ਚੰਡੀਗੜ੍ਹ: ਪੰਜਾਬੀ ਫਿਲਮਾਂ ਲਈ ਅਲਹਦਾ ਫਿਲਮਾਂ ਬਣਾਉਣ ਦੇ ਜਾਰੀ ਸਿਲਸਿਲੇ ਨੂੰ ਹੋਰ ਹੁਲਾਰਾ ਦੇਣ ਜਾ ਰਹੀ ਹੈ, ਸਾਹਮਣੇ ਆਉਣ ਜਾ ਰਹੀ ਫਿਲਮ 'ਹਸਰਤ', ਜੋ ਓਟੀਟੀ ਪਲੇਟਫ਼ਾਰਮ ਉਪਰ ਜਲਦ ਸਟ੍ਰੀਮ ਹੋਣ ਜਾ ਰਹੀ ਹੈ। ਮੇਨ ਸਟ੍ਰੀਮ ਸਿਨੇਮਾ ਸਾਂਚੇ ਤੋਂ ਲਾਂਭੇ ਹੱਟ ਕੇ ਬਣਾਈ ਗਈ ਇਸ ਅਰਥ-ਭਰਪੂਰ ਫਿਲਮ ਦਾ ਨਿਰਦੇਸ਼ਨ ਦੇਵੀ ਸ਼ਰਮਾ ਵੱਲੋਂ ਕੀਤਾ ਗਿਆ ਹੈ, ਜੋ ਇਸ ਤੋਂ ਪਹਿਲਾਂ ਵੀ ਕਈ ਚਰਚਿਤ ਪੰਜਾਬੀ ਫਿਲਮਾਂ ਦਾ ਨਿਰਦੇਸ਼ਨ ਕਰ ਚੁੱਕੇ ਹਨ।
ਮਾਲਵਾ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਫਿਲਮਾਂਈ ਗਈ ਉਕਤ ਫਿਲਮ ਦੀ ਸਟਾਰ-ਕਾਸਟ ਵਿੱਚ ਲਖਵਿੰਦਰ ਲੱਖਾ, ਪ੍ਰਭ ਗਰੇਵਾਲ, ਹਰਜੀਤ ਵਾਲੀਆ, ਸ਼ੁਸ਼ਮਾ ਪ੍ਰਸ਼ਾਂਤ ਆਦਿ ਸ਼ੁਮਾਰ ਹਨ। 'ਯੈੱਸ ਮੈਨ ਫਿਲਮਜ਼', 'ਲੈਵਿਡ ਸਟੂਡਿਓਜ਼' ਅਤੇ ਨਿਰਮਾਤਾ ਸੌਰਵ ਕੇ ਸੁਨੇਜਾ ਵੱਲੋਂ ਪੇਸ਼ ਕੀਤੀ ਜਾ ਰਹੀ ਇਹ ਪਰਿਵਾਰਿਕ ਡ੍ਰਾਮਾ ਫਿਲਮ ਨਵੇਂ ਵਰ੍ਹੇ ਦੇ ਸ਼ੁਰੂਆਤੀ ਮਹੀਨੇ ਜਨਵਰੀ 2025 ਨੂੰ ਓਟੀਟੀ ਪਲੇਟਫ਼ਾਰਮ 'ਤੇ ਸਟ੍ਰੀਮ ਹੋਣ ਜਾ ਰਹੀ ਹੈ।
