ਚੰਡੀਗੜ੍ਹ: ਪੰਜਾਬੀ ਗਾਇਕ ਦਿਲਜੀਤ ਦੁਸਾਂਝ ਇਸ ਸਮੇਂ ਕਾਫੀ ਚੀਜ਼ਾਂ ਨੂੰ ਲੈ ਕੇ ਚਰਚਾ ਵਿੱਚ ਹੈ, ਹਾਲ ਹੀ ਵਿੱਚ ਗਾਇਕ ਦੀ ਹਿੰਦੀ ਫਿਲਮ 'ਚਮਕੀਲਾ' ਰਿਲੀਜ਼ ਹੋਈ, ਜਿਸ ਨੇ ਦਿਲਜੀਤ ਨੂੰ ਆਪਣੀ ਪ੍ਰਸ਼ੰਸਾ ਹਾਸਲ ਕਰਵਾਈ। ਇਸ ਦੇ ਨਾਲ ਹੀ ਦਿਲਜੀਤ ਆਪਣੇ ਲਾਈਵ ਕੰਨਸਰਟਜ਼ ਨੂੰ ਲੈ ਕੇ ਕਾਫੀ ਸੁਰਖ਼ੀਆਂ ਬਟੋਰ ਰਿਹਾ ਹੈ।
ਹੁਣ ਇਸੇ ਕੰਨਸਰਟ ਤਹਿਤ ਪੰਜਾਬੀ ਗਾਇਕ ਦਿਲਜੀਤ ਖੂਬਸੂਰਤ ਸ਼ਹਿਰ ਸ਼ਿਕਾਗੋ ਪਹੁੰਚੇ ਹੋਏ ਸਨ, ਜਿੱਥੇ ਗਾਇਕ ਦੀ ਮੁਲਾਕਾਤ ਉਸ ਦੇ ਬਚਪਨ ਵਾਲੇ ਘਰ ਦੇ ਗੁਆਂਢ ਵਿੱਚ ਰਹਿੰਦੀ ਇੱਕ ਭੈਣ ਨਾਲ ਹੋਈ, ਜਿਸ ਸੰਬੰਧੀ ਆਪਣੀਆਂ ਭਾਵਨਾਵਾਂ ਵਿਅਕਤ ਕਰਦੇ ਹੋਏ ਗਾਇਕ ਨੇ ਇੰਸਟਾਗ੍ਰਾਮ ਉਤੇ ਪੋਸਟ ਅਤੇ ਫੋਟੋਆਂ ਵੀ ਪ੍ਰਸ਼ੰਸਕਾਂ ਨਾਲ ਸ਼ੇਅਰ ਕੀਤੀਆਂ।
ਇਸ ਪੋਸਟ ਨੂੰ ਸਾਂਝਾ ਕਰਦੇ ਹੋਏ ਗਾਇਕ ਨੇ ਲਿਖਿਆ, 'ਬੁੱਬੇ ਭੈਣ ਪਿੰਡ ਦੁਸਾਂਝ ਕਲਾ ਤੋਂ, ਜਨਮ ਮੈਨੂੰ ਮੇਰੇ ਮਾਤਾ-ਪਿਤਾ ਨੇ ਦਿੱਤਾ ਪਰ ਨਿੱਕੇ ਹੁੰਦੇ 8-9 ਸਾਲ ਤੱਕ ਮੈਨੂੰ ਭੈਣ ਹੁਨਾ ਨੇ ਹੀ ਪਾਲਿਆ, ਸਾਡੇ ਗੁਆਂਢ ਵਿੱਚ ਘਰ ਸੀ...ਰੋਟੀ ਨੀ ਸੀ ਖਾਂਦਾ ਹੁੰਦਾ ਮੈਂ ਮਾਂ ਦੱਸਦੀ ਸੀ...ਫਿਰ ਭੈਣ ਹੁਨਾ ਨੇ ਮੈਨੂੰ ਗੁੜ ਨਾਲ ਰੋਟੀ ਖਾਣ ਲਾਇਆ।'
- ਦਿਲਜੀਤ ਦੁਸਾਂਝ ਅਤੇ ਰੈਪਰ ਨਸੀਬ ਵਿਚਾਲੇ ਵਧਿਆ ਵਿਵਾਦ, ਨਸੀਬ ਨੇ ਗਾਇਕ ਨੂੰ ਕਿਹਾ 'ਮਿਸ ਫਰੂਟੀ' - diljit and naseeb controversy
