ਸ੍ਰੀਨਗਰ: ਜੰਮੂ ਕਸ਼ਮੀਰ ਦੇ ਸੋਪੋਰ 'ਚ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਵਿਚਕਾਰ ਮੁੱਠਭੇੜ ਸ਼ੁਰੂ ਹੋ ਗਈ ਹੈ। ਕਸ਼ਮੀਰ ਜ਼ੋਨ ਪੁਲਿਸ ਨੇ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ ਹੈ। ਜ਼ਿਕਰਯੋਗ ਹੈ ਕਿ ਸਾਲ 2020 ਵਿੱਚ ਹੁਣ ਤੱਕ ਸੁਰੱਖਿਆ ਬਲਾਂ ਨੇ ਤਿੰਨ ਦਰਜਨ ਤੋਂ ਵੱਧ ਅਪ੍ਰੇਸ਼ਨਾਂ ਵਿੱਚ 100 ਦੇ ਲਗਭਗ ਅੱਤਵਾਦੀਆਂ ਨੂੰ ਮਾਰ ਦਿੱਤਾ ਹੈ, ਜਦੋਂ ਕਿ ਉਨ੍ਹਾਂ ਦੇ 126 ਤੋਂ ਵੱਧ ਸਹਾਇਕ ਗ੍ਰਿਫਤਾਰ ਕੀਤੇ ਗਏ ਹਨ।
ਸਾਲ 2019 ਵਿੱਚ 150 ਤੋਂ ਵੱਧ ਅੱਤਵਾਦੀ ਮਾਰੇ ਗਏ ਸਨ ਅਤੇ 2018 ਵਿੱਚ 250 ਤੋਂ ਵੱਧ ਅੱਤਵਾਦੀ ਮਾਰੇ ਗਏ ਸਨ। ਮਾਰੇ ਗਏ 92 ਅੱਤਵਾਦੀਆਂ ਵਿਚੋਂ ਸਿਰਫ 35 ਹਿਜ਼ਬੁਲ ਦੇ ਹਨ। ਸੰਸਥਾ ਦੇ ਕਮਾਂਡਰ-ਇਨ-ਚੀਫ਼ ਰਿਆਜ਼ ਨਾਇਕੂ ਸਮੇਤ ਕਈ ਕਮਾਂਡਰ ਵੀ ਮਾਰੇ ਗਏ ਹਨ।
