ਨਵੀਂ ਦਿੱਲੀ: ਇਕ ਪਾਸੇ ਜਿੱਥੇ ਕੌਮਾਂਤਰੀ ਕ੍ਰਿਕਟ ਪ੍ਰੀਸ਼ਦ (ਆਈ.ਸੀ.ਸੀ.) ਦੁਨੀਆ ਭਰ 'ਚ ਕ੍ਰਿਕਟ ਨੂੰ ਹਰਮਨ ਪਿਆਰਾ ਬਣਾਉਣ ਲਈ ਕਈ ਅਹਿਮ ਕਦਮ ਚੁੱਕ ਰਹੀ ਹੈ। 2028 ਲਾਸ ਏਂਜਲਸ ਓਲੰਪਿਕ ਵਿੱਚ ਕ੍ਰਿਕਟ ਨੂੰ ਸ਼ਾਮਲ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਕ੍ਰਿਕਟ ਨੂੰ ਲੈ ਕੇ ਅਜਿਹੀ ਖਬਰ ਸਾਹਮਣੇ ਆ ਰਹੀ ਹੈ, ਜਿਸ ਨੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।
ਕ੍ਰਿਕਟ ਖੇਡਣ 'ਤੇ ਪਾਬੰਦੀ: ਦਰਅਸਲ, ਉੱਤਰੀ ਇਟਲੀ ਦੇ ਇੱਕ ਸ਼ਹਿਰ ਨੇ ਕ੍ਰਿਕਟ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਹ ਫੈਸਲਾ ਇਸ ਦੇ ਮੇਅਰ ਨੇ ਲਿਆ ਹੈ, ਜੋ ਇਸ ਖੇਡ ਨੂੰ ਅਤੇ ਇਸ ਨੂੰ ਖੇਡਣ ਵਾਲੇ ਬੰਗਲਾਦੇਸ਼ੀ ਪ੍ਰਵਾਸੀਆਂ ਨੂੰ ਸਥਾਨਕ ਸੱਭਿਆਚਾਰਕ ਵਿਰਾਸਤ ਲਈ ਖ਼ਤਰਾ ਮੰਨਦੇ ਹਨ।
10 ਹਜ਼ਾਰ ਤੱਕ ਦਾ ਜੁਰਮਾਨਾ: ਬੀਬੀਸੀ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਮੋਨਫਾਲਕੋਨ ਸ਼ਹਿਰ ਨੇ ਅਧਿਕਾਰਤ ਤੌਰ 'ਤੇ ਖੇਡ 'ਤੇ ਪਾਬੰਦੀ ਲਗਾ ਦਿੱਤੀ ਹੈ ਅਤੇ ਇਸ ਦੀ ਸੀਮਾ ਦੇ ਅੰਦਰ ਕ੍ਰਿਕਟ ਖੇਡਦੇ ਪਾਏ ਜਾਣ ਵਾਲਿਆਂ 'ਤੇ 100 ਯੂਰੋ ਪੌਂਡ (ਲਗਭਗ 10,000 ਰੁਪਏ) ਤੱਕ ਦਾ ਜੁਰਮਾਨਾ ਲਗਾਇਆ ਹੈ। ਇਸ ਪਾਬੰਦੀ ਨੇ ਇਟਲੀ ਦੇ ਐਡਰਿਆਟਿਕ ਤੱਟ ਦੇ ਨੇੜੇ ਸਥਿਤ ਮੋਨਫਾਲਕੋਨ ਸ਼ਹਿਰ ਵਿੱਚ ਤਣਾਅ ਦੀ ਸਥਿਤੀ ਪੈਦਾ ਕਰ ਦਿੱਤੀ ਹੈ।
ਕਾਬਿਲੇਗੌਰ ਹੈ ਕਿ ਕਰੀਬ 30,000 ਦੀ ਆਬਾਦੀ ਵਾਲੇ ਇਸ ਸ਼ਹਿਰ ਵਿਚ ਲਗਭਗ ਇਕ ਤਿਹਾਈ ਵਸਨੀਕ ਵਿਦੇਸ਼ੀ ਹਨ। ਇਸ ਵਿੱਚ ਮੁੱਖ ਤੌਰ 'ਤੇ ਬੰਗਲਾਦੇਸ਼ੀ ਮੁਸਲਮਾਨ ਸ਼ਾਮਲ ਹਨ, ਜੋ 1990 ਦੇ ਦਹਾਕੇ ਦੇ ਅਖੀਰ ਵਿੱਚ ਇੱਥੇ ਇੱਕ ਵੱਡੇ ਸ਼ਿਪਯਾਰਡ ਵਿੱਚ ਕੰਮ ਕਰਨ ਲਈ ਆਏ ਸਨ।
