ਹੈਦਰਾਬਾਦ: ਬਾਲੀਵੁੱਡ ਦੇ ਬਾਦਸ਼ਾਹ ਸ਼ਾਹਰੁਖ ਖਾਨ ਦੀ ਬੇਟੀ ਸੁਹਾਨਾ ਖਾਨ ਅੱਜ 22 ਮਈ ਨੂੰ 24 ਸਾਲ ਦੀ ਹੋ ਗਈ ਹੈ। ਸੁਹਾਨਾ ਖਾਨ ਦਾ ਜਨਮ 22 ਮਈ 2000 ਨੂੰ ਹੋਇਆ ਸੀ। ਅੱਜ ਸੁਹਾਨਾ ਖਾਨ ਦੇ ਘਰ ਖੁਸ਼ੀਆਂ ਦੀ ਲਹਿਰ ਹੈ। ਇਸ ਖਾਸ ਮੌਕੇ ਸ਼ਾਹਰੁਖ ਖਾਨ ਦੀ ਖੁਸ਼ੀ ਦੁੱਗਣੀ ਹੋ ਗਈ ਹੈ। ਇੱਕ ਪਾਸੇ ਜਿੱਥੇ ਸ਼ਾਹਰੁਖ ਖਾਨ ਦੀ ਲਾਡਲੀ ਦਾ ਜਨਮਦਿਨ ਹੈ, ਉੱਥੇ ਹੀ ਦੂਜੇ ਪਾਸੇ ਬਾਦਸ਼ਾਹ ਦੀ ਆਈਪੀਐਲ ਟੀਮ ਕੇਕੇਆਰ ਫਾਈਨਲ ਵਿੱਚ ਪਹੁੰਚ ਚੁੱਕੀ ਹੈ। ਸੁਹਾਨਾ ਖਾਨ ਦੀ ਗੱਲ ਕਰੀਏ ਤਾਂ ਉਸ ਨੂੰ ਸਟਾਰ ਕਿਡਜ਼ 'ਚੋਂ ਸਭ ਤੋਂ ਅਮੀਰ ਕਿਹਾ ਜਾਂਦਾ ਹੈ।
ਸ਼ਾਹਰੁਖ ਅਤੇ ਗੌਰੀ ਦੀ ਇਕਲੌਤੀ ਬੇਟੀ ਸੁਹਾਨਾ ਨੇ ਬਹੁਤ ਛੋਟੀ ਉਮਰ 'ਚ ਹੀ ਪ੍ਰਸ਼ੰਸਕਾਂ ਨੂੰ ਇਕੱਠਾ ਕਰ ਲਿਆ ਹੈ। ਸੁਹਾਨਾ ਘਰ ਵਿੱਚ ਇਕਲੌਤੀ ਲੜਕੀ ਹੈ ਅਤੇ ਆਰੀਅਨ ਖਾਨ ਅਤੇ ਅਬਰਾਮ ਖਾਨ ਉਸ ਦੇ ਪਿਆਰੇ ਭਰਾ ਹਨ।
ਸੁਹਾਨਾ ਖਾਨ ਨੇ ਫਿਲਮ 'ਦਿ ਆਰਚੀਜ਼' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਹੈ। ਇਸ ਦੇ ਨਾਲ ਹੀ ਗਲੈਮਰਸ ਦੁਨੀਆ ਦੀ ਗੱਲ ਕਰੀਏ ਤਾਂ ਸੁਹਾਨਾ ਖਾਨ ਤੋਂ ਅੱਗੇ ਕੋਈ ਨਜ਼ਰ ਨਹੀਂ ਆਉਂਦਾ। ਸੁਹਾਨਾ ਖਾਨ ਬਾਲੀਵੁੱਡ 'ਚ ਆਉਣ ਤੋਂ ਪਹਿਲਾਂ ਹੀ ਕਰੋੜਪਤੀ ਬਣ ਚੁੱਕੀ ਸੀ।
ਸੁਹਾਨਾ ਕੋਲ ਬਿਲਕੁਲ ਨਵੀਆਂ ਕਾਰਾਂ, ਕੱਪੜੇ, ਬੈਗ, ਸੈਂਡਲ ਦਾ ਬਹੁਤ ਵੱਡਾ ਕਲੈਕਸ਼ਨ ਹੈ। ਸੁਹਾਨਾ ਵਿਸ਼ਵ ਪ੍ਰਸਿੱਧ ਬਿਊਟੀ ਬ੍ਰਾਂਡ ਦੀ ਬ੍ਰਾਂਡ ਅੰਬੈਸਡਰ ਵੀ ਹੈ। ਸੁਹਾਨਾ ਖਾਨ ਹੁਣ ਇਨ੍ਹਾਂ ਬਿਊਟੀ ਬ੍ਰਾਂਡਸ ਦੀ ਮਸ਼ਹੂਰੀ ਕਰਕੇ ਕਰੋੜਾਂ ਰੁਪਏ ਕਮਾ ਰਹੀ ਹੈ।
