ਇੰਦੌਰ : ਮਹੂ ਸਥਿਤ ਇੱਕ ਫ਼ੌਜੀ ਛਾਉਣੀ ਵਿਖੇ ਫ਼ੌਜੀ ਅਭਿਆਸ ਦੌਰਾਨ ਵੀਰਵਾਰ ਦੀ ਦੁਪਹਿਰ ਨੂੰ ਮੋਰਟਾਰ ਫੱਟ ਜਾਣ ਕਾਰਨ ਦੋ ਫ਼ੌਜੀਆਂ ਦਾ ਮੌਤ ਹੋ ਗਈ ਅਤੇ 5 ਤੋਂ ਜ਼ਿਆਦਾ ਜ਼ਖ਼ਮੀ ਹੋ ਗਏ ਹਨ। ਜ਼ਖ਼ਮੀਆਂ ਨੂੰ ਇਲਾਜ਼ ਲਈ ਜ਼ਹਾਜ਼ ਰਾਹੀਂ ਦਿੱਲੀ ਪਹੁੰਚਾਇਆ ਗਿਆ। ਇਸ ਹਾਦਸੇ ਦੀ ਹਾਲੇ ਤੱਕ ਸਰਕਾਰੀ ਤੌਰ 'ਤੇ ਪੁਸ਼ਟੀ ਨਹੀਂ ਹੋਈ ਹੈ।
ਜਾਣਕਾਰੀ ਮੁਤਾਬਕ ਮਹੂ ਦੇ ਬੇਰਛਾ ਫ਼ਾਇਰਿੰਗ ਰੇਂਜ ਇਲਾਕੇ ਵਿੱਚ ਵੀਰਵਾਰ ਨੂੰ ਯੁੱਧ ਅਭਿਆਸ ਅਤੇ ਪ੍ਰੀਖਣ ਚੱਲ ਰਿਹਾ ਸੀ, ਇਸ ਦੌਰਾਨ ਇੱਕ ਮੋਰਟਾਰ ਬੰਬ ਫ਼ੱਟ ਗਿਆ, ਜਿਸ ਦੀ ਲਪੇਟ ਵਿੱਚ ਆ ਕੇ 2 ਫ਼ੌਜੀਆਂ ਦੀ ਮੌਤ ਹੋ ਗਈ, ਜਦਕਿ 5 ਜ਼ਖ਼ਮੀ ਹੋ ਗਏ ਹਨ।
ਇਸ ਹਾਦਸੇ ਵਿੱਚ ਜ਼ਖ਼ਮੀ ਫ਼ੌਜੀਆਂ ਨੂੰ ਐਂਬੂਲੈਂਸ ਵਿੱਚ ਇੰਦੋਰ ਹਵਾਈ ਅੱਡਾ ਲਿਜਾਇਆ ਗਿਆ ਅਤੇ ਉਥੋਂ ਜਹਾਜ਼ ਰਾਹੀਂ ਦਿੱਲੀ ਲਿਜਾਇਆ ਗਿਆ।
