ਨਵੀਂ ਦਿੱਲੀ: ਡਾਇਰੈਕਟੋਰੇਟ ਜਨਰਲ ਆਫ ਸਿਵਲ ਏਵੀਏਸ਼ਨ (ਡੀਜੀਸੀਏ) ਨੇ ਇੱਕ ਪਾਇਲਟ ਵੱਲੋਂ ਏਅਰ ਏਸ਼ੀਆ ਇੰਡੀਆ ਏਅਰ ਲਾਈਨਜ਼ ਦੇ ਸੁਰੱਖਿਆ ਮਾਪਦੰਡਾਂ ਦੀ ਉਲੰਘਣਾ ਕਰਨ ਦੇ 2 ਹਫਤੇ ਬਾਅਦ ਇੱਕ ਉੱਚ ਏਅਰ ਲਾਈਨ ਅਧਿਕਾਰੀ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਹੈ।
ਜ਼ਿਕਰਯੋਗ ਹੈ ਕਿ ਪਾਇਲਟ ਇੱਕ ਪ੍ਰਸਿੱਧ ਯੂਟਿਊਬ ਚੈਨਲ ਚਲਾਉਂਦਾ ਹੈ ਜਿਸਦਾ ਨਾਮ ਫਲਾਇੰਗ ਬੀਸਟ ਹੈ। ਡੀਜੀਸੀਏ ਅਧਿਕਾਰੀਆਂ ਨੇ ਕਿਹਾ, "ਪਾਇਲਟ ਦੇ ਦੋਸ਼ਾਂ ਤੋਂ ਬਾਅਦ ਏਅਰ ਏਸ਼ੀਆ ਇੰਡੀਆ ਦੇ ਸੰਚਾਲਨ ਮੁਖੀ ਮਨੀਸ਼ ਉੱਪਲ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਗਿਆ ਹੈ।"
ਏਅਰ ਏਸ਼ੀਆ ਇੰਡੀਆ ਦੇ ਇੱਕ ਬੁਲਾਰੇ ਨੇ ਕਿਹਾ, ‘ਏਅਰ ਏਸ਼ੀਆ ਇੰਡੀਆ ਨੋਟਿਸ ਮਿਲਣ ਦੀ ਪੁਸ਼ਟੀ ਕਰਦਾ ਹੈ ਅਤੇ ਅਸੀਂ ਤੱਥ-ਖੋਜ ਦੀ ਪ੍ਰਕਿਰਿਆ ਵਿੱਚ ਰੈਗੂਲੇਟਰ ਦੀ ਮਦਦ ਕਰ ਰਹੇ ਹਾਂ। ਅਸੀਂ ਰੈਗੂਲੇਟਰ ਦਾ ਪੂਰਾ ਸਮਰਥਨ ਕਰਾਂਗੇ।'
ਵਰਣਨਯੋਗ ਹੈ ਕਿ ਪ੍ਰਸਿੱਧ ਯੂਟਯੂਬਰ ਕਪਤਾਨ ਗੌਰਵ ਤਨੇਜਾ ਨੇ 14 ਜੂਨ ਨੂੰ ਟਵੀਟ ਕੀਤਾ ਸੀ ਕਿ ਏਅਰ ਏਸ਼ੀਆ ਇੰਡੀਆ ਨੇ ਜਹਾਜ਼ਾਂ ਦੇ ਸੁਰੱਖਿਅਤ ਸੰਚਾਲਨ ਅਤੇ ਯਾਤਰੀਆਂ ਦੇ ਨਾਲ ਖੜੇ ਹੋਣ ਕਾਰਨ ਉਨ੍ਹਾਂ ਨੂੰ ਮੁਅੱਤਲ ਕਰ ਦਿੱਤਾ ਸੀ।
ਤਨੇਜਾ ਨੇ 15 ਜੂਨ ਨੂੰ ਯੂਟਿਊਬ ਉੱਤੇ ਇੱਕ ਪੂਰੀ ਵੀਡੀਓ ਜਾਰੀ ਕੀਤੀ, ਜਿਸਦਾ ਸਿਰਲੇਖ ਸੀ, 'ਪਾਇਲਟ ਦੀ ਮੇਰੀ ਡਿਊਟੀ ਤੋਂ ਮੁਅੱਤਲ ਕਰਨ ਦਾ ਕਾਰਨ।'
ਤਨੇਜਾ ਨੇ ਵੀਡੀਓ ਵਿੱਚ ਦੋਸ਼ ਲਾਇਆ ਕਿ ਏਅਰ ਲਾਈਨ ਨੇ ਪਾਇਲਟਾਂ ਨੂੰ 98 ਫੀਸਦੀ ਜਹਾਜ਼ਾਂ ਨੂੰ ਫਲੈਪ ਤਿੰਨ ਢੰਗਾਂ ਵਿਚ ਉਤਾਰਨ ਲਈ ਕਿਹਾ, ਜਿਸ ਨਾਲ ਬਾਲਣ ਦੀ ਬਚਤ ਹੁੰਦੀ ਹੈ।