- ਵੋਟਾਂ ਦੇ ਵਿਚਕਾਰ ਗੁਰਚੇਤ ਚਿੱਤਰਕਾਰ ਦੀਆਂ ਇਹਨਾਂ ਫਨੀ ਵੀਡੀਓਜ਼ ਨੇ ਖਿੱਚਿਆ ਸਭ ਦਾ ਧਿਆਨ, ਜਾਣੋ ਕੀ ਹੈ ਇਨ੍ਹਾਂ ਵਿੱਚ ਖਾਸ - Gurchet Chitarkar Funny Videos
- ਸਿੱਧੂ ਮੂਸੇਵਾਲਾ ਦੀ ਦੂਜੀ ਬਰਸੀ, ਗਾਇਕ ਦੀ ਯਾਦ ਵਿੱਚ ਇਸ ਥਾਂ ਕਰਵਾਇਆ ਜਾਵੇਗਾ ਸ੍ਰੀ ਸੁਖਮਨੀ ਸਾਹਿਬ ਦਾ ਪਾਠ - Singer Sidhu Moosewala
- ਸਿਨੇਮਾਘਰਾਂ ਵਿੱਚ ਦਸਤਕ ਦੇਣ ਲਈ ਤਿਆਰ ਹੈ ਪੰਜਾਬੀ ਫਿਲਮ 'ਨੀ ਮੈਂ ਸੱਸ ਕੁੱਟਣੀ 2', ਅੱਜ ਰਿਲੀਜ਼ ਹੋਵੇਗਾ ਟ੍ਰੇਲਰ - Ni Main Sass Kuttni 2
ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ ਸੁਹਾਨਾ ਖਾਨ ਦਾ ਨਿਊਯਾਰਕ ਵਿੱਚ ਆਪਣਾ ਆਲੀਸ਼ਾਨ ਬੰਗਲਾ ਹੈ, ਜਿਸ ਦੀ ਕੀਮਤ ਕਰੋੜਾਂ ਵਿੱਚ ਹੈ। ਧਿਆਨਯੋਗ ਹੈ ਕਿ ਸੁਹਾਨਾ ਨੇ ਮੁੰਬਈ ਦੇ ਅਲੀਬਾਗ 'ਚ ਇੱਕ ਫਾਰਮਲੈਂਡ ਖਰੀਦਿਆ ਹੈ, ਜਿਸ ਦੀ ਕੀਮਤ ਕਰੀਬ 10 ਕਰੋੜ ਰੁਪਏ ਹੈ।
ਸੁਹਾਨ ਖਾਨ ਦੀ ਕਾਰ ਕਲੈਕਸ਼ਨ ਵਿੱਚ ਰੇਂਜ ਰੋਵਰ ਅਤੇ ਲੈਂਬੋਰਗਿਨੀ ਸ਼ਾਮਲ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਕ ਫਿਲਮ ਕਰ ਚੁੱਕੀ ਸੁਹਾਨਾ ਖਾਨ ਦੀ ਕੁੱਲ ਜਾਇਦਾਦ 15 ਕਰੋੜ ਰੁਪਏ ਦੇ ਕਰੀਬ ਹੈ। ਸੁਹਾਨਾ ਖਾਨ ਮੇਗਾਸਟਾਰ ਅਮਿਤਾਭ ਬੱਚਨ ਦੇ ਦੋਹਤੇ ਅਗਸਤਿਆ ਨੰਦਾ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਦੋਵਾਂ ਨੂੰ ਕਈ ਮੌਕਿਆਂ 'ਤੇ ਇਕੱਠੇ ਦੇਖਿਆ ਗਿਆ ਹੈ।
