ਚੈਟੋਰੋਕਸ (ਪੈਰਿਸ) : ਓਲੰਪਿਕ ਖੇਡਾਂ 'ਚ ਨਿਸ਼ਾਨੇਬਾਜ਼ੀ ਮੁਕਾਬਲੇ 'ਚ ਹਿੱਸਾ ਲੈਣ ਆਏ ਭਾਰਤੀ ਦਲ ਨੂੰ ਆਪਣੇ ਸਵਾਦ ਮੁਤਾਬਕ ਖਾਣਾ ਲੱਭਣ 'ਚ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ।
ਖਿਡਾਰੀਆਂ ਲਈ ਇਥੇ ਦੋ 'ਐਥਲੀਟ ਪਿੰਡ' ਹਨ ਪਰ ਦੋਵਾਂ 'ਚ ਭਾਰਤੀਆਂ ਨੂੰ ਆਪਣਾ ਮਨਪਸੰਦ ਖਾਣਾ ਨਹੀਂ ਮਿਲਿਆ। ਕੁਝ ਨਿਸ਼ਾਨੇਬਾਜ਼ ਸਥਾਨਕ ਦੱਖਣੀ ਏਸ਼ੀਆਈ ਰੈਸਟੋਰੈਂਟਾਂ 'ਤੇ ਨਿਰਭਰ ਕਰਦੇ ਹਨ ਜਦੋਂ ਕਿ ਦੂਸਰੇ ਆਪਣਾ ਖਾਣਾ ਖੁਦ ਬਣਾਉਂਦੇ ਹਨ।
ਇੱਕ ਭਾਰਤੀ ਨਿਸ਼ਾਨੇਬਾਜ਼ ਨੇ ਆਪਣਾ ਨਾਮ ਗੁਪਤ ਰੱਖਣ ਦੀ ਸ਼ਰਤ 'ਤੇ ਪੀਟੀਆਈ ਨੂੰ ਦੱਸਿਆ, 'ਖਾਣਾ ਲੱਭਣਾ ਮੁਸ਼ਕਿਲ ਹੈ, ਅਸੀਂ ਕਿਸੇ ਤਰ੍ਹਾਂ ਪ੍ਰਬੰਧ ਕਰ ਰਹੇ ਹਾਂ'। ਪਿਸਟਲ ਕੋਚ ਜਸਪਾਲ ਰਾਣਾ ਨੇ ਕਿਹਾ, 'ਅਸੀਂ ਖੁਦ ਭੋਜਨ ਬਣਾਉਂਦੇ ਹਾਂ। ਕੱਲ੍ਹ ਮੈਂ ਰਾਜਮਾ ਚੌਲ ਬਣਾਏ। ਕਰਿਆਨੇ ਦੀ ਦੁਕਾਨ ਤੋਂ ਜ਼ਰੂਰੀ ਚੀਜ਼ਾਂ ਖਰੀਦੀਆਂ ਅਤੇ ਆਪਣੇ ਅਪਾਰਟਮੈਂਟ ਵਿੱਚ ਤਿਆਰ ਕੀਤੀਆਂ।
ਕੁਝ ਹੋਰ ਨਿਸ਼ਾਨੇਬਾਜ਼ ਪੈਰਿਸ ਦੇ ਖੇਡ ਪਿੰਡ ਦੀ ਭੀੜ-ਭੜੱਕੇ ਨੂੰ ਗੁਆ ਰਹੇ ਹਨ। ਉਹ ਪੈਰਿਸ ਵਿਚ ਹੀ ਰਹਿਣਾ ਪਸੰਦ ਕਰ ਰਹੇ।
ਇਕ ਭਾਰਤੀ ਨਿਸ਼ਾਨੇਬਾਜ਼ ਨੇ ਕਿਹਾ, 'ਸ਼ੂਟਿੰਗ ਰੇਂਜ ਖੂਬਸੂਰਤ ਹੈ। ਪਰ ਮੁੱਖ ਖੇਡ ਪਿੰਡ ਤੋਂ ਦੂਰ ਹੋਣ ਕਰਕੇ ਮੈਂ ਥੋੜਾ ਚਿੰਤਤ ਹਾਂ। ਉਸ ਨੇ ਕਿਹਾ, 'ਇੱਥੇ ਰਹਿਣ ਦਾ ਪ੍ਰਬੰਧ ਉਹ ਨਹੀਂ ਹੈ ਜਿਸ ਦੀ ਮੈਂ ਕਲਪਨਾ ਕੀਤੀ ਸੀ। ਪਰ ਮੈਂ ਇੱਥੇ ਮੁਕਾਬਲਾ ਕਰਨ ਅਤੇ ਜਿੱਤਣ ਲਈ ਹਾਂ।'
