ਅੰਦਰ ਲਗਭਗ 150 ਸਿੱਖ ਮੌਜੂਦ ਸਨ। ਇਸ ਹਮਲੇ ਵਿੱਚ ਤਕਰੀਬਨ 25 ਲੋਕਾਂ ਦੀ ਮੌਤ ਹੋ ਗਈ ਜਦਕਿ ਕਈ ਜ਼ਖਮੀ ਹੋ ਗਏ।
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਅਬੂ ਖਾਲਿਦ ਨੇ ਆਪਣੇ ਆਪ ਨੂੰ ਉਡਾਉਣ ਤੋਂ ਪਹਿਲਾਂ ਸ਼ਰਧਾਲੂਆਂ 'ਤੇ ਆਪਣੇ ਆਟੋਮੈਟਿਕ ਹਥਿਆਰਾਂ ਅਤੇ ਗ੍ਰਨੇਡਾਂ ਨਾਲ ਹਮਲਾ ਕੀਤਾ ਸੀ।
ਅਬੂ ਖਾਲਿਦ ਪਹਿਲਾਂ ਹੀ ਕੌਮੀ ਜਾਂਚ ਏਜੰਸੀ (ਐਨਆਈਏ) ਦੀ “ਵਾਂਟੇਡ ਵਿਅਕਤੀਆਂ” ਦੀ ਸੂਚੀ ਵਿੱਚ ਸ਼ਾਮਲ ਸੀ।
ਆਈਐਸਕੇ ਦੀ ਸਥਾਪਨਾ ਅਫ਼ਗਾਨਿਸਤਾਨ ਵਿੱਚ 10 ਜਨਵਰੀ, 2015 ਵਿੱਚ ਕੀਤੀ ਗਈ ਸੀ ਅਤੇ ਹੁਣ ਨਾਰੰਗਰ, ਕੁੰਨਰ ਅਤੇ ਕਾਬੁਲ ਦੀਆਂ ਕੁਝ ਥਾਂਵਾਂ ਵਿੱਚ ਇਸ ਦੀ ਮਜ਼ਬੂਤ ਮੌਜੂਦਗੀ ਹੈ।
ਅਫ਼ਗਾਨਿਸਤਾਨ ਵੀ ਕੋਰੋਨਾਵਾਇਰਸ ਦੀ ਮਾਰ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਇਸ ਦੀ ਰਾਜਧਾਨੀ ਕਾਬੁਲ ਸ਼ਨੀਵਾਰ ਤੋਂ 21 ਦਿਨਾਂ ਲਈ ਇਕ ਤਾਲਾਬੰਦੀ ਵਿੱਚ ਰਹਿਣ ਦੀ ਉਮੀਦ ਹੈ।
ਕੱਟੜਪੰਥੀ ਸਲਾਫਿਸਟ-ਵਹਾਬੀ ਇਸਲਾਮਿਕ ਵਿਚਾਰਧਾਰਾ ਦੀ ਪਾਲਣਾ ਕਰਦਿਆਂ, ਅਫ਼ਗਾਨਿਸਤਾਨ ਦਾ ਮੁੱਖ ਦਫ਼ਤਰ ਵਾਲਾ ISK ਇਕ ਸਵੈ-ਘੋਸ਼ਿਤ 'ਵਿਲਾਇਤ' (ਪ੍ਰਾਂਤ) ਹੈ, ਜੋ ਇਰਾਕ ਅਤੇ ਸੀਰੀਆ ਵਿੱਚ ਇਸਲਾਮਿਕ ਸਟੇਟ ਦੇ 'ਖਲੀਫ਼ਾ' ਦੇ ਸਮੁੱਚੇ ਆਈਐੱਸਆਈ ਨਿਯੰਤਰਣ ਅਧੀਨ ਹੈ। ਜਨਤਕ ਸਮੂਹਿਕ ਕਤਲੇਆਮ ਦੀ ਵੀਡੀਓਗ੍ਰਾਫੀ ਨਾਲ ਅਜੋਕੇ ਸਮੇਂ ਵਿੱਚ ਇਹ ਸਭ ਤੋਂ ਬੇਰਹਿਮ ਅੱਤਵਾਦੀ ਸੰਗਠਨ ਟ੍ਰੇਡਮਾਰਕ ਵਜੋਂ ਜਾਣਿਆ ਜਾਂਦਾ ਹੈ।
ਕਈ ਹਜ਼ਾਰ ਲੜਾਕੂਆਂ ਨੂੰ ਸ਼ਾਮਲ ਕਰਦਿਆਂ, ਆਈਐਸਕੇ ਨੂੰ ਉਦੋਂ ਤਲਖੀ ਮਿਲੀ ਜਦੋਂ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ (ਟੀਟੀਪੀ) ਦੇ ਇਕ ਪ੍ਰਮੁੱਖ ਧੜੇ ਤਹਿਰੀਕ-ਏ-ਖਾਲਿਫਤ ਪਾਕਿਸਤਾਨ (ਟੀਕੇਪੀ) ਦੇ ਤਕਰੀਬਨ 2 ਹਜ਼ਾਰ ਜੇਹਾਦੀਆਂ ਨੇ ਆਈਐਸਕੇ ਪ੍ਰਤੀ ਵਫ਼ਾਦਾਰੀ ਦਾ ਵਾਅਦਾ ਕੀਤਾ ਸੀ।
ਆਈਐਸਕੇ ਨੇ ਸਣੇ ਭਾਰਤ ਚੋਂ ਨਵੀਂ ਭਰਤੀ ਕਰਨ ਵਾਲਿਆਂ ਨੂੰ $ 500 ਪ੍ਰਤੀ ਮਹੀਨਾ ਤਨਖਾਹ (ਲਗਭਗ 30,000 ਰੁਪਏ) ਅਤੇ ਲੈਪਟਾਪ ਦੀਆਂ ਆਕਰਸ਼ਕ ਪੇਸ਼ਕਸ਼ ਕੀਤੀਆਂ ਸਨ।
ਪਿਛਲੇ ਸਾਲ, ਸ਼ਾਇਦ ਭਾਰਤ ਅਤੇ ਪਾਕਿਸਤਾਨ ਦੀ ਵੱਖਰੀ ਮਹੱਤਤਾ ਨੂੰ ਸਮਝਦਿਆਂ ਆਈਐਸਕੇ ਨੇ ਕ੍ਰਮਵਾਰ 10 ਮਈ, 2019 ਅਤੇ 15 ਮਈ, 2019 ਨੂੰ ਭਾਰਤ ਲਈ 'ਵਲਾਇਤ ਅਲ-ਹਿੰਦ' ਸ਼ਾਖਾ ਸਥਾਪਤ ਕੀਤੀ ਸੀ।
ਇਹ ਵੀ ਪੜ੍ਹੋ: ਕੈਪਟਨ ਅਮਰਿੰਦਰ ਨੇ ਕੋਰੋਨਾ ਵਾਇਰਸ ਸਬੰਧੀ ਜ਼ਰੂਰੀ ਸਵਾਲਾਂ ਦੇ ਜਵਾਬ ਸਾਂਝੇ ਕੀਤੇ
