ਮੁੰਬਈ: ਨਾਗ ਅਸ਼ਵਿਨ ਦੀ ਫਿਲਮ 'ਕਲਕੀ 2898 AD' 27 ਜੂਨ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਹੈ ਅਤੇ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਕਰ ਰਹੀ ਹੈ। ਫਿਲਮ ਨੇ ਪਹਿਲੇ ਹਫਤੇ 'ਚ ਰਿਕਾਰਡ ਤੋੜ ਦਿੱਤੇ ਹਨ ਅਤੇ ਦੂਜੇ ਵੀਕੈਂਡ 'ਚ ਵੀ ਬਾਕਸ ਆਫਿਸ 'ਤੇ ਹਲਚਲ ਮਚਾ ਦਿੱਤੀ ਹੈ। ਫਿਲਮ ਦਾ 10 ਦਿਨਾਂ ਦਾ ਕਲੈਕਸ਼ਨ 800 ਕਰੋੜ ਰੁਪਏ ਹੈ, ਜਦਕਿ 11ਵੇਂ ਦਿਨ ਫਿਲਮ ਨੇ 900 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ।
ਦੂਜੇ ਵੀਕੈਂਡ 'ਤੇ ਫਿਲਮ ਦੀ ਕਮਾਈ: ਵਿਗਿਆਨਕ ਫਿਲਮ 'ਕਲਕੀ 2898 AD' ਨੇ ਬਾਕਸ ਆਫਿਸ 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ। ਇਸ ਮਲਟੀਸਟਾਰਰ ਫਿਲਮ ਨੇ ਬਾਕਸ ਆਫਿਸ 'ਤੇ 95 ਕਰੋੜ ਰੁਪਏ ਨਾਲ ਆਪਣਾ ਖਾਤਾ ਖੋਲ੍ਹਿਆ ਹੈ।
ਫਿਲਮ ਦੀ ਪਹਿਲੇ ਵੀਕੈਂਡ ਦੀ ਕਮਾਈ 414 ਕਰੋੜ ਰੁਪਏ ਸੀ। ਹੁਣ ਦੂਜੇ ਵੀਕੈਂਡ ਦੀ ਕਮਾਈ ਵੀ ਸਾਹਮਣੇ ਆਈ ਹੈ। ਮੀਡੀਆ ਟ੍ਰੈਕਰ ਸੈਕਨਿਲਕ ਦੇ ਅਨੁਸਾਰ ਪ੍ਰਭਾਸ-ਸਟਾਰਰ ਫਿਲਮ ਘਰੇਲੂ ਬਾਕਸ ਆਫਿਸ 'ਤੇ ਬਲਾਕਬਸਟਰ ਰਹੀ ਹੈ, ਜਿਸ ਨੇ 11ਵੇਂ ਦਿਨ ਤੱਕ 506.87 ਕਰੋੜ ਰੁਪਏ ਕਮਾਏ ਹਨ। ਫਿਲਮ ਦਾ ਵਰਲਡਵਾਈਡ ਕਲੈਕਸ਼ਨ 900 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।
'ਕਲਕੀ 2898 AD' ਨੇ ਤੋੜੇ ਕਈ ਫਿਲਮਾਂ ਦੇ ਰਿਕਾਰਡ: 'ਕਲਕੀ 2898 AD' ਨੇ ਰਿਲੀਜ਼ ਦੇ 11ਵੇਂ ਦਿਨ 40 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਦੂਜੇ ਵੀਕੈਂਡ 'ਤੇ ਫਿਲਮ ਦੇ ਕਾਰੋਬਾਰ 'ਚ ਜ਼ਬਰਦਸਤ ਉਛਾਲ ਆਇਆ ਹੈ ਅਤੇ ਇਸ ਨੇ ਬਾਕਸ ਆਫਿਸ 'ਤੇ ਸ਼ਾਨਦਾਰ ਕਲੈਕਸ਼ਨ ਕੀਤੀ ਹੈ।
- 100 ਕਰੋੜ ਦੀ ਕਮਾਈ ਕਰਨ ਤੋਂ ਕੁੱਝ ਕਦਮ ਦੂਰ ਹੈ 'ਜੱਟ ਐਂਡ ਜੂਲੀਅਟ 3', 'ਮਸਤਾਨੇ' ਸਮੇਤ ਇੰਨ੍ਹਾਂ ਫਿਲਮਾਂ ਦਾ ਤੋੜਿਆ ਰਿਕਾਰਡ - Jatt And juliet 3
- ਅਮਰਿੰਦਰ ਗਿੱਲ ਦੀ ਨਵੀਂ ਫਿਲਮ ਨਾਲ ਪਾਲੀਵੁੱਡ 'ਚ ਡੈਬਿਊ ਕਰੇਗਾ ਇਹ ਬਾਲ ਕਲਾਕਾਰ, ਅਹਿਮ ਭੂਮਿਕਾ 'ਚ ਆਵੇਗਾ ਨਜ਼ਰ - Child Actor Pukhraj Sandhu
- ਵਿਸ਼ਾਲ ਪਾਂਡੇ ਦੇ ਮਾਤਾ-ਪਿਤਾ ਨੇ ਕੀਤੀ ਇਨਸਾਫ ਦੀ ਅਪੀਲ, ਅਰਮਾਨ ਮਲਿਕ ਨੂੰ 'ਬਿੱਗ ਬੌਸ' ਤੋਂ ਬਾਹਰ ਕੱਢਣ ਦੀ ਕੀਤੀ ਮੰਗ - Bigg Boss OTT 3
'ਕਲਕੀ 2898 AD' ਨੇ ਜਵਾਨ, ਕੇਜੀਐਫ 2, ਪਠਾਨ ਵਰਗੀਆਂ ਕਈ ਫਿਲਮਾਂ ਦੇ ਰਿਕਾਰਡ ਤੋੜੇ ਹਨ। 'ਕਲਕੀ 2898 AD' ਵਿੱਚ ਪ੍ਰਭਾਸ ਨੇ ਮੁੱਖ ਭੂਮਿਕਾ ਨਿਭਾਈ ਹੈ, ਉਨ੍ਹਾਂ ਦੇ ਨਾਲ ਦੀਪਿਕਾ ਪਾਦੂਕੋਣ, ਅਮਿਤਾਭ ਬੱਚਨ, ਕਮਲ ਹਾਸਨ ਨੇ ਫਿਲਮ ਵਿੱਚ ਵਿਸ਼ੇਸ਼ ਭੂਮਿਕਾਵਾਂ ਨਿਭਾਈਆਂ ਹਨ। ਵਿਜੇ ਦੇਵਰਕੋਂਡਾ ਅਤੇ ਦੁਲਕਰ ਸਲਮਾਨ ਨੇ ਫਿਲਮ ਵਿੱਚ ਸ਼ਾਨਦਾਰ ਕੈਮਿਓ ਕੀਤਾ ਹੈ। ਇਹ ਫਿਲਮ 27 ਜੂਨ ਨੂੰ ਹਿੰਦੀ, ਤਾਮਿਲ, ਤੇਲਗੂ, ਮਲਿਆਲਮ ਅਤੇ ਕੰਨੜ 'ਚ ਰਿਲੀਜ਼ ਹੋਈ ਹੈ।
