ਮੁੰਬਈ (ਬਿਊਰੋ): ਹਾਲ ਹੀ 'ਚ ਸਾਬਕਾ ਕ੍ਰਿਕਟਰ ਸੰਜੇ ਬਾਂਗਰ ਦੇ ਬੇਟੇ ਆਰੀਅਨ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਲਿੰਗ ਬਦਲਾਅ ਦੀ ਵੀਡੀਓ ਸ਼ੇਅਰ ਕਰਕੇ ਹਲਚਲ ਮਚਾ ਦਿੱਤੀ ਹੈ। ਆਰੀਅਨ ਨੇ ਹਾਰਮੋਨ ਰਿਪਲੇਸਮੈਂਟ ਸਰਜਰੀ ਕਰਵਾਈ ਹੈ, ਜਿਸ ਤੋਂ ਬਾਅਦ ਉਹ ਆਰੀਅਨ ਤੋਂ ਅਨਾਇਆ ਬਣ ਗਿਆ ਹੈ।
ਇਸ ਬਦਲਾਅ ਦੀ ਵੀਡੀਓ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ ਹੈ, ਜਿਸ ਤੋਂ ਬਾਅਦ ਇਸ ਵੀਡੀਓ ਨੇ ਇੰਟਰਨੈੱਟ 'ਤੇ ਹਲਚਲ ਮਚਾ ਦਿੱਤੀ ਹੈ। ਪਰ ਇਹ ਪਹਿਲੀ ਵਾਰ ਨਹੀਂ ਹੈ, ਜਦੋਂ ਕਿਸੇ ਮਸ਼ਹੂਰ ਸੈਲੇਬਸ ਨੇ ਆਪਣਾ ਲਿੰਗ ਬਦਲਿਆ ਹੈ, ਬਲਕਿ ਸਿਨੇਮਾ ਜਗਤ ਵਿੱਚ ਕਈ ਨਾਮ ਹਨ, ਜਿਨ੍ਹਾਂ ਨੇ ਇਸਨੂੰ ਅਪਣਾਇਆ ਹੈ। ਆਓ ਜਾਣਦੇ ਹਾਂ ਇਹ ਸਿਤਾਰੇ ਕੌਣ ਹਨ।
ਸਾਇਸ਼ਾ ਸ਼ਿੰਦੇ
ਸਾਇਸ਼ਾ ਸ਼ਿੰਦੇ, ਜਿਸਨੂੰ ਪਹਿਲਾਂ ਸਵਪਨਿਲ ਸ਼ਿੰਦੇ ਵਜੋਂ ਜਾਣਿਆ ਜਾਂਦਾ ਸੀ, ਉਸ ਨੇ 2021 ਵਿੱਚ ਇੱਕ ਟ੍ਰਾਂਸ ਵੂਮੈਨ ਵਜੋਂ ਆਪਣੀ ਪਛਾਣ ਪ੍ਰਗਟ ਕੀਤੀ ਅਤੇ ਲਿੰਗ ਤਬਦੀਲੀ ਦੀ ਸਰਜਰੀ ਕਰਵਾਈ। ਸਾਇਸ਼ਾ ਇੱਕ ਸ਼ਾਨਦਾਰ ਫੈਸ਼ਨ ਡਿਜ਼ਾਈਨਰ ਹੈ, ਉਸਨੇ ਆਪਣੇ ਕੰਮ ਨਾਲ ਫੈਸ਼ਨ ਇੰਡਸਟਰੀ ਵਿੱਚ ਇੱਕ ਵੱਖਰੀ ਪਛਾਣ ਬਣਾਈ ਹੈ। ਉਸ ਨੇ ਵੀ ਆਪਣੇ ਆਪ ਨੂੰ ਪਛਾਣ ਲਿਆ ਅਤੇ ਇਸੇ ਲਈ ਉਹ ਆਪਣਾ ਲਿੰਗ ਬਦਲ ਕੇ ਸਵਪਨਿਲ ਤੋਂ ਸਾਇਸ਼ਾ ਬਣ ਗਈ।
ਬੌਬੀ ਡਾਰਲਿੰਗ
'ਤਾਲ', 'ਮੈਂ ਦਿਲ ਤੁਝਕੋ ਦੀਆ', 'ਕਯਾ ਕੂਲ ਹੈਂ ਹਮ' ਵਰਗੀਆਂ ਫਿਲਮਾਂ ਵਿੱਚ ਨਜ਼ਰ ਆਏ ਬੌਬੀ ਡਾਰਲਿੰਗ ਨੇ ਵੀ ਆਪਣਾ ਲਿੰਗ ਬਦਲਿਆ ਹੋਇਆ ਹੈ। ਪੰਕਜ ਸ਼ਰਮਾ ਦੇ ਰੂਪ ਵਿੱਚ ਪੈਦਾ ਹੋਏ ਬੌਬੀ ਡਾਰਲਿੰਗ ਨੇ ਆਪਣੀ ਪਛਾਣ ਇੱਕ ਟਰਾਂਸਵੂਮੈਨ ਵਜੋਂ ਕੀਤੀ ਅਤੇ 2010 ਵਿੱਚ ਆਪਣਾ ਲਿੰਗ ਬਦਲਿਆ। ਛੋਟੀ ਉਮਰ ਵਿੱਚ ਲਿੰਗ ਤਬਦੀਲੀ ਕਾਰਨ ਉਸ ਨੂੰ ਕਾਫੀ ਵਿਰੋਧ ਦਾ ਸਾਹਮਣਾ ਕਰਨਾ ਪਿਆ।
