ਹੈਦਰਾਬਾਦ: Oppo ਚੀਨ ਵਿੱਚ ਆਪਣਾ ਨਵਾਂ ਫੋਲਡੇਬਲ ਸਮਾਰਟਫੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਇਸ ਫੋਨ ਦਾ ਨਾਮ OPPO Find N5 Folding Smartphone ਹੋ ਸਕਦਾ ਹੈ। ਇਸ ਫੋਨ ਨੂੰ ਭਾਰਤ ਦੇ ਨਾਲ-ਨਾਲ ਗਲੋਬਲ ਬਜ਼ਾਰ 'ਚ ਵੀ ਲਾਂਚ ਕੀਤਾ ਜਾ ਸਕਦਾ ਹੈ। Oppo ਦੇ ਇਸ ਫੋਲਡੇਬਲ ਸਮਾਰਟਫੋਨ ਨੂੰ ਭਾਰਤ 'ਚ OnePlus Open 2 ਦੇ ਰੂਪ 'ਚ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਆਉਣ ਵਾਲੇ ਫੋਨ ਨੂੰ ਲਾਂਚ ਕਰਨ ਤੋਂ ਪਹਿਲਾਂ Oppo ਨੇ ਇਸ ਦੀ ਤੁਲਨਾ iPad Pro M4 ਨਾਲ ਕੀਤੀ ਹੈ।
I can't believe how slim our latest foldable is.
— Billy Zhang (@BillyZhangOPPO) January 24, 2025
We've pushed our engineering to ensure an optimal experience, folded or unfolded, and I can't wait for users to get their hands on it next month. #OPPOFindN5 pic.twitter.com/8j0zEO2gEf
ਦੁਨੀਆਂ ਦਾ ਸਭ ਤੋਂ ਪਤਲਾ ਫੋਲਡੇਬਲ ਸਮਾਰਟਫੋਨ OPPO Find N5 ਜਾਂ iPad Pro M4
Oppo ਨੇ OPPO Find N5 ਫੋਲਡੇਬਲ ਸਮਾਰਟਫੋਨ ਦੀ iPad Pro M4 ਨਾਲ ਤੁਲਨਾ ਕਰਕੇ ਇਹ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਇਹ ਫੋਨ ਕਿੰਨਾ ਪਤਲਾ ਹੈ। Oppo ਓਵਰਸੀਜ਼ ਮਾਰਕੀਟਿੰਗ, ਸੇਲਜ਼ ਐਂਡ ਸਰਵਿਸਿਜ਼ ਦੇ ਪ੍ਰਧਾਨ ਬਿਲੀ ਝਾਂਗ ਨੇ 'ਐਕਸ' ਤੋਂ ਇੱਕ ਪੋਸਟ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਸੱਜੇ ਪਾਸੇ ਆਈਪੈਡ ਪ੍ਰੋ M4 ਦੀ ਮੋਟਾਈ ਅਤੇ ਇਸਦੇ ਆਉਣ ਵਾਲੇ ਫੋਲਡੇਬਲ ਫੋਨ OPPO Find N5 ਦੀ ਮੋਟਾਈ ਦਿਖਾਈ ਹੈ। ਇਸ ਤਸਵੀਰ ਵਿੱਚ OPPO Find N5 ਇੱਕ ਫੋਲਡੇਬਲ ਫੋਨ ਹੋਣ ਦੇ ਬਾਵਜੂਦ ਐਪਲ ਡਿਵਾਈਸਾਂ ਨਾਲੋਂ ਪਤਲਾ ਦਿਖਾਈ ਦੇ ਰਿਹਾ ਹੈ।
When it comes to slimness, we've got the edge. #OPPOFindN5 pic.twitter.com/x9fOHe8vsv
— OPPO (@oppo) January 23, 2025
OPPO Find N5 ਕਦੋਂ ਹੋਵੇਗਾ ਲਾਂਚ?