ਪੰਜਾਬ ਦੇ ਮਾਲਵਾ ਖੇਤਰ ਅਧੀਨ ਆਉਂਦੇ ਜ਼ਿਲ੍ਹੇ ਬਠਿੰਡਾ ਅਤੇ ਇਸ ਦੇ ਲਾਗਲੇ ਇਲਾਕਿਆਂ ਵਿੱਚ ਫਿਲਮਾਈ ਗਈ ਇਸ ਫਿਲਮ ਵਿੱਚ ਲੀਡਿੰਗ ਰੋਲ ਵਿਚ ਨਜ਼ਰ ਆਉਣਗੇ ਬਹੁ-ਪੱਖੀ ਅਦਾਕਾਰ ਲਖਵਿੰਦਰ ਲੱਖਾ, ਜੋ ਹਾਲ ਹੀ ਵਿੱਚ ਆਈ ਅਤੇ ਦੇਵੀ ਸ਼ਰਮਾ ਦੁਆਰਾ ਹੀ ਨਿਰਦੇਸ਼ਿਤ ਕੀਤੀ 'ਜੱਟੀ 15 ਮੁਰੱਬਿਆਂ ਵਾਲੀ' ਦਾ ਵੀ ਪ੍ਰਭਾਵੀ ਹਿੱਸਾ ਰਹੇ ਹਨ, ਜਿਸ ਤੋਂ ਇਲਾਵਾ ਸੋਹਾ ਅਲੀ ਖਾਨ ਦੀ ਪੀਰੀਅਡ ਡਰਾਮਾ ਫਿਲਮ '31 ਅਕਤੂਬਰ' ਵਿੱਚ ਉਨ੍ਹਾਂ ਦੀ ਭੂਮਿਕਾ ਨੂੰ ਦਰਸ਼ਕਾਂ ਵੱਲੋਂ ਕਾਫ਼ੀ ਸਰਾਹਿਆ ਗਿਆ।
ਓਧਰ ਜੇਕਰ ਇਸ ਆਫ ਬੀਟ ਫਿਲਮ ਨੂੰ ਲੈ ਕੇ ਮੁੜ ਚਰਚਾ ਦਾ ਕੇਂਦਰ ਬਣੇ ਨਿਰਦੇਸ਼ਕ ਦੇਵੀ ਸ਼ਰਮਾ ਵੱਲੋਂ ਹੁਣ ਤੱਕ ਬਣਾਈਆਂ ਗਈਆਂ ਅਤੇ ਨਿਰਦੇਸ਼ਿਤ ਕੀਤੀਆਂ ਫਿਲਮਾਂ ਦੀ ਗੱਲ ਕੀਤੀ ਜਾਵੇ ਤਾਂ ਇੰਨ੍ਹਾਂ ਵਿੱਚ 'ਦੁੱਲਾ ਵੈਲੀ', 'ਕੰਟਰੀ ਸਾਈਡ ਗੁੰਡੇ' ਅਤੇ 'ਹਵੇਲੀ ਇਨ ਟ੍ਰਬਲ' ਆਦਿ ਸ਼ਾਮਿਲ ਰਹੀਆਂ ਹਨ।
ਇਹ ਵੀ ਪੜ੍ਹੋ:
- ਵੱਡੀ ਬਾਲੀਵੁੱਡ ਫਿਲਮ ਦਾ ਹਿੱਸਾ ਬਣੀ ਪੰਜਾਬੀ ਅਦਾਕਾਰਾ ਸਵਿਤਾ ਧਵਨ, ਗੁਰੂ ਕੀ ਨਗਰੀ 'ਚ ਜ਼ੋਰਾਂ-ਸ਼ੋਰਾਂ ਨਾਲ ਜਾਰੀ ਹੈ ਫਿਲਮ ਦੀ ਸ਼ੂਟਿੰਗ
- ਆਖ਼ਰ ਕਿਉਂ ਚੰਡੀਗੜ੍ਹ ਵਿੱਚ ਲਾਈਵ ਸ਼ੋਅ ਕਰਨ ਤੋਂ ਕੰਨੀ ਕਤਰਾ ਰਹੇ ਨੇ ਗਾਇਕ, ਸਾਹਮਣੇ ਆਇਆ ਇਹ ਹੈਰਾਨ ਕਰ ਦੇਣ ਵਾਲਾ ਕਾਰਨ
- 'ਸ਼ਕਤੀਮਾਨ' ਫੇਮ ਮੁਕੇਸ਼ ਖੰਨਾ ਦੇ ਇਸ ਬਿਆਨ ਉਤੇ ਸ਼ਰੇਆਮ ਭੜਕੀ ਸੋਨਾਕਸ਼ੀ ਸਿਨਹਾ, ਬੋਲੀ-ਅਗਲੀ ਵਾਰ ਮੇਰੀ...
