ਨਵੀਂ ਦਿੱਲੀ: ਪੈਰਿਸ ਓਲੰਪਿਕ 2024 ਵਿੱਚ ਭਾਰਤ ਨੂੰ ਦੌੜ ਵਿੱਚ ਵੀ ਨਿਰਾਸ਼ਾ ਦਾ ਸਾਹਮਣਾ ਕਰਨਾ ਪਿਆ ਹੈ। ਪੁਰਸ਼ ਅਤੇ ਮਹਿਲਾ ਦੋਵੇਂ 20 ਕਿਲੋਮੀਟਰ ਦੌੜ ਮੁਕਾਬਲੇ ਵਿੱਚ ਬਾਹਰ ਹੋ ਗਏ ਹਨ। ਭਾਰਤੀ ਦੌੜਾਕ ਵਿਕਾਸ ਸਿੰਘ 30ਵੇਂ ਅਤੇ ਪਰਮਜੀਤ ਸਿੰਘ ਬਿਸ਼ਟ 37ਵੇਂ ਸਥਾਨ 'ਤੇ ਰਹੇ, ਜਿਸ ਕਾਰਨ ਪੈਰਿਸ ਓਲੰਪਿਕ ਵਿੱਚ ਵੀਰਵਾਰ ਨੂੰ ਟਰੋਕਾਡੇਰੋ ਵਿੱਚ ਪੁਰਸ਼ਾਂ ਦੇ 20 ਕਿਲੋਮੀਟਰ ਵਾਕ ਮੁਕਾਬਲੇ ਵਿੱਚ ਭਾਰਤ ਨੂੰ ਖਾਲੀ ਹੱਥ ਪਰਤਣਾ ਪਿਆ।
ਵਿਕਾਸ ਇਸ ਈਵੈਂਟ ਵਿੱਚ ਭਾਗ ਲੈਣ ਵਾਲੇ ਤਿੰਨ ਭਾਰਤੀ ਅਥਲੀਟਾਂ ਵਿੱਚੋਂ ਸਭ ਤੋਂ ਤੇਜ਼ ਸੀ, ਜਿਸ ਨੇ 1:22:36 ਦੇ ਸਮੇਂ ਨਾਲ ਆਪਣੀ ਦੌੜ ਪੂਰੀ ਕੀਤੀ। ਵਿਕਾਸ ਪਿਛਲੇ ਸਾਲ ਏਸ਼ਿਆਈ ਖੇਡਾਂ ਵਿੱਚ 20 ਕਿਲੋਮੀਟਰ ਪੈਦਲ ਦੌੜ ਵਿੱਚ ਪੰਜਵੇਂ ਸਥਾਨ ’ਤੇ ਰਿਹਾ ਸੀ। ਭਾਰਤ ਲਈ ਪਹਿਲੀ ਵਾਰ ਓਲੰਪਿਕ ਵਿੱਚ ਹਿੱਸਾ ਲੈ ਰਹੇ ਪਰਮਜੀਤ ਨੇ 1:23:48 ਦਾ ਸਮਾਂ ਹਾਸਲ ਕੀਤਾ। ਹਾਲਾਂਕਿ ਰਾਸ਼ਟਰੀ ਰਿਕਾਰਡ ਧਾਰਕ ਅਕਸ਼ਦੀਪ ਸਿੰਘ ਸਿਰਫ 6 ਕਿਲੋਮੀਟਰ ਦੀ ਦੌੜ ਤੋਂ ਬਾਹਰ ਹੋ ਗਿਆ। ਓਲੰਪਿਕ 'ਚ 20 ਕਿਲੋਮੀਟਰ ਪੈਦਲ ਦੌੜ 'ਚ ਭਾਰਤ ਨੇ ਕੋਈ ਤਮਗਾ ਨਹੀਂ ਜਿੱਤਿਆ ਹੈ।
#GOLD! 🇪🇨
— The Olympic Games (@Olympics) August 1, 2024
Brian Daniel Pintado takes the first medal on Day 6, earning the win for Ecuador in the men’s 20km race walk.
