ਨਵੀਂ ਦਿੱਲੀ: ਆਰਥਿਕਤਾ ਵਿੱਚ ਮੰਗ ਨੂੰ ਉਤਸ਼ਾਹਿਤ ਕਰਨ ਲਈ, ਸਰਕਾਰ ਨੇ ਇਸ ਸਾਲ ਆਪਣੇ ਕਰਮਚਾਰੀਆਂ ਨੂੰ ਹਾਲੀਡੇ ਟ੍ਰੈਵਲ ਕੰਸੈਂਸੀਅਨ (ਐਲਟੀਸੀ) ਦੇ ਬਦਲੇ ਨਕਦ ਵਾਊਚਰ ਦੇਣ ਦਾ ਐਲਾਨ ਕੀਤਾ ਹੈ। ਵਿੱਤ ਮੰਤਰੀ ਨੇ ਖ਼ਪਤਕਾਰਾਂ ਦੀ ਮੰਗ ਨੂੰ ਉਤਸ਼ਾਹਿਤ ਕਰਨ ਲਈ ਤਿਉਹਾਰਾਂ ਦੇ ਮੌਸਮ ਤੋਂ ਪਹਿਲਾਂ ਕੁਝ ਅਹਿਮ ਐਲਾਨ ਕੀਤੇ ਹਨ।
ਉਨ੍ਹਾਂ ਕਿਹਾ ਕਿ ਮਹਾਂਮਾਰੀ ਨੇ ਆਰਥਿਕਤਾ ‘ਤੇ ਬੁਰਾ ਪ੍ਰਭਾਵ ਪਾਇਆ ਹੈ। ਕਈ ਸਰਕਾਰੀ ਘੋਸ਼ਣਾਵਾਂ ਦੁਆਰਾ ਗ਼ਰੀਬ ਅਤੇ ਕਮਜ਼ੋਰ ਵਰਗਾਂ ਦੀਆਂ ਜ਼ਰੂਰਤਾਂ ਪੂਰੀਆਂ ਕੀਤੀਆਂ ਗਈਆਂ। ਸਪਲਾਈ ਦੀ ਰੁਕਾਵਟ ਘੱਟ ਗਈ ਪਰ ਖਪਤਕਾਰਾਂ ਦੀ ਮੰਗ ਨੂੰ ਅਜੇ ਵੀ ਉਤਸ਼ਾਹਿਤ ਕਰਨ ਦੀ ਜ਼ਰੂਰਤ ਹੈ।
ਸੀਤਾਰਮਨ ਨੇ ਕਿਹਾ ਕਿ ਮੰਗ ਨੂੰ ਉਤਸ਼ਾਹਿਤ ਕਰਨ ਦੇ ਪ੍ਰਸਤਾਵ ਦੇ ਦੋ ਹਿੱਸੇ ਹਨ, ਪਹਿਲਾ ਹੈ ‘ਐਲਟੀਸੀ ਕੈਸ਼ ਵਾਊਚਰ ਸਕੀਮ’ ਅਤੇ ਦੂਜਾ ‘ਸਪੈਸ਼ਲ ਫੈਸਟੀਵਲ ਐਡਵਾਂਸ ਸਕੀਮ’।
ਵਿੱਤ ਮੰਤਰੀ ਦੀਆਂ ਮੁੱਖ ਗੱਲਾਂ: -
- ਆਰਥਿਕਤਾ ਨੂੰ ਰਾਹਤ ਦੇਣ ਲਈ ਦੋ ਤਰ੍ਹਾਂ ਦੇ ਰਾਹਤ ਉਪਾਵਾਂ ਦਾ ਐਲਾਨ ਕੀਤਾ ਜਾਵੇਗਾ।
- ਖਪਤਕਾਰਾਂ ਦੇ ਖਰਚਿਆਂ ਨੂੰ ਵਧਾਉਣ ਲਈ ਕਦਮ ਚੁੱਕੇ ਜਾਣਗੇ।
- ਉਨ੍ਹਾਂ ਲਈ ਨਕਦ ਵਾਊਚਰ ਸਕੀਮ ਜੋ ਐਲਟੀਸੀ ਦਾ ਲਾਭ ਨਹੀਂ ਲੈਂਦੇ।
- ਪੰਜ ਪ੍ਰਤੀਸ਼ਤ ਜੀਐਸਟੀ ਵਾਲੀਆਂ ਚੀਜ਼ਾਂ 'ਤੇ ਕਿਸੇ ਵੀ ਐਲਟੀਸੀ ਵਾਊਚਰ ਨੂੰ ਛੋਟ ਨਹੀਂ ਦਿੱਤੀ ਜਾਏਗੀ।
