ਅੱਜ ਕੱਲ ਥਾਇਰਾਇਡ ਦੀ ਬਿਮਾਰੀ ਤੇਜ਼ੀ ਨਾਲ ਫੈਲ ਰਹੀ ਹੈ। ਇਸ ਬਿਮਾਰੀ ਦੌਰਾਨ ਸਿਰਫ਼ ਭਾਰ ਹੀ ਨਹੀਂ ਸਗੋਂ ਹਾਰਮੋਨ ਵੀ ਖਰਾਬ ਹੋ ਜਾਂਦੇ ਹਨ। ਥਾਇਰਾਇਡ ਗਲੈਂਡ ਸਾਡੇ ਸਰੀਰ ਵਿੱਚ ਪਾਈਆਂ ਜਾਣ ਵਾਲੀਆਂ ਸਭ ਤੋਂ ਵੱਡੀਆਂ ਐਂਡੋਕਰੀਨ ਗ੍ਰੰਥੀਆਂ ਵਿੱਚੋਂ ਇੱਕ ਹੈ। ਥਾਇਰਾਇਡ ਗਲੈਂਡ ਵਿੱਚ ਖਰਾਬੀ ਕਾਰਨ ਥਾਇਰਾਇਡ ਨਾਲ ਸਬੰਧਤ ਸਮੱਸਿਆਵਾਂ ਹੁੰਦੀਆਂ ਹਨ, ਜਿਸ ਨੂੰ ਹਾਈਪਰਥਾਇਰਾਇਡਿਜ਼ਮ ਅਤੇ ਹਾਈਪੋਥਾਈਰੋਡਿਜ਼ਮ ਕਿਹਾ ਜਾਂਦਾ ਹੈ।
ਥਾਇਰਾਇਡ ਕੀ ਹੈ?
ਥਾਇਰਾਇਡ ਗਰਦਨ ਦੇ ਅੰਦਰ ਮੌਜ਼ੂਦ ਹੁੰਦਾ ਹੈ। ਥਾਇਰਾਇਡ ਇੱਕ ਤਰ੍ਹਾਂ ਦਾ ਐਂਡੋਕਰੀਨ ਗ੍ਰੰਥੀ ਹੈ, ਜੋ ਹਾਰਮੋਨ ਦਾ ਨਿਰਮਾਣ ਕਰਦੇ ਹਨ। ਇਹ ਸਮੱਸਿਆ ਮਰਦਾਂ ਦੇ ਮੁਕਾਬਲੇ ਔਰਤਾਂ 'ਚ ਜ਼ਿਆਦਾ ਦੇਖੀ ਜਾਂਦੀ ਹੈ।
ਥਾਇਰਾਇਡ ਦੇ ਲੱਛਣ
ਥਾਇਰਾਇਡ ਦੌਰਾਨ ਕਈ ਲੱਛਣ ਨਜ਼ਰ ਆਉਂਦੇ ਹਨ, ਜਿਨ੍ਹਾਂ ਬਾਰੇ ਤੁਹਾਨੂੰ ਪਤਾ ਹੋਣਾ ਚਾਹੀਦਾ ਹੈ। ਇਹ ਲੱਛਣ ਹੇਠ ਲਿਖੇ ਅਨੁਸਾਰ ਹਨ:-
- ਵਾਲ ਝੜਨਾ
- ਖੁਸ਼ਕ ਚਮੜੀ
- ਜ਼ਿਆਦਾ ਭਾਰ ਵਧਣਾ/ਘੱਟ ਹੋਣਾ
- ਕਬਜ਼
- ਬਾਂਝਪਨ
- ਅਨਿਯਮਿਤ ਪੀਰੀਅਡਸ
- ਮੂਡ ਸਵਿੰਗ
- ਡਿਪਰੈਸ਼ਨ
- ਬਲੋਟਿੰਗ
- ਬਦਹਜ਼ਮੀ
ਥਾਇਰਾਇਡ ਤੋਂ ਰਾਹਤ ਪਾਉਣ ਲਈ ਖਾਓ ਇਹ ਚੀਜ਼ਾਂ
- ਕੱਦੂ ਦੇ ਬੀਜ: ਕੱਦੂ ਦੇ ਬੀਜ ਜ਼ਿੰਕ ਨਾਲ ਭਰਪੂਰ ਹੁੰਦੇ ਹਨ ਜੋ ਅਕਿਰਿਆਸ਼ੀਲ T4 ਨੂੰ ਕਿਰਿਆਸ਼ੀਲ T3 ਵਿੱਚ ਬਦਲਣ ਲਈ ਜ਼ਰੂਰੀ ਹੈ। ਇਸਨੂੰ ਸਨੈਕ ਦੇ ਤੌਰ 'ਤੇ ਤੁਸੀਂ ਰੋਜ਼ਾਨਾ 1 ਚਮਚ ਖਾ ਸਕਦੇ ਹੋ।
