ਕੈਰੇਬਿਅਨ 'ਚ ਤੂਫਾਨ ਬੇਰਿਲ ਤੋਂ 1 ਮਿਲੀਅਨ ਤੋਂ ਵੱਧ ਲੋਕ ਪ੍ਰਭਾਵਿਤ: ਸੰਯੁਕਤ ਰਾਸ਼ਟਰ - Hurricane Beryl in Caribbean

United Nations: ਮਨੁੱਖੀ ਮਾਮਲਿਆਂ ਦੇ ਤਾਲਮੇਲ ਲਈ ਸੰਯੁਕਤ ਰਾਸ਼ਟਰ ਦਫ਼ਤਰ (ਓਸੀਐਚਏ) ਨੇ ਮੌਜੂਦਾ ਅਨੁਮਾਨਾਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਸੇਂਟ ਵਿਨਸੈਂਟ ਅਤੇ ਗ੍ਰੇਨਾਡਾਈਨਜ਼ ਵਿੱਚ ਲਗਭਗ 40,000 ਲੋਕ, ਗ੍ਰੇਨਾਡਾ ਵਿੱਚ 110,000 ਤੋਂ ਵੱਧ ਲੋਕ ਅਤੇ ਜਮਾਇਕਾ ਵਿੱਚ 920,000 ਲੋਕ ਪ੍ਰਭਾਵਿਤ ਹੋਏ ਹਨ। ਪੜ੍ਹੋ ਪੂਰੀ ਖਬਰ...

ਸੰਯੁਕਤ ਰਾਸ਼ਟਰ: ਸੰਯੁਕਤ ਰਾਸ਼ਟਰ ਦੇ ਮਾਨਵਤਾਵਾਦੀ ਕਰਮਚਾਰੀਆਂ ਨੇ ਕਿਹਾ ਕਿ ਕੈਰੇਬੀਅਨ ਵਿੱਚ ਤੂਫ਼ਾਨ ਬੇਰੀਲ ਨਾਲ 10 ਲੱਖ ਤੋਂ ਵੱਧ ਲੋਕ ਪ੍ਰਭਾਵਿਤ ਹੋਏ ਹਨ। ਸੰਯੁਕਤ ਰਾਸ਼ਟਰ ਦੇ ਮਨੁੱਖੀ ਮਾਮਲਿਆਂ ਦੇ ਤਾਲਮੇਲ ਲਈ ਦਫਤਰ (ਓ.ਸੀ.ਐਚ.ਏ.) ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਸੇਂਟ ਵਿਨਸੈਂਟ ਅਤੇ ਗ੍ਰੇਨਾਡੀਨਜ਼ ਵਿਚ ਤੂਫਾਨ ਨਾਲ ਲਗਭਗ 40 ਹਜ਼ਾਰ ਲੋਕ ਪ੍ਰਭਾਵਿਤ ਹੋਏ ਹਨ, ਗ੍ਰੇਨਾਡਾ ਵਿਚ 1 ਲੱਖ 10 ਹਜ਼ਾਰ ਤੋਂ ਵੱਧ ਲੋਕ ਅਤੇ 9 ਲੱਖ 20 ਹਜ਼ਾਰ ਲੋਕ ਪ੍ਰਭਾਵਿਤ ਹੋਏ।

ਸਮਾਚਾਰ ਏਜੰਸੀ ਸਿਨਹੂਆ ਦੀ ਰਿਪੋਰਟ ਮੁਤਾਬਿਕ ਹਰੀਕੇਨ ਬੇਰੀਲ ਕਾਰਨ ਹੁਣ ਤੱਕ ਘੱਟੋ-ਘੱਟ 11 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਹ ਤੂਫਾਨ ਸੋਮਵਾਰ ਨੂੰ ਗ੍ਰੇਨਾਡਾ, ਸੇਂਟ ਵਿਨਸੈਂਟ ਅਤੇ ਗ੍ਰੇਨਾਡਾਈਨਜ਼ 'ਚ ਆਇਆ ਅਤੇ ਬੁੱਧਵਾਰ ਨੂੰ ਜਮਾਇਕਾ ਨਾਲ ਟਕਰਾ ਗਿਆ। ਤੂਫਾਨ ਫਿਲਹਾਲ ਬੇਲੀਜ਼ ਅਤੇ ਮੈਕਸੀਕੋ ਨੂੰ ਪ੍ਰਭਾਵਿਤ ਕਰ ਰਿਹਾ ਹੈ।

ਇੰਟਰਨੈਸ਼ਨਲ ਆਰਗੇਨਾਈਜੇਸ਼ਨ ਫਾਰ ਮਾਈਗ੍ਰੇਸ਼ਨ ਨੇ ਕਿਹਾ ਕਿ ਤੂਫਾਨ ਨੇ ਗ੍ਰੇਨਾਡਾ ਦੇ ਕੈਰੀਕਾਉ ਅਤੇ ਪੇਟੀਟ ਮਾਰਟੀਨਿਕ ਟਾਪੂਆਂ ਨੂੰ ਭਾਰੀ ਨੁਕਸਾਨ ਪਹੁੰਚਾਇਆ ਹੈ। ਕੈਰੀਕਾਉ ਵਿੱਚ 70 ਫੀਸਦੀ ਇਮਾਰਤਾਂ ਅਤੇ ਪੇਟੀਟ ਮਾਰਟੀਨਿਕ ਵਿੱਚ 97 ਫੀਸਦੀ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਸੇਂਟ ਵਿਨਸੈਂਟ ਅਤੇ ਗ੍ਰੇਨਾਡਾਈਨਜ਼ ਦੇ ਯੂਨੀਅਨ ਟਾਪੂ 'ਤੇ 90 ਪ੍ਰਤੀਸ਼ਤ ਘਰ ਪ੍ਰਭਾਵਿਤ ਹੋਏ, ਜਦੋਂ ਕਿ ਕੈਨੁਆਨ ਟਾਪੂ 'ਤੇ ਲਗਭਗ ਸਾਰੀਆਂ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ।

ਦਫਤਰ ਨੇ ਕਿਹਾ ਕਿ ਅਸੀਂ ਤੂਫਾਨ ਬੇਰੀਲ ਕਾਰਨ ਹੋਈ ਤਬਾਹੀ ਦਾ ਮੁਲਾਂਕਣ ਕਰਨ ਅਤੇ ਜਵਾਬ ਦੇਣ ਲਈ ਅਧਿਕਾਰੀਆਂ, ਕੈਰੇਬੀਅਨ ਡਿਜ਼ਾਸਟਰ ਐਮਰਜੈਂਸੀ ਏਜੰਸੀ ਅਤੇ ਸਾਡੇ ਭਾਈਵਾਲਾਂ ਨਾਲ ਮਿਲ ਕੇ ਕੰਮ ਕਰਨਾ ਅਤੇ ਸਹਿਯੋਗ ਕਰਨਾ ਜਾਰੀ ਰੱਖਾਂਗੇ।