It’s their first gold of the Games, and their fourth ever in Olympic history. 🎉@ECUADORolimpico | @WorldAthletics | #Athletics | #Paris2024 | #Samsung |… pic.twitter.com/FHVce1Nstq
ਇਸ ਤੋਂ ਇਲਾਵਾ ਔਰਤਾਂ ਦੀ 20 ਕਿਲੋਮੀਟਰ ਵਾਕ ਈਵੈਂਟ ਵਿੱਚ ਪ੍ਰਿਅੰਕਾ 41ਵੇਂ ਸਥਾਨ ’ਤੇ ਰਹੀ। ਉਨ੍ਹਾਂ ਨੇ 1:45:55 ਦਾ ਸਮਾਂ ਪ੍ਰਾਪਤ ਕੀਤਾ। ਹਾਲਾਂਕਿ, ਉਹ ਹੇਠਾਂ ਤੋਂ ਤੀਜੇ ਸਥਾਨ 'ਤੇ ਰਹੀ ਕਿਉਂਕਿ 43 ਔਰਤਾਂ ਇਸ ਈਵੈਂਟ ਵਿੱਚ ਹਿੱਸਾ ਲੈ ਰਹੀਆਂ ਸਨ।
ਇਸ ਈਵੈਂਟ 'ਚ ਇਕਵਾਡੋਰ ਦੇ ਬ੍ਰਾਇਨ ਡੇਨੀਅਲ ਪਿਨਟਾਡੋ ਨੇ ਸੋਨ ਤਮਗਾ ਜਿੱਤਿਆ। ਬ੍ਰਾਜ਼ੀਲ ਦੇ ਕਾਇਓ ਬੋਨਫਿਮ ਅਤੇ ਸਪੇਨ ਦੇ ਅਲਵਾਰੋ ਮਾਰਟਿਨ ਨੇ ਚਾਂਦੀ ਅਤੇ ਕਾਂਸੀ ਦੇ ਤਗਮੇ ਜਿੱਤੇ। 2023 ਦੇ ਵਿਸ਼ਵ ਤਮਗਾ ਜੇਤੂ ਪਿੰਟਾਡੋ ਨੇ ਆਪਣੇ ਵਿਸ਼ਵ ਚਾਂਦੀ ਦੇ ਤਗਮੇ ਨੂੰ 1:18:55 ਵਿੱਚ ਓਲੰਪਿਕ ਸੋਨੇ ਵਿੱਚ ਬਦਲ ਦਿੱਤਾ। ਪੈਰਿਸ ਵਿਚ ਇਕਵਾਡੋਰ ਦੇ ਕਿਸੇ ਐਥਲੀਟ ਦਾ ਇਹ ਪਹਿਲਾ ਤਮਗਾ ਸੀ। ਬ੍ਰਾਜ਼ੀਲ ਦੇ ਕਾਉਈ ਬੋਨਫਿਮ ਨੇ 1:19:09 ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ, ਜਦੋਂ ਕਿ ਸਪੇਨ ਦੇ ਅਲਵਾਰੋ ਮਾਰਟਿਨ ਨੇ 1:19:11 ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਿਆ।
- ਰੇਲਵੇ ਵਿੱਚ ਟੀਟੀਈ ਤੋਂ ਲੈ ਕੇ ਓਲੰਪਿਕ ਮੈਡਲਿਸਟ ਤੱਕ ਦਾ ਸਫ਼ਰ, MS ਧੋਨੀ ਵਰਗੀ ਹੈ ਸਵਪਨਿਲ ਕੁਸਲੇ ਦੇ ਸੰਘਰਸ਼ ਦੀ ਕਹਾਣੀ - Paris Olympics 2024
- ਓਲੰਪਿਕ 'ਚ ਤਗਮਾ ਜਿੱਤ ਕੇ ਦੇਸ਼ ਪਰਤੇ ਸਰਬਜੋਤ ਸਿੰਘ ਦਾ ਸ਼ਾਨਦਾਰ ਸਵਾਗਤ, ਖੇਡ ਮੰਤਰੀ ਨਾਲ ਵੀ ਕੀਤੀ ਮੁਲਾਕਾਤ - Sarabjot Singh Grand Welcome
- ਸਵਪਨਿਲ ਕੁਸਲੇ ਵਲੋਂ ਕਾਂਸੀ ਦਾ ਤਮਗਾ ਜਿੱਤਣ 'ਤੇ ਪੀਐਮ ਮੋਦੀ ਸਮੇਤ ਦਿੱਗਜਾਂ ਨੇ ਇਸ ਤਰ੍ਹਾਂ ਦਿੱਤੀ ਵਧਾਈ - Paris Olympics 2024
