ਪੱਛਮੀ ਬੰਗਾਲ: ਦਿਨੀਂ ਪੱਛਮੀ ਬੰਗਾਲ ਦੇ ਇਕ 10ਵੀਂ ਦੇ ਵਿਦਿਆਰਥੀ 'ਤੇ ਪੁਸ਼ਪਾ ਦਾ ਬੁਖ਼ਾਰ ਚੜ੍ਹਿਆ ਹੋਇਆ ਹੈ। ਇਕ ਵਿਦਿਆਰਥੀ ਨੇ ਆਪਣੇ ਪੇਪਰ ਦੀ ਉਤਰ ਪੱਤਰੀ 'ਚ ਪੁਸ਼ਪਾ ਫਿਲਮ ਦਾ ਡਾਇਲਾਗ ਲਿਖ ਦਿੱਤਾ।ਉਸ ਵਿਦਿਆਰਥੀ ਦੀ ਆਨਸਰਸ਼ੀਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।
ਇਸ ਨੂੰ ਵੇਖ ਕੇ ਯੂਜ਼ਰਸ ਦਾ ਦਿਮਾਗ ਹਿੱਲ ਗਿਆ ਹੈ ਅਤੇ ਇਸ ਨੂੰ ਮਜ਼ਾਕ ਵਜੋਂ ਸਾਂਝਾ ਕੀਤਾ ਹੈ। ਪੱਛਮੀ ਬੰਗਾਲ ਦੇ ਸਾਰੇ ਵਿਦਿਆਰਥੀਆਂ ਲਈ 10ਵੀਂ ਜਮਾਤ ਦੀਆਂ ਪ੍ਰੀਖਿਆਵਾਂ ਸਮਾਪਤ ਹੋ ਗਈਆਂ ਹਨ। ਇਹ ਘਟਨਾ ਮੁਲਾਂਕਣ ਪ੍ਰਕਿਰਿਆ ਦੌਰਾਨ ਸਾਹਮਣੇ ਆਈ ਹੈ।
ਅਜਿਹਾ ਕਰਨ ਵਾਲਾ ਕੋਲਕਾਤਾ ਦਾ ਵਿਦਿਆਰਥੀ ਹੈ। ਉਸ ਨੇ ਆਪਣੇ ਪੇਪਰ ਦੀ ਉਤਰਸ਼ੀਟ 'ਤੇ ਉੱਤਰ ਪੱਤਰੀ 'ਚ ਪੁਸ਼ਪਾ ਦਾ ਡਾਇਲਾਗ ਲਿਖਿਆ ਹੈ। ਜਦੋਂ ਅਸੀਂ ਪ੍ਰੀਖਿਆ ਦੇਣ ਜਾਂਦੇ ਹਾਂ ਤਾਂ ਪੁੱਛੇ ਗਏ ਸਵਾਲਾਂ ਦੇ ਜਵਾਬ ਦਿੱਤੇ ਜਾਂਦੇ ਹਨ, ਪਰ ਸਮੇਂ-ਸਮੇਂ 'ਤੇ ਕੁਝ ਅਜਿਹੀਆਂ ਉੱਤਰ ਪੱਤਰੀਆਂ ਸਾਹਮਣੇ ਆਉਂਦੀਆਂ ਹਨ। ਜੋ ਗੀਤ ਲਿਖਣ ਵਾਂਗ ਚਰਚਾ 'ਚ ਆਉਂਦੀਆਂ ਹਨ।
ਉਸ ਤਰ੍ਹਾਂ ਦਾ ਹੀ ਹੁਣ ਇਹ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ। ਕੋਲਕਾਤਾ ਦੇ ਇੱਕ 10ਵੀਂ ਜਮਾਤ ਦੇ ਵਿਦਿਆਰਥੀ ਨੇ ਆਪਣੀ ਸੈਕੰਡਰੀ ਪ੍ਰੀਖਿਆ ਦੀ ਉੱਤਰ ਪੱਤਰੀ ਵਿੱਚ ਇੱਕ ਮਸ਼ਹੂਰ ਡਾਇਲਾਗ ਲਿਖ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਅੱਲੂ ਅਰਜੁਨ ਸਟਾਰਰ ਫਿਲਮ 'ਪੁਸ਼ਪਾ' ਦਾ ਬੇਹੱਦ ਮਸ਼ਹੂਰ ਡਾਇਲਾਗ ਉੱਤਰ ਪੱਤਰੀ 'ਚ ਲਿਖ ਦਿੱਤਾ ਹੈ।
ਪੁਸ਼ਪਾ ਫਿਲਮ 'ਚ ਮੁੱਖ ਅਦਾਕਾਰ ਅੱਲੂ ਅਰਜੁਨ ਨੂੰ 'ਮੈਂ ਝੁਕੇਗਾ ਨਹੀਂ' ਦਾ ਡਾਇਲਾਗ ਸੁਣਾਉਂਦੇ ਹੋਏ ਦਿਖਾਇਆ ਗਿਆ ਹੈ। ਸੰਵਾਦ ਨੂੰ ਨਵਾਂ ਅਹਿਸਾਸ ਦਿੰਦੇ ਹੋਏ ਹੁਣ ਕੋਲਕਾਤਾ ਦੇ 10ਵੀਂ ਜਮਾਤ ਦੇ ਵਿਦਿਆਰਥੀ ਨੇ ਆਪਣੀ ਉੱਤਰ ਪੱਤਰੀ 'ਤੇ 'ਮੈਂ ਲਿਖੇਗਾ ਨਹੀਂ' ਲਿਖ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ:- ਜਗਨਮੋਹਨ ਰੈੱਡੀ ਦੇ ਨਵੇਂ ਬਣੇ ਮੰਤਰੀ ਮੰਡਲ ਦੇ 25 ਮੈਂਬਰਾਂ ਨੇ ਚੁੱਕੀ ਸਹੁੰ