ਤੁਹਾਨੂੰ ਦੱਸ ਦਈਏ ਕਿ ਮਨੂ ਭਾਕਰ ਨੇ ਚੈਟੋਰੋਕਸ ਫ੍ਰੈਂਚ ਨੈਸ਼ਨਲ ਸ਼ੂਟਿੰਗ ਸੈਂਟਰ ਰੇਂਜ 'ਤੇ ਪੈਰਿਸ 2024 ਓਲੰਪਿਕ ਸ਼ੂਟਿੰਗ ਮੁਕਾਬਲੇ ਦੇ ਪਹਿਲੇ ਦਿਨ ਔਰਤਾਂ ਦੇ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ਦੇ ਫਾਈਨਲ ਲਈ ਕੁਆਲੀਫਾਈ ਕਰਕੇ ਭਾਰਤੀ ਨਿਸ਼ਾਨੇਬਾਜ਼ੀ ਦਲ ਨੂੰ ਮੁਸਕਰਾਹਟ ਦਾ ਮੌਕਾ ਦਿੱਤਾ।
ਇਸ ਤੋਂ ਪਹਿਲਾਂ ਖੇਡਾਂ ਦੇ 10 ਮੀਟਰ ਏਅਰ ਰਾਈਫਲ ਮਿਕਸਡ ਟੀਮ ਈਵੈਂਟ ਦੇ ਪਹਿਲੇ ਤਮਗਾ ਮੁਕਾਬਲੇ 'ਚ ਦੋਵੇਂ ਭਾਰਤੀ ਜੋੜੀ ਕੁਆਲੀਫਿਕੇਸ਼ਨ ਦੀ ਰੁਕਾਵਟ ਨੂੰ ਪਾਰ ਨਹੀਂ ਕਰ ਸਕੀਆਂ। ਇਸ ਦੇ ਨਾਲ ਹੀ 10 ਮੀਟਰ ਏਅਰ ਪਿਸਟਲ ਪੁਰਸ਼ ਵਰਗ ਵਿੱਚ ਸਰਬਜੋਤ ਸਿੰਘ ਮੈਡਲ ਰਾਊਂਡ ਵਿੱਚ ਥਾਂ ਬਣਾਉਣ ਤੋਂ ਖੁੰਝ ਗਿਆ ਅਤੇ ਦੋ ਹੋਰਾਂ ਦੇ ਨਾਲ 577 ਦੇ ਬਰਾਬਰ ਸਕੋਰ ਹਾਸਲ ਕੀਤਾ।
- ਸਵਿਤੇਕ, ਅਲਕਾਰਜ਼ ਅਤੇ ਜੋਕੋਵਿਚ ਨੇ ਜਿੱਤ ਨਾਲ ਕੀਤੀ ਸ਼ੁਰੂਆਤ, ਓਸਾਕਾ ਹਾਰੀ - Paris Olympics 2024
- ਕੈਨੇਡਾ ਨੇ ਨਿਊਜ਼ੀਲੈਂਡ ਦੇ ਅਭਿਆਸ ਸੈਸ਼ਨ ਦੀ ਕੀਤੀ ਜਾਸੂਸੀ, ਛੇ ਅੰਕ ਕੱਟੇ ਅਤੇ ਤਿੰਨ ਕੋਚਾਂ 'ਤੇ ਪਾਬੰਦੀ - Paris Olympics 2024
- PT ਊਸ਼ਾ ਨੂੰ ਖਿਡਾਰੀਆਂ ਤੋਂ ਸ਼ਾਨਦਾਰ ਪ੍ਰਦਰਸ਼ਨ ਦੀ ਉਮੀਦ, ਕਿਹਾ- 'ਪਿਛਲੇ 10 ਸਾਲਾਂ 'ਚ ਮਿਲੀਆਂ ਬਹੁਤ ਸਾਰੀਆਂ ਸਹੂਲਤਾਂ' - Paris Olympics 2024