- ਇੱਕ ਵਾਰ ਫਿਰ ਦਿਲਜੀਤ ਦੁਸਾਂਝ ਦੇ ਖਿਲਾਫ਼ ਨਸੀਬ ਨੇ ਕੱਢੀ ਆਪਣੀ ਭੜਾਸ, ਕਿਹਾ-ਤੇਰੀ ਫੇਮ ਰਾਤੋਂ ਰਾਤ ਨਿਕਲ ਜਾਣੀ ਆ... - Rapper Naseeb
- ਕਵੀ ਸੁਰਜੀਤ ਪਾਤਰ ਦੇ ਦੇਹਾਂਤ ਨਾਲ ਪੂਰੀ ਤਰ੍ਹਾਂ ਹਿੱਲਿਆ ਪੰਜਾਬੀ ਸਿਨੇਮਾ, ਦਿਲਜੀਤ ਦੁਸਾਂਝ ਤੋਂ ਲੈ ਕੇ ਕੁਲਵਿੰਦਰ ਬਿੱਲਾ ਤੱਕ ਨੇ ਪ੍ਰਗਟ ਕੀਤਾ ਦੁੱਖ - Surjit Patar Passes Away
ਗਾਇਕ ਨੇ ਅੱਗੇ ਕਿਹਾ, 'ਪਰ ਇੱਕ ਦਿਨ ਅਚਾਨਕ ਸਾਰਾ ਪਰਿਵਾਰ ਯੂਐੱਸਏ ਮੂਵ ਹੋ ਗਿਆ...ਮੈਂ ਬਹੁਤ ਕਿਹਾ ਮੈਨੂੰ ਨਾਲ ਲੈ ਜਾਓ...ਕਹਿੰਦੇ ਹਾਂ ਬੈਗ ਵਿੱਚ ਪਾ ਕੇ ਲੈ ਜਾ ਗੇ...ਮੈਨੂੰ ਲੱਗਿਆ ਸੱਚੀ ਲੈ ਜਾਣਗੇ...ਪਰ ਬੱਚਿਆਂ ਨਾਲ ਅਕਸਰ ਅਸੀਂ ਮਜ਼ਾਕ ਕਰਦੇ ਆਂ...ਜਦੋਂ ਸਾਰਾ ਪਰਿਵਾਰ ਯੂਐੱਸਏ ਚਲਾ ਗਿਆ ਮੈਂ ਬਹੁਤ ਰੋਇਆ...ਮੈਨੂੰ ਲੱਗਿਆ ਮੇਰੀ ਲਾਈਫ਼ ਹੀ ਖਤਮ ਹੋ ਗਈ, ਇਹ ਸ਼ਾਇਦ ਪਹਿਲਾਂ ਪਾਠ ਸੀ ਰਿਸ਼ਤਿਆਂ ਤੋਂ ਦੂਰ ਹੋਣ ਦਾ...ਕੱਲ੍ਹ ਸ਼ਿਕਾਗੋ ਦੇ ਸ਼ੋਅ ਉਤੇ ਆਇਆ ਸੀ, ਧੰਨਵਾਦ ਭੈਣ...ਸਾਰੇ ਪਰਿਵਾਰ ਦਾ ਦਿਲੋਂ ਧੰਨਵਾਦ ਅਤੇ ਬਹੁਤ ਸਤਿਕਾਰ।' ਇਸ ਦੇ ਨਾਲ ਹੀ ਗਾਇਕ ਦੇ ਕਾਫੀ ਭਾਵੁਕ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ, ਜਿਸ ਵਿੱਚ ਉਹ ਉਨ੍ਹਾਂ ਨੂੰ ਗਲ਼ ਲਾਉਂਦੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਗਾਇਕ ਕੋਲ ਕਾਫੀ ਸਾਰੀਆਂ ਪੰਜਾਬੀ ਅਤੇ ਹਿੰਦੀ ਫਿਲਮਾਂ ਰਿਲੀਜ਼ ਅਧੀਨ ਪਈਆਂ ਹਨ, ਜੋ ਇਸ ਸਾਲ ਰਿਲੀਜ਼ ਹੋਣ ਜਾ ਰਹੀਆਂ ਹਨ।