- ਸਰਕਾਰੀ ਕਰਮਚਾਰੀ ਐਲਟੀਸੀ ਦੇ ਬਦਲੇ ਨਕਦ ਲੈ ਸਕਣਗੇ।
- ਕੇਂਦਰੀ, ਰਾਜ ਅਤੇ ਨਿੱਜੀ ਖੇਤਰ ਦੇ ਕਰਮਚਾਰੀਆਂ ਨੂੰ ਇਸ ਯੋਜਨਾ ਦਾ ਲਾਭ ਮਿਲੇਗਾ।
- ਰਾਜ ਅਤੇ ਨਿੱਜੀ ਖੇਤਰ ਨੂੰ ਕੇਂਦਰ ਦੇ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਕਰਨੀ ਪਏਗੀ।
- ਐਲਟੀਸੀ ਅਧੀਨ ਛੂਟ ਸਕੀਮ 2018-2021 ਤੱਕ ਲਾਗੂ ਰਹੇਗੀ।
- ਮੰਗ ਨੂੰ ਵਧਾਉਣ ਲਈ ਐਲਟੀਸੀ ਨਕਦ ਦੀ ਵਰਤੋਂ 'ਤੇ ਜ਼ੋਰ ਦਿੱਤਾ ਜਾਵੇਗਾ।
ਵਿਸ਼ੇਸ਼ ਫ਼ੈਸਟੀਵਲ ਅਡਵਾਂਸ ਯੋਜਨਾ ਦਾ ਐਲਾਣ
- ਇਹ ਯੋਜਨਾ ਇੱਕ ਵਾਰ ਫਿਰ ਤੋਂ ਬਹਾਲ ਹੋ ਗਈ ਹੈ।
- ਇਸ ਦੇ ਤਹਿਤ 10 ਹਜ਼ਾਰ ਰੁਪਏ ਬਿਨਾਂ ਵਿਆਜ਼ ਪ੍ਰਾਪਤ ਹੋਏ।
- ਇਸ ਨੂੰ 10 ਕਿਸ਼ਤਾਂ ਵਿੱਚ ਵਾਪਿਸ ਕਰਨਾ ਪਵੇਗਾ।
- ਪ੍ਰੀ-ਪੇਡ ਰੁਪਏ ਕਾਰਡ ਰਾਹੀਂ ਉਪਲਬਧ ਹੋਣਗੇ।
- ਸਰਕਾਰ ਬੈਂਕ ਚਾਰਜ ਦਾ ਭੁਗਤਾਨ ਕਰੇਗੀ।
ਕੇਂਦਰ, ਰਾਜ ਪੱਧਰ 'ਤੇ ਜੀ.ਡੀ.ਪੀ. ਵਧਾਉਣ ਦੇ ਉਪਾਅ
- 12,000 ਕਰੋੜ ਰੁਪਏ ਦੇ ਵਿਸ਼ੇਸ਼ ਵਿਆਜ ਮੁਕਤ ਕਰਜ਼ਾ ਦੇਣ ਦੀ ਘੋਸ਼ਣਾ ਕੀਤੀ।
- 50 ਸਾਲਾਂ ਲਈ ਵਿਸ਼ੇਸ਼ ਵਿਆਜ ਮੁਕਤ ਕਰਜ਼ੇ ਦੀ ਘੋਸ਼ਣਾ।
- ਵਿਸ਼ੇਸ਼ ਸਕੀਮ ਵਿੱਚ 4,000 ਕਰੋੜ ਰੁਪਏ ਦੇ ਵੰਡ ਦੀ ਉਮੀਦ ਹੈ।
- ਉੱਤਰ-ਪੂਰਬ ਲਈ 2,500 ਕਰੋੜ ਦਾ ਵਿਸ਼ੇਸ਼ ਕਰਜ਼ਾ
- ਮਾਰਚ 2021 ਤੱਕ ਪੂਰਾ ਕਰਜ਼ਾ ਖਰਚਣਾ ਪਏਗਾ।
