ਨਵੀਂ ਦਿੱਲੀ: ਪਿਛਲੇ ਦੋ ਦਹਾਕਿਆਂ 'ਚ ਪਹਿਲੀ ਵਾਰ ਫੁੱਟਬਾਲ ਦੇ ਦਿੱਗਜ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ ਅਤੇ ਲਿਓਨੇਲ ਮੇਸੀ ਵੱਕਾਰੀ ਬੈਲਨ ਡੀ'ਓਰ ਪੁਰਸਕਾਰ ਜਿੱਤਣ ਦੀ ਦੌੜ ਤੋਂ ਬਾਹਰ ਹੋ ਗਏ ਹਨ ਕਿਉਂਕਿ ਦੋਵੇਂ ਮਹਾਨ ਖਿਡਾਰੀਆਂ ਨੂੰ ਨਾਮਜ਼ਦਗੀ ਦੀ ਸੂਚੀ 'ਚ ਸ਼ਾਮਲ ਨਹੀਂ ਕੀਤਾ ਗਿਆ ਹੈ।
ਪਿਛਲੇ ਸਾਲ ਦੇ ਜੇਤੂ ਮੇਸੀ ਨੇ ਰਿਕਾਰਡ 8 ਵਾਰ ਬੈਲਨ ਡੀ'ਓਰ ਪੁਰਸਕਾਰ ਜਿੱਤਿਆ ਹੈ ਜਦਕਿ ਪੁਰਤਗਾਲੀ ਦਿੱਗਜ ਨੂੰ 6 ਵਾਰ ਇਹ ਪੁਰਸਕਾਰ ਮਿਲਿਆ ਹੈ। ਰੋਨਾਲਡੋ, ਜੋ ਉਸ ਸਮੇਂ ਮੈਨਚੈਸਟਰ ਯੂਨਾਈਟਿਡ ਲਈ ਖੇਡਦੇ ਸੀ, ਉਨ੍ਹਾਂ ਨੇ 2008 ਵਿੱਚ ਆਪਣਾ ਪਹਿਲਾ ਬੈਲਨ ਡੀ'ਓਰ ਜਿੱਤਿਆ ਸੀ। ਦਿਲਚਸਪ ਗੱਲ ਇਹ ਹੈ ਕਿ, ਉਹ ਅਜੇ ਵੀ ਚੋਟੀ ਦੇ ਇਨਾਮ ਜਿੱਤਣ ਵਾਲੇ ਆਖਰੀ ਪ੍ਰੀਮੀਅਰ ਲੀਗ ਖਿਡਾਰੀ ਹੋਣ ਦਾ ਰਿਕਾਰਡ ਰੱਖਦੇ ਹਨ। ਇਸ ਤੋਂ ਬਾਅਦ ਉਨ੍ਹਾਂ ਨੇ 2014, 2015, 2016 ਅਤੇ 2017 ਵਿੱਚ ਵੱਕਾਰੀ ਪੁਰਸਕਾਰ ਜਿੱਤੇ।
They're all here!
— Ballon d'Or (@ballondor) September 4, 2024
But... who should win it? #ballondor pic.twitter.com/SrkHBrJtuI
ਦੂਜੇ ਪਾਸੇ, ਮੇਸੀ ਨੇ 2009 'ਚ ਆਪਣਾ ਪਹਿਲਾ ਐਵਾਰਡ ਜਿੱਤਿਆ ਅਤੇ 16 ਸਾਲ ਤੱਕ ਨਾਮਜ਼ਦ ਰਹੇ। ਹੋਰ ਪੁਰਸਕਾਰ 2011, 2012, 2013, 2016, 2019, 2021 ਅਤੇ 2023 ਵਿੱਚ ਆਏ। ਖਾਸ ਤੌਰ 'ਤੇ, ਰੋਨਾਲਡੋ ਅਤੇ ਮੇਸੀ ਦੋਵੇਂ 2020 ਵਿੱਚ ਬੈਲਨ ਡੀ'ਓਰ ਡਰੀਮ ਟੀਮ ਦਾ ਹਿੱਸਾ ਸਨ।
30 ਖਿਡਾਰੀਆਂ ਦੀ ਸੂਚੀ 'ਚ ਇੰਗਲੈਂਡ ਦੇ 6 ਖਿਡਾਰੀਆਂ ਦਾ ਨਾਂ ਹੈ, ਜਿਨ੍ਹਾਂ 'ਚ ਜੂਡ ਬੇਲਿੰਘਮ, ਬੁਕਾਯੋ ਸਾਕਾ, ਕੋਲ ਪਾਮਰ, ਹੈਰੀ ਕੇਨ, ਫਿਲ ਫੋਡੇਨ ਅਤੇ ਡੇਕਲਾਨ ਰਾਈਸ ਸ਼ਾਮਲ ਹਨ।
