ਲੁਧਿਆਣਾ: ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਦੇ ਵਿੱਚ ਪਿਛਲੇ ਦੋ ਸਾਲ ਤੋਂ ਲਗਾਤਾਰ ਉਛਾਲ ਵੇਖਣ ਨੂੰ ਮਿਲ ਰਿਹਾ ਹੈ। ਜੇਕਰ ਮੌਜੂਦਾ ਹਾਲਾਤਾਂ ਦੀ ਗੱਲ ਕੀਤੀ ਜਾਵੇ ਤਾਂ ਸੋਨਾ 80 ਹਜਾਰ ਰੁਪਏ ਪ੍ਰਤੀ ਤੋਲਾ 24 ਕੈਰਟ ਅਤੇ ਚਾਂਦੀ ਇੱਕ ਲੱਖ ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਦੇ ਨਾਲ ਬਾਜ਼ਾਰਾਂ ਦੇ ਵਿੱਚ ਵਿਕ ਰਹੀ ਹੈ। ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਹਾਲਾਂਕਿ ਕੌਮਾਂਤਰੀ ਪੱਧਰ 'ਤੇ ਕਾਰੋਬਾਰ ਅਤੇ ਬਾਜ਼ਾਰ ਦੇ ਹਾਲਾਤਾਂ ਦੇ ਮੁਤਾਬਕ ਤੈਅ ਸਾਡੀਆਂ ਹਨ ਪਰ ਮੌਜੂਦਾ ਹਾਲਾਤ ਅਜਿਹੇ ਹਨ ਕਿ ਪਿਛਲੇ ਜਨਵਰੀ ਤੋਂ ਲੈ ਕੇ ਅਕਤੂਬਰ ਮਹੀਨੇ ਤੱਕ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਦੇ ਵਿੱਚ ਰਿਕਾਰਡ ਤੋੜ 23 ਫੀਸਦੀ ਤੱਕ ਦਾ ਵਾਧਾ ਹੋਇਆ ਹੈ। ਜੋ ਕਿ ਹੁਣ ਤੱਕ ਸੋਨੇ ਦੀਆਂ ਕੀਮਤਾਂ ਦੇ ਵਿੱਚ ਸਭ ਤੋਂ ਵੱਧ ਉਛਾਲ ਦਰਜ ਹੈ। ਸੋਨਾ ਮਹਿੰਗਾ ਹੋਣ ਕਰਕੇ ਲੋਕ ਸੋਨਾ ਸੋਚ ਸਮਝ ਕੇ ਹੀ ਖਰੀਦ ਰਹੇ ਹਨ। ਧੰਨਤੇਰਸ ਦੇ ਤਿਉਹਾਰ ਤੇ ਲੋਕ ਸੋਨੇ ਅਤੇ ਚਾਂਦੀ ਦੇ ਬਰਤਨ ਖਰੀਦਦੇ ਹਨ। ਬਾਜ਼ਾਰਾਂ ਦੇ ਵਿੱਚ ਪਹਿਲਾਂ ਵਾਲੀ ਰੌਣਕ ਤਾਂ ਨਹੀਂ ਹੈ ਪਰ ਲੋਕ ਥੋੜਾ ਬਹੁਤ ਜਰੂਰ ਖਰੀਦਣ ਦੇ ਵਿੱਚ ਰੁਚੀ ਵਿਖਾ ਰਹੇ ਹਨ।
ਰਿਕਾਰਡ ਤੋੜ ਸੋਨੇ ਸੋਨੇ ਚਾਂਦੀ ਦੀਆਂ ਕੀਮਤਾਂ
ਉੱਥੇ ਹੀ ਲੁਧਿਆਣਾ ਦੇ ਜਨਰਲ ਸੈਕਟਰੀ ਵਿਨੋਦ ਗੋਇਲ ਨੇ ਦੱਸਿਆ ਕਿ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਦੇ ਵਿੱਚ ਰਿਕਾਰਡ ਤੋੜ ਵੱਧਦਾ ਹੋਇਆ ਹੈ ਜੇਕਰ ਗੱਲ ਸੋਨੇ ਦੀ ਕੀਤੀ ਜਾਵੇ ਤਾਂ ਸਾਲ 2010 ਦੇ ਵਿੱਚ ਸੋਨੇ ਦੀ ਪ੍ਰਤੀ 10 ਗ੍ਰਾਮ ਕੀਮਤ 18,500 ਦੇ ਕਰੀਬ ਸੀ। ਉਸ ਤੋਂ ਬਾਅਦ ਲਗਾਤਾਰ ਪਿਛਲੇ 14 ਸਾਲਾਂ ਦੇ ਵਿੱਚ ਸੋਨੇ ਦੀ ਕੀਮਤ ਦੇ ਵਿੱਚ ਰਿਕਾਰਡ ਤੋੜ ਵਾਧਾ ਹੋਇਆ ਹੈ। ਸਾਲ 2012 ਦੇ ਵਿੱਚ ਇਹ ਕੀਮਤ 31000 ਪ੍ਰਤੀ 10 ਗ੍ਰਾਮ ਤੇ ਪਹੁੰਚ ਗਈ। ਸਾਲ 2015 ਦੇ ਵਿੱਚ ਸੋਨੇ ਦੀ ਕੀਮਤ ਦੇ ਵਿੱਚ ਕਟੌਤੀ ਵੇਖਣ ਨੂੰ ਮਿਲੀ ਅਤੇ ਲਗਭਗ 26 ਹਜਾਰ ਰੁਪਏ ਤੋਲਾ ਸੋਨਾ ਹੋ ਗਿਆ। ਉਸ ਤੋਂ ਬਾਅਦ ਸਾਲ 2020 ਦੇ ਵਿੱਚ ਰਿਕਾਰਡ ਤੋੜ ਉਛਾਲ ਆਇਆ ਅਤੇ ਸੋਨੇ ਦੀ ਕੀਮਤ ਲਗਭਗ ਦੁਗਣੀ ਹੋ ਗਈ ਅਤੇ 48 ਹਜ਼ਾਰ ਰੁਪਏ ਪ੍ਰਤੀ ਤੋਲਾ ਸੋਨਾ ਹੋ ਗਿਆ। ਹਾਲਾਂਕਿ ਸਾਲ 2022 ਦੇ ਵਿੱਚ ਸੋਨੇ ਦੀ ਕੀਮਤ 52 ਹਜ਼ਾਰ ਰੁਪਏ ਪ੍ਰਤੀ ਤੋਲਾ ਸੀ। ਪਰ ਪਿਛਲੇ ਦੋ ਸਾਲਾਂ ਦੇ ਵਿੱਚ ਰਿਕਾਰਡ ਤੋੜ ਸੋਨੇ ਦੀ ਕੀਮਤ ਦੇ ਵਿੱਚ ਉਛਾਲ ਹੋਇਆ ਹੈ ਅਤੇ ਹੁਣ ਸੋਨੇ ਦੀ ਕੀਮਤ 24 ਕੈਰਟ ਦੀ 80 ਹਜ਼ਾਰ ਨੇੜੇ ਪਹੁੰਚ ਗਈ ਹੈ। ਇਸੇ ਤਰ੍ਹਾਂ ਚਾਂਦੀ ਦੀ ਕੀਮਤ ਵੀ ਵਧੀ ਹੈ।
ਖਰੀਦਦਾਰੀ ਘਟੀ
ਲੁਧਿਆਣਾ ਦੇ ਜਨਰਲ ਸੈਕਟਰੀ ਵਿਨੋਦ ਗੋਇਲ ਨੇ ਦੱਸਿਆ ਕਿ ਸੋਨੇ ਦੀ ਖਰੀਦਦਾਰੀ ਦੇ ਵਿੱਚ ਹੁਣ ਕਾਫੀ ਲੋਕਾਂ ਦੀ ਰੁਚੀ ਘਟੀ ਹੈ ਹਾਲਾਂਕਿ ਦੇਸ਼ ਦੇ ਵਿੱਚ ਤਿਉਹਾਰਾਂ ਦੇ ਸੀਜ਼ਨ ਦੇ ਦੌਰਾਨ ਅਤੇ ਵਿਆਹਾਂ ਦੌਰਾਨ ਸੋਨੀ ਚਾਂਦੀ ਦੀ ਖਰੀਦਦਾਰੀ ਕੀਤੀ ਜਾਂਦੀ ਹੈ। ਪਰ ਧੰਨਤੇਰਸ ਦੇ ਤਿਉਹਾਰ ਮੁਕੇ ਲਕਸ਼ਮੀ ਨੂੰ ਖੁਸ਼ ਕਰਨ ਦੇ ਲਈ ਲੋਕ ਸੋਨੇ ਚਾਂਦੀ ਦੇ ਬਰਤਨ ਗਹਿਣੇ ਆਦਿ ਖਰੀਦਦੇ ਹਨ ਪਰ ਕੀਮਤਾਂ ਦੇ ਵਿੱਚ ਉਛਾਲ ਆਉਣ ਕਰਕੇ ਜਿੱਥੇ ਲੋਕਾਂ ਦੀ ਥੋੜੀ ਦਿਲਚਸਪੀ ਘਟੀ ਹੈ। ਉੱਥੇ ਹੀ ਦੂਜੇ ਪਾਸੇ ਜਿਨਾਂ ਲੋਕਾਂ ਵੱਲੋਂ ਜ਼ਿਆਦਾ ਸੋਨਾਂ ਚਾਂਦੀ ਖਰੀਦਿਆ ਜਾਂਦਾ ਸੀ ਉਨ੍ਹਾਂ ਨੇ ਹੁਣ ਥੋੜਾ ਸੋਨਾ ਚਾਂਦੀ ਖਰੀਦਣਾ ਸ਼ੁਰੂ ਕਰ ਦਿੱਤਾ ਹੈ। ਹਾਲਾਂਕਿ ਸੋਨਾ ਹਮੇਸ਼ਾ ਤੋਂ ਹੀ ਫਾਇਦਾ ਦਿੰਦਾ ਰਿਹਾ ਹੈ। ਇਸ ਸਬੰਧੀ ਵਿਨੋਦ ਗੋਇਲ ਨੇ ਕਿਹਾ ਕਿ ਸੋਨੇ ਦੀਆਂ ਕੀਮਤਾਂ ਕਦੇ ਵੀ ਘਟੀਆਂ ਨਹੀਂ ਸਗੋਂ ਹਮੇਸ਼ਾ ਵਧੀਆਂ ਹੀ ਹਨ।
ਕਿਨਾ ਗੱਲਾਂ ਦਾ ਰੱਖੀਏ ਧਿਆਨ
ਸੋਨੇ ਅਤੇ ਚਾਂਦੀ ਦੀ ਖਰੀਦਦਾਰੀ ਸਮੇਂ ਹਮੇਸ਼ਾ ਹੀ ਕੁਝ ਗੱਲਾਂ ਧਿਆਨ ਵਿੱਚ ਰੱਖਣੀਆਂ ਚਾਹੀਦੀਆਂ ਹਨ। ਲੁਧਿਆਣਾ ਦੇ ਜਨਰਲ ਸੈਕਟਰੀ ਵਿਨੋਦ ਗੋਇਲ ਨੇ ਦੱਸਿਆ ਕਿ ਬਾਜ਼ਾਰਾਂ ਦੇ ਵਿੱਚ ਕਈ ਤਰ੍ਹਾਂ ਦੇ ਸੋਨਾ ਚਾਂਦੀ ਉਪਲਬਧ ਹਨ ਜਿਨਾਂ ਵਿੱਚ ਮਿਕਸਿੰਗ ਕੀਤੀ ਜਾਂਦੀ ਹੈ ਪਰ ਉਨ੍ਹਾਂ ਕਿਹਾ ਕਿ ਸਰਕਾਰ ਵੱਲੋਂ ਪ੍ਰਮਾਣਿਤ ਸੋਨਾ ਚਾਂਦੀ ਉਹੀ ਹੈ ਜਿਸ ਤੇ ਹੋਲਮਾਰਕ ਲੱਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਕਦੇ ਵੀ ਆਨਲਾਈਨ ਸੋਨੀ ਚਾਂਦੀ ਦੀ ਖਰੀਦ ਨਾ ਕੀਤੀ ਜਾਵੇ ਕਿਉਂਕਿ ਤੁਹਾਡੇ ਨਾਲ ਧੋਖਾ ਹੋ ਸਕਦਾ ਹੈ। ਇਸ ਕਰਕੇ ਆਪਣੇ ਪੁਰਾਣੇ ਸਵਰਨਕਾਰ ਤੋਂ ਹੀ ਸੋਨੇ ਅਤੇ ਚਾਂਦੀ ਦੀ ਖਰੀਦ ਕੀਤੀ ਜਾਵੇ ਤਾਂ ਜੋ ਉਹ ਤੁਹਾਨੂੰ ਚੰਗੀ ਤਰ੍ਹਾਂ ਜਾਣਦਾ ਹੋਵੇ ਤੁਹਾਡੇ ਨਾਲ ਕਿਸੇ ਤਰ੍ਹਾਂ ਦੀ ਕੋਈ ਠੱਗੀ ਨਾ ਹੋਵੇ। ਇਸ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਜੋ ਅੱਜ ਕੱਲ ਸੋਸ਼ਲ ਮੀਡੀਆ ਤੇ 5 ਹਜਾਰ ਰੁਪਏ 10 ਹਜਾਰ ਰੁਪਏ ਸਸਤਾ ਸੋਨਾ ਬਾਜ਼ਾਰ ਨਾਲੋਂ ਦੇਣ ਦੇ ਦਾਵੇ ਕੀਤੇ ਜਾਂਦੇ ਹਨ ਉਹ ਸਭ ਖੋਖਲੇ ਹਨ ਉਨਾਂ ਦੇ ਚੱਕਰਾਂ 'ਚ ਲੋਕ ਨਾ ਪੈਣ ਕਿਉਂਕਿ ਜਦੋਂ ਮੁੜ ਤੋਂ ਸੋਨਾ ਉਹ ਕਦੇ ਦੇਣ ਜਾਣਗੇ ਤਾਂ ਉਸਦੀ ਕੀਮਤ ਬਹੁਤ ਘੱਟ ਰਹਿ ਜਾਏਗੀ। ਉਹਨਾਂ ਕਿਹਾ ਕਿ ਲੋਕ ਇਹਨਾਂ ਗੱਲਾਂ ਦਾ ਧਿਆਨ ਜਰੂਰ ਰੱਖਣ।
