ਮੁੰਬਈ: ਧਾਰਾਵੀ ਵਿੱਚ ਲਿਫ਼ਟ ਹਾਦਸੇ ਬਾਰੇ ਵਿੱਚ ਅਧਿਕਾਰੀਆਂ ਨੇ ਕਿਹਾ ਕਿ ਮੁਹੰਮਦ ਹੁਜ਼ੈਫ ਸ਼ੇਖ ਆਪਣੇ ਭੈਣਾਂ-ਭਰਾਵਾਂ ਸਮੇਤ ਲਿਫ਼ਟ ਵਿੱਚ ਮੌਜੂਦ ਸੀ। ਉਹ ਲਿਫ਼ਟ ਵਿੱਚ ਲੱਗੇ ਲੱਕੜ ਦੇ ਦਰਵਾਜ਼ੇ ਅਤੇ ਬਾਹਰੀ ਗਰਿੱਲ ਦੇ ਵਿਚਕਾਰ ਫ਼ਸ ਗਿਆ ਅਤੇ ਅਚਾਨਕ ਹੀ ਲਿਫ਼ਟ ਉੱਪਰਲੀ ਮੰਜ਼ਿਲ ਵੱਲ ਚਲੀ ਗਈ। ਇਸ ਘਟਨਾ ਵਿੱਚ ਉਸ ਦੇ ਸਿਰ ਵਿੱਚ ਗੰਭੀਰ ਸੱਟਾਂ ਲੱਗੀਆਂ ਸਨ।
ਅਧਿਕਾਰੀ ਨੇ ਦੱਸਿਆ ਕਿ ਉਸ ਨੂੰ ਨੇੜਲੇ ਹਸਪਤਾਲ ਲਿਜਾਇਆ ਗਿਆ ਪਰ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ। ਇਹ ਹਾਦਸਾ ਦੁਪਹਿਰ 12.30 ਵਜੇ ਧਾਰਾਵੀ ਦੇ ਪਲਾਵਾੜੀ ਦੀ ਕੋਜੀ ਸ਼ੈਲਟਰ ਇਮਾਰਤ ਵਿੱਚ ਵਾਪਰਿਆ।