ਹੈਦਰਾਬਾਦ: ਮੋਬਾਈਲ ਨਿਰਮਾਤਾ ਕੰਪਨੀ iQOO ਜਲਦ ਹੀ ਭਾਰਤੀ ਬਾਜ਼ਾਰ 'ਚ ਆਪਣਾ iQOO 13 ਸਮਾਰਟਫੋਨ ਲਾਂਚ ਕਰਨ ਜਾ ਰਹੀ ਹੈ। ਕੰਪਨੀ ਨੇ ਪੁਸ਼ਟੀ ਕੀਤੀ ਹੈ ਕਿ ਫੋਨ 'ਚ Qualcomm ਦਾ ਲੇਟੈਸਟ ਆਕਟਾ-ਕੋਰ Snapdragon 8 Elite ਚਿਪਸੈੱਟ ਦਿੱਤੀ ਜਾਵੇਗੀ। ਕੰਪਨੀ ਨੇ ਹੈਂਡਸੈੱਟ ਦੇ ਡਿਜ਼ਾਈਨ ਦੇ ਨਾਲ-ਨਾਲ ਕੁਝ ਡਿਸਪਲੇ ਵਿਸ਼ੇਸ਼ਤਾਵਾਂ ਬਾਰੇ ਵੀ ਖੁਲਾਸਾ ਕੀਤਾ ਹੈ। ਹੁਣ iQOO ਨੇ ਭਾਰਤ ਵਿੱਚ iQOO 13 ਦੀ ਲਾਂਚ ਡੇਟ ਦਾ ਐਲਾਨ ਕਰ ਦਿੱਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਫੋਨ ਨੂੰ ਚੀਨ 'ਚ 30 ਅਕਤੂਬਰ ਨੂੰ ਲਾਂਚ ਕੀਤਾ ਗਿਆ ਸੀ ਅਤੇ ਹੁਣ ਭਾਰਤ ਵਿੱਚ 3 ਦਸੰਬਰ ਨੂੰ ਲਾਂਚ ਕੀਤਾ ਜਾਵੇਗਾ। ਭਾਰਤੀ ਵਰਜ਼ਨ ਡਿਜ਼ਾਈਨ ਅਤੇ ਮੁੱਖ ਵਿਸ਼ੇਸ਼ਤਾਵਾਂ ਦੇ ਮਾਮਲੇ ਵਿੱਚ ਇਸਦੇ ਚੀਨੀ ਵਰਜ਼ਨ ਦੇ ਸਮਾਨ ਹੋਣ ਦੀ ਉਮੀਦ ਹੈ।
ਭਾਰਤ ਵਿੱਚ iQOO 13 ਦੀ ਲਾਂਚ ਡੇਟ
ਕੰਪਨੀ ਨੇ ਇੱਕ ਐਕਸ-ਪੋਸਟ ਵਿੱਚ ਪੁਸ਼ਟੀ ਕੀਤੀ ਹੈ ਕਿ iQOO 13 ਨੂੰ ਭਾਰਤ ਵਿੱਚ ਦਸੰਬਰ ਵਿੱਚ ਲਾਂਚ ਕੀਤਾ ਜਾਵੇਗਾ। BMW ਮੋਟਰਸਪੋਰਟ ਦੇ ਨਾਲ ਬ੍ਰਾਂਡ ਦੇ ਸਹਿਯੋਗ ਦੇ ਹਿੱਸੇ ਵਜੋਂ ਫ਼ੋਨ ਇੱਕ ਨੀਲੇ-ਕਾਲੇ-ਲਾਲ ਤਿਰੰਗੇ ਪੈਟਰਨ ਦੇ ਨਾਲ ਇੱਕ Legend ਐਡੀਸ਼ਨ ਵਿੱਚ ਆਵੇਗਾ।
Witness style and performance redefined with the #iQOO13, crafted in partnership with @BMWMotorsport. A launch that’s set to change the smartphone game forever! Mark your calendars for December 3— launching exclusively at @amazonIN and https://t.co/bXttwlYQef. 📆
— iQOO India (@IqooInd) November 8, 2024
Know More -… pic.twitter.com/FpZk81qYrR