- ਸੂਰਜਮੁਖੀ ਦੇ ਬੀਜ: ਸੂਰਜਮੁਖੀ ਦੇ ਬੀਜ ਵਿਟਾਮਿਨ ਈ, ਸਿਹਤਮੰਦ ਚਰਬੀ, ਬੀ ਵਿਟਾਮਿਨ, ਤਾਂਬਾ ਅਤੇ ਹੋਰ ਖਣਿਜਾਂ ਵਰਗੇ ਐਂਟੀਆਕਸੀਡੈਂਟਸ ਦਾ ਵਧੀਆ ਸਰੋਤ ਹਨ। ਇਹ ਥਾਇਰਾਇਡ ਦੀ ਸਿਹਤ ਅਤੇ ਹੇਠਲੇ ਸੋਜ ਤੋਂ ਰਾਹਤ ਦਿਵਾਉਣ 'ਚ ਮਦਦ ਕਰਦੇ ਹਨ।
- ਆਂਵਲਾ: ਆਂਵਲਾ ਵਿਟਾਮਿਨ ਸੀ ਨਾਲ ਭਰਪੂਰ ਹੁੰਦਾ ਹੈ। ਇਸਨੂੰ ਖਾਣ ਨਾਲ ਸਭ ਤੋਂ ਵੱਧ ਵਾਲਾਂ, ਚਮੜੀ ਅਤੇ ਊਰਜਾ ਦੇ ਪੱਧਰ ਵਿੱਚ ਸੁਧਾਰ ਹੁੰਦਾ ਹੈ। ਇਸਨੂੰ ਤੁਸੀਂ ਫਲ, ਪਾਊਡਰ, ਜੂਸ, ਕੈਂਡੀ ਆਦਿ ਦੇ ਰੂਪ ਵਿੱਚ ਖਾ ਸਕਦੇ ਹੋ।
- ਮਖਾਨਾ: ਮਖਾਨਾ ਥਾਇਰਾਇਡ ਦੇ ਮਰੀਜ਼ਾਂ ਲਈ ਚੰਗਾ ਹੁੰਦਾ ਹੈ ਕਿਉਂਕਿ ਇਸ ਵਿੱਚ ਸੇਲੇਨਿਅਮ ਹੁੰਦਾ ਹੈ, ਜੋ ਥਾਇਰਾਇਡ ਨਾਲ ਸਬੰਧਤ ਮੁੱਖ ਸਮੱਸਿਆਵਾਂ ਨੂੰ ਘਟਾਉਂਦਾ ਹੈ। ਇਸਨੂੰ ਤੁਸੀਂ ਸਨੈਕ ਦੇ ਤੌਰ 'ਤੇ ਖਾ ਸਕਦੇ ਹੋ।
- ਘਿਓ: ਘਿਓ ਚਮੜੀ ਅਤੇ ਵਾਲਾਂ ਦੀ ਖੁਸ਼ਕੀ ਨੂੰ ਘਟਾਉਂਦਾ ਹੈ ਅਤੇ ਹਾਰਮੋਨ ਸੰਤੁਲਨ ਵਿੱਚ ਮਦਦ ਕਰਦਾ ਹੈ। ਇਸਨੂੰ ਤੁਸੀਂ ਰੋਜ਼ਾਨਾ ਆਪਣੇ ਭੋਜਨ ਵਿੱਚ ਸ਼ਾਮਲ ਕਰ ਸਕਦੇ ਹੋ।
- ਨਾਰੀਅਲ: ਨਾਰੀਅਲ ਥਾਇਰਾਇਡ ਦੇ ਮਰੀਜ਼ਾਂ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਇਸਨੂੰ ਤੁਸੀਂ ਖਾਣਾ ਪਕਾਉਣ ਦੇ ਤੇਲ ਦੇ ਤੌਰ 'ਤੇ, ਸਨੈਕ ਜਾਂ ਨਾਰੀਅਲ ਪਾਣੀ ਦੇ ਤੌਰ 'ਤੇ ਜਾਂ ਫਲਾਂ ਦੇ ਰੂਪ ਵਿੱਚ ਆਪਣੀ ਖੁਰਾਕ 'ਚ ਸ਼ਾਮਲ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ:-