ਕਿਉਂ ਲਗਾਈ ਗਈ ਪਾਬੰਦੀ ?: ਮੋਨਫਾਲਕੋਨ ਦੀ ਮੇਅਰ ਅੰਨਾ ਮਾਰੀਆ ਸਿਸਿੰਟ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਪਣੇ ਸ਼ਹਿਰ ਅਤੇ ਈਸਾਈ ਕਦਰਾਂ-ਕੀਮਤਾਂ ਦੀ ਰੱਖਿਆ ਕਰਨ ਦੀ ਲੋੜ ਹੈ। ਉਨ੍ਹਾਂ ਨੇ ਬੀਬੀਸੀ ਨੂੰ ਦੱਸਿਆ, 'ਸਾਡਾ ਇਤਿਹਾਸ ਮਿਟਾਇਆ ਜਾ ਰਿਹਾ ਹੈ। ਲੱਗਦਾ ਹੈ ਕਿ ਇਸ ਦਾ ਹੁਣ ਕੋਈ ਅਰਥ ਨਹੀਂ ਰਿਹਾ ਹੈ'।
ਕ੍ਰਿਕਟ ਗੇਂਦ ਨਾਲ ਲੱਗ ਸਕਦੀ ਸੱਟ: ਮੇਅਰ ਸਿਸੇਂਟ ਨੇ ਕਿਹਾ ਹੈ ਕਿ ਬੰਗਲਾਦੇਸ਼ੀ ਭਾਈਚਾਰੇ ਨੇ ਸ਼ਹਿਰ ਲਈ ਕੁਝ ਵੀ ਯੋਗਦਾਨ ਨਹੀਂ ਪਾਇਆ ਹੈ ਅਤੇ ਕਿਤੇ ਹੋਰ ਖੇਡਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਦਲੀਲ ਦਿੱਤੀ ਕਿ ਕ੍ਰਿਕਟ ਪਿੱਚ ਬਣਾਉਣ ਲਈ ਨਾ ਤਾਂ ਜਗ੍ਹਾ ਹੈ ਅਤੇ ਨਾ ਹੀ ਪੈਸਾ ਹੈ ਅਤੇ ਕ੍ਰਿਕਟ ਦੀ ਗੇਂਦ ਨਾਲ ਕਿਸੇ ਨੂੰ ਵੀ ਸੱਟ ਲੱਗ ਸਕਦੀ ਹੈ। ਸਿਸੇਂਟ ਨੇ ਬੀਬੀਸੀ ਨੂੰ ਦੱਸਿਆ, 'ਉਨ੍ਹਾਂ (ਬੰਗਲਾਦੇਸ਼ ਦੇ ਲੋਕਾਂ) ਨੇ ਇਸ ਸ਼ਹਿਰ ਨੂੰ, ਸਾਡੇ ਭਾਈਚਾਰੇ ਨੂੰ ਕੁਝ ਨਹੀਂ ਦਿੱਤਾ। ਉਹ ਮੋਨਫਾਲਕੋਨ ਤੋਂ ਬਾਹਰ ਕਿਤੇ ਵੀ ਜਾ ਕੇ ਕ੍ਰਿਕਟ ਖੇਡਣ ਲਈ ਸੁਤੰਤਰ ਹਨ'।
ਜਾਨੋਂ ਮਾਰਨ ਦੀਆਂ ਮਿਲ ਰਹੀਆਂ ਧਮਕੀਆਂ: ਤੁਹਾਨੂੰ ਦੱਸ ਦਈਏ ਕਿ ਅੰਨਾ ਮਾਰੀਆ ਸਿਸੰਤ ਨੂੰ ਮੁਸਲਿਮ ਵਿਰੋਧੀ ਮੰਨਿਆ ਜਾਂਦਾ ਹੈ। ਮੇਅਰ ਨੂੰ ਮੁਸਲਮਾਨਾਂ ਬਾਰੇ ਆਪਣੇ ਵਿਚਾਰਾਂ ਕਾਰਨ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਾ ਵੀ ਸਾਹਮਣਾ ਕਰਨਾ ਪੈ ਰਿਹਾ ਹੈ ਅਤੇ ਉਨ੍ਹਾਂ ਨੂੰ 24 ਘੰਟੇ ਪੁਲਿਸ ਸੁਰੱਖਿਆ ਹੇਠ ਰੱਖਿਆ ਗਿਆ ਹੈ।
- ਵਰਿੰਦਰ ਸਹਿਵਾਗ ਅਤੇ ਰੋਹਿਤ ਸ਼ਰਮਾ ਵਿੱਚੋਂ ਕੌਣ ਹੈ ਜ਼ਿਆਦਾ ਆਕਰਮਕ ਅਤੇ ਖਤਰਨਾਕ ਬੱਲੇਬਾਜ਼, ਅੰਕੜੇ ਦੇ ਰਹੇ ਨੇ ਸਪੱਸ਼ਟੀਕਰਨ - Rohit Sharma Sehwag Records
- ਪਾਕਿਸਤਾਨ ਕ੍ਰਿਕਟ 'ਚ ਇੱਕ ਹੋਰ ਭੂਚਾਲ, ਬਾਬਰ ਆਜ਼ਮ ਤੇ ਸ਼ਾਨ ਮਸੂਦ ਦੀ ਹੋਵੇਗੀ ਛੁੱਟੀ, ਜਾਣੋ ਕੌਣ ਬਣੇਗਾ ਨਵਾਂ ਕਪਤਾਨ? - Pakistan cricket team Captaincy
- ਕੀ ਹੈ ਵਿਰਾਟ ਕੋਹਲੀ ਦੀ ਫਿਟਨੈੱਸ ਦਾ ਰਾਜ਼, ਘੰਟਿਆਂ ਦੀ ਕਸਰਤ ਤੋਂ ਬਾਅਦ ਜਾਣੋ ਉਨ੍ਹਾਂ ਦਾ ਡਾਈਟ ਪਲਾਨ - Virat Kohli Diet Plan