iQOO 13 ਦੀ ਖਰੀਦਦਾਰੀ
iQOO 13 ਦਾ ਭਾਰਤੀ ਵੇਰੀਐਂਟ ਅਧਿਕਾਰਤ iQOO ਈ-ਸਟੋਰ ਅਤੇ ਐਮਾਜ਼ਾਨ ਰਾਹੀਂ ਖਰੀਦਣ ਲਈ ਉਪਲਬਧ ਹੋਵੇਗਾ। ਹੈਂਡਸੈੱਟ ਲਈ ਐਮਾਜ਼ਾਨ ਮਾਈਕ੍ਰੋਸਾਈਟ ਵੀ ਲਾਈਵ ਹੋ ਗਈ ਹੈ। ਫੋਨ ਨੂੰ ਹੈਲੋ ਲਾਈਟ ਫੀਚਰ ਨਾਲ ਟੀਜ਼ ਕੀਤਾ ਗਿਆ ਹੈ। ਮਾਈਕ੍ਰੋਸਾਈਟ ਦਿਖਾਉਂਦਾ ਹੈ ਕਿ ਇਸ ਵਿੱਚ 144Hz ਰਿਫਰੈਸ਼ ਰੇਟ ਵਾਲਾ 2K LTPO AMOLED ਡਿਸਪਲੇ ਪੈਨਲ ਹੋਵੇਗਾ। ਇਸ 'ਚ Q2 ਗੇਮਿੰਗ ਚਿੱਪਸੈੱਟ ਦੇ ਨਾਲ ਸਨੈਪਡ੍ਰੈਗਨ 8 ਇਲੀਟ ਪ੍ਰੋਸੈਸਰ ਦਿੱਤਾ ਜਾਵੇਗਾ।
iQOO 13 ਦੇ ਫੀਚਰਸ
iQOO 13 ਵਿੱਚ 6.82-ਇੰਚ 2K (1,440 x 3,168 ਪਿਕਸਲ) BOE Q10 8T LTPO 2.0 OLED ਸਕ੍ਰੀਨ ਮਿਲ ਸਕਦੀ ਹੈ, ਜੋ 144Hz ਰਿਫ੍ਰੈਸ਼ ਰੇਟ ਅਤੇ HDR ਸਪੋਰਟ ਦੇ ਨਾਲ ਆਉਂਦੀ ਹੈ। ਚੀਨ ਵਿੱਚ iQOO 13 ਸਮਾਰਟਫੋਨ ਨੂੰ Snapdragon 8 Elite SoC, ਇਨ-ਹਾਊਸ Q2 ਗੇਮਿੰਗ ਚਿੱਪਸੈੱਟ, 16GB ਤੱਕ ਰੈਮ ਅਤੇ 1TB ਤੱਕ ਆਨਬੋਰਡ ਸਟੋਰੇਜ ਦੇ ਨਾਲ ਲਾਂਚ ਕੀਤਾ ਗਿਆ ਹੈ। ਇਹ ਐਂਡਰਾਇਡ 15-ਅਧਾਰਿਤ OriginOS 5 ਦੇ ਨਾਲ ਆਉਂਦਾ ਹੈ। ਸਮਾਰਟਫੋਨ 'ਚ 120W ਵਾਇਰਡ ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ 6,150mAh ਦੀ ਵੱਡੀ ਬੈਟਰੀ ਮਿਲ ਸਕਦੀ ਹੈ।
ਫੋਟੋਗ੍ਰਾਫ਼ੀ ਦੀ ਗੱਲ ਕਰੀਏ ਤਾਂ ਫੋਨ ਵਿੱਚ 50-ਮੈਗਾਪਿਕਸਲ ਦਾ ਟ੍ਰਿਪਲ ਰੀਅਰ ਕੈਮਰਾ ਯੂਨਿਟ ਮਿਲ ਸਕਦਾ ਹੈ, ਜਿਸ ਵਿੱਚ 50-ਮੈਗਾਪਿਕਸਲ ਦਾ ਟੈਲੀਫੋਟੋ ਕੈਮਰਾ ਅਤੇ 50-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਸ਼ੂਟਰ ਸ਼ਾਮਲ ਹੋ ਸਕਦਾ ਹੈ। ਫਰੰਟ ਫੇਸਿੰਗ ਕੈਮਰੇ 'ਚ 32 ਮੈਗਾਪਿਕਸਲ ਦਾ ਸੈਂਸਰ ਦਿੱਤਾ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ:-