ਗੌਰੀ ਅਰੋੜਾ
ਗੌਰਵ ਅਰੋੜਾ ਦੇ ਰੂਪ ਵਿੱਚ ਜਨਮੀ ਗੌਰੀ ਅਰੋੜਾ ਨੇ 2016 ਵਿੱਚ ਲਿੰਗ ਬਦਲਣ ਦੀ ਸਰਜਰੀ ਦਾ ਐਲਾਨ ਕੀਤਾ ਸੀ। ਗੌਰੀ ਸਪਲਿਟਸਵਿਲਾ ਸੀਜ਼ਨ 8 ਵਿੱਚ ਪ੍ਰਤੀਯੋਗੀ ਸੀ। ਸ਼ੋਅ ਵਿੱਚ ਉਸਨੇ ਆਪਣੇ ਆਪ ਨੂੰ ਬਾਇਸੈਕਸੁਅਲ ਦੱਸਿਆ ਅਤੇ ਆਪਣਾ ਲਿੰਗ ਬਦਲ ਲਿਆ। ਉਸ ਨੇ ਕਿਹਾ ਕਿ ਉਹ ਇਸ ਭਾਈਚਾਰੇ ਲਈ ਰੋਲ ਮਾਡਲ ਬਣਨਾ ਚਾਹੁੰਦੀ ਹੈ।
ਨਿੱਕੀ ਚਾਵਲਾ
ਭਾਰਤ ਦੀ ਪਹਿਲੀ ਟਰਾਂਸਜੈਂਡਰ ਮਾਡਲ ਨਿੱਕੀ ਚਾਵਲਾ ਨੇ 2009 ਵਿੱਚ ਆਪਣੀ ਪਛਾਣ ਇੱਕ ਟਰਾਂਸਜੈਂਡਰ ਵਜੋਂ ਕੀਤੀ ਸੀ। ਉਹ ਕਈ ਅੰਤਰਰਾਸ਼ਟਰੀ ਰੈਂਪ ਸ਼ੋਅ ਅਤੇ ਰਿਐਲਿਟੀ ਸ਼ੋਅ ਦਾ ਹਿੱਸਾ ਰਹਿ ਚੁੱਕੀ ਹੈ। ਉਹ ਆਪਣੇ ਵਰਗੇ ਹੋਰ ਲੋਕਾਂ ਦੀ ਮਦਦ ਕਰਨਾ ਚਾਹੁੰਦੀ ਹੈ।
ਗ਼ਜ਼ਲ ਧਾਲੀਵਾਲ
ਕਹਾਣੀਕਾਰ ਅਤੇ ਅਦਾਕਾਰਾ ਗ਼ਜ਼ਲ ਧਾਲੀਵਾਲ ਨੇ 20 ਸਾਲ ਦੀ ਉਮਰ ਵਿੱਚ ਆਪਣਾ ਲਿੰਗ ਬਦਲ ਲਿਆ ਸੀ। ਗ਼ਜ਼ਲ ਨੇ 'ਏਕ ਲੜਕੀ ਕੋ ਦੇਖਾ ਤੋਂ ਐਸਾ ਲੱਗਾ' ਫਿਲਮ ਦੇ ਡਾਇਲਾਗ ਲਿਖੇ ਹਨ। ਗ਼ਜ਼ਲ ਨੇ 'ਲਿਪਸਟਿਕ ਅੰਡਰ ਮਾਈ ਬੁਰਕਾ' ਦੇ ਡਾਇਲਾਗ ਵੀ ਲਿਖੇ ਹਨ। ਉਹ LGBTQ ਭਾਈਚਾਰੇ ਦੀ ਇੱਕ ਕਾਰਕੁਨ ਵੀ ਹੈ। ਉਸਨੇ ਆਮਿਰ ਖਾਨ ਦੇ ਟਾਕ ਸ਼ੋਅ ਸੱਤਿਆਮੇਵ ਜਯਤੇ ਵਿੱਚ ਵੀ ਹਿੱਸਾ ਲਿਆ ਸੀ।
ਅੰਜਲੀ ਅਮੀਰ
ਅੰਜਲੀ ਅਮੀਰ ਪਹਿਲੀ ਟਰਾਂਸਜੈਂਡਰ ਅਦਾਕਾਰਾ ਹੈ, ਜਿਸ ਨੇ ਕਿਸੇ ਫਿਲਮ ਵਿੱਚ ਮੁੱਖ ਭੂਮਿਕਾ ਨਿਭਾਈ ਸੀ, ਉਸ ਦਾ ਜਨਮ ਜਮਸ਼ੀਰ ਦੇ ਰੂਪ ਵਿੱਚ ਹੋਇਆ ਸੀ। ਅੰਜਲੀ ਅਮੀਰ ਦਾ ਜਨਮ 4 ਨਵੰਬਰ 1995 ਨੂੰ ਕੋਜ਼ੀਕੋਡ, ਕੇਰਲਾ, ਭਾਰਤ ਵਿੱਚ ਹੋਇਆ ਸੀ।
ਇਹ ਵੀ ਪੜ੍ਹੋ:
