ਫਰੀਦਕੋਟ: ਪੰਜਾਬੀ ਅਤੇ ਹਿੰਦੀ ਮਿਊਜ਼ਿਕ ਵੀਡੀਓਜ਼ ਦੇ ਖੇਤਰ ਵਿੱਚ ਚਰਚਿਤ ਚਿਹਰੇ ਵਜੋ ਸਫ਼ਲ ਰਹਿ ਚੁੱਕੇ ਮਾਡਲ ਜਤਿੰਦਰ ਸਿੰਘ ਬਿੱਲਾ ਹੁਣ ਸਿਨੇਮਾਂ ਦੀ ਦੁਨੀਆ ਵਿੱਚ ਵੀ ਮਜ਼ਬੂਤ ਪੈੜਾ ਸਿਰਜਣ ਵੱਲ ਕਦਮ ਵਧਾ ਚੁੱਕੇ ਹਨ। ਜਤਿੰਦਰ ਸਿੰਘ ਬਿੱਲਾ ਹਾਲ ਹੀ ਵਿੱਚ ਐਲਾਨੀ ਗਈ ਪੰਜਾਬੀ ਫ਼ਿਲਮ 'ਇੱਕ ਪਿੰਡ ਪੰਜਾਬ ਦਾ' ਰਾਹੀਂ ਡੈਬਿਊ ਕਰਨਗੇ। ਇਹ ਫਿਲਮ ਜਲਦ ਹੀ ਆਨ ਫਲੌਰ ਪੜਾਅ ਦਾ ਹਿੱਸਾ ਬਣਨ ਜਾ ਰਹੀ ਹੈ।
'ਲਾਈਟ ਕੈਮਰਾ ਐਕਸ਼ਨ' ਦੇ ਬੈਨਰ ਹੇਠ ਬਣਾਈ ਜਾਣ ਵਾਲੀ ਇਸ ਫ਼ਿਲਮ ਦਾ ਨਿਰਮਾਣ ਐਡੋਵੈਕੇਟ ਐਸ.ਐਸ.ਮਾਨ, ਗੁਰਵਿੰਦਰ ਸਿੰਘ ਅਤੇ ਰਾਜੇਸ਼ ਮਨਜਾਨੀਆਂ ਕਰਨ ਜਾ ਰਹੇ ਹਨ ਜਦਕਿ ਲੇਖ਼ਣ ਅਤੇ ਨਿਰਦੇਸ਼ਨ ਦੀ ਕਮਾਂਡ ਕਰਨ ਸਿੰਘ ਮਾਨ ਸੰਭਾਲਣਗੇ, ਜੋ ਖੁਦ ਇਸ ਫ਼ਿਲਮ ਨਾਲ ਪਾਲੀਵੁੱਡ 'ਚ ਬਤੌਰ ਨਿਰਦੇਸ਼ਕ ਇੱਕ ਸ਼ਾਨਦਾਰ ਆਗਾਜ਼ ਵੱਲ ਵਧਣਗੇ।
ਪਰਿਵਾਰਿਕ ਤਾਣੇ ਬਾਣੇ ਵਿੱਚ ਬੁਣੀ ਜਾਣ ਵਾਲੀ ਅਤੇ ਪੁਰਾਤਨ ਪੰਜਾਬ ਦੇ ਅਸਲ ਰੰਗਾਂ ਦੀ ਤਰਜ਼ਮਾਨੀ ਕਰਦੀ ਇਸ ਫ਼ਿਲਮ ਦੇ ਪ੍ਰੋਜੈਕਟ ਹੈੱਡ ਅਮਿਤ ਦਿਵੇਦੀ ਹਨ। ਇਸ ਫਿਲਮ 'ਚ ਜਤਿੰਦਰ ਸਿੰਘ ਬਿੱਲਾ ਲੀਡ ਹੀਰੋ ਵਜੋਂ ਨਜ਼ਰ ਆਉਣਗੇ। ਇਨ੍ਹਾਂ ਤੋਂ ਇਲਾਵਾ ਹੋਰਨਾਂ ਕਲਾਕਾਰਾਂ ਦੀ ਗੱਲ ਕਰੀਏ ਤਾਂ ਇੰਨਾਂ ਵਿੱਚ ਸਰਬਜੀਤ ਸਿੰਘ ਅਤੇ ਅਮਨ ਭਾਰਦਵਾਜ ਵੀ ਸ਼ਾਮਲ ਹਨ।
ਜਤਿੰਦਰ ਸਿੰਘ ਬਿੱਲਾ ਇਸ ਫਿਲਮ ਵਿੱਚ ਕਾਫ਼ੀ ਚੁਣੌਤੀਪੂਰਨ ਰੋਲ ਦੁਆਰਾ ਦਰਸ਼ਕਾਂ ਅਤੇ ਆਪਣੇ ਚਾਹੁਣ ਵਾਲਿਆ ਸਨਮੁੱਖ ਹੋਣਗੇ। ਅਪਣੀ ਇਸ ਨਵੀਂ ਅਤੇ ਪ੍ਰਭਾਵਸ਼ਾਲੀ ਪਾਰੀ ਨੂੰ ਲੈ ਕੇ ਜਤਿੰਦਰ ਸਿੰਘ ਕਾਫ਼ੀ ਉਤਸ਼ਾਹਿਤ ਨਜ਼ਰ ਆ ਰਹੇ ਹਨ। ਹਾਲ ਹੀ ਵਿੱਚ ਸਾਹਮਣੇ ਆਏ ਕਈ ਸ਼ਾਨਦਾਰ ਸੰਗ਼ੀਤਕ ਵੀਡੀਓਜ਼ ਦਾ ਹਿੱਸਾ ਰਹੇ ਇਹ ਹੋਣਹਾਰ ਮਾਡਲ ਅਤੇ ਅਦਾਕਾਰ ਕਈ ਉਭਰਦੇ ਗਾਇਕਾ ਦੇ ਮਿਊਜ਼ਿਕ ਵੀਡੀਓਜ਼ ਨੂੰ ਚਾਰ ਚੰਨ੍ਹ ਲਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾ ਚੁੱਕੇ ਹਨ। ਜਤਿੰਦਰ ਸਿੰਘ ਬਿੱਲਾ ਦੇ ਗਾਣਿਆਂ ਵਿੱਚ ਗਾਇਕਾ ਅਰਪਿਤਾ ਬਾਂਸਲ ਦਾ 'ਪਾਕਿਸਤਾਨੀ ਜੁੱਤੀ', ਅਮਨ ਖਾਨ ਦਾ 'ਅਸ਼ਕ ਕੈਸੇ ਛਪਾਓਗੀ', ਆਲਮਗੀਰ ਖਾਨ ਅਤੇ ਮਮਤਾ ਸਿੰਘ ਦਾ 'ਤੇਰੇ ਬਿਨ੍ਹਾਂ ਜੀਨਾ ਨਹੀਂ' ਆਦਿ ਸ਼ਾਮਲ ਹਨ।
ਇਹ ਵੀ ਪੜ੍ਹੋ:-