ਯੂਰੋ 2024 ਚੈਂਪੀਅਨ ਸਪੇਨ ਦੇ ਛੇ ਖਿਡਾਰੀ ਰੋਡਰੀ, ਦਾਨੀ ਕਾਰਵਾਜਾਲ, ਲਾਮਿਨ ਯਾਮਲ, ਨਿਕੋ ਵਿਲੀਅਮਜ਼, ਦਾਨੀ ਓਲਮੋ ਅਤੇ ਅਲੇਜੈਂਡਰੋ ਗ੍ਰਿਮਾਲਡੋ ਵੀ ਇਸ ਵੱਕਾਰੀ ਪੁਰਸਕਾਰ ਲਈ ਮੁਕਾਬਲਾ ਕਰਨਗੇ। ਰੀਅਲ ਮੈਡ੍ਰਿਡ ਦਾ ਵਿਨੀਸੀਅਸ ਜੂਨੀਅਰ ਵੀ ਪੁਰਸਕਾਰ ਜਿੱਤਣ ਲਈ ਪਸੰਦੀਦਾ ਹੈ, ਜਦੋਂ ਕਿ ਮਾਨਚੈਸਟਰ ਸਿਟੀ ਦੇ ਅਰਲਿੰਗ ਹਾਲੈਂਡ ਦੇ ਨਾਲ ਕੇਲੀਅਨ ਐਮਬਾਪੇ ਵੀ ਸੂਚੀ ਵਿੱਚ ਹਨ।
ਫੀਫਾ ਵਿਸ਼ਵ ਕੱਪ 2022 ਗੋਲਡਨ ਗਲੋਵ ਜੇਤੂ ਐਮਿਲਿਆਨੋ ਮਾਰਟੀਨੇਜ਼ ਵੀ ਇਸ ਸੂਚੀ ਵਿੱਚ ਸ਼ਾਮਲ ਹੋ ਗਿਆ ਹੈ।
ਇਸ ਸਾਲ ਦੇ ਬੈਲਨ ਡੀ ਓਰ ਲਈ ਨਾਮਜ਼ਦ ਕੀਤੇ ਗਏ 30 ਖਿਡਾਰੀਆਂ ਦੀ ਸੂਚੀ ਇਸ ਪ੍ਰਕਾਰ ਹੈ:- ਜੂਡ ਬੇਲਿੰਘਮ, ਵਿਨੀਸੀਅਸ ਜੂਨੀਅਰ, ਰੋਡਰੀ, ਡੈਨੀ ਕਾਰਵਾਜਲ, ਬੁਕਾਯੋ ਸਾਕਾ, ਰੂਬੇਨ ਡਾਇਸ, ਵਿਲੀਅਮ ਸਲੀਬਾ, ਫੇਡੇ ਵਾਲਵਰਡੇ, ਕੋਲ ਪਾਮਰ, ਲੈਮਿਨ ਯਾਮਲ, ਅਰਲਿੰਗ ਹਾਲੈਂਡ, ਕਾਇਲੀਅਨ ਐਮਬਾਪੇ, ਟੋਨੀ ਕ੍ਰਊਸ, ਮਾਰਟਿਨ ਓਡੇਗਾਰਡ, ਐਮਿਲਿਆਨੋ ਮਾਰਟੀਨੇਜ਼, ਗ੍ਰੇਨਿਟ ਜ਼ਾਕਾ, ਆਰਟਮ ਡੋਵਬਿਕ , ਹੈਰੀ ਕੇਨ, ਮੈਟਸ ਹਮੇਲਸ, ਹਾਕਨ ਕੈਲਹਾਨੋਗਲੂ, ਨਿਕੋ ਵਿਲੀਅਮਜ਼, ਫਿਲ ਫੋਡੇਨ, ਫਲੋਰੀਅਨ ਵਿਰਟਜ਼, ਡੈਨੀ ਓਲਮੋ, ਡੇਕਲਾਨ ਰਾਈਸ, ਵਿਟਿਨਹਾ, ਅਡੇਮੋਲਾ ਲੁਕਮੈਨ, ਲੌਟਾਰੋ ਮਾਰਟੀਨੇਜ਼, ਅਲੇਜੈਂਡਰੋ ਗ੍ਰਿਮਾਲਡੋ, ਐਂਟੋਨੀਓ ਰੂਡੀਗਰ।
- ਚਾਹ ਵੇਚਣ ਵਾਲੇ ਕਪਿਲ ਪਰਮਾਰ ਨੇ ਰਚਿਆ ਇਤਿਹਾਸ, ਪੈਰਿਸ ਪੈਰਾਲੰਪਿਕਸ 'ਚ ਭਾਰਤ ਨੇ ਜਿੱਤਿਆ 25ਵਾਂ ਮੈਡਲ - Paris Paralympics 2024
- ਪੈਰਿਸ ਓਲੰਪਿਕ 'ਚ ਹਿੱਸਾ ਲੈਣ ਵਾਲੀ ਐਥਲੀਟ ਨੂੰ ਸਾਥੀ ਨੇ ਜ਼ਿੰਦਾ ਸਾੜਿਆ, ਮੌਤ - Rebecca Cheptegei Dies
- ਮਹਿਲਾ ਟੀ-20 ਵਿਸ਼ਵ ਕੱਪ 2024 ਟਰਾਫੀ ਦਾ ਬੈਂਗਲੁਰੂ ਅਤੇ ਮੁੰਬਈ ਦਾ ਹੋਵੇਗਾ ਦੌਰਾ - womens t20 world cup trophy tour