ਬਿਲੀ ਨੇ ਆਪਣੀ ਪੋਸਟ 'ਚ ਲਿਖਿਆ ਹੈ ਕਿ ਮੈਂ ਵਿਸ਼ਵਾਸ ਨਹੀਂ ਕਰ ਸਕਦਾ ਕਿ ਸਾਡਾ ਨਵਾਂ ਫੋਲਡੇਬਲ ਫੋਨ ਕਿੰਨਾ ਪਤਲਾ ਹੈ। ਅਸੀਂ ਆਪਣੇ ਇੰਜਨੀਅਰਾਂ ਨਾਲ ਇਹ ਯਕੀਨੀ ਬਣਾਇਆ ਹੈ ਕਿ ਭਾਵੇਂ ਫ਼ੋਨ ਫੋਲਡ ਹੋਵੇ ਜਾਂ ਖੋਲ੍ਹਿਆ ਜਾਵੇ, ਉਪਭੋਗਤਾਵਾਂ ਨੂੰ ਵਧੀਆ ਅਨੁਭਵ ਮਿਲਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ Oppo ਦੇ ਓਵਰਸੀਜ਼ ਮਾਰਕੀਟਿੰਗ, ਸੇਲਜ਼ ਅਤੇ ਸਰਵਿਸਿਜ਼ ਦੇ ਪ੍ਰਧਾਨ ਨੇ ਆਪਣੀ ਪੋਸਟ ਰਾਹੀਂ ਪੁਸ਼ਟੀ ਕੀਤੀ ਹੈ ਕਿ Oppo ਫਾਈਂਡ ਐਨ5 ਫੋਲਡੇਬਲ ਸਮਾਰਟਫੋਨ ਅਗਲੇ ਮਹੀਨੇ ਲਾਂਚ ਕੀਤਾ ਜਾਵੇਗਾ। ਹਾਲਾਂਕਿ ਕੰਪਨੀ ਨੇ ਲਾਂਚ ਦੀ ਤਰੀਕ ਦਾ ਐਲਾਨ ਨਹੀਂ ਕੀਤਾ ਹੈ।
The world's thinnest foldable is coming 🤏 #OPPOFindN5 pic.twitter.com/WhTybLclKm
— Pete Lau (@PeteLau) January 14, 2025
OPPO Find N5 ਦੀ ਮੋਟਾਈ
ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ iPad Pro M4 ਦੀ ਮੋਟਾਈ 5.1mm ਹੈ। ਅਜਿਹੀ ਸਥਿਤੀ 'ਚ ਓਪੋ ਦੇ ਆਉਣ ਵਾਲੇ ਫੋਲਡੇਬਲ ਫੋਨ ਦੀ ਮੋਟਾਈ 4mm ਹੋ ਸਕਦੀ ਹੈ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ OPPO Find N5 ਦੁਨੀਆਂ ਦਾ ਸਭ ਤੋਂ ਪਤਲਾ ਫੋਲਡੇਬਲ ਸਮਾਰਟਫੋਨ ਬਣ ਜਾਵੇਗਾ। ਮੌਜੂਦਾ ਸਮੇਂ 'ਚ ਦੁਨੀਆਂ ਦਾ ਸਭ ਤੋਂ ਪਤਲਾ ਸਮਾਰਟਫੋਨ Honor Magic V3 ਹੈ, ਜਿਸ ਦੀ ਮੋਟਾਈ 4.35mm ਹੈ। Oppo ਦੇ ਇਸ ਫੋਨ ਨੂੰ ਭਾਰਤ 'ਚ OnePlus Open 2 ਦੇ ਰੂਪ 'ਚ ਲਾਂਚ ਕੀਤਾ ਜਾ ਸਕਦਾ ਹੈ।
Oppo ਦੇ ਚੀਫ ਪ੍ਰੋਡਕਟ ਅਫਸਰ ਅਤੇ OnePlus ਦੇ ਸੰਸਥਾਪਕ Pete Lau ਨੇ X ਅਕਾਊਂਟ ਰਾਹੀਂ ਦੱਸਿਆ ਹੈ ਕਿ ਦੁਨੀਆਂ ਦਾ ਸਭ ਤੋਂ ਪਤਲਾ ਫੋਲਡੇਬਲ ਸਮਾਰਟਫੋਨ ਆ ਰਿਹਾ ਹੈ। ਉਨ੍ਹਾਂ ਨੇ ਆਪਣੀ ਪੋਸਟ ਦੇ ਨਾਲ ਇੱਕ ਤਸਵੀਰ ਅਟੈਚ ਕੀਤੀ ਸੀ, ਜਿਸ ਵਿੱਚ ਦੇਖਿਆ ਗਿਆ ਸੀ ਕਿ ਓਪੋ ਫਾਈਂਡ ਐਨ5 ਦੀ ਮੋਟਾਈ ਪੈਨਸਿਲ ਤੋਂ ਘੱਟ ਹੈ।
OPPO Find N5 ਦੇ ਫੀਚਰਸ
Oppo ਦੇ ਇਸ ਫੋਲਡੇਬਲ ਫੋਨ ਦੇ ਫੀਚਰਸ ਬਾਰੇ ਕੋਈ ਅਧਿਕਾਰਿਤ ਜਾਣਕਾਰੀ ਨਹੀਂ ਮਿਲੀ ਹੈ। ਹਾਲਾਂਕਿ, ਕੁਝ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਇਸ ਫੋਨ ਵਿੱਚ 2K ਰੈਜ਼ੋਲਿਊਸ਼ਨ ਦੇ ਨਾਲ 6.85-ਇੰਚ ਦੀ LTPO ਸਕ੍ਰੀਨ ਮਿਲ ਸਕਦੀ ਹੈ। ਫੋਨ 'ਚ 5,900mAh ਦੀ ਬੈਟਰੀ ਦਿੱਤੀ ਜਾ ਸਕਦੀ ਹੈ। ਇਸ ਫੋਨ 'ਚ ਪ੍ਰੋਸੈਸਰ ਲਈ Qualcomm Snapdragon 8 Elite ਸਿਸਟਮ-ਆਨ-ਚਿੱਪ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਇਸ ਤੋਂ ਇਲਾਵਾ, ਫੋਨ ਦੇ ਬੈਕ 'ਤੇ ਟ੍ਰਿਪਲ ਕੈਮਰਾ ਸੈੱਟਅਪ ਦਿੱਤਾ ਜਾ ਸਕਦਾ ਹੈ, ਜੋ ਹੈਸਲਬਲਾਡ ਤਕਨੀਕ ਨਾਲ ਆਵੇਗਾ। ਇਸ ਤੋਂ ਇਲਾਵਾ ਵਾਟਰ ਰੇਸਿਸਟੈਂਟ ਲਈ IPX9 ਰੇਟਿੰਗ ਵੀ ਦਿੱਤੀ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ:-
